«Олмазор тумани ҳокими ўринбосари Абдурасул Ваҳобовнинг айтганлари — туҳмат»
Бир неча соат аввал Тошкент шаҳар ҳокимлиги матбуот хизмати «Кун.уз» ходимларига ташланган Олмазор тумани ҳокими ўринбосари Абдурасул Ваҳобовнинг интервьюсини эълон қилган эди. Унда Ваҳобов «Кун.уз» журналисти ундан ер ажратиб беришни талаб қилгани ҳақида фикр билдирган эди. Ушбу ҳолат юзасидан Kun.uz интернет-нашри баёнот берди. Қуйида баёнот матни билан тўлиқ танишиш мумкин:
Куни кеча Олмазор тумани ҳокими ўринбосари А.Ваҳобов «Кун.уз» таҳририяти ходимларига таҳдид қилгани ҳақида хабар берилган эди.
Бугун Тошкент шаҳар ҳокимлиги матбуот хизмати томонидан А.Ваҳобовнинг видеоинтервьюси эълон қилинди. Ушбу интервьюда А.Ваҳобов «Кун.уз» мухбири Раҳматилла Исроилов муқаддам ундан тамагирлик йўли билан ер талаб қилгани ва бунинг эвазига катта миқдорда пора таклиф қилгани ҳақидаги даъвони илгари сурди.
Мазкур даъво юзасидан «Кун.уз» зудлик билан ўз ички суриштирувини ўтказиб, таҳририят мухбири Р.Исроилов ва бошқа ходимларига нисбатан хизмат текшируви тайинлади.
Хизмат текширувида мухбир Р.Исроилов унга нисбатан А.Ваҳобов илгари сураётган айбловлар бирор асосга эга эмаслигини, А.Ваҳобов билан муқаддам ҲЕЧ ҚАЧОН кўришмаганини, ҳаётда илк марта 14 август куни учрашганини ва ўз-ўзидан А.Ваҳобовнинг гаплари туҳматдан иборатлигини маълум қилди.
Бундан ташқари, 15 август куни Тошкент шаҳар ҳокимлиги матбуот хизмати ходимлари томонидан айнан мазкур масала юзасидан ташкил қилинган юзма-юз учрашувда А.Ваҳобов «Кун.уз» мухбири Раҳматилла Исроиловни танимаслигини ва ҳодиса юз берган куни (14 август) биринчи марта кўрганини баён қилган (буни тасдиқловчи аудиоёзувлар мавжуд).
Ҳозирда мазкур ҳолат юзасидан терговга қадар суриштирув ишлари олиб борилаётгани сабабли хизмат текшируви давомида тўпланган ҳужжатлар (тегишли аудио ва видеоматериаллар билан бирга) қўшиб ўрганиш учун Тошкент шаҳар прокуратурасига юборилди.
Бундан ташқари, мухбир Р.Исроилов ўзига нисбатан оғир жиноят содир этишда айблаб туҳмат қилгани учун Олмазор туман ҳокими ўринбосари А.Ваҳобовга нисбатан қонуний чора кўришни сўраб, Ўзбекистон Республикаси Президентининг виртуал қабулхонаси орқали Бош прокуратурага шикоят йўллаганини маълум қилди.
Тошкент шаҳар прокуратурасида олиб борилаётган терговга қадар суриштирув жараёнларига халақит бермаслик, суриштирув жараёнлари холислигига таъсир ва босим ўтказмаслик мақсадида «Кун.уз» таҳририяти ушбу мавзуда бошқа маълумотларни ошкор қилмасликка қарор қилди.
