ELTUZ

«ЎЗАГРОИНСПЕКЦИЯ» ХОДИМИ НОҚОНУНИЙ ИШДАН ҲАЙДАЛГАНИДАН НОРОЗИ

Ассалому алайкум, Элтуз жамоаси! Мен "Ўзагроинспекция"нинг Навоий вилояти бошқармасида ёрдамчи юристконсульт лавозимида ишлайман.

2024 йил 6 декабрь куни бошқарма бошлиғи Суннат Худойназаров мени огоҳлантирмай ноқонуний тарзда ишдан бўшатиб юборди.

2024-йил 12 декабрь куни Республика Инспекция бошлиғи вилоят бошқарма бошлиғининг чиқарган буйруғи ноқонуний бўлганлиги сабабли, мени ишга тиклаш бўйича буйруқ берди.

Вилоят бошқарма бошлиғи Суннат Худойназаров эса Республика бошлиғини буйруғини тан олмай, «судлашаман» деб туриб олди. Сўнг ўзим судга даъво аризаси киритдим.

2025 йил 20 феврал куни суд даъвони қаноатлантирди.
Кармана туманлараро фуқаролик судининг «Ишга тиклаш мажбуриятини юклаш ҳамда тўланмай қолган ойлик иш ҳақларини ундириш» бўйича суд ҳужжатлари ҳамда МИБнинг ижро иши юритишни қўзғатиш тўғрисидаги қарори мавжуд.

Суннат Худойназаров бу қарорларни тан олмасдан мени ишлашимга ҳалигача тўсқинлик қилиб келмоқда.

Суннат Худойназаров 2024 йил ноябрь ва декабрь ойларидаги ойлик иш ҳақларимни 6 ойдан буён қастдан бермасдан келяпти.

Суннат Худойназаровни бир ожиза қиз болага қилаётган ноҳақлигини кимдир тўхтатадими? Суд ҳужжатлари ва МИБ қарори ижросини бажармагани учун қонунчиликда жазо белгиланган эмасми? Ёки Суннат Худойназаровга бу қонунларнинг тиши ўтмайдими?


💬Telegram |📱Facebook |
🐦Twitter |📱Instagram | ▶️YouTube

ҚАРОР ВАЗИРЛАР МАҲКАМАСИНИКИ, АММО ВАЗИР БУЙРУҒИ БИЛАН БЕКОР ҚИЛИНДИ

Тошкент шаҳридаги Бандлик бош бошқармаси қошида тажриба-синов тариқасида ташкил этилган Меҳнат соҳасидаги мурожаат ва низоларни ўрганиш ҳамда ҳал қилишга кўмаклашиш маркази фаолияти Ўзбекистон Республикаси Вазирлар Маҳкамасининг 2021 йил 30 сентябрдаги 616-сонли қарори 10-банди асосида бошланган эди.

Марказнинг асосий вазифаси — меҳнат соҳасида келиб чиқадиган низолар ва мурожаатларни тезкор ҳамда самарали ҳал қилишга кўмаклашишдан иборат бўлиб, бугунгача бир қатор ижобий натижаларга эришган, ОАВ орқали мақтовларга сазовор бўлган. Бироқ, 2025 йил 28 февралда Ўзбекистон Республикаси камбағалликни қисқартириш ва бандлик вазирининг 72-сонли буйруғи билан ушбу марказ фаолияти тугатилиши белгиланди. Шу асосда марказ ходимларига Меҳнат кодексининг 161-моддаси 2-қисми 1-бандига асосан огоҳлантириш хатлари берилди.

Қонун бузиляптими?

Мазкур ҳолатда жиддий ҳуқуқий зиддият вужудга келмоқда. Аввало, Меҳнат кодексининг мазкур моддасида иш берувчи ташаббуси билан меҳнат шартномаси тугатилиши учун ташкилот ёки унинг бўлинмаси муассисларининг қароридан сўнггина ҳуқуқий асос мавжуд бўлиши кераклиги таъкидланган.

