Doctor Feruz | Ongli ozish

I have a dream that the obesity epidemic in the world will come to an end.

@doctorferuz

Uxlamaganlar uchun juda kuchli kuldiradigan afandi aytib beraman.

Faqat ogohlantirib qoʻyay, uyqungizni battar qochirib yuboradi.

Aytgancha, qoʻshnilargacha klugingiz eshitilib, ularni bezovta qilmaslik uchun boshingizni koʻrpacha bilan oʻrab oling.

Xonani sveti oʻchiq boʻlsa yoqib qoʻying, yana uydagilar xavotir olib kirib kelganda u bu joyga turtilib shikastlanib qolmasin.

Tayyormisiz?

Diqqat! Tepadagi ishlarni qiling yotmasdan, keyin oʻqing!

Demak tayyorsiz!

Yaxshi!

3
2
1

Bir Afandi tursa, oldidan bitta Afandi oʻtibdi. Unga qarab “salom” debdi. Yana biroz tursa ikkita Afandi oʻtibdi, ularga qarab “salom, salom” debdi. Yana tursa uchta Afandi oʻtibdi, ularga qarab “salom, salom, salom” debdi. Yana ozgina turgan ekan bir vagon afandi oʻtib ketibdi…

Tugadi! Hammasi yaxshimi ishqilib?

Ha, shunaqami?! Biroz oʻtib ta’sir qilishni boshlaydi unda.

@doctorferuz

Kofe boʻyicha “svejiy” tadqiqot: https://doi.org/10.1093/eurheartj/ehae871
Kofeni Ertalab ichish kunni Boshqa vaqtlariga nisbatan foydaliroq ekan.

@doctorferuz

Ayol-qizlar tunda qoʻrqmay uxlaysiz,
Eshik ochiq qolsa ham xavotiringiz yoʻq.
Otam, akam, ukam, erim bor deb dadilsiz,
Hammasidan koʻnglingiz toʻq.

Oila, vatan himoyachisi — Er-yigit — askarlar, boshingiz omon boʻlsin! Alloh madadkor boʻlsin!

@doctorferuz

Soch toʻkilishida nima yesak boʻladi deb soʻraganlar uchun instagramga video-reels joylab qoʻydim. Maskasi ham bor.

Kal boʻlishdan avval koʻring)

@doctorferuz

Hozir xabar berib qolishdi. Bir necha kun oldin Toshkent telekanalidagi bir koʻrsatuvga “Zamonaviy diyetalar” mavzusi yuzasidan chaqirishgan edi.

Shu koʻrsatuv birozdan keyin, 20:00 da qoʻyilar ekan. Kimga qiziq boʻlsa Toshkent telekanaliga buring, hozir boshalandi.

Keyin bitta gapim bor bu boʻyicha, koʻrib olinglar, yozaman.

@doctorferuz

“Ha” deganda 2-yanvar tugayabdi. Yana hademay yoz keladi. Qarabsizki 2026-yil eshik qoqib turibdida.

Mayli, siz ham charchagansiz. Dam olishga haqqingiz borku axir. Biratoʻla dushanba kunidan, 6-yanvar boʻlar ekan, boshlaysiz.

U kuni Ongli ozish kursi ham start oladi. Nasib qilsa sizlarni yozgacha “plyaj” formasiga tushiramiz. 20 tadan ortiq odam qisman toʻlov qilib qoʻygan ekan. 6-yanvargacha toʻliq qilib qoʻying, boʻlmasa kursga qoʻshila olmaysiz.

@doctorferuz

Bir kechada, yil almashganda hammasi oʻzgarishi kerak edi. Uyqudan tursam hech narsa oʻzgarmabdi. Hammasi oʻsha-oʻsha. Qorbobo qayerga qaragan, hayronman?!

Oʻtgan yil boshida 2025-yilda erishmoqchi boʻlgan rejalarim, maqsadlarim bor edi soqollari bor bobo axir?!

Mayli, boʻlgan ish boʻldi, qorboboni ham toʻgʻri tushunaman. Balki sovuqda erinib qolgandir yoki uzoq oʻlkalardan kelishga yoqilgʻisi yoʻqdir.

