Doston Chustiy

@doston_chustiy

Гео и язык канала: Узбекистан, Узбекский

Категория: Блоги

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Doston Chustiy

9 Dec, 19:05

Biz hech nimani vaqtida qilmaymiz!

Kuzatuvlarim asosida shuni angladimki, biz (men) hech nimani vaqtida qilmaymiz.

O‘qish kerakligida o‘qimay o‘ynab kulamiz. Ishga kirganimizda esa vaqtida o‘qimaganimizni anglab yetib, afsuslanamiz.

Suvni tejash kerak deyilayotgan bir vaqtda, suvni isrof qilamiz. Suv yo‘qligida esa tejamaganimizga afsuslanib o‘tiramiz.

Uxlaydigan vaqtda keraksiz narsalar bilan shug‘ullanamiz. Keyin ish qilish vaqtida uyqusirab yuramiz.

Birgina ishni vaqtida qilmasligimiz oqibatida zanjirli muammolarga duch kelib yuramiz.

Aslida, bu muammoning ildizi vaqtning qadriga yetmaslik xolos.

Bu muammoda zarar ko‘rganlar tarixda juda ko‘p. Nahot shularni ko‘rib ham xulosa qilmasak?

Yoki inson bir xatodan saboq olishi uchun albatta shu xatoni qilib ko‘rish kerakmi?

@doston_chustiy

87 0 2

Doston Chustiy

8 Dec, 20:06

Vaqt bu nisbiy tushuncha. U cho'ziladi , siqiladi lekin hech qachon ortga qaytmaydi .

© "Interstellar" filmidan

@doston_chustiy

112 0 1

Doston Chustiy

4 Dec, 06:40

Hayotda faqat intizomli insonlargina haqiqatan erkin bo‘ladilar. Agar intizomli bo‘lmasangiz, o‘z kayfiyatingiz va ehtiroslaringizning quli bo‘lib qolasiz.

© Eliud Kipchoge ( Keniyalik uzoq masofaga yuguruvchi va marafon bo‘yicha jahon rekordini o‘rnatgan sportchi)

@doston_chustiy

180 0 5

Doston Chustiy

3 Dec, 05:26

Hamma manzarani ko‘rishni istaydi, lekin hech kim yuqoriga ko‘tarilishni xohlamaydi

Hamma IELTS olishni istaydi, lekin hech kim intizom bilan bir kunda besh dona so‘z yodlay olmaydi.

Hamma boy bo‘lishni istaydi, lekin hech kim ermakka bo‘lsa ham kichkinagina biznes boshlay olmaydi.

Hamma ozish / semirishni istaydi, lekin hech kim to‘g‘ri ovqatlanishga besh kun amal qila olmaydi.

Xulosa shuki, biror narsani xohlashni o‘zi kamlik qiladi. Unga erishish uchun harakat qilish kerak. Harakat!

@doston_chustiy

195 0 0

Doston Chustiy

1 Dec, 18:14

Bu hayotda yashar ekansiz qiyinchiliklarga duch kelaverasiz

"Kachok" bo‘lmoqchimisiz, yillab umringizni sport zalida mashq qilgan holda o‘tkazishga majbursiz.

Mutaxassis bo‘lmoqchimisiz, sohangizni ipidan ignasigacha yillab vaqt sarflab, o‘rganishga majbursiz.

Fikrlashingizni o‘stirmoqchimisiz, turli xil insonlarning nuqtai nazarini tahlil qilib, o‘rganib chiqishga majbursiz.

Til o‘rganmoqchimisiz, minglab so‘zlarni yod olishga, grammatikadagi strukturalarni bilishga majbursiz.

Bu hayot shunday, harakat qilgan qiynalaveradi.

Mana shu qiyinchiliklarni, aniqroq aytadigan bo‘lsam, o‘zining qiyinchiliklarini yenggan insongina shaxsga aylana oladi. O‘z shaxsiyatiga ega bo‘la oladi.

Aksincha o‘z dardlaringizni, qiyinchiliklaringizni yenga olmasangiz, jamiyat ichiga singib, yo‘qolib ketasiz.

@doston_chustiy

344 1 2

Doston Chustiy

30 Nov, 17:52

Ertaga qishning birinchi kuni

Bugun esa kuzning so‘ngi kuni. Shu sabab sizlar bilan kuzgi xotiralarimni bo‘lishgim keldi.

Ushbu suratlar sizlar uchun oddiy ko‘rinishi mumkin. Lekin men bularni ko‘rganimda har safar har xil hissiyotlar tuyaman.

