EFFECT.UZ | Расмий канал

Бир йил олдин Россия қамоқхонасида вафот этган Алексей Навалнийнинг қабри бошига юзлаб одамлар келди

Мухолифатчининг вафоти бир йиллигига Москвадаги Борисов қабристонида унинг хотирасини ёд этиш учун кўплаб одамлар тўпланишди — улар қабрга гуллар, расмлар ва хатлар қўйиб кетишяпти.

АҚШнинг Россиядаги элчиси Лин Трейси ҳам Алексей Навалний қабрини зиёрат қилиб, гул қўйди.

Бугун Навалнийнинг хотирасига бағишланган тадбирлар дунё бўйлаб ўтказилмоқда. Россиянинг кўплаб шаҳарларида хотира ёдгорликлари кўзга ташланмоқда, жумладан, қатағон қурбонларининг ёдгорликларига гуллар қўйилди.

Россияда Алексей Навалний хотирасига бағишланган акцияларда полиция камида 12 кишини қўлга олди.

Telegram I Facebook I YouTube I Live

Чинор дарахтини кесиб, ўсимлик дунёсига 117 млн сўм зарар етказган шахслар қамоққа олинди

Фарғона вилояти Қўқон шаҳрида чинор дарахтини кесишга уриниб, қочиб кетган фуқаролар ушланди. Бу ҳақда Экология бошқармаси хабар берди.

Қайд қилинишича, мутасаддилар Қўқон шаҳар Зилол маҳалласида номаълум шахслар томонидан ҳеч қандай рухсатномасиз кўпйиллик чинор дарахтининг ярим қисмига қадар арралангани аниқланган. Маълум бўлишича ўсимлик дунёсига 117 млн сўм етказилган зарар ҳисобланган.

Суриштирув ишлари давомида аниқланишича, 13 феврал куни Учкўприк тумани Фаровон маҳалласи Калтасой қишлоғида яшовчи икки нафар фуқаро чинорни қасддан шикастлаган.

Уларнинг ҳаракатларида ҳуқуқбузарлик содир этилгани аниқланган ва ҳар бирига маъмурий қамоқ жазоси тайинланган.

Шунингдек, ҳолат юзасидан Жиноят кодексининг 198-моддаси (яшил зоналарда дарахтлар ва буталарни ноқонуний кесиш ёки шикастлаш) бўйича жиноят иши қўзғатилган.

Маълумот учун, Ўзбекистонда дарахт кесганлик учун жазо чораларини кучайтириш кўзда тутилган қонун 2024 йил 1 мартдан кучга кирган.

Унга кўра дарахтлар, буталар, бошқа ўсимликлар ва ниҳоллар қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказганлик учун:

фуқаролар БҲМнинг 25 бараваридан 50 бараваригача — 8 миллион 500 минг сўмдан 17 миллион сўмгача (шу пайтга қадар БҲМнинг 5 бараваридан 10 бараваригача эди), мансабдорлар БҲМнинг 50 бараваридан 75 бараваригача, яъни 17 миллион сўмдан 25 миллион 500 минг сўмгача (шу пайтга қадар БҲМнинг 10 бараваридан 15 бараваригача) жаримага тортилади.

Душанбеда Ўзбекистон - Тожикистон “Дўстлик боғи” барпо этилади

Қишлоқ хўжалиги вазирлиги маълумотларига кўра, ушбу лойиҳа нафақат икки давлат ўртасидаги қардошлик рамзи, балки экологик барқарорлик ва қишлоқ хўжалигини ривожлантириш йўналишида ҳам муҳим аҳамият касб этади.

👉🏻 https://effect.uz/6192

Telegram I Facebook I YouTube I Live

Туркиянинг шифобахш ғорлари ҳақида билармидингиз?

Туркия ғор ва ғор кезувчилар учун идеал маскан бўлиб, мамлакат бўйлаб қарийб 40 000 ғор мавжуд. Ушбу ажойиб геологик тузилмаларнинг ер ости кўллари, сталактитлари ва сталагмитларини ўрганиш энг ҳаяжонли саргузаштлардан биридир. Бу сирли ер ости оламига кирганингизда, ўзингизни фантастик фильмлардагидек ҳис қилмаслик мумкин эмас.