Бироқ марказ Вазирлар Маҳкамаси қарори билан ташкил этилган бўлиб, унинг фаолиятини тугатиш ваколати ҳам айнан шу органга тегишли. Вазирлик эса, тажриба якунлари бўйича асосли таклиф киритиш ўрнига, марказни яккаликда тугатиш буйруғини чиқаргани ҳуқуқий жиҳатдан саволлар туғдиради.

Қарор бор, аммо ҳисобга олинмади

616-сонли қарорга асосан, ушбу марказ фаолияти 2023 йил 1 январгача синов тарзида йўлга қўйилиб, шундан сўнг унинг республика бўйича татбиқ қилиниши ёки йўқлигини баҳолаш Вазирлар Маҳкамасига таклиф сифатида киритилиши керак эди. Бироқ, бу амалиёт амалга ошмаган, аксинча, марказ ўз фаолиятини тугатиш ҳақидаги буйруқ билан йўқ қилинмоқда.

Марказ ходимлари ҳозиргача вазирлик ва бошқа давлат тузилмалари ходимларига нисбатан анча кам — ўн бараварга яқин кам миқдордаги иш ҳақи эвазига меҳнат қилиб келишган. Улар ойлик устамалар ва чораклик мукофотларсиз ишлаган бўлса-да, марказнинг фаолиятини тугатиш кимга манфаат келтирмоқда — бу катта савол туғдиради.

Тан олиш керакки, Вазирлар Маҳкамаси қарори билан ташкил этилган тузилмани, қонунан, оддий вазирлик буйруғи билан тугатиш жуда кулгили ва номувофиқ ҳолатдир. Бу холат Вазирлик томонидан ваколатни суиистеъмол қилиш деб баҳоланиши мумкин. Қонун устуворлиги ва ҳуқуқий давлат тамойиллари айнан шундай ҳолатларда синовдан ўтади.

Янги Вазир камбағалликни қисқартирмоқда ёки кўпайтиряптими?

Бир вақтнинг ўзида аттестация жараёнлари билан боғлиқ катта синовларни бошидан кечираётган тизим ходимлари энди бу каби адолатсиз тугатишлар қаршисида ҳам кўмаксиз қолмоқда. Вазирликда миллионлаб маош олувчи раҳбарлар фаолият кўрсатаётган бир пайтда, миннатдорлик билан хизмат қилаётган, кам маош эвазига халқ дардини тинглаётган марказ ходимлари эътиборсиз қолмоқда.

Ушбу масала юзасидан расмий ва аниқ тушунтириш берилиши, Вазирликнинг ҳаракатлари ҳуқуқий жиҳатдан қайта кўриб чиқилиши ва марказнинг тақдири юзасидан Вазирлар Маҳкамасининг қарор чиқаришига умид қиламиз.

💬Telegram |📱Facebook |
🐦Twitter |📱Instagram | ▶️YouTube

ПОП ТУМАНИ ТИББИЁТИДА АҲВОЛ ОҒИР: “МАСЪУЛИЯТСИЗ ШИФОКОРЛАР, ПОРАХЎР РАҲБАРЛАР ФАОЛИЯТИ ҚАЧОН НАЗОРАТ ОСТИГА ОЛИНАДИ?”

Ассалому алайкум, Элтуз жамоаси!

Мен сизларга Наманган вилояти Поп туманидан мурожаат қиляпман. Биздаги тиббиёт тизимида юзага келган муаммолар бугунги кунда халқ ҳаётига бевосита таҳдид солаётган даражада.

Поп тумани тиббиёт бирлашмасидаги беқарорлик, раҳбариятнинг масъулиятсизлиги, малакасиз шифокорлар фаолияти сабаб одамлар тўғри ва сифатли даво ололмаётгани туфайли ҳаётдан кўз юммоқда, ногирон бўлиб қолмоқда. Яқинда бир ёш йигитнинг оёғи сингани туфайли Поп марказий шифохонасига ётқизилиб, афсуски, у ердан унинг жасади чиқди. Бундай ҳолатлар қачонгача давом этади?