@doston_chustiy

136 0 0

Doston Chustiy

27 Nov, 06:37

Qayerdadir o‘qib qoldim, yoki eshitib qoldim:

Agar biror muammoni hech qanday tarzda hal qila olmasangiz, bu hal qilinishi kerak bo‘lgan muammo emas, balki qabul qilinishi kerak bo‘lgan haqiqatdir.

@doston_chustiy

264 0 5

Doston Chustiy

26 Nov, 06:28

Qiyin ishlar vaqtida qilinmagan oson ishlarning yig‘indisidir.

© Genri Ford

@doston_chustiy

258 0 1

Doston Chustiy

25 Nov, 06:10

O‘zingiz uchun yaxshiroq kelajak yaratish maqsadida har kuni bir soatga "g‘oyib bo‘lish"ni odatiy holga aylantiring.

© Dan Koe

@doston_chustiy

305 0 4

Doston Chustiy

24 Nov, 18:01

#taqriz

O‘tkir Hoshimov — "Bahor qaytmaydi"

"Taqdir degan gapni odamlar o‘zini yupatish uchun o‘ylab topgan bo‘lsa kerak. Boshimizga og‘ir tashvish tushsa uning oqibatini ko‘ramiz-u, sababini surishtirib o‘tirmaymiz. Qismatdan nolib qo‘ya qolamiz. Ko‘pdan buyon xuddi shu qismat izimizdan quvib yurganini, uni o‘zimiz ergashtirib yurganimizni bo‘ynimizga olishdan qo‘rqamiz."

Ushbu asar bosh qahramoni Alimardonning ham boshidan o‘tkazganlarini bir tomon taqdir desa ham bo‘ladi, ikkinchi tomondan esa o‘zining qilgan ishlari mevasi desa ham bo‘ladi. Muqaddamning u bilan uchrashib qolishi, do‘sti Anvarning yordami bilan televideniyeda chiqishi taqdirning in’om etgan baxti desak, qolgan barcha baxtsizliklarning sababchisi Alimardon To‘rayevning o‘zi edi.

U shon-shuhratdan, to‘kin-sochin hayotdan mast bo‘lib, hayotida erishgan barcha muvaffaqiyati sababchisi ijodidan ham kechib yuborgan edi. Taqdir esa ijod orqali bergan barcha narsasini, shuhratini, oilasini, tinchligini, halovatini, hatto ijodining o‘zini va so‘ngida hayotini ham tortib oldi.

Endi, asarda meni diqqatimni tortgan narsalarga to‘xtalsam, bu syujet salbiy qahramon atrofiga qurilgani ya’ni Alimardon atrofida qurilgani. Menimcha, unda insoniylikdan tashqari boshqa barcha sifatlar mujassam edi. Lekin voqealiklar so‘ngida farzandi tufayli unda insoniylik xislatlari ko‘zga tashlana boshlagan edi. Ammo bu vaqt juda kech edi. Asar tili bilan aytadigan bo‘lsam, bu vaqt bahor qaytmas bo‘lib, ketib bo‘lgan edi. . .

Qolgan qahramonlar xususan, Muqaddam juda ham sodda, "odamlar nima deydi" deb o‘ylaydigan, ota-onasi bilan yaxshi ruhiy aloqa o‘rnatmagan, o‘zi uyiga sig‘magan haqiqiy o‘zbek qizi sifatida tasvirlangan. Fikrimcha, u Anvarga qilgan ishi uchun shunday taqdirga munosib edi.

Asar boshida xuddi asosiy qahramondek tuyuladigan Anvar esa tabiatan uyatchan, sodda, qizlar bilan gaplashishni bilmaydigandek gavdalantirilgan edi. Lekin inson eng mos tushadigan fazilatlar barchasi unda mujassam edi.

Qisqa qilib, asardan xulosa chiqaradigan bo‘lsam, hayotimizdan nafaqat bahor, balki, o‘tkizayotgan har bir onimiz, qaytmaydi. Ulardan faqat xotiralar qoladi. Bu xotiralarni eslab, qandaydir takrorlanmas zavq tuyishingiz yokida bo‘g‘zingizga tiqiladigan alam his qilishingiz mumkin. Bu esa albatta o‘zingizga bog‘liq.

Yana bir narsani yoddan chiqarmasligingizni so‘rab qolardim:

"Hayot nimaiki taqdim etgan bo‘lsa, o‘shandan ortig‘ini qaytib olmaydi"

@doston_chustiy

271 0 0

Doston Chustiy

23 Nov, 18:13

Insoniyatning barcha muammolari odamning xonada yolg‘iz jim o‘tira olmasligidan kelib chiqadi.

