Президент Шавкат Мирзиёев бугун видеоселекторда Халқ қабулхоналари ҳақида сўз юритиб, 4 йил олдин валюта айрибошлаш, прописка, пенсия ва нафақаларни нақд пулда олиш масалалари бўйича ҳар ойда ўртача 100 мингта мурожаат тушганини қайд этди. Бу соҳалардаги муаммолар ҳал этилгани туфайли уларга оид мурожаатлар бутунлай тўхтаган.
Бугун эсдан чиқиб, бошқа муаммолар ҳақида кўпроқ гапираётган бўлсак-да, тўрт йил олдин картадаги пулимизни 15-20%дан нақдлаштирганимизни кўпчилик ҳали ҳам яхши эсласа керак. Нақд пул билан ишлайдиганларнинг ошиғи олчи эди. Нақдлаштириш алоҳида бизнесга айланиб улгурган эди. Шунинг орқасидан катта-катта бизнес яратиб олганлар ҳам анчагина.
Бугун банкоматлардан пулимизни нақдлаштираётганда олинадиган 1% ёки бир жойдан икки жойга ўтказганаётганимиздаги фоизлар ҳам баъзан кўзимизга жуда кўп кўринади. Норози бўлиб қўямиз ёки янада арзонроқ имкониятини излаб кўрамиз. Инсоннинг табиати шунақа бўлса керак. Пенсиялар-ку нафақат нақд олинаяпти, мабодо картасига тушса ҳам, картасидан ечиш фоизсиз амалга оширилади.
Марказий банк маълумотларига кўра, 2021 йилнинг биринчи ярмида банк карталаридан 42 трлн сўмдан ортиқ пул ечилган, шундан 33,7 трлн сўми банкоматлар орқали нақдлаштирилган. Ваҳоланки, бу рақамлар бундан икки йил аввал (2019 йилда) тегишинча 15/10 трлн сўм атрофида эди. Бугун нафақат нақд пул муаммо эмас, балки онлайн тўлов тизими ҳам илдамлаб кетди. Шу нарсалар бир ёдга тушди.
Бугун эсдан чиқиб, бошқа муаммолар ҳақида кўпроқ гапираётган бўлсак-да, тўрт йил олдин картадаги пулимизни 15-20%дан нақдлаштирганимизни кўпчилик ҳали ҳам яхши эсласа керак. Нақд пул билан ишлайдиганларнинг ошиғи олчи эди. Нақдлаштириш алоҳида бизнесга айланиб улгурган эди. Шунинг орқасидан катта-катта бизнес яратиб олганлар ҳам анчагина.
Бугун банкоматлардан пулимизни нақдлаштираётганда олинадиган 1% ёки бир жойдан икки жойга ўтказганаётганимиздаги фоизлар ҳам баъзан кўзимизга жуда кўп кўринади. Норози бўлиб қўямиз ёки янада арзонроқ имкониятини излаб кўрамиз. Инсоннинг табиати шунақа бўлса керак. Пенсиялар-ку нафақат нақд олинаяпти, мабодо картасига тушса ҳам, картасидан ечиш фоизсиз амалга оширилади.
Марказий банк маълумотларига кўра, 2021 йилнинг биринчи ярмида банк карталаридан 42 трлн сўмдан ортиқ пул ечилган, шундан 33,7 трлн сўми банкоматлар орқали нақдлаштирилган. Ваҳоланки, бу рақамлар бундан икки йил аввал (2019 йилда) тегишинча 15/10 трлн сўм атрофида эди. Бугун нафақат нақд пул муаммо эмас, балки онлайн тўлов тизими ҳам илдамлаб кетди. Шу нарсалар бир ёдга тушди.