Shakirov Elyor - HR

#Кадровик
Иш берувчилар томонидан ходимни ишга олишда йўл қўйиладиган яна бир хатолик тўғрисида.

Бола парваришлаш таътилига чиққан ходимнинг ўрнига бошқа ходим олишда аксарият иш берувчилар бу ходим билан меҳнат шартномасини номуайян муддатга тузиб қўяди. Бу қонун бўйича хато. МКнинг 112-моддаси биринчи қисми 1-бандида меҳнат тўғрисидаги қонунчиликка ва меҳнат ҳақидаги бошқа ҳуқуқий ҳужжатларга, меҳнат шартномасига мувофиқ иш жойи ўзида сақланиб қоладиган, йўқ бўлган ходимнинг мажбуриятларини бажариш вақти учун ходим билан муддатли меҳнат шартномаси тузилиши белгиланган.

Агар иш берувчи бола парваришлаш таътилига чиққан ходимнинг ўрнига олинган ходим билан номуайян муддатга меҳнат шартномаси тузган тақдирда ходим ишга қайтган тақдирда ўрнида ишлаётган ходимни ишдан бўшатишда муаммо бўлиши тайин.

Агар ходим билан муддатли меҳнат тузилган тақдирда МКнинг 158-моддаси билан меҳнат шартномасини бекор қилиш мумкин, гарчи ўрнида ишлаётган ходим ҳомиладор ёки 3 ёшга тўлмаган боласи бўлган тақдирда ҳам. Чунки МКнинг 158-моддаси 3-қисмига кўра иш жойи (лавозими) сақланаётган ходимнинг йўқ бўлган вақтига тузилган меҳнат шартномаси ушбу ходим ишга қайтган кундан эътиборан бекор қилинади.

Шуни айтиб ўтиш керакки, аёлнинг ҳомиладорлиги даврида муддатли меҳнат шартномасининг муддати тугаган тақдирда, иш берувчи аёлнинг ёзма аризасига биноан ва ҳомиладорлик ҳолатини тасдиқловчи тиббий маълумотнома тақдим этилган тақдирда, меҳнат шартномасининг амал қилиш муддатини ҳомиладорлик тугагунига қадар, унга ҳомиладорлик ва туғиш таътили берилган тақдирда эса бундай таътилнинг охирига қадар узайтириши шарт (МК 408-м-2қ)

❗️Эндиликда 11,25 млн сўмдан юқори пул ўтказмалари қатъий назоратда бўлади

2025 йил 2 июлдан бошлаб тўлов тизимлари, электрон пуллар ва тўлов ташкилотлари фаолияти устидан назорат кучайтирилади.

Бу ҳақда Марказий банк ва Бош прокуратура ҳузуридаги Иқтисодий жиноятларга қарши курашиш департаменти қарор қабул қилди.

Янги тартибга кўра:
➖ агар жисмоний шахс тўлов ташкилоти иловасида аккаунт очмоқчи бўлса;

➖ электрон терминал (E-POS) орқали фаолият бошламоқчи бўлса;

➖ 187,5 миллион сўмдан кўп операцияни аккаунтсиз амалга оширмоқчи бўлса;

➖ ёки мижоз ҳақидаги маълумотлар шубҳали бўлса — ташкилот мижозни текшириши шарт бўлади.

Шу билан бирга, 11,25 млн сўмдан юқори электрон пул ўтказмаларида жўнатувчи ва қабул қилувчи ҳақида тўлиқ маълумотлар кўрсатилиши мажбурий бўлади.

Бунда:
▪️жисмоний шахслар учун паспорт/ID-карта рақами, туғилган сана ва жойи;
▪️юридик шахслар учун ташкилот номи ва СТИР илова қилинади.

Ҳар бир операция таваккалчилик даражасига қараб баҳоланади ва идентификация маълумотлари алоҳида сақланади.

❗️Электр ва газ тарифлари оширилиши 1 майгача кечиктирилди

Аҳоли ва тадбиркорларни қўллаб-қувватлаш мақсадида Президент Шавкат Мирзиёев ҳукуматга электр энергияси ва газ тарифларининг оширилишини бир ойга кечиктириш бўйича топшириқ берди.

Янги тарифлар 1 апрелдан эмас, 1 майдан кучга киради.

Эслатиб ўтамиз, 1 апрелдан бошлаб электр энергияси учун базавий тариф (ойига 200 кВт/соат доирасида) яна 33,3 фоизга — 450 сўмдан 600 сўмга, газ учун эса 650 сўмдан 1000 сўмгача (+53,8 фоиз) ошириш кўзда тутилган.

