Davronbek Tojialiyev sahifasi

@davronbekt

Гео и язык канала: Узбекистан, Узбекский

Категория: Образование

Давронбек Тожиалиев — журналист. Ziyouz.com портали асосчиси
Блог: davronbek.ziyouz.com
Facebook: https://www.facebook.com/davronbekt
Twitter: https://twitter.com/ziyouz
Youtube: https://www.youtube.com/@davronbekt

Связанные каналы | Похожие каналы

Гео и язык канала

Узбекистан, Узбекский

Категория

Образование

Статистика

Избранное

Фильтр публикаций

Скрывать удаленные

Скрывать репосты

Davronbek Tojialiyev sahifasi

23 Dec 2024, 14:35

Сурат ва видеога туширишларни якунлаб, арчазор ўрмон бўйлаб, яна юқориладик. Аввалига катта сўқмоқдан юрдик, сўнг сўқмоқ тугаб, қорда ёпилиб кетган йўлакларни харита орқали топиб, бошқа шаршаралар томон йўлга тушдик. Йўлнинг маълум қисмида ҳамроҳ итимиз олдинга ўтиб, бизга сўқмоқларни топиб берди.

Лашкарак дарёсига қуйиладиган кичик ирмоқларда ҳам бир нечта шаршаралар бор экан. Кичик шаршараларнинг ҳаммаси музлаган. 6 километр йўл босганимиздан сўнг Катта Лашкарак шаршарасига етиб келдик. 20 метр баландликдаги шаршаранинг ташқари қисми тўлиқ музлаган, ичкари қисмидан сув оқмоқда. Музлаган шаршаранинг ҳам такрорланмас гўзаллиги бор.

Қайтишда сой ёқалаб тушдик. Олапар ҳам сафарнинг охиригача бизга ҳамроҳлик қилди.

Батафсил видеоси: https://youtu.be/Qu36r1KMu9Q

Muzlagan Lashkarak sharsharalari | Музлаган Лашкарак шаршаралари

677 1 9

Davronbek Tojialiyev sahifasi

23 Dec 2024, 14:35

Тошкент вилоятининг Оҳангарон туманида, Қурама тизмаси бағрида бир қанча гўзал шаршаралар бор. Лашкарак қишлоғи яқинида эса 10 дан ортиқ шаршаралар мавжуд бўлиб, қиш пайтида уларнинг деярли барчаси музлайди.

Сафаримиз аввалида Кичик Лашкарак шаршараси ва арчазор ўрмонни кўришни режа қилдик. Йўл-йўлакай туристларнинг ёқимтойига айланиб қолган ит бизга ҳамроҳлик қила бошлади. Пастдаги қоровул амакининг айтишича сайёҳлар унга “колбаса бериб ўргатиб қўйган”, шу боис эргашиб кетаверади.

Кичик шаршара тоғнинг терскай тарафида жойлашган. Бу ерларда қор то март ойларигача эримайди. Арчазор ўрмон бағридан нафасни тўлдириб-тўлдириб олиб, шаршарага етиб келдик. Шаршара ва унинг атрофи тамоман музлабди. 10 метр баландликдаги бу шаршаранинг аслида суви кам, лекин сув тушиб музлайвергани учун шаршара баҳайбат ҳолатга тушган.

522 1 4

Davronbek Tojialiyev sahifasi

9 Dec 2024, 14:18

Денгиз сатҳидан 1500 метр баландликдан қуюқ ўрмон ичидан ўтдик. Қорнинг қалинлиги 30-40 см. Ўрмонда дарахтлар орасидан ўтаётиб, ўзингизни эртаклар оламига тушиб қолгандай ҳис қиласиз. Орада қушларнинг майин овози сизни маст қилса, баъзида какликларнинг бирдан ҳуркиб қочишига гувоҳ бўласиз.

Сафарнинг бошиданоқ булут пастга тушиб олган, узоқларни кўришнинг имкони йўқ. Қор тинмай ёғиб ётибди. Қорнинг ёнбош қисмларида совуқ шамол ҳам эсади. Чўққимизнинг юқори қисми кескин кўтарилиш. Бироз қийин, жиддий ҳаракат талаб қилади. Янги ёққан қорда юриш осон эмас – оёқ кийими тишли бўлмаса тойиб кетасиз.

