Daryo — LIVE

@daryo_live Нравится 14
Это ваш канал? Подтвердите владение для дополнительных возможностей

"Daryo"нинг маҳаллий хабарлари тўлиқ матн кўринишида бериб бориладиган Телеграм-канали.
Расмий канал – @daryo
Расмий кирилл – @daryo_kirill
Lifestyle – @daryo_lotin
Спорт – @daryo_sport24
Биз билан алоқа: info@simple.uz, @daryo_livebot
Гео и язык канала
Узбекистан, Узбекский
Категория
Новости и СМИ


Гео канала
Узбекистан
Язык канала
Узбекский
Категория
Новости и СМИ
Добавлен в индекс
23.07.2017 07:07
реклама
SearcheeBot
Ваш гид в мире Telegram-каналов
TGAlertsBot
Мониторинг упоминаний ключевых слов в каналах и чатах.
Telegram Analytics
Подписывайся, чтобы быть в курсе новостей TGStat.
101 180
подписчиков
~29.3k
охват 1 публикации
~1.1m
дневной охват
~40
постов / день
29%
ERR %
666.17
индекс цитирования
Репосты и упоминания канала
20290 упоминаний канала
7650 упоминаний публикаций
7566 репостов
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Daryo | Rasmiy kanal
Koronavirus Info | Uyda Qoling!
Каналы, которые цитирует @daryo_live
.
YHXBB_UZ
.
Daryo | Rasmiy kanal
Bizning Uylar
Daryo | Rasmiy kanal
Texnomart - eng arzon narxlar
Daryo | Rasmiy kanal
MTRK ǀ Rasmiy kanal
DreamCity
STATISTIKA | Rasmiy kanal
Daryo | Rasmiy kanal
UzA | Tezkor xabarlar
STATISTIKA | Rasmiy kanal
Daryo | Rasmiy kanal
NRG
Daryo | Rasmiy kanal
Bizning Uylar
Последние публикации
Удалённые
С упоминаниями
Репосты
Daryo — LIVE 11 May, 21:41
​​Тошкентда прописка сабаб ҳомиладор аёлни туғруқхонага қабул қилмаган тиббиёт ходимлари ишдан олинди

Ижтимоий тармоқларда Тошкент шаҳар 1-сонли туғруқ комплексига ҳомиладор аёлини олиб келган эркак томонидан суратга олинган видеоматериал пайдо бўлди. Унда ҳомиладор аёлни доимий яшаш жойи бошқа ерда эканлиги важи билан тиббиёт муассасасига қабул қилинмагани ҳамда унга шошилинч тиббий ёрдам кўрсатилмагани айтилган.

ССВ матбуот хизмати хабар қилишича, мазкур масала юзасидан соғлиқни сақлаш вазири Абдуҳаким Ҳожибоев туғруққа ихтисослашган шаҳар ва республика тиббиёт муассасалари бош врачлари иштирокида тезкор йиғилиш ўтказган.

Шаҳар Соғлиқни сақлаш бош бошқармасига кўра, ҳомиладор аёл О.С. 2000 йилда туғилган бўлиб, Самарқанд вилояти, Иштихон туманида доимий рўйхатда туриб, ҳозирда Тошкент вилояти Янгийўл туманида истиқомат қилади.

Дастлабки маълумотларга қараганда, ушбу воқеа тарқалган хабарларда айтилганидек, мазкур воқеа 5 май куни эмас, 2021 йилнинг 29 апрель куни содир бўлган. Шу куни соат 04:25 да аёлни турмуш ўртоғи Х.М. туғруқ оғриқларидан шикоят қилгани учун Тошкент шаҳар 1-сонлки туғруқ комплексига олиб келган.

Аммо аёлнинг алмашув варақасида Янгийўл тумани 69-сонли қишлоқ шифокорлик пунктида рўйхатда тургани инобатга олиб, дислокация бўйича Янгийўл тумани туғруқ комплексига ёки Тошкент тиббиёт академиясининг 1-клиникасидаги туғруқ бўлимига бориш тавсия қилинган.

Шу куни соат 05:40 лар атрофида ҳомиладор аёл турмуш ўртоғи томонидан чақирилган тез тиббий ёрдам машинасида Тошкент тиббиёт академиясининг 1-клиникаси туғруқ бўлимига олиб борилган ва 29 апрель куни қиз фарзанд дунёга келган. Туғруқдан кейинги давр асоратсиз ўтган. 2021 йилнинг 3 май куни аёл фарзанди билан аҳволи қониқарли ҳолатда уйига жавоб берилган.

Ушбу вазият сабаб Тошкент шаҳар ССБ бошлиғининг оналик ва болаликни муҳофаза қилиш ҳамда репродуктив саломатлик бўйича ўринбосари Р.Ҳаитбоева, туғруқ комплекси бош шифокори Р.Олимжонова эгаллаб турган вазифасидан озод этилди. Шунингдек, ўз ишига совуққонлик билан қарагани ва ҳомиладор аёлга шошилинч тиббий ёрдам кўрсатмагани учун қатор тиббиёт ходимларига ҳам тегишли чоралар кўрилди.

@daryo_live
Читать полностью
Daryo — LIVE 11 May, 21:38
​​Шавкат Мирзиёев Қозон шаҳридаги мактабда содир бўлган фожиали воқеа муносабати билан Владимир Путинга ҳамдардлик билдирди

Ўзбекистон Президенти Шавкат Мирзиёев Россиянинг Қозон шаҳридаги мактабда содир бўлган фожиали воқеа муносабати билан Владимир Путинга ҳамдардлик билдирди. Бу ҳақда Президент матбуот хизмати хабар қилди.