Баёнот тугади. Қўшимча сифатида шуни таъкидлашимиз лозимки, Олмазор тумани ҳокими ўринбосари Абдурасул Ваҳобов жавобгарликка тортилиши керак. Аввало, 14 августдаги хатти-ҳаракатлари учун. Агар 16 августда айтганлари туҳмат бўлса, бунинг учун ҳам.
https://t.me/joinchat/AAAAAD63OEHkQHOlfdglMg
Бир неча соат аввал Тошкент шаҳар ҳокимлиги матбуот хизмати «Кун.уз» ходимларига ташланган Олмазор тумани ҳокими ўринбосари Абдурасул Ваҳобовнинг интервьюсини эълон қилган эди. Унда Ваҳобов «Кун.уз» журналисти ундан ер ажратиб беришни талаб қилгани ҳақида фикр билдирган эди. Ушбу ҳолат юзасидан Kun.uz интернет-нашри баёнот берди. Қуйида баёнот матни билан тўлиқ танишиш мумкин:
Куни кеча Олмазор тумани ҳокими ўринбосари А.Ваҳобов «Кун.уз» таҳририяти ходимларига таҳдид қилгани ҳақида хабар берилган эди.
Бугун Тошкент шаҳар ҳокимлиги матбуот хизмати томонидан А.Ваҳобовнинг видеоинтервьюси эълон қилинди. Ушбу интервьюда А.Ваҳобов «Кун.уз» мухбири Раҳматилла Исроилов муқаддам ундан тамагирлик йўли билан ер талаб қилгани ва бунинг эвазига катта миқдорда пора таклиф қилгани ҳақидаги даъвони илгари сурди.
Мазкур даъво юзасидан «Кун.уз» зудлик билан ўз ички суриштирувини ўтказиб, таҳририят мухбири Р.Исроилов ва бошқа ходимларига нисбатан хизмат текшируви тайинлади.
Хизмат текширувида мухбир Р.Исроилов унга нисбатан А.Ваҳобов илгари сураётган айбловлар бирор асосга эга эмаслигини, А.Ваҳобов билан муқаддам ҲЕЧ ҚАЧОН кўришмаганини, ҳаётда илк марта 14 август куни учрашганини ва ўз-ўзидан А.Ваҳобовнинг гаплари туҳматдан иборатлигини маълум қилди.
Бундан ташқари, 15 август куни Тошкент шаҳар ҳокимлиги матбуот хизмати ходимлари томонидан айнан мазкур масала юзасидан ташкил қилинган юзма-юз учрашувда А.Ваҳобов «Кун.уз» мухбири Раҳматилла Исроиловни танимаслигини ва ҳодиса юз берган куни (14 август) биринчи марта кўрганини баён қилган (буни тасдиқловчи аудиоёзувлар мавжуд).
Ҳозирда мазкур ҳолат юзасидан терговга қадар суриштирув ишлари олиб борилаётгани сабабли хизмат текшируви давомида тўпланган ҳужжатлар (тегишли аудио ва видеоматериаллар билан бирга) қўшиб ўрганиш учун Тошкент шаҳар прокуратурасига юборилди.
Бундан ташқари, мухбир Р.Исроилов ўзига нисбатан оғир жиноят содир этишда айблаб туҳмат қилгани учун Олмазор туман ҳокими ўринбосари А.Ваҳобовга нисбатан қонуний чора кўришни сўраб, Ўзбекистон Республикаси Президентининг виртуал қабулхонаси орқали Бош прокуратурага шикоят йўллаганини маълум қилди.
Тошкент шаҳар прокуратурасида олиб борилаётган терговга қадар суриштирув жараёнларига халақит бермаслик, суриштирув жараёнлари холислигига таъсир ва босим ўтказмаслик мақсадида «Кун.уз» таҳририяти ушбу мавзуда бошқа маълумотларни ошкор қилмасликка қарор қилди.
Баёнот тугади. Қўшимча сифатида шуни таъкидлашимиз лозимки, Олмазор тумани ҳокими ўринбосари Абдурасул Ваҳобов жавобгарликка тортилиши керак. Аввало, 14 августдаги хатти-ҳаракатлари учун. Агар 16 августда айтганлари туҳмат бўлса, бунинг учун ҳам.
https://t.me/joinchat/AAAAAD63OEHkQHOlfdglMg