© Blez Paskal

@doston_chustiy

1.3k 0 11

Doston Chustiy

21 Nov, 06:46

Qo‘rquvlaringiz bilan yuzlashish sizni kuchliroq qilsa qiladiki, hech qachon zaiflashtirmaydi.

@doston_chustiy

437 0 2

Doston Chustiy

20 Nov, 07:33

Репост из: Prof. Sherzod

Телефонлар бошимизга етади(ми?)

Бундан бир неча йил олдин (10 йилга яқинлашиб қолди) талабаларимга танаффус эълон қилганим эсимда. 2 соатлик семинар бўлгани учун, 10 дақиқа тоза ҳаво олиб келсин, деган яхши ниятда, "10 дақиқа танаффус!" дегандим. Шунда 15 талабадан биронтаси ўрнидан туриб, ташқарига чиқмади. Улар нима қилди, айтайми? Топдингиз—барчаси ўтирган жойида телефонини чиқарди ва кўзини узмай титкилай бошлади.

Ўн йилларча олдин нима бўлганди ўзи? Нима учун айнан ўша пайтда илк бор юз берди бу ҳодиса? Ҳа-я, 10 йилча олдин экранлари катта айфон 6 ва 6 плюс чиққанди. Айфондан бошқа деярли барча телефон ишлаб чиқарувчилар катталиги ликопчадай телефонларни оммалаштириб бўлганди. Бу даврга келиб, телефонлар анча оммалашганди ҳам—тарихда биринчи бор айнан шу йилларда ўсмирларнинг кўпчилиги телефонли бўлди.

Яна ёшлардан нолияпти, деб ўйламанг—ёзадиганларим барчамизга тегишли.

Албатта, катта экранли телефонлар оммалашганининг ўзи етмади—бу телефонларни диққат магнитига айлантирган нарса—мобил интернет ҳам анча оммалашди. Шахсан мен телефондаги интернет пакетлари қиммат бўлган пайтларни яхши эслайман. Ҳозирда эса тез ва нисбатан арзон интернет катта янгилик эмас.

Натижадачи? Натижада одамлар ҳожатхонагаям телефонсиз киролмайдиган, телефонда бир нарса томоша қилмай томоғидан нон ўтмайдиган бўлиб қолди.

Телефонда кўпчилик нимани кўради? Ўша телефоннинг ўзи (ундаги апплар—Фейсбук, Инстаграм вҳк) танлаб берадиган, қўл теккизмаса бир-бирига уланиб кетаверадиган қисқа видеолар кўради. Бу видеолар шунчалик кўп ва хилма-хилки, улар тугамайди. Бир кунда миллионлаб янгилари чиқади, таржима қилинади, тарқалади. Буларни чиқарадиганлар бундан мўмайгина пул ҳам топади.

Натижада одамларда, айниқса ёшларда, диққатни бир жойга жамлаш, чуқур фикрлашга бўлган кўникма йўқолиб бормоқда. Чуқур фикрсиз, диққатни бир жойга жамламасдан эса бирон бир янгилик яратиш, бирон маррага етиш имконсиз.

Ишдан қайтишда кўча четида телефонидан кўзини узмай мактабдан қайтаётган—кўзини экрандан олмасдан юриб кетаётган—болаларни кўриб, шуларни ўйлайман.

Бу нарса мени қўрқитади, ростини айтсам. Чунки ўзим ҳам телефонга тикилиб ўтирганимни баъзида сезиб қоламан. Лекин биз—телефонсиз катта бўлганлар—телефонсиз ҳаёт қандай бўлишини биламиз. Кўп ирода талаб қилсада, ундан воз кеча оламиз, чунки бизда муқобил дунё ҳақида тушунчалар, хотиралар бор.

Аммо туғилганидан турли катта ва кичик экранлар ва у экранларда тинимсиз қимирлаб турадиган нарсаларни кўриб ўрганган ёшлар нима қилсин? Улардан неча фоизи телефонни четга қўйиб туриб, ҳеч бўлмаса бир соат давомида китоб ўқий олади? Ўрнидан турмасдан нечтаси 2 соат иншо ёзади? Буларни тасаввур қилиш қийин.

Бунга ечим нима? Ростини айтсам, билмайман. Бу жараён ҳали шунчалик янгики, оқибатларини ҳатто олимлар ҳам яхши тушунмайди. Аммо яхшиликка олиб келишини шахсан мен кутмайман.

Сизчи, сиз нима деб ўйлайсиз?