Аллоҳ розилигини қозонинг

Рамазон рўзасини тутган, ҳайит намозига чиқишдан аввал фитр садақасини берган бандалари ҳақида Аллоҳ таоло фаришталарига: «"Эй фаришталарим, Рамазон рўзасини тутган ҳар бир амал қилувчи бандам амалининг ажрини сўрамоқда. Гувоҳ бўлинглар, Мен уларни афв этдим”, дейди.
Бир нидо қилувчи: “Эй Муҳаммад алайҳиссалом уммати, уйларингизга қайтинг, сизларнинг ёмонликларингиз яхшиликларга ўзгартирилди”, дейди.
Аллоҳ таоло: “Бу жамланиш (ҳайит)да ҳар кимга сўраганини бердим. Мағфират қилинган ҳолда айрилинглар. Сизлар мендан рози бўлдингиз, Мен ҳам сиздан розиман”, дейди».

Имом Байҳақий, "Шуъабул ийман".

Prezidentimizning PF-61-sonli farmoni asosida yoshlarga yaratilgan imkoniyatlar ro‘yxati:

1. Xalqaro fan olimpiadasi g‘oliblariga salkam 1 mlrd so‘m pul mukofoti beriladi!

2. TOP100 OTM PhD bitiruvchilari uchun 10 yilga foizsiz uy-joy ssudasi ajratiladi (2150 BHMgacha).

3. Kreativ park rezidentlari uchun soliq imtiyozlari joriy qilinadi (ijtimoiy va daromad solig‘i 50%gacha kamayadi).

4. C1 sertifikatiga ega yoshlar chekka hududda til markazi ochsa, foizsiz ssuda oladi (320 BHMgacha, 3 yil muddatga).

5. “Yorqin iste’dod” loyihasi orqali mahallalardagi faol yoshlar xorijda o‘qitiladi, xarajatlar to‘liq qoplanadi (300 mlrd so‘m ajratiladi).

6. “El-yurt umidi” stipendiatlari tanlovsiz davlat ishiga qabul qilinadi va kadrlar zaxirasiga kiritiladi.

7. Kreativ industriya parklari va ularning hududiy filiallari tashkil etiladi, biznes maktablar ochiladi.

8. Harbiy OTM namunali kursantlari uchun “Oliy bosh qo‘mondon” stipendiyasi joriy etiladi.

9. Muhandislik olimpiadalari g‘oliblari mos OTMlarga grant asosida qabul qilinadi.

10. Milliy mediakontent va shoular uchun Yoshlar agentligi 100 mln so‘mgacha grant ajratadi.

11. Ekologik loyihalar uchun 10 mlrd so‘mli “Yashil tashabbuslar jamg‘armasi” tashkil etiladi.

12. Yoshlar agentligi binolari ijara daromadlari to‘liq rivojlantirishga yo‘naltiriladi.

13. Toshkentda Robototexnika markazi tashkil etiladi (2025-yil).

14. Toshkentda Yoshlar teatr studiyasi ochiladi (2025-yil).

15. Samarqandda “Take Off” startap sammiti o‘tkaziladi (2026-yil, “Texnofest” doirasida).

Электр ва газ тарифлари оширилиши 1 майгача кечиктирилди

Аҳоли ва тадбиркорларни қўллаб-қувватлаш мақсадида Президент Шавкат Мирзиёев ҳукуматга электр энергияси ва газ тарифларининг оширилишини бир ойга кечиктириш бўйича топшириқ берди.

Янги тарифлар 1 апрелдан эмас, 1 майдан кучга киради.

1 апрелдан бошлаб электр энергияси учун базавий тариф (ойига 200 кВт/соат доирасида) яна 33,3 фоизга — 450 сўмдан 600 сўмга, газ учун эса 650 сўмдан 1000 сўмгача (+53,8 фоиз) ошириш кўзда тутилган.

❗️Рамазон ҳайитида қуйидаги кунлар дам олинади:

29 март (шанба) – 5 кунлик иш ҳафтасидаги ходимлар учун дам олиш куни, 6 кунлик иш ҳафтасида ишлайдиган ходимлар учун иш куни;

30 март (якшанба) – Рамазон ҳайити байрами куни – барча учун дам олиш куни;

31 март (душанба) – ишланмайдиган байрам куни дам олиш кунига тўғри келганлиги сабабли, байрамдан кейинги иш кунига кўчирилган барча учун дам олиш куни.