Erkin Vohidov ijodi

😢 Шахснинг сурати ва сийрати гапирган гаплари амалида намоён бўлишида кўринади. Баҳодир ака Исо сурати ва сийрати покмадон инсон эдилар... https://youtu.be/_HfSNIOY_V8?si=2hKaxd6XKBqu0sKO

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com

Ақл гимнастикаси ва ижод уйғунлиги! (+видео)

Халқаро шахмат академиясида Ўзбекистон Қаҳрамони Эркин Воҳидов хотирасига бағишланган шахмат турнири бўлиб ўтди. Тадбирнинг очилиш маросимида таъкидланганидек, замонавий ўзбек миллий адабиётининг ёрқин юлдузларидан бири Эркин Воҳидов ижодий фаолиятида шахмат ўйини ҳам алоҳида ўрин тутган. Устоз ҳамиша ақл гимнастикасига вақт ажратганлар ва шахмат ҳақида шеър ҳам ёзганлар.

📽 https://youtu.be/pfNVByUgq8s

Батафсил: https://uza.uz/posts/690105

Тelegram  | Facebook | Instagram | YouTubе

💫 ЎЗБЕКИСТОН ҚАХРАМОНИ  ЭРКИН ВОХИДОВГА   БАҒИШЛАНГАН ШЕЪР

🌊 (ДЕНГИЗДАГИ ШАХМАТ ЎЙИНИ ЁКИ БИТТА  ОРТИҚ ПИЁДА ҲАҚИДА) ♟

Кемамиз бир ойлик сафар сўнгида
Ўрта Ер- денгизи бўйлаб борарди.
Сув ости тоғлари чапу ўнгида
Қора ўркач тиклаб тўлқин ёрарди.

Биз-ку, денгиздамиз. Кўкдан боқилса,
Шахмат доналарга ўхшар бу тошлар.
Тарихда шу уммон узра, алқисса,
Порлаган, учгандир неча қуёшлар.

Эртак кўп юнонлар қавми ҳақида,
Язон, Прометей излари шунда.
Балки Атлантида – еттинчи қитъа
Шу жойда йўқ бўлиб кетган очундан.

Денгиз нотинч эди.
                                     Лекин кун очиқ,
Очиқ палубада кетарди ўйин.
Тахта устида ҳам ҳислар қоришиқ –
Ҳар юриш човуткор соларди тўлқин.

Сўзсиз, бу ойинга мухлис кўп жуда,
Шахмат – Осиёнинг илк ҳаёт тарзи.
Неча ўзгарар шу мўъжаз тахтада
Шоҳнинг орзулари, гадонинг арзи...

Аммо бир ишқибоз, тинмай чакаги,
Ўйинни шанғиллаб тахлил этарди.
Жимжит дона сурган Эркин акага.
Ҳадеб ўз майлини таклиф этарди.

“Нега муни юрдинг?”, “Ҳов, муни ҳайда!..”
“Анавини нега урмадинг, аттанг...”
“Шахмат кўрганмисан ўзи ҳеч жойда?..”
Хуллас, асабларни қилди тору танг.

Сал ўтмай навбат-ку бошқада эди,
Шоир таклиф этди ҳалиги зотни.
Ўн етти юришда мот қилди, деди:
“Бўкирмай ўйнашар бизда шахматни!..”

Каж одам. Бозиллаб, ўч, беқаноат,
Шиор , иборалар ижодкори, сур,
“Яна битта...” деди.
                                   Тағин бўлди мот.
Шоир эса ҳамон сипо ва мағрур.

Мағлуб жон тинмасди: “Сал халал берди
Битта пиёдангнинг ортиқчалиги...”
Бахс тинди.
                      Дилимга лекин ғув кирди
Бўлак, таҳликали ўйлар ҳадиги.

Ул зот тинчимайди: Бекиниб олиб,
Ажабмас, ҳаётга бурса ўйинни,
Шоҳу сиполарни терс ишга солиб,
Ёзса кўкрагида қолган тугунни!

Доналар қутида.
                                 Денгиз – девона.
Тошларга аламли сапчир, ваҳм уриб.
Ер нотинч.
                     Кун билан тун сурар дона.
Гоҳи бири ғолиб, гоҳ бири мағлуб...

Оқ кемамиз – ўша пиёда магар,
Қора тошлар аро ўтарди шитоб.
Уни гоҳ тўлқинлар, гоҳ таг оқимлар
Бошқа йўлга солмоқ бўларди шу тоб.

Кўп машкул майдон бу...
                                      Устозлар шундай
Жангдалар оқ, нурли ирода бўлиб.
Мен шулар сафида бўлмоқ истайман,
   Сўнгги,
                 битта,
                             зарур пиёда бўлиб!

✍ Ўзбекистон халқ шоири Омон Матжон

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com