Elektr ta'minoti

Energiya auditini o‘tkazish tartibi va uning qanday ahamiyatga ega ekanligidan xabardormisiz?

Yoqilg‘i-energetika resurslari iste’molchilarining energiya auditi O‘zbekiston Respublikasi Vazirlar Mahkamasi tomonidan belgilangan tartibda o‘tkaziladi.
Energiya auditi energiya auditi xizmatlarini ko‘rsatuvchi va iste’molchi o‘rtasida tuzilgan shartnomaga asosan o‘tkaziladi.

Energiya auditining asosiy vazifalari quyidagilardan iborat:

⏺yoqilg‘i-energetika resurslarini tejash, ulardan oqilona foydalanish va energiya samaradorligini oshirish salohiyatini baholash;

⏺yoqilg‘i-energetika resurslari iste’molining progressiv normalariga o‘tish bo‘yicha asoslantirilgan takliflarni ishlab chiqish;

⏺energiyani tejashga doir chora-tadbirlarni va energetika pasportini ishlab chiqish.

Energiya auditi natijalari bo‘yicha ishlab chiqilgan energiyani tejash, undan oqilona foydalanish va energiya samaradorligini oshirish bo‘yicha chora-tadbirlar maqsadli, hududiy va tarmoq dasturlariga hamda audit o‘tkazilayotgan yuridik shaxslarning energiyani tejash dasturlariga kiritiladi.

Davriy energiya auditi "O‘zenergoinspeksiya" bilan kelishilgan holda, har yili belgilangan tartibda tasdiqlanadigan jadvallarga asosan besh yilda kamida bir marta o‘tkaziladi.

Majburiy energiya auditi yuqori texnologiyali ishlab chiqarish uskunalarini uch yildan kam bo‘lgan davr ichida o‘rnatgan va asosiy texnologik uskunalarni shu davr ichida modernizatsiya qilgan hamda Davlat energetika reyestriga kiritilgan subyektlarda ekspress energiya audit shaklida o‘tkaziladi.

Majburiy energiya auditini o‘tkazish "O‘zenergoinspeksiya"ning hududiy boshqarmalari bilan kelishilgan texnik topshiriqqa asosan amalga oshiriladi.

Ixtiyoriy energiya auditi energiya auditini o‘tkazish uchun ishlab chiqilgan texnik topshiriqqa asosan o‘tkaziladi.

Ichki energiya auditi O‘zbekiston Respublikasi Vazirlar Mahkamasi tomonidan belgilangan tartibga muvofiq korxonalar va tashkilotlarning energetika menejmenti bo‘limlari (guruhlari) tomonidan o‘tkaziladi.

Ichki energiya auditini o‘tkazuvchi shaxslar:

⏺ichki energiya auditini o‘tkazish va uning natijalarini ko‘rib chiqish uchun malakali mutaxassislarni jalb etish;

⏺ichki audit o‘tkazishda yuzaga kelgan masalalar yuzasidan energiyani tejash, undan oqilona foydalanish va energiya samaradorligini oshirish uchun mas’ul bo‘lgan shaxslardan tushuntirishlar va boshqa qo‘shimcha axborot olish huquqiga ega.

Telegram | Facebook | YouTube | Twitter

#bilish_shart

Yoqilg‘i-energetika resurslari iste’molchilarini majburiy energiya auditidan o‘tkazish tartibiga ko‘ra:

Davlat enegetika reyestriga kiritilgan subyektlar – yiliga 500 hamda undan ortiq tonna shartli yoqilg‘ini va (yoki) 250 va undan ortiq tonna motor yoqilg‘isini iste’molchilari majburiy enegetika tekshiruvidan o‘tkaziladi.

❌ Bu ko‘rsatgichlar avvalgi nizomga ko‘ra yoqilg‘i-energetika resursining yillik iste’moli 2 000 tonnadan ortiq shartli yoqilg‘i yoki 1 000 tonnadan ortiq motor yoqilg‘isiga teng bo‘lgan yoqilg‘i-energetika iste’molchilarining energetika tekshiruvidan majburiy tarzda o‘tkazilishi belgilangan edi.

❗️O‘zlashtirish ko‘rsatkichiga qarab talabalarga grantlarni qayta taqsimlash tartibi tasdiqlandi

Hukumatning tegishli qarori bilan (№149, 10.03.2025) Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizom tasdiqlandi.

Nizomga ko‘ra, ta’lim grantiga talabgorlardan joriy o‘quv yilida o‘zlashtirish ko‘rsatkichi bo‘yicha GPA ko‘rsatkichi 3,5 va undan yuqori bo‘lishi talab etiladi. O‘zlashtirishi ushbu ko‘rsatkichdan past bo‘lgan talabalarning ta’lim grantini tabaqalashtirilgan tarzda qayta taqsimlashda ishtirok etishiga ruxsat etilmaydi va ta’lim granti o‘rni vakant qoladi.

Ta’lim grantiga talabgorlar uchun oliy ta’lim tashkilotining rasmiy veb-saytida onlayn ro‘yxatdan o‘tish va erishgan yutuqlarini asoslovchi hujjatlarni yuklash imkoniyati yaratiladi.

Ta’lim grantiga talabgorlarning o‘zlashtirish ko‘rsatkichlari mutanosib tarzda 80 ballik mezonda baholanadi, bunda GPA ko‘rsatkichini “16” soniga ko‘paytirish orqali aniqlanadi.

Ta’lim grantiga talabgorlarning ijtimoiy faollik ko‘rsatkichi 20 ballik mezonda baholanadi, bunda baholash mezoniga asosan hisoblangan natijani “5” soniga bo‘lish orqali aniqlanadi.

Belgilangan ta’lim granti o‘rinlari doirasida tanlov chegarasida bir xil natija ko‘rsatgan talabgorlarning akademik o‘zlashtirish ko‘rsatkichiga ustuvorlik beriladi. Agar o‘zlashtirish ko‘rsatkichida ham bir xil natija aniqlangan holatda mazkur talabgorlar uchun o‘zlashtirilgan semestrlarda o‘tilgan mutaxassislik fanlaridan test sinovlari o‘tkaziladi.

Oliy ta’lim tashkiloti kengashining qaroriga asosan ta’lim grantini oluvchi talabalar ro‘yxati har yili 25-avgustga qadar oliy ta’lim tashkilotining rasmiy veb-saytida e’lon qilinadi.

Kanalga ulanish:
🏫 @uzauz