Oʻylab qarasam hamma ayb oʻzimda ekan. Kutmasligim kerak edi. Bilib-bilib ishlarimni qilaverganimda oz boʻlsada nimagadir erisharmidim.

Endi bu yil shunaqa qilmoqchiman, shuncha yil kutganim yetadi, sabr kosam toʻldi.

Agar sizni ham aldab, kelmagan boʻlsa, oʻsha hayot, oʻsha qomat boʻlsa maslahatim, bu yil uchun oʻzingizga rejalar tuzing.

Reja tuzishga qiynalsangiz bildiring, bu boʻyicha oliygohda mustaqil ishi qilganman)

@doctorferuz

Hush kelibsan yangi qomat,
Eski qomat alvido.

Marhabo sogʻlik-salomat,
Qaytma dardim, alvido.

@doctorferuz

Hazm qilish preparatlari maksimal sotilishiga 1 kun qoldi.

@doctorferuz

Har birimizni oʻzimizga yarasha muammolarimiz bor. Bu muammolarni esa oʻziga yarasha qiymati ham bor.

Miyamizni qiziq va shu bilan birga juda ayyor a’zo ekaniga bir dalil keltirmoqchiman.

Misol uchun, bir joyingiz doimiy ogʻriydi. Sizdan shu ogʻriqni ketkazish uchun qancha berishga tayyorsan deb soʻrasa, ishonchim komil oʻylanib qolasiz. Ancha vaqt oʻylab ham hattoki bir aniq summani ayta olmaysiz.

Siz ham oʻzingizga shu savolni hozir berib koʻring. Bu aynan ogʻriq uchun boʻlishi shart emas, qandaydir organizmdagi boshqa muammodir.

Nega biz bu savolni javobini uzoq oʻylaymiz? Sababi, uni aniq qiymati yoʻqligi. Balki pul bilan ham oʻlchab boʻlmasligidir.

Huddi shu jarayonga teskari tomondan yondashsakchi, miya uchun doim qimmatdek koʻrinadi.

Masalan, “Shu ogʻriqni mana bunchaga qoldirib beraman” desa, biroz oldin qiymatini aniqlay olmasdan, bu muammodan qutilish uchun har narsaga tayyor turgan miya: “Voybo” deb yuborishi mumkin.

Shunaqa. Qiymat pallasiga qoʻyib koʻrishda koʻpam miyaga ishonavermang, oʻzingizni oʻzingiz aldab qoʻyishingiz mumkin.

Kech uxlashni oqibati…

@doctorferuz

Shu kungacha eshitganlarim ichida meni doim hayron qoldirgani va vaqtlar o'tib buni haqiqatligi faqat isbotlanavergani quyidagilar:

Ko'pchilik bir kunda boy bo'lib qolishni, bir kunda mashxur bo'lishni, bir kunda ortiqcha yog'lardan xalos bo'lishni xohlaydi va bunga ishonadi ham.

Balki bir kunda boy bo'lib qolish mumkindir, lekin hech qancha vaqt o'tmasdan yana kambag'alga aylanadi. Sababi tushunarli, boy bo'lish bir mashaqqat bo'lsa, uni ushlab qolish yuz mashaqqat. Bunga ilm, tajriba kerak. Bular uchun esa vaqt!

Bir kunda (omadi kelib yoki qovun tushirib) mashxur bo'lib qolgan odam, doimiy mashxurlikda yurish uchun unda nimadir bo'lishi kerak. Ijodkorlikmi, yoki bilim, yoki boshqa... Lekin bularga ega bo'lish uchun baribir vaqt kerak.

Ozish ham shunaqa. Tez ozish mumkin, lekin uni ushlab qolish masalasi bor. Bunga ham ilm va vaqt kerak.

Sehrgarga aylanib qolmaymiz, yosh bola bo'lmaylik endi. Real hayotda yashaylik, ulg'ayaylik...

@doctorferuz

Ongli Ozish kursiga qabul tugamoqda!

Hayotingizni o‘zgartirishga bir qadam qolganda ikkilanmaslik vaqti keldi! Ongli Ozish kursiga qabul bu hafta yakunlanadi.