Ҳамдардлик матни қуйида тўлиғича келтирилади.

"Россия Федерацияси Президенти

Владимир Владимирович Путин

Жаноби Олийларига

Ҳурматли Владимир Владимирович!

Фожиали воқеа — Қозон шаҳридаги мактабда содир бўлган отишма оқибатида бегуноҳ болалар ва ёши катталар ҳалок бўлгани ҳақидаги хабар мени чуқур қайғу ва ларзага солди.

Ҳеч қандай важ билан оқлаб бўлмайдиган ушбу мудҳиш зўравонлик ҳаракатини қатъий қоралаймиз.

Сизга, қурбон бўлганларнинг ота-оналари ва яқинларига самимий ҳамдардлик изҳор этаман ҳамда жароҳат олганлар тез фурсатда шифо топишларини тилайман.

Ушбу мусибатли дамларда Ўзбекистоннинг кўпмиллатли халқи Россия халқи учраган жудоликки қайғудошдир.

Ҳурмат билан,

Шавкат Мирзиёев,

Ўзбекистон Республикаси Президенти"

Эслатиб ўтамиз, Россиянинг Қозон шаҳридаги (Россия таркибига кирувчи Татаристон Республикаси пойтахти) 175-сонли мактабда 11 май куни эрталаб отишма содир бўлди. Воқеа оқибатида 8 киши ҳалок бўлди. Дастлабки маълумотларга кўра, қуролланган икки киши мактабга бостириб кириб, ўқувчиларга қарата ўқ узган. Кейинроқ ҳужум қилганлардан бири мактаб кираверишида ҳибсга олинган. Мактабдаги отишмадан кейин Путин қуролга эгалик қилиш қоидаларини кучайтиришни буюрди.

@daryo_live
Читать полностью
Daryo — LIVE 11 May, 21:25
​​«Бу, албатта, камчилик» — Тошкент метрополитени раҳбари бекатлардаги ходимларининг инглиз тилини билмаслиги ва тизим вакилларининг маоши ҳақида

Транспорт вазирлиги ва АОКА ҳамкорлигида 7 май, жума куни журналистлар учун ташкил этилган пресс-турда ОАВ вакилларига интервью берган Тошкент метрополитени раҳбари Ойбек Худойқулов метро бекатларидаги ходимларнинг инглиз тилини билмаслиги ҳамда тизим вакилларининг ойлик маошига оид саволларга жавоб қайтарди. Бу ҳақда «Дарё» мухбири хабар бермоқда.

«Ходимларимизнинг инглиз тилида мулоқот қила олмаслиги, албатта, камчилик. Бизда, асосан, ўзбек ва рус тилларига эътибор берилганлиги учун ходимларимиз шу икки тилни яхши билишади. Тўғри, улар бошқа чет тилларини билишмайди. Ҳозир бу бўйича ишлар олиб бориляпти, бугунги талаб ҳам мана шундай бўляпти. Эндиликда ишчи олаётганда шунга ҳам аҳамият қаратамиз. Инглиз тилини чуқур билишмаса-да, ҳеч йўқ, бошланғич даражадаги билимга эга бўлишади», — деди Худойқулов.

У метро ходимлари ва машинистларнинг маоши қанча эканлигини ҳам айтиб ўтди.

«Машинистларнинг маоши ўртача 3—3,5 миллион сўм. Ундан юқори олувчилар ҳам бор. Бу борада уларнинг тоифаси ҳам рол ўйнайди. Бир жойда кўп йилдан бери хизмат қилаётганларнинг маошини 4 миллион сўмгача олиб чиқдик.

Метродаги оддий ходимларнинг ойлиги ўртача 2 миллион 150 минг сўм. Бу, албатта, кам. Шуни алоҳида айтишим керакки, пандемия даврида беш ой метро фаолияти тўхтатилди. Ўша вақтда ҳам ходимларимизга давлатимиз раҳбари томонидан ажратилган пулдан ҳар ой маош бериб борилди», — деди Тошкент метрополитени раҳбари.

@daryo_live
Читать полностью
Daryo — LIVE 11 May, 21:23
​​Абдулазиз Комилов Хитой ташқи ишлар вазири билан учрашди

Ўзбекистон Ташқи ишлар вазири Абдулазиз Комилов 2021 йилнинг 11 май куни Сиань шаҳрида Хитой Давлат кенгаши аъзоси, ташқи ишлар вазири Ван И билан учрашди. Бу ҳақда вазирлик матбуот хизмати хабар қилди.

Хитой ташқи ишлар вазири Хитой раиси Си Цзиньпиннинг Ўзбекистон Президенти Шавкат Мирзиёевга йўллаган саломлари ва чуқур ҳурматини етказди.

Музокаралар чоғида Ўзбекистон ва Хитой ўртасидаги ҳар томонлама стратегик шерикликнинг ҳозирги ҳолати ва уни ривожлантириш истиқболлари муҳокама қилинди.

Вазирлар олий даражада эришилган келишувларни амалга ошириш, турли йўналишдаги ўзаро муносабатларни янада кенгайтириш борасидаги икки давлат етакчиларининг топшириқларини бажариш бўйича фикр алмашди.

