💥 Ҳожи ака, Сиз нима қилсангизам шариатга тўғри келаверадия?!
⚡️ Олдиндан айтай, бу ғирт ғаламислик пости. Ўзим тан олиб ёзяпман буни.
✅ Ҳаж ҳаракатлари бошланиши билан “Ҳаммаси фақат навбат ва диний идора орқали бўлиши шарт. Ноқонуний йўллар билан борганлар қаттиқ жазоланади” дея таъкидлаб турилди. Сўнгги пайтлардаги янгиликларнинг ярми “Ҳажга жўнатаман дея алдаган фирибгарлар” қўлга тушгани ҳақида бўлди.
🤷🏻♂️ Худди шу кунларда интернет юлдузи, сўконғич адашим, сўзлари юмшоққина имом ва Тошканнинг бош қозиси Ҳажга борганлари видеоси билан бўлишишди. Пойтахт имоми ҳатто кичкина чечам билан шайтоннинг пешонасидан дарча очишганини кўрсатиб мақтанишди.
❓Ҳалоли бўлсин, дердим. Фақат...
1. Буларнинг бари аввалдан Ҳожи акалар эди. Шундай экан, бу йил қандай қилиб қайтатдан ҳаж йўлланмасини олишган?;
2. “Частний” орқали боришган бўлса, нега буларга мумкину, бошқаларга қонун жазо беради? Ташкилотчи сифатида борган бўлса, янгани қандай олиб кетган?;
3. Билишимча, улар Мусулмонлар идорасининг турли ташкилотларида расман ишлашади. Хўш, иш вақтида бир ойлаб бемалол юришадию, идора бундан бехабарми?
🔥 Алам қиляптими, дейсизми? Ҳа, алам қиляпти. Конкрет алам қиляпти. Буни бошидан тан олдим. Менга ҳам фирмалар орқали бориб келишни таклиф қилишганди. Расмий тақиқларни ўйлаб, рози бўлмагандим. Тушунишимча, хато қилганман. Энди идорамиз “Эплаган бораверсин” деб фатво берақолсин, шунда адолатдан бўлади.
☝️P.S.: Мен қаламга олганлар расмий йўлланмларини кўрсатишса, бошқалар ўн йиллаб кутаётган пайтда яйраб бориб келишларига асос топиб беришса, омма олдида узр сўрашга тайёрман.
Аброр Зоҳидов
@daydi2021