Тизимдаги яна бир катта муаммо — порахўрлик ва таниш-билиш орқали ишга қабул қилиш ҳолатларидир. Поп ТТБ кадрлар бўлими бошлиғи С. Ғоипова олдин туман ҳокимиятида ишлаб, бир қанча айбловлар билан судланган. Ҳозир эса тиббиёт тизимини "каламушдек" емирмоқда. Унинг таниш-билишлари ишда, малакали кадрлар эса арзимаган баҳона билан ишдан бўшатилмоқда. Бу каби муаммолар бутун Поп тумани тиббиёт тизимини емираб юборди. Ҳодимлар ундан қўрқиб ишламоқда.

2025 йил 2 апрель куни Поп ТТБда масъулиятсиз шифокор ва кадрлар бўйича коллегия йиғилиши бўлиб ўтди. Бу йиғилишга вилоят соғлиқни сақлаш бошлиғи жаноб Иминов келиб, ҳолатга баҳо бериб, раҳбарларни ишдан олиш ёки қолдириш тўғрисида қарор чиқариши керак эди. Аммо афсуски, у киши йиғилишга ҳам келмади. Бу эса Поп туманида инсон қадри қанчалик арзимас эканини яна бир бор намоён қилди.

Коллегияда қатнашган врач ва ҳамширалар йиғилишда ухлаб қолишди, чунки кўпчилик бунақа йиғилишлардан ҳеч қандай натижа чиқмаслигини яхши билади. "Эски ҳаммом, эски тос" деган нақл бу ҳолатга айни мос.

Шу боисдан Поп тумани аҳолиси ва тиббиёт ходимлари номидан сизнинг жамоангиздан илтимос қиламиз — ушбу ҳолатни оммага ёритинг, адолат талаб қилаётган инсонларга овоз бўлинг. Бунинг учун сизга миннатдорчилик билдирамиз ва бу ишингиз сизни жуда катта савобга эриштиради, деб ишонамиз.


💬Telegram |📱Facebook |
🐦Twitter |📱Instagram | ▶️YouTube

ТЕРРОРИЗМНИ МОЛИЯЛАШТИРГАН ИККИ ХОРАЗМЛИК РИЖОЛ ҚАМАҒДА

Жиноят ишлари бўйича Янгибозор туман судида 1993 йилда Хоразм вилоятида туғилган, оилали, 2 нафар фарзанди бор, маълумоти ўрта-махсус, муқаддам судланган М.К. ҳамда 2000 йилда Жиззах вилоятида туғилган, маълумоти ўрта-махсус, муқаддам судланган Д.Л.ларга нисбатан Ўзбекистон Республикаси Жиноят кодексининг 155-3-моддаси(Терроризмни молиялаштириш) 1-қисми ва 244-2-моддаси(Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) 1-қисми билан жиноят иши кўриб чиқилди.

Судда аниқланишича, М.К. 2023 йилда мавсумий ишлаш учун меҳнат мигранти сифатида Россия Федерациясига бориб, ёлланма иш фаолияти билан шуғулланиб келиши давомида “Youtube” видеохостинги орқали турли хил тақиқланган диний экстремистик каналларга обуна бўлиб, ушбу каналлардаги видеофайлларни томоша қилиб келган. “Тавхид ва жиход катибаси” халқаро террорчилик ва экстремистик ташкилотига хайрихоҳлик билдириб, ташкилотнинг ғояларини қўллаб қувватлашни бошлаган ҳамда терроризмни молиялаштириш каби жиноятларни содир этган.