Томонлар биргаликдаги саъй-ҳаракатлар натижасида иқтисодиёт соҳасидаги ҳамкорликнинг жадал ривожланишини таъминлашга эришилганлигини мамнуният билан эътироф этди ҳамда ўзаро савдо ҳажмлари ва номенклатурасини янада оширишнинг муҳимлигини таъкидлади.

Хитой—Қирғизистон—Ўзбекистон мултимодал транспорт маршрутини ривожлантириш ва Хитой—Қирғизистон—Ўзбекистон темир йўлини қуриш лойиҳасини биргаликда ҳаётга татбиқ қилиш бўйича тезроқ амалий чоралар кўришнинг долзарблиги қайд этилди.

Вазирлар халқаро ва минтақавий ташкилотлар доирасидаги ҳамкорлик, минтақавий хавфсизликни таъминлаш, Афғонистонда мустаҳкам тинчликка эришишга ва унинг иқтисодиётини тиклашга кўмаклашиш механизмларига алоҳида эътибор қаратди.

Учрашув чоғида икки томон кун тартибининг бошқа масалалари ҳам муҳокама қилинди.

@daryo_live
Читать полностью
Daryo — LIVE 11 May, 20:06
​​Тошкентнинг қадимий 12 та дарвозаси қайта тикланади

Тошкент шаҳар ҳокими Жаҳонгир Ортиқхўжаев италиялик машҳур продюсер, Festi Group компанияси раҳбари Валерио Фести билан учрашди. Бу ҳақда ЎзА хабар қилди.

Учрашувда қайд этилишича, Тошкентнинг қадимий 12 та дарвозасини тиклаш бўйича ишлар олиб борилмоқда.

Ўзаро мулоқот давомида Тошкентда мамлакат тарихи, аждодларнинг бой маънавий мероси ҳамда ўзбек халқига хос урф-одат ва қадриятлар мужассам этилгани, мамлакат меҳмонларига миллийликни тарғиб этувчи фестивалларни ташкил этиш, шаҳарнинг турли ҳудудларига ўша жойнинг тарихидан келиб чиққан ҳолда рангли ва чироқли инсталляцияларни жойлаштириш, пойтахтни сайёҳларга янада мафтункор ва жозибадор қилиб кўрсатиш масалалари муҳокама этилди.

Қайд этилишича, 2021 йил Тошкент кинофестивали тикланиб, яна анъанавий ўтказилиши йўлга қўйилиши режалаштирилган. Шаҳар ҳокими Тошкент боғлари, миллий ошхоналар, бой санъат ва маданият ҳақида ҳам тўхталиб, бундай бетакрорликларни ўзбекистонликлар ва мамлакат меҳмонларига санъат даражасида тақдим этиш муҳимлигига эътибор қаратди.

Суҳбат давомида Валерио Фести Тошкент шаҳар ҳокимига шаҳарни бадиий безаш, турли шоу ва фестивалларни ўтказиш бўйича бир неча лойиҳа намуналарини кўрсатди. Жаҳонгир Ортиқхўжаев меҳмонларга шаҳарни айланиб, халқнинг маданияти ва турмуш тарзи билан атрофлича танишишни ва шунга кўра Тошкент учун махсус лойиҳаларни тақдим этишини таклиф қилди.

Шунингдек, учрашувда Ўзбекистон Мустақиллигининг 30 йиллик тантаналарини байрамона ўтказишда Фести Group тажрибасидан фойдаланиш масаласига эътибор қаратилди. Бу борада ҳам хорижлик мутахассислар ўз лойиҳа ва таклифларини тақдим этади. Агар Фести Group лойиҳалари тасдиқланса, Тошкент шаҳар ҳокимлиги ва компания ўртасида шартнома имзоланади.

Аввалроқ 2021 йилги давлат дастури қабул қилингани ҳақида маълум қилинган эди. Қайд этилишича, ушбу дастур лойиҳаси муҳокамаси давомида 4 мингга яқин таклиф келиб тушган. 49 та таклиф бўйича концептуал ҳамда 100 дан ортиқ таҳририй ўзгартириш ва қўшимчалар киритилган.

Маълум қилинишича, улар қаторида фуқаро Фируза Хусаинованинг Тошкент шаҳрининг қадимий 12 та дарвозасини қайта тиклаш ва туризм масканига айлантириш борасидаги таклифи ҳам қабул қилинган. У давлат дастурига алоҳида банд тариқасида киритилган.

Унга кўра, Тошкент шаҳар ҳокимлиги, Маданият вазирлиги ва Фанлар академияси пойтахтнинг қадимий 12 та дарвозаси аниқ белгиланган жойлари, уларнинг кўриниши ва тарихи тўғрисидаги маълумотларни шакллантиради.

@daryo_live
Читать полностью
Daryo — LIVE 11 May, 19:40
​​Ўзбек миллий мақом санъати маркази қурилишига 8,8 млн доллар ажратилиши кутилмоқда

Ўзбек миллий мақом санъати марказини Тошкентнинг Шайхонтоҳур туманидаги Олмазор кўчасида қуриш режалаштирилмоқда. Лойиҳани амалга оширишга 93 миллиард сўм (Марказий банкнинг 11 майдаги курсига кўра, 8,8 миллион доллар)гача маблағ ажратиш режалаштирилмоқда. Бу ҳақда Давлат харидлари порталидаги маълумотларига таяниб «Gazeta.uz» хабар берди.

