“Обод хонадон томорқадан бошланади” тамойили асосида туманда олиб борилаётган ишлар ОАВ нигоҳидаТуманнинг “Янги Дам” маҳалласида Ўзбекистон Республикаси Президенти томонидан белгилаб берилган янги тизим асосида аҳолининг томорқа ва ижара эрларидан самарали фойдаланиш орқали даромадларини ошириш чора-тадбирларига бағишланган медиа-тур ўтказилди.
“Обод хонадон томорқадан бошланади” тамойили асосида ўтказилган медиа-тур давомида ОАВ вакиллари маҳалланинг "Фаровон" кўчасида истиқомат қилаётган Отақул Ботиров хонадонида томорқадан фойдаланиш борасида олиб борилаётган ишлар билан яқиндан танишишди.
Бир қарич ердан самарали фойдаланаётган Отақул Ботиров томорқасининг 9 сотих ер майдонида Италия ва Корея давлатларидан олиб келинган қулупнайнинг "Қора шаҳзода" ва "Солхиянг" навларини кўпайтирмоқда.
Апрелнинг бошида қизаришни бошлаган биргина қулупнайдан йил давомида 150-170 млн даромад олишни кўзлаган уста деҳқон ОАВ вакилларига томорқадан фойдаланиш ва қулупнай етиштириш технологияларини бирма-бир айтиб берди.
Бундан ташқари Ботировлар хонадонида асаларичилик ва чорвачилик ҳам яхши йўлга қўйилган. 250 қути асалари парваришлаётган хонадон вакилларининг барчаси бугун иш билан банд. Кимдир асаларига қараса, яна кимдир чорваларга Отақул Ботиров эса томорқада қулупнайни парваришлаш билан оввора.
Медиа-тур давомида ОАВ вакиллари Паканди маҳалласида етиштирилган полиз экини ниҳоллари юкланган автомашиналарда олиб келинган ниҳоллардан олиб, томорқаларда тайёрлаган агатларга экиш жараёнларини ҳам гувоҳи бўлишди.
— Маҳалламизда 4562 нафар аҳоли истиқомат қилади. Хонадонлар сони эса 804 тани ташкил қилади дейди, маҳалла раиси Норбўта Юсупов. Маҳаллада бирор хонадон йўқки, томорқадан фойдаланмаси. Томорқа даромад манбаи эканлигини билан фуқароларимиз йилнинг тўрт фаслида ҳам томорқасини бўш қўймайди.Шунингдек, медиа-тур иштирокчилари гулчилик билан шуғулланиб келаётган Холиқ Муродинов хонадонида ҳам бўлишди. Гулнинг 50 дан ортиқ навларини парваришлаётган хонадон эгалари томорқа ва меҳнати ортидан яхшигина даромад топишмоқда.
Каналга уланиш👇👇👇
https://t.me/chiroqchi_press