✅ Президентимизнинг Олий Мажлис Қонунчилик палатасининг биринчи мажлисидаги нутқи чин маънода парламент фаолиятини янги босқичга олиб чиқувчи қадамлар учун туртки бўлди. Буни депутатларимиз ва партия етакчилари муносабатларида
кўриб турибмиз.

🔵 ЎзЛиДеП раҳбари Актам Ҳаитов ҳам ЎзЛиДеП фракцияси ўз олдида турган устувор вазифаларни белгилаб олганлигини таъкидлади.

➡️Маълумки, янги таҳрирдаги Конституцияга мувофиқ, давлат бюджети ижроси устидан назоратни амалга ошириш Қонунчилик палатасининг мутлақ ваколатига киради. Бу муҳим ваколат депутатларимиз зиммасига катта масъулият ҳам юклайди.

➡️Президентимиз бу масалага ҳам урғу бериб, биринчи галда палатанинг давлат бюджети ижросини назорат қилиш механизмларини янада кучайтиришнинг вақти-соати келгани, жумладан, ҳукуматнинг давлат бюджетига доир барча ҳисоботларини палатага фақат Бюджет кодексида белгиланган аудит хулосаси билан биргаликда киритиш амалиётига ўтиш кераклигини таъкидлади. Бу жуда тўғри ва ниҳоятда оқилона қарор бўлиб, фаолиятимиз давомида мазкур масалалар диққат марказимизда бўлади.

➡️Таъкидлаш керак, юртимизда амалга оширилаётган демократик ислоҳотлар ҳар бир инсон, ҳар бир оиланинг фаровонлигини оширишга қаратилгани билан аҳамиятлидир. Уларнинг негизида турувчи ҳуқуқий асосларни ўз вақтида ва сифатли яратиб бериш парламентимиз зиммасидаги устувор вазифадир.

➡️Шу нуқтаи назардан, ҳозирданоқ пухта ўйланган беш йиллик дастур асосида янги қонунлар устида иш бошласак, халқимиз кутаётган ислоҳотлар муваффақиятига катта ҳисса қўшган бўламиз. Бу ишларда ЎзЛиДеП фракцияси фаол, етакчи бўлади. Бунинг учун ҳукумат идоралари ва ҳудудлар билан яқиндан ишлашга, парламент назоратини чинакам таъсирчан институтга айлантиришга, партиямиз электорати манфаатларига хизмат қиладиган сифатли қонунларни қабул қилишга алоҳида эътибор қаратамиз", –А. Ҳаитов.

@deputatlar_nima_deydi саҳифасини кузатиб боринг