Маданият вазирлиги ҳузуридаги «Ягона буюртмачи хизмати» инжиниринг компанияси 16 март куни тендер эълон қилди ва 15 апрель куни якунлади. Тендер ғолиби ҳозирча маълум қилинмаган. Лойиҳа давлат бюджети маблағлари ҳисобидан молиялаштирилади. Уни амалга ошириш муддати 400 кунни ташкил этади.

Иқтисодий тараққиёт ва камбағалликни қисқартириш вазирлиги ҳузуридаги лойиҳа ва импорт шартномаларини комплекс экспертиза қилиш марказининг (2020 йил июлдаги) хулосасида айтилишича, 93 миллиард сўм — бу лойиҳанинг энг юқори қиймати.

Ўзбек миллий мақом санъати марказини давлат муассиси тарзида ташкил этиш Президентнинг 2017 йил ноябридаги қарорида кўзда тутилган эди. Унинг мақсади этиб ўзбек мақом санъатини чуқур ўрганиш, у билан боғлиқ ижро мактаблари ва анъаналарни янги босқичда равнақ топтириш, мақомнинг «олтин фонди»ни яратиш ва бойитиш, шунингдек, уни Ўзбекистон ва чет элда кенг тарғиб қилиш кўрсатилган.

Президентнинг 2020 йилнинг январидаги қарори билан, Мақом марказининг қурилиши маъмурий, муҳандислик-инфратузилма, сув хўжалиги, шунингдек, алоҳида муҳим ва тоифаланган объектларни қуриш ва реконструкция қилиш манзилли дастурига киритилган. Қурилишни амалга ошириш муддати этиб 2020−2022 йиллар этиб белгиланган.

@daryo_live
Читать полностью
Daryo — LIVE 11 May, 19:32
​​Блогер Миразиз Бозоровга нисбатан айблов эълон қилинди

29 апрелдан буён уй қамоғида бўлган блогер Миразиз Бозоровга Жиноят кодексининг 139-моддаси 3-қисмининг «г» банди (ғаразгўйлик ёки бошқа паст ниятларда туҳмат қилиш) билан айблов эълон қилинди. Бу ҳақда «Gazeta.uz» унинг адвокати Сергей Майоровга таяниб, хабар қилди.

Тошкент шаҳар ИИББ маълум қилишича, 1 апрель кунидан 20 апрелга қадар фуқаролардан 28 та ариза, шунингдек, Миробод тумани 110-сон умумтаълим ўрта мактаби ўқитувчиларидан жамоавий ариза келиб тушган ҳамда унда Миразиз Бозоровга нисбатан қонуний чора кўришни талаб қилишган.

Баёнотга асосан, блогер интернетда жойлаган видеоларида «ушбу фуқароларни ва уларнинг қариндошларини ҳақорат қилгани, уларни террористик ташкилотлар билан ҳамкорликда айблаб туҳмат қилгани, миллий анъаналарни оёқости қилиб, аёлларнинг шаънига путур етказаётгани ҳамда миллатлараро низо уйғотгани» акс этган.

Адвокат Сергей Майоровнинг айтишича, Миразиз Бозоровга учта блогер иши бўйича ҳам айблов қўйилган.

«Дастлаб 28 апрелда унга нисбатан айблов эълон қилинди. Унда Бозоров туҳмат қилганликда гумон қилинаётгани айтилган. У ҳозирда гумон қилинувчи мақомида. Аризада фақат 110-мактаб ўқитувчилари тилга олинганди. Қонунга биноан эҳтиёт чораси қўлланилган бўлса, унга нисбатан 10 кун ичида айблов эълон қилиниши керак эди.

Кейинроқ 8 май куни унга нисбатан 110-мактабнинг ўқитувчилари ҳамда Бозоровга таъқиб бошлаган учта блогернинг аризасига биноан туҳмат қилиш бўйича айблов эълон қилинди», – деди унинг адвокати.

Миразиз Бозоровнинг ўзи Telegram-каналида учта блогер номини таъкидлаб ўтган. Улар – Аброр Абдуазимов (Аброр Мухтор Алий), Шуҳрат Мусаев ва Абусолиҳ Салимов (АбуСолиҳ Fox). Бозоровнинг таъкидлашича, ушбу уч блогер ўз обуначиларини унга қарши «қўзғаган».

У, шунингдек, айтилган блогерлардан бири унинг манзилини «ўлдиришга чақириқ билан» эълон қилганини даъво қилди. Унинг сўзларига кўра, таҳдидлар тўғрисида ҳуқуқни муҳофаза қилиш идораларига қилган мурожаатларига эътибор берилмаган.

@daryo_live
Читать полностью
Daryo — LIVE 11 May, 18:44
​​Самарқандда Алишер Навоий ҳайкалини мазах қилган тиктокерга «Ҳайрат ул-аброр» ва Ойбекнинг «Навоий» асари совға қилинди. Йигит ғазаллар ёдлашга ваъда берди

Самарқандда Каттақўрғон боғида жойлашган Алишер Навоий ҳайкали олдида ноўрин хатти-ҳаракатларни амалга оширган Tik Tok фойдаланувчиси 15 суткага қамалгани ҳақида хабар берилганди. Йигитга вилоят ИИБ ходимлари томонидан Алишер Навоийнинг « Ҳайрат ул-аброр» китоби ва Ойбекнинг «Навоий» асари совға қилинган.

