Репост из: @BUGUNUZ™ - Official channel
ПРЕЗИДЕНТ КЕЛИШИГА ЭКИЛГАН ГУЛЛАРНИ СУҒОРИШГА ЧИҚАРИЛГАН УЧ ҲАШАРЧИ АЁЛ, МАШИНА УРИБ, ҲАЛОК БЎЛДИ
Андижон вилоят, Асака туманининг ободонлаштириш бўлимига ёрдам сифатида маҳалладан юборилган, катта йўл четидаги гулларни суғораётган уч нафар аёлни 16 май куни эрталаб Cobalt автомобили босиб кетди.
Аёллардан икки нафари воқеа жойида ҳалок бўлди, бир нафари эса касалхонада вафот этди.
Аёллар президент ўтиши эҳтимоли бўлган автомобиль йўли четида ишлаётган бўлган бўлган. Шу куни Андижон вилоятига президент Мирзиёев келди.
Асака туман ички ишлар бўлимидан олинган маълумотга кўра, автомобиль ҳайдовчиси воқеа жойидан қочиб кетган ва қидирув эълон қилинган.
Ўзбекистон президенти 16 май куни Андижон вилоятига сафар қилди.
Шу куни эрта тонгдан Асака туманининг ободонлаштириш бўлими ишчилари ва маҳалладан юборилган аёллар президент ўтиш эҳтимоли бўлган йўлларни тозалашга, экилган гулларни суғоришга сафарбар қилинди.
Асака туманининг Дастурхончи қишлоғида яшайдиган, исми сир қолишини сўраган маҳалла фаолларидан бирининг айтишича, уларнинг қишлоғидан юборилган уч аёлни машина босиб кетган:
“Бизнинг маҳалладан ҳам аёллар ободонлаштириш ишларига жалб қилинган эди. Йўл четидаги гулларга сув қуйишга чиқарилган. Бугун эрталаб, Қадим қипчоқ йўлида аёлларни машина уриб юборибди, деган хабарни эшитганимдан сўнг воқеа жойига бордим. Ўша ердаги қизлардан бири билан суҳбатлашдим. Унинг айтишича, катта тезликда келган Кобалт машинаси Омадхон, Фазилатхон, Барчин опаларни уриб юборибди. Омадхон билан Фазилатхон ўша жойнинг ўзида жон таслим қилибди, Барчин опани эса йўловчилардан бири машинада касалхонага олиб кетибди. Ҳозиргина у опанинг ҳам вафот этганини эшитдик. Кобалт ҳайдовчиси воқеа жойидан қочиб кетган”.
Асака туман ободонлаштириш бўлимида ишлайдиган, исми сир қолишини сўраган ишчилардан бирининг айтишича, бу аёллар доимий ишчи бўлмаган:
“Бу аёллар жамоатчиликдан келган аёллар, ободонлаштириш бўлимининг доимий маош олиб ишлайдиган ишчилари эмас. Уларни бригада қилиб, сариқ форма бериб ишлатишади”.
Ўзини Валижон деб таништирган Асака туман ободонлаштириш бўлимининг бошлиғи Озодлик саволларига жавоб беришдан бош тортиб, алоқани узиб қўйди.
Асака туман ички ишлар бўлимининг ўзини таништирмаган мулозими, бу автоҳалокатда уч нафар аёл ҳалок бўлганини тасдиқлади:
“Уларни Кобалт русумли автомобиль уриб юбориб, ҳайдовчи воқеа жойидан яширинган. Ҳозир прокуратура ва ички ишлар терговчилари бу воқеани биргаликда ўрганишмоқда. Бу аёллар ҳашарчилар бўлган, лекин устларида нурда товланадиган формаси бор экан. Айни пайтда, тезкор тадбир эълон қилиниб, ҳайдовчи ва унинг машинаси қидирилмоқда”.
Президент келишига одамлар бутун вилоят бўйлаб мажбурий меҳнатга жалб қилинди
Андижон вилоятида президент ташрифидан олдин бюджетдан маош олиб ишлайдиган ташкилотлар ходимлари мажбурий меҳнатга жалб этилгани ҳақида Озодлик 15 май куни мана бу хабарни олган эди:
“Жалақудуқ туманида Президент ташрифидан олдин барча ташкилот ходимлари магистрал йўлни тозалашга ҳоким томонидан жалб қилинмоқда. Энг ачинарлиси тиббиёт ходимлари, барча ҚВП мудиралари раҳбарлигида, рўза оғиз билан офтобда иш қилишиб юришибди. Бу маддоҳ раҳбарчаларнинг харакати натижасида, фуқароларда давлат раҳбарига нисбатан салбий фикр пайдо бўлишига олиб келади. Муносабат билдирай десам, бизникилар индама дейди. Биргина тиббиётнинг ўзидан юзлаб ходим Жалақудуқдан Қўрғонтепагача бўлган масофани бўлиб олишиб, йўлни тозалашга ва фермер ерларидаги ўтларни юлишга мажбурланмоқда”.
Муштарий бу айтганларига исбот сифатида тиббиёт ходимлари мажбурий меҳнатга жалб қилингани ҳақидаги суратларни ҳам илова қилди.
