ELTUZ

МИЛЛИЙ МЕДИА КОНТЕНТ ҚАНДАЙ БЎЛИШИ КЕРАК?

Аҳмоқлар тўдасини бошқариш осон. Битта пиар ҳаракат, бир блогернинг сафсатаси аҳмоқлар тўдасини асл муаммолардан чалғитиб юборади – бу жуда қулай формула.

Лекин аҳмоқ оломон бирор қаттиқроқ шамол эсганда йўлини йўқотиб, популист исёнчига эргашиб кетиши ҳам осон. Бир кунда бари издан чиқиб, курва кокаинга айланади.

Халқ саводини чиқариб, маълумотни таҳлил қилишни ўргатувчи манбалар – ТВ, интернет, газит ва китоб. Оломонга газит, китоб қизиқмас, ўқимайди. Шунинг учун интернет ва ТВни миллий контентга тўлдириб ташлаш жоиз.

Миллий контент қандай бўлмаслиги керак?

Телевизорни ёқсанг тамом, бир каналда ифлос қайнона, мегажин келин, ҳайвон куёв машмашаси бошланади. Ҳеч қандай тарбиявий аҳамияти йўқ, қуруқ ғийбат.

Иккинчи каналда отарчи, клоунларнинг бачкана ҳингир-ҳингири. Савол-жавоб савиясини кўриб кўнглинг айнийди. Сал жиддийроқ каналда псевдо патриот ақллилар пахта қўйиш билан банд.

Бу тавия контент олдида блогерлар камида академик бўлиб кўринади авом кўзига. Умрида ақллироқ одамни эшитмаган, кўрмаган оломон учун ҳар қандай "интернет эртакчи" қаҳрамонга айланиши табиий.

Ёш ва қизиққон аҳолиси кўп бўлган давлатни мана шу медиа бачканалик гўрга тиқади, жарга итарворади, пичоқсиз сўяди.

Хўш, тузукроқ миллий медиа контент қандай бўлиши керак?

Биринчидан, маиший қўйди-чиқди, оилавий жанжал мавзуларни мусорга отворайлик. Ўзбекнинг қайнона, келиндан бошқа ташвиши йўқми?

Миллий контент керак деса дўмбира чалиб, кашта тикиб ўтирманг. Долзарб мавзуларни кўрайлик.

Ҳуқуқий ва иқтисодий саводхонлик, сиёсий таҳлил, ижтимоий баҳс маданияти, миллий тарихни объектив кўрсатиш деган масалалар бор.

Масалан, Би-би-си андозаси қизиқ, ундаги жанрлар сони олтмиш турдан кўпроқ.

Об-ҳаво маълумотидан тортиб тўғри овқатланишгача – кўрсатув турлари сон-саноқсиз. Муҳими рост ва самимий бўлиш!

Аудитория сезгир, айнан "ура-ура пахтакорлик", "ёлғончилик" МТРК обрўсини ер билан бир қилганини унутманг.

Аҳмоқ халқни бошқариш осон деган гап – бу уйдирма. Аҳмоқ халқни бирор адекват таклифга кўндириш қийин, аҳмоқларни бемаъни ҳаракатдан қайтариш - азоб.

Миллий контент яратувчилар, ақллилардан қўрқманг, уларга юзланинг – аудиторияга соғлом, замонавий фикрларни тарғиб қилинг. Бу миллат авомига пул бериб ҳам китоб ўқитолмайсиз.

Шундай экан тилвузордан ақл беринг, умид сиздан!


🚀Telegram |🔵Facebook |
🐦Twitter |📷Instagram | ▶️YouTube

⚡️⚡️⚡️10 апрель куни Тошкент шаҳар ИИББ ЙҲХБ бошлиғи Жалилов Рафиқжон Қӯлдошевич лавозимдан озод этилиб, нафақага жӯнатилди. Яна бир қанча бӯшатилган ва қамалган юқори мулозимларни ҳозирча айтмай турамиз.

РАҲИМЖОН РАҲМАТ: ҚАРИДИМ ДЕМАНГ


Мунаққид ва шоир Раҳимжон Раҳмат ёзади: Ҳалиям ўзимни ёш деб ўйлайман, ҳолбуки 63 ёшдаман.

Қанақа ёш деб ўйлайман ўзимни?

Аёллар, чиройли кийимлар, лаззатли таомлар, ҳою ҳаваслар ёшимга яраша аллақачон деярли қизиқтирмай қўйган мени.
Нега унда ёшман деб ўйлайман?

Мен ўйлайманки, ҳали ёшман, қариганим йўқ, ҳар қанча илм, ҳар қанча ҳунар ўргансам бўлади.

Ҳар куни китоб ўқиб ё бирор ишни тажриба қилиб янги нарса ўргансам қанчалик хурсанд бўламан.

Илм ва ҳунар ўрганишга қаримасман, ёшман, 16 ёшман.

Чойхонага чиқмайсан, биз билан Чодакка дам олгани бормайсан, дейди ўртоқлар.
Ярим дақиқа ҳам бўш вақтим йўқ дейман. Ростдан йўқ.

Қўлим озгина ишдан бўшаса набираларнинг ёнига чопаман.
Набираларимнинг 3 яшари: “Опоқи, пенал оберинг",-дейди.
Мен: "Катта бўлсангиз оббераман".
Набирам: "Мен катта бўлдим", -дейди.
Мен: "Юринг унда, пенал оламиз".