Айбланувчи энди Навоий ҳаётини ўрганиб, ғазалларини ёдлашини маълум қилди.

«Тиктокерларга гапим, гапимиз ўйлаб гапирайлик, оғзимизга келган гапларни гапиряпмиз. Жуда пушаймонман, катта хато қилганимни тушуниб етдим.

Навоий ҳақида билмаганман, бу инсоннинг энди ҳаётларини бир бошидан ўрганиб чиқиб ғазалларини ёдлаб чиқаман», – дейди 24 ёшли йигит.

@daryo_live
Читать полностью
Daryo — LIVE 11 May, 17:16
​​Тошкентда Рамазон ҳайити куни автобуслар ҳаракати соат 4:00 дан бошланади

Тошкентда Рамазон ҳайити муносабати билан автобуслар ҳаракати тасдиқланган жадвал асосида ҳаракатланади, дея хабар бермоқда «Тошшаҳартрансхизмат».

Акциядорлик жамиятининг 2021 йил 11 майдаги 85-сонли «Рамазон ҳайити байрамини нишонлаш кунларида автобус йўналишлари фаолиятини ташкил этиш тўғрисида»ги буйруғига асосан, Рамазон ҳайити нишонланиши муносабати билан, 2021 йил 13, 14, 15, 16 май кунлари жамоат транспортини қуйидагича ташкил этиш белгиланди.

Бунга кўра:

2021 йил 13 май – дам олиш куни. Шанба кунлари учун тасдиқланган жадваллар асосида. Йўналишларнинг иш бошлаш вақти соат 4:00 дан бошланади;
2021 йил 14 май – дам олиш куни. Якшанба кунлари учун тасдиқланган жадваллар асосида;
2021 йил 15 май – дам олиш куни. Шанба кунлари учун тасдиқланган жадваллар асосида;
2021 йил 16 май – дам олиш куни. Якшанба кунлари учун тасдиқланган жадваллар асосида.
Бундан аввал Христиан динининг «Ота-оналарни хотирлаш» тадбирлари ўтказилиши муносабати билан Тошкентда 11 май куни бир кунлик автобус йўналишлари ташкил этилгани, Тошкентда якшанба кунлари қатор йўналишлардаги Mercedes’лар ўрнида Isuzu’лар қатнаши ҳамда Ўзбекистонда Рамазон ҳайити намози ўқилиши вақтлари эълон қилингани ҳақида хабар берилганди.

@daryo_live
Читать полностью
Daryo — LIVE 11 May, 16:30
Репост из: .
Artel yana nimalar o'yladi ekan?

Reklama
Daryo — LIVE 11 May, 16:22
​​2021 йил якунигача Президент мактаблари сони яна 10 тага кўпайиши маълум қилинди

Бугунги кунда Президент, ижод ва ихтисослаштирилган мактабларни ривожлантириш агентлиги тасарруфида 16 та мактаб таълим жараёнини олиб бормоқда. Улардан 4 таси Президент мактаби, 9 таси ижод мактаби, 3 таси ихтисослаштирилган мактаблардир. Бу ҳақда 11 май, сешанба куни АОКАда ўтказилган матбуот анжуманида сўз борди, дея хабар бермоқда «Дарё» мухбири.

Президент, ижод ва ихтисослаштирилган мактабларни ривожлантириш агентлиги директори Ҳилола Умарованинг қайд этишича, 2021 йил охиригача яна ўнта янги Президент мактаби ўз фаолиятини бошлайди.

«Айни пайтда Тошкент, Наманган, Хива ва Нукус шаҳарларида Президент мактаблари фаолият юритаётган бўлса, ҳозирда Бухоро, Фарғона, Жиззах, Самарқанд, Қарши, Қашқадарё, Андижон, Гулистон, Навоий, Термиз, Нурафшон шаҳарларида янги Президент мактаблари очилишига тайёргарлик кўряпмиз.

Ҳозирда Бухоро, Фарғона, Жиззах, Самарқанд, Қарши шаҳридаги мактабларимиз 98 фоиз тайёр. Яъни сентябрга тайёр бўлади. Андижон, Гулистон, Навоий, Термиз, Нурафшон шаҳридаги мактабларимизда қурилиш ишлари бошланган, айни пайтда 30-40 фоиз иш бажарилган. Лекин бу йил қабулга кечикиш билан тайёр бўлиши мумкин, балки 1 ойга кечикиши мумкин. Ҳозир шу захира билан режалаштиряпмиз. Лекин бу йилга 10 та ҳудудда 10 та мактабни очишни режалаштирганмиз. Ўзимиз ҳар ҳафта қурилиш ишларини назорат қилиб турибмиз.

Шуни алоҳида таъкидлаш керакки, янги ташкил этиладиган мактабларнинг 1-ўқув йилида 5–10-синфлар кесимида жами 144 нафар ўқувчи саралаб олинади», — деди Умарова.

@daryo_live
Читать полностью
Daryo — LIVE 11 May, 15:53
​​Ўзбекистонда Франция инвестиция лойиҳаларини амалга ошириш бўйича ҳужжатлар имзоланди

Тошкентда 10 май куни бош вазир ўринбосари — инвестициялар ва ташқи савдо вазири Сардор Умурзоқов ҳамда Франция ташқи савдо ва иқтисодий жозибадорлик масалалари бўйича вазири Франк Риестер раислигида савдо-иқтисодий ҳамкорлик бўйича Ўзбекистон—Франция ҳукуматлараро комиссиясининг 8-йиғилиши бўлиб ўтди.