Ўзбекистонда мажбурий меҳнат олиб чиқилган ходимларнинг бахтсиз ҳодисага учраши биринчи марта содир бўлаётгани йўқ.
https://t.me/bugunuz/23635
Андижон вилоят, Асака туманининг ободонлаштириш бўлимига ёрдам сифатида маҳалладан юборилган, катта йўл четидаги гулларни суғораётган уч нафар аёлни 16 май куни эрталаб Cobalt автомобили босиб кетди.
Аёллардан икки нафари воқеа жойида ҳалок бўлди, бир нафари эса касалхонада вафот этди.
Аёллар президент ўтиши эҳтимоли бўлган автомобиль йўли четида ишлаётган бўлган бўлган. Шу куни Андижон вилоятига президент Мирзиёев келди.
Асака туман ички ишлар бўлимидан олинган маълумотга кўра, автомобиль ҳайдовчиси воқеа жойидан қочиб кетган ва қидирув эълон қилинган.
Ўзбекистон президенти 16 май куни Андижон вилоятига сафар қилди.
Шу куни эрта тонгдан Асака туманининг ободонлаштириш бўлими ишчилари ва маҳалладан юборилган аёллар президент ўтиш эҳтимоли бўлган йўлларни тозалашга, экилган гулларни суғоришга сафарбар қилинди.
Асака туманининг Дастурхончи қишлоғида яшайдиган, исми сир қолишини сўраган маҳалла фаолларидан бирининг айтишича, уларнинг қишлоғидан юборилган уч аёлни машина босиб кетган:
“Бизнинг маҳалладан ҳам аёллар ободонлаштириш ишларига жалб қилинган эди. Йўл четидаги гулларга сув қуйишга чиқарилган. Бугун эрталаб, Қадим қипчоқ йўлида аёлларни машина уриб юборибди, деган хабарни эшитганимдан сўнг воқеа жойига бордим. Ўша ердаги қизлардан бири билан суҳбатлашдим. Унинг айтишича, катта тезликда келган Кобалт машинаси Омадхон, Фазилатхон, Барчин опаларни уриб юборибди. Омадхон билан Фазилатхон ўша жойнинг ўзида жон таслим қилибди, Барчин опани эса йўловчилардан бири машинада касалхонага олиб кетибди. Ҳозиргина у опанинг ҳам вафот этганини эшитдик. Кобалт ҳайдовчиси воқеа жойидан қочиб кетган”.
Асака туман ободонлаштириш бўлимида ишлайдиган, исми сир қолишини сўраган ишчилардан бирининг айтишича, бу аёллар доимий ишчи бўлмаган:
“Бу аёллар жамоатчиликдан келган аёллар, ободонлаштириш бўлимининг доимий маош олиб ишлайдиган ишчилари эмас. Уларни бригада қилиб, сариқ форма бериб ишлатишади”.
Ўзини Валижон деб таништирган Асака туман ободонлаштириш бўлимининг бошлиғи Озодлик саволларига жавоб беришдан бош тортиб, алоқани узиб қўйди.
Асака туман ички ишлар бўлимининг ўзини таништирмаган мулозими, бу автоҳалокатда уч нафар аёл ҳалок бўлганини тасдиқлади:
“Уларни Кобалт русумли автомобиль уриб юбориб, ҳайдовчи воқеа жойидан яширинган. Ҳозир прокуратура ва ички ишлар терговчилари бу воқеани биргаликда ўрганишмоқда. Бу аёллар ҳашарчилар бўлган, лекин устларида нурда товланадиган формаси бор экан. Айни пайтда, тезкор тадбир эълон қилиниб, ҳайдовчи ва унинг машинаси қидирилмоқда”.
Президент келишига одамлар бутун вилоят бўйлаб мажбурий меҳнатга жалб қилинди
Андижон вилоятида президент ташрифидан олдин бюджетдан маош олиб ишлайдиган ташкилотлар ходимлари мажбурий меҳнатга жалб этилгани ҳақида Озодлик 15 май куни мана бу хабарни олган эди:
“Жалақудуқ туманида Президент ташрифидан олдин барча ташкилот ходимлари магистрал йўлни тозалашга ҳоким томонидан жалб қилинмоқда. Энг ачинарлиси тиббиёт ходимлари, барча ҚВП мудиралари раҳбарлигида, рўза оғиз билан офтобда иш қилишиб юришибди. Бу маддоҳ раҳбарчаларнинг харакати натижасида, фуқароларда давлат раҳбарига нисбатан салбий фикр пайдо бўлишига олиб келади. Муносабат билдирай десам, бизникилар индама дейди. Биргина тиббиётнинг ўзидан юзлаб ходим Жалақудуқдан Қўрғонтепагача бўлган масофани бўлиб олишиб, йўлни тозалашга ва фермер ерларидаги ўтларни юлишга мажбурланмоқда”.
Муштарий бу айтганларига исбот сифатида тиббиёт ходимлари мажбурий меҳнатга жалб қилингани ҳақидаги суратларни ҳам илова қилди.
Ўзбекистонда мажбурий меҳнат олиб чиқилган ходимларнинг бахтсиз ҳодисага учраши биринчи марта содир бўлаётгани йўқ.
https://t.me/bugunuz/23635