👉🏻 https://effect.uz/6190

Telegram I Facebook I YouTube I Live

Танзила Норбоева Ширин Абдуллаеванинг яқинларига таъзия билдирди

Олий мажлис сенати раиси Танзила Норбоева марҳума хонанда Ширин Абдуллаеванинг вафоти муносабати билан ҳамдардлик билдирди.

Интилувчан, ёш бўлишига қарамай ҳаётда ўз ўрнини топган қизимиз Ширин Абдуллаеванинг вафоти барчамизни чуқур қайғуга солди.

Эндигина 19 ёшга кирган қизимиз ўз иқтидори, меҳнати билан илмда, санъатда ўзини намоён эта олган умидли ёшларимиздан бири эди. 2023 йилда санъат йўналиши бўйича Зулфия номидаги Давлат мукофоти билан тақдирланган.

Хитойда таҳсил олаётган қизимизнинг келажакда Ўзбекистонимиз ривожига ҳисса қўшиш, икки мамлакат ўртасидаги дўстлик ришталарини янада мустаҳкамлаш каби юксак орзулари бор эди. Аммо, бешафқат ўлим уни орамиздан олиб кетди.

Шириннинг ота-онаси, яқинларига чуқур таъзиямизни билдирамиз.

Telegram I Facebook I YouTube I Live

Холмўмин Ёдгоровга саволлар бор…

Судьялар Олий Кенгаши раиси Холмўмин Ёдгоров назарида журналистлар “ёлғончи” асосланмаган маълумот тарқатувчи. Хўш, нима учун дейсизми, марҳамат ушбу мақола давомида батафсил фикр билдиришга ҳаракат қиламиз.

Бундан бир ҳафта олдин Effect.uz таҳририятига келиб тушган маълумотлар юзасидан “Судьяларнинг нафси ҳакалак отганми ёҳуд Ёдгоров ва Исломов тизгинни йўқотдими?” номли мақола эълон қилинган эди.

Мазкур мақола Судьялар Олий кенгаши раиси Холмўмин Ёдгоровнинг жиғига теккан кўринади, ёки мақолада битилган танқидий маълумотлар оғир ботгандек? Чунки ушбу мақолага нисбатан Судьялар олий кенгаши тезкор ва «бошқача» муносабат билдирди. Биз эса шоирона ёзилган раддияга юридик жавоб қайтаришни жоиз деб биламиз.

👉🏻 https://effect.uz/6189

Telegram I Facebook I YouTube I Live

Шавкат Мирзиёев расмий ташриф билан Кувайтга боради

Президент Шавкат Мирзиёев Кувайт амири Шайх Мишъал Ас-Сабоҳ таклифига биноан 17-18 февраль кунлари расмий ташриф билан ушбу мамлакатда бўлади.

Ташриф дастурига мувофиқ, Ал-Кувайт шаҳрида олий даражада икки томонлама музокаралар ҳамда ушбу мамлакат ҳукумати аъзолари, етакчи компаниялари ва банк-молия тузилмалари раҳбарлари билан учрашувлар бўлиб ўтади.

Бўлажак саммит кун тартибидан Ўзбекистон-Кувайт дўстлик ва кўп қиррали шериклик муносабатларини янада ривожлантириш ва мустаҳкамлаш, савдо, инновациялар, инвестиция ва молия, «яшил» энергетика, саноат кооперацияси, қишлоқ хўжалиги, транспорт ва логистика, инфратузилма, шаҳарсозлик, соғлиқни сақлаш ва бошқа устувор йўналишларда ҳамкорликни кенгайтириш масалалари ўрин олиши кўзда тутилган.

Маданий-гуманитар ва туризм алмашинувини кенгайтириш масалалари ҳам диққат марказида бўлади. Бундан ташқари, Ўзбекистон ва Кувайт етакчилари халқаро сиёсат ва минтақавий ҳамкорликнинг долзарб жиҳатларини кўриб чиқади.

Музокаралар якунида қатор қўшма ҳужжатлар ва битимлар қабул қилиниши кутилмоқда.