Инвестициялар ва ташқи савдо вазирлиги матбуот хизматининг хабар беришича, унда Франция идоралари, йирик компания ва банкларининг 50 дан ортиқ вакиллари, шунингдек, Ўзбекистон томонидан тегишли вазирлик, идора, тармоқ бирлашмалари ва тижорат банклари раҳбарлари иштирок этди.

Тадбир кун тартиби билан саноат, энергетика, қишлоқ хўжалиги, уй-жой коммунал хўжалиги, туризм, транспорт ва бошқа соҳаларда савдо-иқтисодий ва инвестициявий ҳамкорлик масалаларини қамраб олинди.

Йиғилишнинг асосий мавзуси инвестициявий ҳамкорликни янада кенгайтириш чора-тадбирлари бўлди. Бугунги кунда Ўзбекистонда қурилиш,туризм, қишлоқ хўжалиги ва хизмат кўрсатиш соҳаларида Франция капитали иштирокидаги 44 та корхона фаолият юритмоқда. Airbus, Total Eren, Eiffage, Thales, Vinci, Rungis, Orano, Suez, Leroy Merlin, Sanofi, Fives каби йирик француз компаниялари ҳамда Natixis, Credit Agricole вa Bpifrance банклари билан лойиҳаларни амалга оширишда эришилган натижалар таъкидланди.

Томонларнинг қайд этишича, муқобил энергетика, геология-қидирув, инфратузилмани ривожлантириш, қишлоқ хўжалиги, транспорт ва логистика, туризм, банк-молия соҳаларида инвестициявий ҳамкорликни чуқурлаштириш борасида ҳам салмоқли салоҳият мавжуд. Франция компанияларини Ўзбекистонда давлат активларини хусусийлаштириш дастурида иштирок этиш учун жалб қилиш имкониятлари алоҳида тартибда муҳокама қилинган.

Учрашувда томонлар ўзаро савдода мавжуд тўсиқларни бартараф этиш бўйича қўшма амалий чора-тадбирларни амалга ошириш мақсадида икки мамлакатнинг тегишли вазирлик ва идоралари ўртасида яқин ҳамкорликни йўлга қўйиш ҳамда савдо айланмасини ошириш ишларини давом эттиришга келишиб олинди. Шунингдек, Ўзбекистон иқтисодиётининг турли тармоқларида янги истиқболли лойиҳаларни ҳаётга татбиқ этиш доирасида Франциянинг тўғридан-тўғри инвестиция ва технологияларини жалб этиш борасида навбатдаги тадбирлар белгилаб олинди.

Йиғилиш якунлари бўйича Ўзбекистон Инвестициялар ва ташқи савдо вазирлиги ҳамда Франция Ташқи савдо ва иқтисодий жозибадорлик вазирлиги ўртасида 2021—2030 йилларга мўлжалланган икки томонлама иқтисодий ҳамкорлик учун «йўл харитаси» имзоланди.

Батафсил

@daryo_live
Читать полностью
Daryo — LIVE 11 May, 15:21
​​Президент мактабларидаги ўқувчиларнинг аксарияти вазир ва ҳокимларнинг фарзандими? Мутасаддилар жавоб берди

Бугунги кунда Тошкент, Наманган, Хива ва Нукус шаҳарларидаги Президент мактабларида 569 нафар ўқувчи билим олмоқда. Бу ҳақда 11 май, сешанба куни Президент, ижод ва ихтисослаштирилган мактабларни ривожлантириш агентлиги раҳбарияти иштирокида АОКАда ўтказилган матбуот анжуманида сўз юритилди.

Тадбирда қатнашган «Дарё» мухбири Миролим Исажонов «Ижтимоий тармоқларда Президент мактабларида, асосан, вазир ва ҳокимларнинг фарзандлари ўқийди, мазмундаги постлар ва муҳокамаларга тез-тез кўзимиз тушади. Кўплаб фуқароларда ҳам шундай қараш шаклланган. Президент мактабларидаги ўғил-қизларнинг қанчаси амалдорларнинг фарзанди, бу борада статистика юритиладими?», деган савол билан агентлик вакилларига юзланди.

«Тошкент шаҳридаги Президент мактаби ўқувчиларининг аксарияти Сергели туманидаги 300-мактаб битирувчиларига тўғри келади. Уларнинг оилавий келиб чиқиши ҳақида гапирадиган бўлсак, ота-оналарнинг ҳеч бири вазир ёки ҳоким эмас. Барчаси турли соҳаларда фаолият юрица-да, аммо мансабдор ҳисобланмайди. Бу эса кириш имтиҳонлари жуда ҳам шаффоф ўтказилганлигини англатади», — деди агентлик директори ўринбосари Амирулла Абдуллаев.

Агентлик директори Ҳилола Умарованинг таъкидлашича, ўқувчилар орасида шароити оғир оила фарзандлари ҳам бор.

«Саволингизга келсак, бу бўйича статистика қилганмиз. Мактаблардаги ўқувчиларнинг аксарияти — 70 фоизининг ота-оналари педагогика соҳасида ишлайди, яъни ўқитувчи. Мисол учун, Хива шаҳридаги Президент мактаби ўқувчиси олимпиадада биринчи ўринни қўлга киритиб, отасига автомашина совға қилди. Дадаси математика фани ўқитувчиси, онаси уй бекаси. Шундан кўриш мумкинки, Президент мактабларидаги ўқувчиларнинг 70 фоизи устозларнинг фарзандлари, десам адашмайман. Бундан ташқари, мактабларимизда қийналган оила фарзандлари ҳам таҳсил олади», — деди Умарова.