Мингтухум чўққиси усти анча ясси, бемалол юриш мумкин. Денгиз сатҳидан 1952 метр баландликда жойлашган чўққига етиб бориб, шу ерда тушлик қилдик. Ҳаракатдан тўхташимиз билан совуқ ўз кучини кўрсатди. Қўлсоатимдаги термометр -10°C ни кўрсатди.

Бирдан ҳаво очилиб, қуёш кўринди. Кун бўйи булут оралаб юрган шериклар тушликни шартта ташлаб, бу нодир ҳолатни камерага муҳрлашга киришди. Жуда гўзал манзара – биз булутлардан тепада, оппоқ ҳаво уюмини томоша қиляпмиз. Қуёш нурлари қор ва оппоқ кийинган дарахтларни ёритиб, кўзларимизни қамаштиряпти. 20 дақиқача давом этган бу ҳолат ичимизга илиқлик киритди.

Батафсил видеоси: https://youtu.be/GfTQEl2YQco

Mingtuxum choʻqqisi | Мингтухум чўққиси

Мингтухум чўққисига Чимён қишлоғига етмасдан Учтерак ҳудудидан чиқишни бошладик. Чўққида ҳарорат -16 даражагача чиқди.

1.4k 0 14

Davronbek Tojialiyev sahifasi

9 Dec 2024, 14:18

Тошкентдан соат 5:30 да йўлга чиққанимизда шаҳарда паға-паға қор ёғар, ҳарорат -3°C эди. Борадиган манзилимиз Чимён қишлоғига яқин. Тоққа кўтарилганимиз сайин қор қалинлаша борди. Машинамиз ёзги ғилдиракда бўлгани учун пиёда йўлни бошлайдиган жойимизга 6 км қолганида қорга ботиб қолдик.

Машинани йўл четида қолдириб, пиёда йўлга тушдик. Қор шиддат билан ёғар, бизникига ўхшаган машиналар қорда юролмай қийналарди. Бироздан кейин қор тозаловчи машиналар ишга тушди. Йўлчилар туз соча бошлади. Биз эса гўзал қорлар оғушида, ажойиб манзараларни томоша қилганча пиёда манзилимиз сари пиёда равона бўлдик.

Учтерак қишлоғидан пастга тушиб, Ғалвасой кўпригидан ўтиб, яна юқориладик. Йўлимизда отлар уюри учради. Бечора жониворлар ҳам қорда сирпаниб-сирпаниб юрибди. Яна озроқ кўтарилишимиз билан дўланазор, олчазорлар, сал тепада арчазорлар бошланди. Дарахтлар қишки либосларини кийиб, шу қадар гўзаллашганки, кўзингиз тўймайди.

830 0 9

Davronbek Tojialiyev sahifasi

2 Dec 2024, 14:22

Сафарнинг шу қисми қуюқ олмазор, олчазор ва дўланазор оралаб ўтади. Куни кеча ва тунда ёққан қор дарахтлар бағрини ўзининг момиқ кийимлари билан шу қадар гўзал суратда бўяганки, кўзингиз тўймайди.

Юқорига кўтарилган сари қор қалинлиги ортиб боради. 1800 метр баландликда 40 сантиметрлик қорни босиб ўтдик. Ора-орада булут тарқаб атрофдаги оппоқ тоғларнинг маҳобати кўзни қамаштиради. Яна булут ёпирилиб, гуппа-гуппа қор ёға бошлайди.

Чўққида қор тезлашиб кетди. Янги ёққан қорни эритиб, қайнатиб чой қилиб ичдик. Ичимизга бироз иссиқ кирди. Бирдан, булут очилиб, қуёш кўринди. Кун бўйи булутлар оралаб юрган бизлар учун шу 5 дақиқалик илиқлик қанчалар қувонч келтирганини тасаввур қилишингиз қийин.

Яхшиси, батафсил видеони томоша қилинг: https://www.youtube.com/watch?v=T4YPPUjZzlI