Diyorbek Yuldashev

Inson ko'zi aytgan so'zlarni
Til talaffuz qila olmaydi.

Ijaradagi uyidan chiqish vaqti yetgan qish, yana bir necha kecha qolishni oʻtinib bahorga xat yozdi.

- Meni tushunasizmi?
- Tushunaman...
- Menga ham tushuntirib bering...

Oʻsish har doim ogʻriqli.

Osmondagi kamalak uzoqroq turib qolsa birov qaramay qòyadi.

Kòchada yursam labimni ta’mi òzgarib qolyapti. Rostan Toshkentni chang qoplabdi shekili.

Menman o'zligini axtarayotgan,
O'ylarim o'rgimchak inidek chigal...

Hammamiz o'zimiz ko'rsatadigandek aqli raso emasmiz.

Uyqim kelmayapti deb koʻzlaringni ayblama, balki kutganing uyqu emasdir…

Qayerga boqsang ko'rganing yuzingdir,
Kimda nima ko'rsang asli o'zingdir!

©️Yunus Emro

Qarshi tomondagi navbat har doim tezroq harakat qiladi.

Yomg’irda yig’lash g’irromlik…

Hamma sohada fikr bildiraverish ham ahmoqlikni belgisi o’zi.

Bir kuning uchun har kunim fido bo'lsin.

Sen uchun har kuni kuchli genlar tayyorlaganim, ajdodlaringning kuchsiz genlarini mutatsiya qilishga bel bog'laganim va genlarini har kuni kuchli qilib borgan onangni uzoq qidirganim uchun bir kun rahmat aytasan.

Mendan ko'ra ozroq qiynalishing uchun shu yo'lni tanlaganim va hayotim davomida mening qadamim yetishi qiyin bo'lgan cho'qqilar sen uchun oddiy bir tepalikka aylangani uchun bir kun rahmat aytasan.

Beqaror bo'lganim uchun, hamma narsaga o'zimni urib ko'rganim uchun, ko'p xato qilganim va ularni to'g'rilaganim uchun, zararli odatlarimdan kecha olganim uchun bir kun rahmat aytasan.

Men yo'qligimda sendan yordamini ayamaydigan sadoqatli insonlarni atrofimda jam qilganim va har qanday inson bilan til topishib keta olish qobiliyatini senga sovg'a qilganim uchun bir kun rahmat aytasan.

Dunyoga kelishing uchun ko'p ham shoshilmaganim, adolatsiz va beshafqat dunyoda ezgulikning yirtqich bo'risi bo'lishingni va Rat Race'da g'alaba qozonishingni xohlab biroz kechikkanim uchun bir kun rahmat aytasan.

Bobong va buvingni yuzini biror marta yerga qaratib qo'ymaganim, hamisha Allohni qalbimda saqlaganim va unga yaqinroq borish uchun har kun haqiqat izlaganim uchun bir kun rahmat aytasan.

Men va onang ikkimiz ikki xil insonligimiz uchun, ikki xil yo'ldan kelib bir manzilda uchrashganimiz uchun, sevib-sevilib turmush qurganimiz uchun, baxtli oila yaratganimiz uchun bir kun rahmat aytasan.

Senga aytib beradigan hikoyalarim ko'pligi uchun, uxlashingdan avval onang bilan birga aytib beradigan ertaklarimiz uchun, menda orzular bo'lmaganligi, uning o'rniga maqsad va rejalar bo'lganligi uchun bir kun rahmat aytasan.

Vaqti-vaqti bilan o'zim bilan yolg'iz qolishni sevganim uchun, rejalarimni qayta ko'rib chiqish va ularni yanada puxtalashtirishga vaqt ajratganim uchun, doimo o'zim bilan va har kim bilan diplomatiya qila olganim uchun bir kun rahmat aytasan.

Baxtli bolalik bera olganim uchun, har kun seni quchoqlamasdan uxlamaslikka harakat qilganim uchun, bir kun menga rahmat aytishingni xohlab har kun jonimni senga fido qilganim uchun bir kun rahmat aytasan.