@daryo_live
Читать полностью
Daryo — LIVE 11 May, 14:51
​​Ўзбекистондаги ўзга тилли синфларда ўзбек тили чет тили каби ўргатилади

Ўзбекистондаги мактабларда таълим тили ўзга тилда бўлган синфларда давлат тили — ўзбек тили чет тили каби ўргатилади. Бу ҳақда Халқ таълими вазирлиги ҳузуридаги Республика таълим маркази матбуот хизмати хабар берди.

Маълум қилинишича, миллий ўқув дастури асосида ўзга миллат вакиллари учун 2-синф ўзбек тили дарслиги яратилди. Ушбу дарслик 2021/2022-ўқув йилида амалиётга жорий этилади. Ўзбек тилини чет тили сифатида ўқитиш кўзда тутилган янги дарсликлар тил ўргатишнинг халқаро стандартлари асосида яратилмоқда.

Бунда:

Нутқий компетенциялар:

актив — гапириш, ёзиш;
пассив — ўқиб тушуниш, тинглаб тушуниш.
Лексик компетенциялар:

грамматика;
лексика — А1, А2, B1, B2 кўринишида синфлар кесимида тақсимланган.
Қайд этилишича, айни пайтда яратилган дарсликда ўз даври учун муҳим бўлган яна бир қанча қулайликлар мавжуд. Хусусан, ўқув дарслиги асосида ўқитувчи китоби ва ўқувчи машқ дафтари жорий этилди. Илгари иккинчи тил китобларидаги луғат-таржималар, одатда, икки тилда ҳавола қилинган бўлса, эндиликда улар кенг аудиторияни ҳисобга олиб қозоқ, қирғиз, қорақалпоқ, туркман, тожик, рус ва инглиз тилларига ҳам таржима қилинган. Ўқувчининг психологик, ёш хусусиятлари ҳам ҳисобга олиниб, расмлар 70 фоиз, матнлар 30 фоиз ўрин эгаллаган. Фанлараро интеграция (STEAM) тўла таъминланган. Улар ҳам ўқувчида тил ўрганиш кўникмасини фаоллаштиради.

ЎзАнинг ёзишича, янги яратилаётган дарсликлардаги бу каби ўзгаришлар, такомиллашувлар ўқувчиларни дарсдан безиб қолмасликка, дарс жараёнига қизиқиши ва ўзбек тилига ҳурмат-эътиборини шакллантиришга хизмат қилади.

Аввалроқ Ўзбекистондаги мактабларда она тили ва ўқиш фани дарс соатлари қисқартирилмаган ҳолда бирлаштирилиб, ягона дарслик жорий этилиши ҳақида хабар берилган эди.

@daryo_live
Читать полностью
Daryo — LIVE 11 May, 14:25
​​Фарғонада юз берган ЙТҲда икки оиладан бўлган олти киши вафот этди

Фарғона вилоятининг Ёзёвон туманида юз берган ЙТҲда олти нафар киши — икки оила вакиллари вафот этди, деб хабар бермоқда вилоят ҳокимлиги матбуот хизмати.

11 май куни вилоят ҳокимлиги томонидан ўтказилган ЙТҲларнинг олдини олиш, мавжуд муаммоларни бартараф этиш ва олдинда турган вазифаларни келишиб олиш юзасидан тезкор йиғилишда маълум қилинишича, 10 май куни Ёзёвон тумани ҳудудидан ўтган А-373 халқаро аҳамиятдаги йўлда содир этилган ЙТҲда 6 нафар фуқаро — икки оила вакиллари вафот этган. Яна тўрт киши туман шифохонасининг жонлантириш бўлимида даволанмоқда.

Аввалроқ Қибрайда Damas ва «Жигули» тўқнашиши оқибатида бир киши жароҳат олгани, Қаршида содир бўлган ЙТҲда 29 ёшли ҳайдовчи ва унинг 5 ёшли қизи вафот этгани, Сурхондарёда 3 кишини уриб юбориб, уларнинг ўлимига сабаб бўлган Damas ҳайдовчиси воқеа жойидан қочиб кетгани ҳақида хабар берилган эди.

@daryo_live
Читать полностью
Daryo — LIVE 11 May, 14:14
​​Самарқандда Алишер Навоий ҳайкалини мазах қилган TikTok фойдаланувчиси 15 суткага қамалди

Интернетда TikTok фойдаланувчиси Каттақўрғон боғида жойлашган Алишер Навоий ҳайкали олдида ноўрин хатти-ҳаракатларни амалга оширгани тасвирланган видео тарқалди. Самарқанд вилояти ИИБ матбуот хизматининг маълум қилишича, ушбу фуқарога нисбатан чора кўрилган.

Маълум қилинишича, Алишер Навоий ҳайкали олдида ноўрин хатти-ҳаракатлар содир этган каттақўрғонлик 24 ёшли йигитнинг шахси аниқланган. Унга нисбатан нисбатан Каттақўрғон шаҳар ИИБ томонидан тегишли тартибда ҳужжатлар расмийлаштирилган.