Д.Л. 2019 йил август ойидан бошлаб мавсумий ишлаш учун меҳнат мигранти сифатида Россия Федерациясининг турли ҳудудларида, шунингдек Қозоғистон Республикаси ҳудудида ёлланма иш фаолияти билан шуғулланиб келиши давомида “Youtube” видеохостинги, “Tik Tok” мессенжерида турли хил тақиқланган диний экстремистик маърузаларини томоша қилиб келган. “Тавхид ва жиход катибаси” халқаро террорчилик ва экстремистик ташкилотига хайрихоҳлик билдириб, ташкилотнинг ғояларини қўллаб қувватлашни бошлаган ҳамда терроризмни молиялаштириш каби жиноятларни содир этган.

Суд ҳукми билан М.К. ҳамда Д.Л.лар ЖКнинг 155-3-моддаси 1-қисми ва 244-2-моддаси 1-қисмида назарда тутилган жиноятларни содир этганликда айбли деб топилиб, уларга ЖКнинг 59, 61-моддалари тартибида узил-кесил 10 йил 6 ой озодликдан маҳрум қилиш жазоси тайинланди.


💬Telegram |📱Facebook |
🐦Twitter |📱Instagram | ▶️YouTube

ИСЛОҲОТЛАР САБАБ ЗАРАФШОНЛИК ИШЧИЛАР ҚАШШОҚЛАШАДИ

Қайси соҳада «янада такомиллаштириш» ва «янги ислоҳотлар» ҳақида қарор чиқса ўша соҳада коррупция ва анархия илдиз отади.

Зарафшон шаҳри — Ўзбекистоннинг саноат юраги, чўл бағридаги меҳнат маскани. Бу ерда ҳаёт осон кечмайди. Қум, иссиқ, радиация хатарлари остида фаолият юритаётган минглаб бюджет ходимлари учун биргина таскин – ойликларнинг нисбатан баландлиги эди. Ана шу баланд ойликлар режими энди йўқ.

2001 йилдан бери амал қилиб келаётган 10/26-сонли қарорга асосан, Зарафшондаги оғир иш шароити инобатга олиниб, бюджет ходимларига “муайян меҳнат шароитида ишлаганлиги учун” маошга қўшимча фоиз тўланарди. Шунча заҳар ютиб, экстремал об-ҳаво шароитида ишлаган ходимларга қўшимча фоиз билан ойлик бериш адолатдан эди.

Бироқ 2025 йил 1 апрелдан бу қарор тўхтатилди. На муҳокама бўлди, на асосли тушунтириш. Шунчаки — “бекор қилинди”.

Зарафшоннинг кескин об-ҳавоси ўзгармади, заҳар-заққум ва радиация ҳам ўз ўрнида. Фақат ойлик устама фоизлари тўхтатилди.

Ишчилар Зарафшонга юқори маош учун, ўз жонини хавфга қўйган ҳолда келган. Уларнинг уйи, оиласи бошқа шаҳарда. Зафрашонда меҳнат қилиш бу – танада из қолдирадиган қурбонлик. Ҳозир эса бу қурбонлик учун моддий компенсация йўқ бўлди. Давлат бюджети шу йўл билан иқтисод қилинадими? Шу ишчиларнинг ойлигига қараб қолдикми? Ҳаражатни қисишнинг бошқа йўли йўқмиди? Давлат ташкилотлари 1 миллиард сўмга малибу олаётган пайтда ҳукумат бюджетни ишчининг ойлиги ҳисобидан тежамоқчи – абсурд парадокс.

Қарорни чиқарганлар бир кун Зафрашон қуми остида ишлаб кўрсин. Ўша меҳнат шароитида камида бир ҳафта яшаб кўрсин. Шунда эҳтимол, мудраб ётган инсоф уйғонар.


💬Telegram |📱Facebook |
🐦Twitter |📱Instagram | ▶️YouTube

🆘 АНДИЖОНДА СПОРТ ЭМАС, ҚАСОС ОЛИШ РУҲИ ЮҚОРИМИ?

📢 Олимпия ва Параолимпия спорт турлари бўйича марказ мураббийларидан очиқ мурожаат

Ассалому алайкум ҳурматли юртдошлар ва масъул раҳбарлар!

