🌱𝐄𝐊𝐎𝐍𝐔𝐑🌱

9-KUN: "Chiqindilarsiz kun" aksiyasi

Ushbu vazifa davomida ishtirokchilar bugungi sayohatlari davomida yoʻlda uchragan chiqindilarni olib, belgilangan chiqindi qutisiga tashlab ketishlari va jarayonni muxrlab qoʻyishlari kerak.

8-KUN: Daraxtlarga nafas bagʻishlang!

Ushbu vazifa davomida ishtirokchilar oʻz hududkaridagi daraxtlar va koʻchatlarga qadalgan e'lonlar, peshtaxtalar, bogʻlangan materiallar, iplar, oʻralgan temir simlarni olib tashlashlari kerak. Bu orqali daraxtlarga yanada koʻproq nafas olishlari uchun imkon yaratadilar.

7-KUN: Qushlar bizning doʻstimiz

Ushbu vazifa davomida ishtirokchilar oʻzlari yashab turgan turli hududlardagi daraxtlar shoxlariga, idishcha yasab, uning ichiga don-dun solib, qushlarga ozuqa sifatida qoʻyib ketishlari kerak.
Bu orqali ishtirokchilar qushlarga doʻst ekanliklarini namoyish qilishadi.

6-KUN: Oʻz uyingni obod qil.

Ushbu vazifa davomida ishtirokchilar oʻzlari yashab turgan xonadonlarida "Oldin" - "Keyin" tamoyili asosida tozalov ishlarini olib borishlari kerak. Ya'ni xovlini yoki xonani avval rasmga oladi, soʻng tozalov ishlarini boshlaydi, ishni yakunlagandan soʻng yana suratga olishlari hamda bizga yuborishlari kerak.

5-KUN: Eko-faktlar kuni.

Ushbu vazifa davomida ishtirokchilar sayyoramizdagi jamiki tabiiy resurslar, hayvonot olami, suv osti dunyosi, tabiat hodisalari, oʻsimliklar haqida bilimlarini boyitish maqsadida 3 tadan noodatiy faktlar topishi kerak.

4-KUN: Eko-texnika vaqti.

Ushbu aksiya davomida keraksiz deb hisoblangan va chiqindi uchun ajratilgan maxsulot va buyumlardan turmush faoliyatimingizda kerakli boʻladigan buyumlarni ixtiro qilishingiz, yasashingiz kerak boʻladi.

3-KUN: Uy sharoitida yangi oʻsimlik eking.
Ushbu aksiya davomida daraxtlar, gullar, yashil oʻsimliklar koʻchatlaridan ekishingiz va yashil olam rivoji uchun oʻz hissangizni qoʻshishingiz kerak.

2-KUN: Boshpanasiz hayvonlarga mehr ulashish aksiyasi.
Ushbu aksiya davomida uydagi kerakmas hisoblangan bir martalik idishlar, eski kosa va shunga oʻxshash buyumlarga uyda qolib ketgan ovqatlaringiz, yoki qattiq nondan solib va og’zi kattaroq idishlarga suv quyib koʻchalarning chetroq yerlarga qoʻyib ketish kerak. Havotir olmang, boshpanasiz hayvonlar albatta, ularni topib oziqlanishadi va sizlarning issiq mehringizni his qilishadi.