Davom ettirib qo'yasan...
©

📌Odamlar hammasini teskari qilishadi. Tezroq katta bo'lishni istashadi, ulg'aygandan keyin esa bolalikni qo'msashadi. Sog'liklarini pulni deb yo'qotishadi, keyin esa pulni sog'ayish uchun sarflashadi. Kelajak haqida o'y surishadi, shuning uchun hozirni o'tkazib yuborishadi, natijada ham kelajak, ham hozirdan mosuvo bo'lishadi. Xuddi hech qachon o'lmaydiganday yashashadi, keyin esa hech qachon yashamaganday o'lishadi...
Paulo Koelo

Unutmoqchimisan? O'ylama va boshqasini top!

Telegramning eng oxirgi qilgan yurishi ya'ni story qo'yish VIP funksiyasini qora xalqqa ham ochib qo'yishi telefonim kontaktidan ko'pchilikni o'chirib tashlashimga majbur qildi. Hozir kontaktimdagi yig'ilgan insonlarni sortirovka qila turib, ko'pchiligini taniy olmaganimni va unutganimni sezdim. Chindan ham ular hayotimda umuman bo'lmagandek. Balki ular bilan qachondir bir dasturxonda choy ichgandirman, lekin hozir eslolmayman. Ajoyib-a?

Kimnidir unutish o'lchovi uni qayta o'ylamaslik bilan birga uning o'rnini boshqasi bilan to'ldirish demakdir. Robin Dunbar buni isbotlab bergan. Primatlarda tajriba o'tkazgandan so'ng, insonlarning neyrokorteksiga yuzlangan. Insonning munosabatlardagi chegarasini o'rgangan. Ya'ni miyang senga insonlar bilan munosabatlarga ega bo'lish va ularni xotirangda saqlab qolish borasida limit qo'yib genlaringga kiritib qo'ygan. O'sha limitdan ortig'ini miyang ko'tarolmaydi. Bu tadqiqot fanda Dunber's 150 nomi bilan muhrlandi. Unga ko'ra:

Ayni paytda sening MAKSIMAL: 5 ta eng yaqin va sadoqatli insoning bo'lishi mumkin; 15 ta yaqin va qalbdan suhbatlashadigan insoning bo'lishi mumkin; 50 ta har kuni gaplashadigan do'sting bo'lishi mumkin; 150 ta munosabatga ega bo'lgan va onda-sonda gaplashib turadigan insoning bo'lishi mumkin; 500 ta ko'chada shunchaki salom-alik qiladigan tanishing bo'lishi mumkin; 1500 ta taniydigan va munosabatga ega bo'lmagan insoning bo'lishi mumkin.

Agar men 15 ta yaqin do'stimning ichidan birini o'zimga eng yaqin inson sifatida qabul qiladigan bo'lsam, 5 ta mavjud yaqin insonlarimdan biri unga joy bo'shatishi kerak bo'ladi. Ular hech qachon 6 ta bo'la olmaydi. Ya'ni biri kelishi uchun, biri hayotimizdagi pozitsiyasini o'zgartirishi kerak. Men tanigan o'z arealidagi biznes qirollari bor va ular shu limitlarni buzib o'tolmasligini ongsiz ravishda bilib, uni chetlab o'tishga harakat qilishadi. Ya'ni tanishlarini maksimal limitga yetkazadi va doimiy ravishda ularning kategoriyalarini almashtirish orqali munosabatlarni bir me'yorda ushlab turishga harakat qilishadi. Masalan, bugun sen bilan qalbdan suhbatlashadi, ertaga umuman boshqa bir begona inson bilan va 6 oy o'tib yana sen bilan shunday qiladi. Genialno!

Hayotiy tajribalar orta borgani sari, sadoqatli insonlarga muhtojligimiz ortaveradi. Atrofimizni sifatli qilishni xohlay boshlaymiz. Biri ketadi, boshqasi keladi. Munosabatda bo'lgan insonlaringning hayotingdagi pozitsiyasini asta-sekin o'z qiziqishlaring o'xshash va o'zingga mos insonlarga almashtirib boraverasan. Milliarder bo'lganingdan keyin qishloqdagi qadrdon Sunnat akangni boshqa o'zing kabi milliarderga almashtirib yuborishga majbur bo'lasan. Bu genetika, bu fan, bu hayot. Ketganlar listingning boshqa kategoriyasiga o'tdi, ular uchun siqilma va boshqasi kelishi uchun joy bo'shatdi deb hisobla👌
©