3-синфда ўқийдиган миттивойим ўқиётган китобидаги тушунмайдиган сўзларни,тушунчаларни сўрайди:
"Опоқи, озодлик билан қуллик орасидаги фарқ нима?"
"Озод инсоннинг ижодий ва инсоний қобилияти юзага чиқади, қулники чиқмайди. Масалан, эркин учиб юрган булбул сайрайди, қафасдагиси эса сайрамайди", деб тушинтираман.

Вақтингиз бехуда ишларга сарф бўлмаяптими, илму ҳунар ўрганишга қизиқишингиз сўнгани йўқми, демак ёшсиз, қаридим деманг.

🚀Telegram |🔵Facebook |
🐦Twitter |📷Instagram | ▶️YouTube

⚡️⚡️⚡️ОАВ хабарларига кўра, Ливандаги Ҳизбуллоҳ Исроил ҳарбий марказини вайрон қилган.

АВТОМОБИЛЬ ЙЎЛЛАРИ ҚЎМИТАСИДАГИ ҚИНҒИРЛИКЛАР

Элтуз оға, Фарғона вилояти журналистларининг "тандирдан узилган" хабарларига кўра, автомобиль йўллари қўмитасида содир бўлаётган қинғирликлар ҳақида чоп этган мақолангиздан сўнг қўмита раҳбари Жамшид Турсуновнинг мансабига кўз тикаётган номзодларнинг ёмонлик тилаш мақсадида Автомобиль йўллари қўмитасининг собиқ раҳбари Абдурахмон Абдувалиев томонидан қилинаётган ишлар дея баҳоланибди.

Бу ақлли фикрни эса Автомобиль йўллари қўмитаси раисининг сиёсий масалалар бўйича "маслаҳатчиси" ва "монополист"и, энг асосийси қўмита тизгинини қўлга олган Нилуфар Жумаева томонидан билдирилган ноёб бир тўхтам дея бир овоздан маъқулланганлиги ҳақида хабарлар тарқалди.

Манбанинг таъкидлашича, бу маълумот матбуот котиби томонидан вилоятдаги вакилига телефон орқали айтилган. Оғриқли жиҳати шундаки, мана шундай республика миқёсидаги барча йўлларга масъул шахс биргина аёлнинг аҳмоқона фикри билан иш тутса деган ўйга толади киши.

Ҳақиқатан ҳам автомобиль йўллари тақдири ва ислоҳи шу аёлнинг тизгинида қолганми? Автомобиль йўллари қўмитаси раисининг сиёсий масалалар бўйича ўринбосари, яъни матбуот котиби аслида бу лавозимга лойиқми?

Фуқаролар йўлларнинг талабга жавоб бермаслигидан шикоят қилаётган бир даврда қўмита томонидан йўлларни таъмирлаш ўрнига заковат ўйинлари ташкил этилаётганлигини эса Автомобиль йўллари қўмитасининг ижтимоий тармоқлардаги саҳифаларида ўзингиз гувоҳ бўлишингиз мумкин.

Бу ўйинни ўтказган вилоят ахборот хизмати вакиллари хабар беришича, бировнинг таҳоратига намоз ўқишни ўз шиорига айлантирган бу котиб хонимнинг босимлари билан қилинаётган ташкилий ишлар, унинг вилоятдаги меҳмонхона харажатлари ва маданий ҳордиғи учун маблағлар, шунингдек, қаердан ва қандай топилаётганидан қўмита раисини хабари бормикин ёки шерикчилик асосида фойда арра қилинадими?

Қимматбаҳо техник воситалар хариди учун 40-60 млн. миқдордаги мажбурий талаб қилинаётган маблағлар қайси бюджет ҳисобидан қилинмоқда? Ёки Н.Жумаеванинг шахсий ҳисобидан тўлдириляптимикан?


🚀Telegram |🔵Facebook |
🐦Twitter |📷Instagram | ▶️YouTube

⚡️⚡️⚡️Тошкентда болаларнинг қўлига игна ва «саморез» санчган ўқитувчига нисбатан жиноят иши қўзғатилди.

МИКРОЛИЗИНГНИНГ “ЎЗБЕКЧА” ИШЛАРИ

Мен оддий фермерман. Қишлоқ хўжалиги техникаси, агрегатларини сотиб олиш учун Тошкент ва Намангандаги кўплаб базаларга бордим. Трактор ва агрегатни танлаб, уларни Тошкентдаги Микролизинг компанияси орқали кредитга сотиб олмоқчилигимни сотувчиларга билдирдим.

Уларнинг айтишича, агар микролизинг орқали техника сотиб олсам, техникаларни турига қараб 12 фоиз атрофида нархи қимматлашар экан. Бунга сабаб, техника сотувчилар микролизингдагиларга откат беришар экан. Шунақа оғзаки келишувлари бор экан.

Фермер ўзини пулига тўғридан-тўғри техника сотиб олса, 12 фоиз арзон бўларкан. Бизнинг билишимизча, Микролизинг компанияси дунёнинг 12 та давлатида фаолият кўрсатади. Унинг таъсисчилари Европада ўтиришади. Ўша таъсисчилари шунақа “ўзбекча” ишларини билишармикин? Менимча йўқ.

Мақолани каналингизда чиқариб берсангиз, уларга етиб борса. Чунки ўша ўзбекча откат хам яна барибир оддий фермернинг бўйнига боради. Катта трактор сотиб олсак, 12 фоиз катта суммани ташкил қилмоқда. Бу нарса, албатта, оддий деҳқон фермерни ҳозирги шароитда оғринтиради.
🚀Telegram |🔵Facebook |
🐦Twitter |📷Instagram | ▶️YouTube