«Катта хато қилдим. Бутун Ўзбекистон юзини ерга қаратибман. Ҳаммангиздан чин юракдан кечирим сўрайман», — дейди фуқаро И.П.

Суд қарори билан йигит ҳамда унинг шеригига нисбатан 15 сутка маъмурий қамоқ жазоси тайинланган.

Аввалроқ Бухорода TikTok учун дрифт қилган ҳайдовчига чора кўрилди, «Жигули»си жарима майдонига жойлаштирилгани, самарқандлик икки йигит TikTok’да лайк йиғиш учун ўзини томдан ташлагани ҳамда ҳаракатланаётган Spark устига чиқиб олган йигит видеосини TikTok’ка жойлаштирганлар жаримага тортилгани ҳақида хабар берилганди.

@daryo_live
Читать полностью
Daryo — LIVE 11 May, 13:38
​​Оҳангаронда бир-бири билан тўқнашган «КамАЗ» ва Lacetti тўлиқ ёниб кетди

10 май куни соат 21:30 ларда Тошкент вилояти Оҳангарон тумани «Убайда» МФЙ ҳудудидаги чорраҳада юк автомобили ва Lacetti иштирокида йўл-транспорт ҳодисаси содир бўлди, деб хабар беради ИИВ ЙҲХББ ахборот хизмати.

Маълум қилинишича, 21 ёшли О.Т. бошқарувидаги MAN, 23 ёшли Х.Ю. бошқарувидаги Lacetti ҳамда 22 ёшли М.Т. бошқарувида бўлган «КамАЗ» машиналари иштирокида тўқнашув содир бўлган. Тўқнашув оқибатида ёнғин юзага келган.

ФВВ матбуот хизматининг ёзишича, ҳодиса жойига Оҳангарон туман ФВБнинг 4 та ёнғин-қутқарув гуруҳлари 21:56 да етиб борган. Ёнғин 21:58 да қуршаб олиниб, 22:08 да тўлиқ бартараф этилган. Транспорт воситаларига жиддий зарар етган.

MAN ва Lacetti ҳайдовчилари турли тан жароҳатлари билан шифохонага етказилган. Мазкур ҳолат юзасидан Оҳангарон туман ИИБ Тергов бўлими томонидан дастлабки суриштирув ҳаракатлари олиб борилмоқда.

Аввалроқ Тошкентда Howo юк машинаси ағдарилиб, ёниб кетгани тўғрисида хабар берилганди.

@daryo_live
Читать полностью
Daryo — LIVE 11 May, 13:30
Репост из: .
Bilasizmi...
- O'zbekistonda sog'liqni saqlashni rivojlantirishga atom texnologiyalari qanday ta'sir qiladi?
- Yaqin 10 yil ichida "sof" energiyaning qaysi turlari jadal tarzda rivojlanadi?
- Obyektlarni elektrsiz isitishga qodir bo'lgan tizim qanday ishlaydi?
Agar bilmasangiz, @clearenergy ilmiy-ommabop kanaliga obuna bo'ling va "sof" energetika dunyosidagi so'nggi yangiliklardan xabardor bo'ling

Reklama
Читать полностью
Daryo — LIVE 11 May, 13:21
​​Ўзбекистонда Рамазон ҳайити намози ўқилиши вақтлари эълон қилинди

Ўзбекистон мусулмонлари идораси 2021 йилги Рамазон ҳайити намозининг ўқилиш вақтларини эълон қилди.

Унга кўра, 13 май, пайшанба куни Рамазон ҳайити намози Тошкент вақти билан соат 05:30 да, бошқа вилоятларда намоз вақтидаги тафовутни инобатга олиб ўқилади.

Рамазон ҳайити намозининг вилоятларда ўқиладиган вақтлари қуйидагича:

Андижон вилояти — 05:20;
Бухоро вилояти — 05:50;
Жиззах вилояти — 05:40;
Навоий вилояти — 05:50;
Наманган вилояти — 05:20;
Самарқанд вилояти — 05:40;
Сирдарё вилояти — 05:35;
Сурхондарё вилояти — 05:40;
Тошкент вилояти — 05:35;
Фарғона вилояти — 05:20;
Хоразм вилояти — 06:05;
Қашқадарё вилояти — 05:45;
Қорақалпоғистон Республикаси — 06:10.

Қайд этилишича, ушбу жадвалда кўрсатилган вақтлар қуёш чиққанидан кейин 15-20 дақиқалик фарқни инобатга олиб белгиланди.

@daryo_live
Читать полностью
Daryo — LIVE 11 May, 13:04
Сирдарёда мадҳия вақтида қўлини қаерга қўйишни билмай қолган ўзбекистонлик амалдорлар видеоси Хитойда 5 млн мартадан ортиқ томоша қилинди

Сирдарё вилоятида 9 май кунги байрам тадбири давомида давлат мадҳияси ижроси вақтида ҳуқуқ-тартибот идораларининг раҳбар ходимлари қўлини қаерга қўйиши билмай, ноқулай аҳволда қолгани тўғрисида хабар берилганди. Мазкур ролик Хитой ижтимоий тармоқларида ҳам тарқалган бўлиб, ҳозирга қадар у 5,57 миллион мартадан ортиқ томоша қилинган.

Repost’нинг ёзишича, яна бир Хитой платформасида ўзбекистонлик ҳуқуқ-тартибот идоралари ходимлари иштирокидаги видео 5,75 миллион мартадан ортиқ кўрилган.

@daryo_live
Читать полностью