Биз, Андижон вилояти Олимпия ва Параолимпия спорт турларига тайёрлаш марказида кўп йиллардан буён фаолият юритиб келаётган мураббийлар, сизнинг эътиборингизга қуйидаги дардларимизни ҳавола этамиз.

Бу марказда фидокорона меҳнат қилиб, эл-юрт ифтихорига айланган кўплаб чемпионларимизни тарбияладик. Афсуски, кейинги йилларда марказда шундай муҳит вужудга келдики — профессионал фаолият, тажриба ва натижалар эмас, балки шахсий гапни мақуллаш ва "ёқимли одам" бўлиш биринчи ўринга чиқиб қолди.
👎 Катта ёшдаги, тўғрисўз, виждонли мураббийлар турли баҳоналар билан ишдан четлатилмоқда.

👎 Ойлик маошлар асоссиз қисқартирилади.

👎 Байрам кунлари ходимлар "жазо" сифатида ишга чақирилади.

👎 Марказ раҳбарининг ўзи ойлик маоши 18 миллион сўмдан ортиқ, қўшимча ноқонуний даромад манбалари борлиги ҳақида гап-сўзлар юради.

👎 Унинг гапига қарши фикр айтган одам тезда ишдан кетказилади. "Акамларга айтаман, 6 сонияда йўқ қиламан", деган таҳдидлар одатий ҳолга айланган.

👎 Телефонсиз кабинетга кириш, камералар, дахлсизлик йўқ — бу қўрқув муҳитини яратган.
📉 Бу ҳолат натижасида марказ натижалари пасайиб бормоқда. Республика бўйича 9-ўриндамиз, эртага энг охирги ўринда қолиш хавфи бор. Қабул жараёни ҳам шаффоф ўтмади — кўплаб чемпионликка лойиқ ёшлар четда қолиб кетди.

⚠️ Махсус ҳолатлар: — Футбол бўлими ўқувчилари ўз стадиони бўла туриб, бошқа жойга
— пахтачилик институтига олиб борилмоқда.

— Баскетбол қизлари Хорижий тиллар ва тиббиёт институтида зал излаб юришмоқда.

— Параолимпия спортчилари учун лифт, шароит, зарур ускуналар йўқ — улар бошқа жойларда машғулот ўтказишга мажбур.

— Етакхонадаги шароитлар аянчли: қишда жуда совуқ, ёзда ўта иссиқ, душлар ишламайди.

— Республикадан текширув келган пайтдагина гилам, совун, ёстиқлар пайдо бўлади.

❗️ Бизнинг мушоҳадамиз:

Марказ раҳбарининг мақсади — спортни ривожлантириш эмас, балки унинг гапини қабул қилмаган ҳар қандай инсондан қутулиш. Марказда ёш мураббийлар эмас, ишни яхши билувчи, тажрибали ва адолатпарвар раҳбар керак.

Биз Андижон вилояти ҳокимига ва Спорт ва ёшлар ишлари бўйича вазиримиз Адҳам Икромовга мурожаат қиламиз:

🟡 Иложи бўлса, марказга узоқ йиллар ишлаган, малакали, тўғрисўз, ишончли мураббийлардан бирини раҳбар этиб тайинлашни сўраймиз.

🟡 Илтимос қиламизки, бу мурожаатимиздан сўнг, "Ким ёзди?" деб суриштириб, мажлисларда ҳақоратлаш, таҳдид қилишлар бўлмасин. Бу каби босимлар олдин ҳам бўлган: "Ёзганинг учун ишдан кетасан", деб қўрқитишган. Бу сафар ҳам шундай бўлса, биз яна жамоавий равишда мурожаат қилишга тайёрмиз.

📌 Пичок суякка етди.

Биз энди жим тура олмаймиз.

Бу фақат биз учун эмас — Андижон спортининг келажаги учун!

📣 Ҳурмат билан, Андижон Олимпия ва Параолимпия маркази мураббийлари.


