Insoniyat tarixida birinchi bor astronavtlar xususiy kompaniya tomonidan uchirilmoqda
"NASA"ning ikki astronavti "Space X" kompaniyasining "Falcon 9" raketasi uchiga o'rnatilgan "Dragon" kapsulasida Xalqaro fazo stansiyasiga uchadi. AQSh 2011-yildan beri birinchi bor o'z hududidan kosmosga fazogir uchirmoqda. Shuningdek, bu hodisa insoniyat tarixida astronavtlar ilk bor xususiy kompaniya orqali fazoga uchishi bilan tarixda qoladi.
Ushbu hodisa hozir jonli efirda uzatilmoqda, tomosha qiling:
https://youtu.be/Aymrnzianf0Jurnalist Behzod Mamadiev yozadi:
"2011-yildan bugungacha AQSh o'z fazogirlarini Rossiya kosmik kemasida uchirib kelayotgan edi. Buning uchun har bir odam uchun 80 million dollar to'langan. Rossiya shu yo'l bilan 2011-yildan beri AQShdan 4 milliard dollar mablag' olgan. Agar "SpaceX" missiyasi muvaffaqiyatli amalga oshsa, bundan buyon AQSh yana o'z hududidan fazogirlarni kosmosga uchirish imkoniyatiga ega bo'ladi.
AQShning NASA agentligi olti yil oldin kosmosga odam uchirish dasturini tarixda ilk bor xususiy kompaniyalarga topshirgan edi. Buning uchun"SpaceX"ga $3,4 mlrd., "Boeing" kompaniyasiga esa $4,8 mlrd. mablag' berilgan. Ularning har biri bir-biridan mustaqil ravishda fazoga odam uchiradigan raketa yaratish ustida ish boshlagan. "SpaceX" birinchi bo'lib bu ishni bajardi. Ko'proq mablag' olganiga qaramay, "Boeing"ning "Starline" kosmik kemasi haligacha tayyor bo'lgani yo'q.
"SpaceX" mashhur milliarder ishbilarmon Ilon Maskka tegishli. Uning elektromobillar ishlab chiqaruvchi "Tesla", yerosti tunnel yo'llarini qazuvchi "Boring Company", "Neuralink" nevotexnologiya korporatsiyasi va sun'iy intellekt ustida ishlovchi "OpenAI" kabi yana ko'plab kompaniyalari bor."
Marketing o'zbek tilida —
@marketingbolimi