Chortoq tumani hokimligi | rasmiy kanali

Kadastr agentligi Chortoq tumani bo'limiga rahbar tayinlandi

Ushbu lavozimda ish boshlagan G‘afurov Sherzod Anvarovich 1988-yilda Uychi tumanida tug‘ilgan.

2012-yilda Toshkent axborot texnologiyalari universitetini tamomlagan. II-darajali yurist maxsus unvoniga ega.

2012-2016 yillarda Namangan telekomunikatsiya bog'lanmasida, 2016-2023 уіllarda Bosh prokuratura huzuridagi Majburiy ijro byurosi Namangan viloyati hududiy boshqarmasida turli lavozimlarda faoliyat yuritgan.

Tayinlovga qadar Kadastr agentligi Uychi tumani bo'limi bosh inspektori lavozimida ishlab kelayotgan edi.

✍@chortoqhokimligiuz

НАМАНГАН ВИЛОЯТИДА ТУРИЗМ САЛОҲИЯТИНИ РИВОЖЛАНТИРИШ БЎЙИЧА ЯНГИ ЛОЙИҲАЛАР АМАЛГА ОШИРИЛАДИ

Наманганнинг табиий жойлашуви, релеф шароити боис туризмни ривожлантиришда катта имкониятлар мавжуд. Жорий йилда айни йўналишда йирик лойиҳалар амалга оширилиши мақсад қилинган.
 
Бугун Наманган вилояти ҳокими Шавкатжон Абдураззоқов "Architecture and Engineering Group" МЧЖ лойиҳалари билан танишди. Учрашувда вилоятдаги туризм салоҳиятини янада яхшилашга қаратилган истиқболли лойиҳалар муҳокама қилинди.

Хусусан, Чортоқ тумани "Чортоқсой" қирғоқ бўйида, Чуст тумани "Резаксой" сув омбори ҳудудида, Косонсой тумани “Олмазор” массивида, Янгиқўрғон тумани “Қайроқи” маҳалласи ҳудудида, Поп тумани "Чодак" қишлоғи ҳудудида амалга ошириладиган туризм йўналишидаги мастер-режалар муҳокама қилинди.

Вилоят ҳокими мазкур ҳудудларнинг ўзига хос хусусиятларини ҳисобга олган ҳолда, Тошкент вилояти Бўстонлиқ туманида ишга туширилаётган лойиҳаларга ўхшаш аҳоли дам олиш масканлари ва туристик мажмуаларни ташкил этиш бўйича тайёрланган дастлабки лойиҳаларни янада бойитиш юзасидан масъулларга топшириқлар берди.

Бундан ташқари, юқоридаги туманларнинг ҳар бирига камида 50 миллион долларлик инвестицияларни жалб қилиш "пакети"ни шакллантириш, туризм ва хизмат кўрсатишга оид тармоқ жадвалларини ишлаб чиқиш вазифалари белгиланди.

Наманган вилояти ҳокимлиги Ахборот хизмати.

Sayt | Telegram | Instagram | Facebook |Twitter | YouTube

Чортоқ тумани "Чотқол" тоғ тизмаси этагида жойлашган бўлиб, текислик ва адирлардан иборат. Туман тоғолди ҳудуд бўлгани сабабли қишлоқларнинг жойлашуви, ажойиб манзара касб этувчи сув омбори, ҳавосининг тозалиги билан ташриф буюрувчиларни ўзига жалб қилиб келади. 

Туманнинг ўзига хос хусусиятларидан келиб чиқиб, “Чортоқсой”нинг қирғоқ бўйи ҳудудида аҳоли ва сайёҳлар учун барча қулайликларга эга дам олиш ҳамда туризм масканларини ташкил этиш бўйича мастер-режалар ишлаб чиқилмоқда.

Туман ҳокими Илҳомжон Саттаров бошчилигида тегишли ташкилотлар раҳбарлари, мутахассислар ҳамда тадбиркорлар иштирокида янги лойиҳаларни амалга ошириш учун қулай бўлган Чортоқ сув омбори қирғоқ минтақаси имкониятлари билан танишилди.

Чортоқ тумани оила ва хотин-қизлар ҳамда ички ишлар бўлимлари ҳамкорлигида “Мустақиллик”, “Истиқлол” маҳаллаларида “Соғлом турмуш тарзи, тўғри овқатланиш” мазусида давра суҳбат ўтказилди.

Учрашувда  маҳалла хотин-қизлар фаоли ва патронаж ҳамшираларнинг ҳамкорликдаги тарғибот-тушунтириш ишлари натижасида репродуктив саломатлик бўйича аёллар ўртасида тиббий маданият ошаётганлиги, бу эса соғлом оилани шакллантиришда асосий омил эканлиги таъкидланди.

“Соғлом оила маслаҳатхоналари”да ҳамкорликда самарали иш ташкил этиш юзасидан мутасаддиларга кўрсатмалар берилди.

❗️Adaptiv sport turlari bo'yicha - 2025 yilda malaka oshirish o'quv kurslarida o'qish istagida bo'lgan trenerlar diqqatiga...

📑O‘quv malaka oshirish kurslarida ishtirok etuvchi trenerlarning dastlabki ro‘yxati Ijtimoiy xodim tomonidan amalga oshirilgan xatlov natijasiga ko'ra, trenerga bo‘lgan ehtiyoj talabnomasi shakllantiriladi.

📋Talabnomalar (yoki o’quv kurslarida ishtirok etuvchi talabgor trenerlar ro’yxati) tuman (yoki shahar) INSON ijtioiy xizmatlar markaziga topshiriladi.

♻️INSON markazlari - Sport maktablari bilan hamkorlikda umumiy ro'yxatni tasdiqlab, Assotsiatsiyaning hududiy boshqarmasiga taqdim etadi.

#ulashing

@anvar_mursakulov

Наманган вилояти ҳокимлиги ахборот ва киберхавфсизлик бўйича ҳудудлар ичида 2024 йил якуни билан биринчи ўринни эгаллади

Киберхавфсизлик маркази томонидан барча давлат ва хўжалик бошқаруви, маҳаллий давлат ҳокимияти органларида ахборот ва киберхавфсизлик ҳолати мониторинги йўлга қўйилган бўлиб, бу борадаги ишлар баҳоланади.

2024 йил якуний рейтингида Наманган вилояти ҳокимлиги 90,2 фоиз кўрсаткич билан республика ҳудудлари ҳокимият органлари ўртасида 1-ўринни эгаллади.