💬Telegram |📱Facebook |
🐦Twitter |📱Instagram | ▶️YouTube

🛑 "АНА ҲАҚИҚАТ – МАНА ҲАҚИҚАТ: ҚОНУН ИШЛАМАЙДИ ЎЗБЕКИСТОНДА"

📍 Бўстонлиқ тумани Қўриқлаш бўлими ходимларининг мурожаати

Ассалому алайкум, Элтуз!

Биз, Тошкент вилояти Бўстонлиқ тумани Қўриқлаш бўлими ходимлари, илгари ҳам сизга мурожаат юборган эдик. Ушбу пайтда тегишли ташкилотлар масалани кўриб чиқиб, ноҳақликларни бартараф этади деган умид билан мурожаат қилган эдик. Афсуски, умидларимиз пучга чиқди. Аксинча, бизга нисбатан босим янада кучайди.

Раҳбарият очиқча "Ёқмаса, ишдан кет" дейди, айримлари эса: "Сени ўрнингда мен ишлаб кўрсатаман", деб камситмоқда. Ходимлар руҳий ва жисмоний босим остида. Азобимиздан, дардимиздан кимга мурожаат қилишни ҳам билмай, қўрқиб қолганмиз.

Мурожаатимиздан сўнг Бошқарма ва тегишли ташкилотларнинг масъул ходимлари келиб, текширув ўтказдилар. Аммо, натижа йўқ бўлди. Гўёки текширув эмас, дам олиш учун келгандай – овқатланиб, дам олиб кетишди. Харажатлар эса ходимлар зиммасида қолди.

Энг оғир томони – биз мурожаат қилган шахс, Нортожиев Дилшод Ортиқович ҳали ҳам лавозимда. Уга нисбатан мурожаат тушаётган бўлса-да, вазият тескари – ходимларнинг айбини излаб, уларга нисбатан чора кўрмоқда.

❓Прокуратура қаерга қараяпти?

❓Агар улар текширув ўтказа олмаса, чора кўра олмаса, адолат ўрнатса – у ҳолда уларнинг ўзлари не учун керак?
📢 Биз адолат, ҳуқуқ ва инсон муносабатларини талаб қиламиз.
Илтимос, овозимизни эшитинг.


💬Telegram |📱Facebook |
🐦Twitter |📱Instagram | ▶️YouTube

ИСЛОҲОТЛАР САБАБ ЗАРАФШОНЛИК ИШЧИЛАР ҚАШШОҚЛАШАДИ

Қайси соҳада «янада такомиллаштириш» ва «янги ислоҳотлар» ҳақида қарор чиқса ўша соҳада коррупция ва анархия илдиз отади.

Зарафшон шаҳри — Ўзбекистоннинг саноат юраги, чўл бағридаги меҳнат маскани. Бу ерда ҳаёт осон кечмайди. Қум, иссиқ, радиация хатарлари остида фаолият юритаётган минглаб бюджет ходимлари учун биргина таскин – ойликларнинг нисбатан баландлиги эди. Ана шу баланд ойликлар режими энди йўқ.

2001 йилдан бери амал қилиб келаётган 10/26-сонли қарорга асосан, Зарафшондаги оғир иш шароити инобатга олиниб, бюджет ходимларига “муайян меҳнат шароитида ишлаганлиги учун” маошга қўшимча фоиз тўланарди. Шунча заҳар ютиб, экстремал об-ҳаво шароитида ишлаган ходимларга қўшимча фоиз билан ойлик бериш адолатдан эди.

Бироқ 2025 йил 1 апрелдан бу қарор тўхтатилди. На муҳокама бўлди, на асосли тушунтириш. Шунчаки — “бекор қилинди”.

Зарафшоннинг кескин об-ҳавоси ўзгармади, заҳар-заққум ва радиация ҳам ўз ўрнида. Фақат ойлик устама фоизлари тўхтатилди.