Bu kurs sizning nafaqat vazningizni balki hayotga bo‘lgan qarashlaringizni o‘zgartiradi. Orzu qilingan qomatingizga erishish nafaqat maqsad, balki o‘zingizni qadrlash, sevish va yangi sahifadan boshlashdir. 2025-yil — hammasini yangidan boshlash vaqti…

Hozir o‘zingizni qanday his qilyapsiz? Charchoq, ishonchsizlik yoki o‘zgara olmayman degan qoʻrquv sizni ushlab turayotgan bo‘lishi mumkin. Lekin shuni bilingki, har bir o‘zgarish bir qaror bilan boshlanadi.

Bu kurs orqali siz:
– Uzoq yillardan beri yo’qotishni orzu qilgan ortiqcha vazndan qutulasiz.
– Ovqatga bo‘lgan munosabatingiz oʻzgaradi.
– O‘z ustingizda ishlashga bo‘lgan ishonchingizni qayta tiklaysiz.
– Oʻzingizni yengishni oʻrganasiz. Bu ham ilm.

Bu imkoniyatni boy bermang. Siz bunga loyiqsiz! Kursga ulanish uchun sizda 6 kun qoldi. Qabul yopilgandan so‘ng afsuslanmaslik uchun bugunoq qaror qabul qiling!

Miyani qanday “aldash” mumkin?
(Yuqoridagi postning davomi)

1. Ovqatni sekin iste’mol qiling:
– Tadqiqotlardan ma’lumki, miyaga toʻyganlik haqidagi signal 20-25 daqiqada yetib boradi. 3-4 kun ovqatlanishingizga qancha vaqt ketishini sekundomer yoqib, sinab koʻring. Yeyilishi, chaynalishi qiyin yeguliklarni ovqatga qoʻshib yeyishga harakat qiling. Masalan, qattiqroq non.

2. Oshqozonni to'lishi muhim:
– Muhimi oshqozonni to'lishi, ovqat tarkibidagi moddalar emas. Ko'p hajm beradigan, lekin kam kaloriyaga ega mahsulotlarni ratsionga qoʻshing. Meva, sabzavot va koʻkatlar bunga misol boʻladi.

3. Mukofotlang:
– Dofamin tizimini faqat ovqat orqali rag‘batlantirishga oʻrgatib qoʻymaslik kerak. Buning o‘rniga hobby bilan shug'ullanib turish, meditatsiya yoki boshqa zavq bag‘ishlovchi mashg‘ulotlarni joriy qilish kerak. Hech boʻlmaganda kunda 20-30 daqiqa yolgʻiz piyoda yurib turing.

4. Kelajakni rejalashtirib oling:
– Kelajakka bo‘lgan noaniqliklarni kamaytirish uchun aniq rejalar tuzish miyani ortiqcha zahira yig‘ish rejimidan chiqarishi mumkin. Masalan, kunlik yoki haftalik ovqatlanish menyusini tuzib qo'ying.

Agar bularni mustaqil qilishga qiynalsangiz Ongli ozish kursiga yoziling. Hozirgacha 85% joy toʻldi. Ulgurasiz)

Foydali boʻlgan boʻlsa ❤️

@doctorferuz

Nega toʻygandan keyin ham yeyishda davom etamiz?

Qorin toʻygandan keyin ham ovqatlanishni davom ettirish – ko‘pchilikda uchraydigan holat. Bu insonning hayotiy reflekslariga, ya’ni biologik nuqtai nazardan omon qolish strategiyalariga asoslangan.

Biologik mexanizm: "Omon qolish" instinkti

Insonning qachon ovqat topishi noma’lum bo‘lgan davrlarda, energiya zaxiralarini yig‘ish asosiy omon qolish mexanizmlaridan biri bo'lgan. Ovqatlanishni ortiqcha davom ettirish miyamizdagi qadimgi limbik tizim (ayniqsa, gipotalamus) tomonidan boshqariladi. Bu tizim xavfni his qiladi va ovqatni zahiralash uchun ko‘proq yeyishga undaydi.

