Daryo — LIVE | Уйда қолинг!

@daryo_live Нравится 11
Это ваш канал? Подтвердите владение для дополнительных возможностей

«Дарё» (www.daryo.uz) интернет-нашрининг муштарийлар тилида юритиладиган Телеграм канали.
Мурожаатлар учун: info@simple.uz, @daryo_livebot
Бошқа каналларимиз: @daryo
@daryo_lotin
@daryo_kirill
@daryo_sport24
Гео и язык канала
Узбекистан, Узбекский
Категория
Новости и СМИ


Гео канала
Узбекистан
Язык канала
Узбекский
Категория
Новости и СМИ
Добавлен в индекс
23.07.2017 07:07
28 Mar, 13:20 (108 дней назад)
⚡️Ўзбекистонда коронавирусдан 28 март куни вафот этган бемор — асли шифокор. У ўзини уйда даволашга уринган

Ўзбекистонда 28 март соат 15:00 ҳолатига коронавирус инфекцияси билан касалланганлар сони 16 тага ошиб, 104 нафарни ташкил этмоқда. 28 март куни 39 ёшли бир нафар эркак беморда ўлим ҳолати қайд этилди.

Вафот этган бу бемор, Соғлиқни сақлаш вазирлиги келтирган маълумотларга кўра, Франциядан Ўзбекистонга биринчи касалликни олиб келган бемор аёл билан мулоқотда бўлган.

«У ўз касаллигини дастлаб билган бўлса-да, ўзи врач бўла туриб, юртимизда олиб борилаётган шунча тарғибот ишларига қарамай, шифокорларга мурожаат этмай, уйида яширинча ўзича даволанишга урингани маълум бўлган», — дейилади Соғлиқни сақлаш вазирлиги ахборотида.

У касалликнинг оғир даври бошлангандан сўнггина, 26 март куни Тошкентдаги Эпидемиология, микробиология ва юқумли касалликлар илмий текшириш институти клиникасига тез ёрдам хизмати орқали ётқизилган. 27 март куни Вирусология илмий-текшириш институтига ўтказилган.

«Шу ўринда барчани ташвишга соладиган бир жиҳат бор: бу бемор уйида бўлган пайтда қанча одамлар у билан мулоқот қилган, мулоқотда бўлиб касалликни юқтириб олганлар ўз навбатида яна қанча инсонларга тарқатган», — дейилади вазирлик ахборотида. У айнан қанча одам билан мулоқотда бўлгани, 26-мартга қадар карантинда бўлган-бўлмаганига аниқлик киритилмаган.