Ишчилар Зарафшонга юқори маош учун, ўз жонини хавфга қўйган ҳолда келган. Уларнинг уйи, оиласи бошқа шаҳарда. Зафрашонда меҳнат қилиш бу – танада из қолдирадиган қурбонлик. Ҳозир эса бу қурбонлик учун моддий компенсация йўқ бўлди. Давлат бюджети шу йўл билан иқтисод қилинадими? Шу ишчиларнинг ойлигига қараб қолдикми? Ҳаражатни қисишнинг бошқа йўли йўқмиди? Давлат ташкилотлари 1 миллиард сўмга малибу олаётган пайтда ҳукумат бюджетни ишчининг ойлиги ҳисобидан тежамоқчи – абсурд парадокс.

Қарорни чиқарганлар бир кун Зафрашон қуми остида ишлаб кўрсин. Ўша меҳнат шароитида камида бир ҳафта яшаб кўрсин. Шунда эҳтимол, мудраб ётган инсоф уйғонар.


💬Telegram |📱Facebook |
🐦Twitter |📱Instagram | ▶️YouTube

ТИББИЁТДА ХАТО КЕЧИРИЛМАЙДИ: ЎЗБЕКИСТОНДА АТТЕСТАЦИЯ ТИЗИМИНИ ИСЛОҲ ҚИЛИШ ЗАРУР

Ўзбекистондаги тиббиëт ОТМларида ташқи аттестация тизимини жорий қилиш керак.

Бўлғуси докторларнинг билимини Британия ëки Германиядаги мустақил имтихон комиссияси баҳоласин.

Бу ҳаëт ва мамот масаласи.

Ўзбеклардан иборат комиссия ҳеч қачон илмни холис баҳолай олмайди.

(Генетик мутация боис) Кеча бир иккичи врачни уч жумлада 11 хато ëзганини кўриб қўрқиб кетдим.

Буларни фош қилиб тезда қутулиш керак.

Агар болаларимизни врачлар ўлдирмаслигини истасак бу масалани жиддий тарзда кун тартибига қўяйлик.


💬Telegram |📱Facebook |
🐦Twitter |📱Instagram | ▶️YouTube

«ИНСОН» МАРКАЗИДА ИНСОН ҚАДРИ БИР ТИЙИН

Жиззах вилояти Фориш туманидаги «Инсон» ижтимоий хизматлар марказида непотизм, эксплуатация ва кўзбўямачилик авжига чиқди. Бу ҳақида Элтузга марказ ходимлари хабар берди.

Марказнинг иш бошқарувчиси Мавлуда хоним бўлажак куёвига «танкалик» қилиб уни салкам норасмий директор даражасига кўтарган. Куёвларни пайғамбарлар сийлаган, анаққиса.

Бўлажак домод Отабек тўра эса холимларга босим ўтказиб қўшимча иш юклаш билан машғул. Марказда вакант, яъни бўш иш ўрирлари расман эълон қилинган. Шунга қарамай ҳеч ким ишга олинмайди. Вазифалар маҳаллаларда ишлаётган ходимлар орасида тақсимланади.

Zoom мажлислар, кейс-презентацияларнинг кети узилмайди – раҳбариятда «танкаси» йўқ ходимлар мана шу тадбирлар билан овора бўлган бир пайтда айрим ходимлар имтиёзлар билан сийланиб ишламасдан юради.

Ходимларнинг таъкидлашича, болалар бўлими мутахассиси Боймурод Умматов, юрист Қодир Шаҳаров, Собит Комилов кабилар ўз вазифаларини хўжакўрсинга бажаради. Раҳбариятга маъқул кадрлар KPI кўрсаткичларни сохталаштириш билан банд.

Ортиқча иш юкламари ва сохта бюрократиядан тўйиб кетган ходимлар Фориш туманидаги «Инсон» марказини тўлиқ қайта шакллантиришни талаб қилмоқда.


💬Telegram |📱Facebook |
🐦Twitter |📱Instagram | ▶️YouTube