• Gipotalamus – ochlik va to‘qlikni boshqaruvchi asosiy markaz. Toʻyganlik hissi haqidagi signal unga yetib bormasa, bizni yeyishda davom ettiradi.
• Dofamin tizimi – ovqat iste’molidan zavq hissini oshiradi va bu jarayonni mukofotlash tizimi sifatida qabul qiladi. Mana nima uchun zerikkanimizda, stressga tushganimizda ovqat bilan o'zimizni yupatishga urinamiz.

Noaniqlik va xavfning ta’siri

Kelajakning noaniqligi – inson miyasi uchun doimiy stress. Noaniqlikni xavf deb qabul qilish bosh miyaning prefrontal korteksida faollikni oshiradi. Bu jarayon aslida foydali bo‘lsa-da, zamonaviy sharoitda ortiqcha xavotir va keraksiz “zahiralar yig‘ish”ga olib keladi.

Miya kelajakni nazorat qilishga doim harakat qiladi, lekin hech uddasidan chiqa olmaydi. Ammo oziq-ovqat kabi nazorat qilinadigan narsalar orqali xavfsizlik tuygʻusini tiklashga intiladi.

Folbinlarga ishonchning tarixiy ildizi ham shu bilan bogʻliq. Odamlar shuning uchun folbin va bashoratchilarga ishonadi va bu bilan kelajakdagi noma’lumlikni o‘rganishga qiziqadi. Mavhumlik – odamzod uchun eng qiziqarli sir va eng katta stress manbai ham.

G‘ayb ilmi faqat Alloh taologa xosdir!
“(U) g‘aybni biluvchidir. Bas, O‘z g‘aybidan biror kimsani xabardor qilmas” (Jin surasi, 26).

Hadisi sharifda: “Kimki bashoratchi yoki folbinning oldiga borsa va u aytgan narsani tasdiqlasa, shubhasiz, u Muhammad (alayhissalom)ga tushgan narsaga kufr keltiribdi”, deyilgan (Abu Dovud, Nasoiy va Ibn Moja rivoyatlari).

O'zini kelajagini bilmaydigan odam qanday qilib siz haqingizda rost gap aytishi mumkin?! Hullas, folbinlarga bormang!

Bosh miyaning energetik strategiyasi

Bosh miya inson organizmida eng koʻp energiya talab qiladigan organ bo‘lib, tana iste’mol qiladigan umumiy energiyaning taxminan 20-25 foizini sarflaydi. Shu sababli, u har doim energiya zahiralashni ustuvor vazifa deb biladi.

Shuning uchun u “energiya tugab qolsa, nima boʻladi?” degan qoʻrquv bilan yashaydi. Miya favqulodda vaziyatlarga tayyorgarlik sifatida bizni koʻproq ovqatlanishga undaydi. U ortiqcha energiyani yogʻ sifatida zahiralab qoʻyadi, chunki “ehtimoliy kimsasiz orol yoki ochlik” ssenariysi har doim uning “rejasi”da turadi.

Tadqiqotlardan ma'lumki:
• Miya yuqori kaloriyali mahsulotlarni avtomatik ravishda afzal ko‘radi (masalan, shakar va yog‘lar), chunki ular tez energiya beradi.
• Miya “kelajakda energiya tugab qolishi mumkin” degan xavotirda ko‘proq zahiralashni tanlaydi.

XULOSA

Toʻygandan keyin ham ovqatlanishni davom ettirish – miyamizdagi azaliy omon qolish refleksining natijasi ekan. Lekin zamonaviy dunyoda bu instinktni boshqarish mumkin. Buning uchun miyani yangi odatlarga moslashtirish va ongli yondashuvni shakllantirish kerak.

Keyingi postda, bosh miyani qanday “aldash” va bu refleksni o’zingizning foydangizga qanday ishlatish mumkinligini tushuntiraman. Qiziq ekanmi?

@doctorferuz

Qorin toʻygandan keyin yana yeyishda davom etish — bu normal ekani va shunda ham ozib borish uchun nima qilish kerakligi haqida post yozgim kelyaptiyu, ozgina motivatsiya yetishmayapti)

🔥 bera oladiganlar bormi?

@doctorferuz