@profsherzod

464 0 4

Doston Chustiy

19 Nov, 07:03

360 0 1

Doston Chustiy

18 Nov, 06:15

Biz mobil telefonlarimizga berilib ketgan bir paytda, robotlar o‘qiyapti, yozayapti va san’at asarlarini yaratayapti. Bu – robotlar davri.

Manba: X (Twitter)

@doston_chustiy

425 0 6

Doston Chustiy

15 Nov, 06:15

O‘ylashimcha, bizni tishlab, nashtar sanchib oladigan kitoblarnigina o‘qishimiz kerak. O‘qib bo‘linganidan so‘ng kitob bizni boshni gangituvchi zarba yegan inson holiga tushirmas ekan, uni o‘qib nima qildik?

© Frans Kafka

@doston_chustiy

404 0 5

Doston Chustiy

13 Nov, 18:00

Ehtiyoj va xohish

Ehtiyoj bu insonning hayoti uchun zarur bo‘lgan narsalar yoki xizmatlar.

Ular insonning hayotiy faoliyatini davom ettirish uchun muhimdir.

Xohish esa, bu insonning ma’lum bir narsani yoki xizmatni olish istagi.

Xohishlar ehtiyojlardan kelib chiqishi mumkin, lekin ular har doim ham hayotiy zarurat bo‘lmagan.

Xohishlar ko‘proq shaxsiy, hissiy va ijtimoiy omillarga bog‘liq bo‘ladi.

Masalan, chanqasangiz suv bu ehtiyoj.

Lekin, chanqaganingizda "Fanta" ichishingiz, bu xohish. Chunki, siz oddiy suv ichsangiz ham bo‘lardi.

Och qolganingizda, non yeyish bu ehtiyoj.

Lekin, och qolganingizda qora non yeyishingiz bu xohish. Chunki, oddiy non yesangiz ham bo‘lardi.

Ijtimoiy aloqalar o‘rnatmoqchi bo‘lsangiz, oddiy telefon bu ehtiyoj.

Lekin, ijtimoiy aloqalar o‘rnatmoqchi bo‘lsangiz, "Iphone 16" bu xohish. Chunki, oddiy telefon olsangiz ham bo‘lardi.

Umid qilamanki, bu ikkalasining farqini tushundingiz. Chunki bularning farqini to‘g‘ri tushunish xohishlaringizga ehtiyojlaringizdan ko‘ra ko‘proq mablag‘ sarflashingizni oldini oladi.

@doston_chustiy

351 0 1

Doston Chustiy

13 Nov, 05:41

Sukunat bir ummondir. Nutq esa daryo. Ummon sizni izlayotganda, daryoga sho‘ng‘imang. Ummonga quloq soling.

© Rumiy

@doston_chustiy

354 0 2

Doston Chustiy

11 Nov, 18:08

Vazifasi bir xil

Nima qilibdi sizda "Samsung", unda "Iphone" bo‘lsa? Ikkitasida ham oyingiz bilan gaplasha olasiz.

Nima qilibdi sizda oddiy kompyuter, unda "Mac" bo‘lsa? Ikkitasida ham diplom ishingizni yozsangiz bo‘ladi.

Nima qilibdi sizda "Matiz", unda "Malibu" bo‘lsa? Ikkitasi ham sizni bir manzildan boshqasiga olib boradi.

Nima qilibdi siz faqat badiiy kitob o‘qisangiz, u faqat ilmiy kitob o‘qisa? Ikkitasi ham dunyo qarashni o‘zgartiradi.

Nima qilibdi sizni qo‘lingizdagi oddiy soat, uniki "Rolex" bo‘lsa? Ikkitasi ham bir xil vaqtni ko‘rsatadi.

Nima qilibdi odamlar gapirsa? Ular gapirsa ham gapirmasa ham hayotingiz o‘tadi.

Shunchaki, ularning gapiga quloq solsangiz, hayotingiz qiyinroq kechadi. Quloq solmasangiz osonroq.

Farq shunda xolos.

@doston_chustiy

391 0 0

Doston Chustiy

11 Nov, 05:48

Har birimiz insoniyat hayoti uchun mas’uliyatning ma’lum bir qismini o‘z zimmamizga olib, o‘z ustimizda, shaxsiyatimizni yaxshilash ustida ishlashimiz kerak.

© Mariya Sklodovskaya Kyuri

@doston_chustiy

254 0 1

Показано 20 последних публикаций.

152

подписчиков

Статистика канала

Язык сайта

Postal

Как привлекать от 1000 пдп ежедневно?

Чистая Энергия ӏ Sof Energiya

Doston Chustiy

Гео и язык канала

Категория

152

Популярное в канале