ЧИНОЗ ҲАЁТИ

Жиноятга жазо муқаррар

Зўравон хотин

Дастлабки тергов ҳаракатлари давомида тўпланган ҳужжатларга кўра, 28.06.1994 йилда Тошкент вилояти Чиноз туманида туғилган Х. Ф. Ф. умумий яшаш жойида яшаб келиб, ижтимоий фойдали меҳнат фаолияти билан шуғулланмасдан жиноят содир этиш йўлига кириб, “Оилага, ёшларга ва ахлоққа қарши жиноятлар” туркумига кирувчи “Оилавий (маиший) зўравонлик” жиноятини содир этган.
Қандай қилиб дейсизми?  Мархамат, мақолани давомини ўқиб билиб олинг. 2024 йил 08 июнь куни соат таҳминан 19-00 ларда ўз яшаш хонадонига кириш даровозаси яқинида ўзи билан бирга бир рўзғор асосида биргаликда яшаётган маст ҳолатдаги турмуш ўртоғи М.К.Р. билан ўрталарида келиб чиққан ўзаро келишмовчилик натижасида жанжаллашиб  қолишади. Шу вақтида Ф.Ф.Х. зўровонлик қилиб ўткир тиғли ошхона пичоғи билан қуролланиб эрини кўкрак соҳасига бир маротаба пичоқни санчиб олади ва унга оғир тан жароҳати етказади. Натижада К.Р.М. олган тан жароҳати билан Чиноз тумани марказий шифохонасига мурожаат қилади.
Ўтказилган судга оид тиббий экспертизанинг хулосасига кўра аниқланган тан жароҳати ўз белгисига кўра оғир тан жароҳати даражасига кириши кўрсатилган.
Шундай қилиб, аёл ўзининг қасддан содир этган жиноий ҳатти-ҳаракатлари билан, оилавий (маиший) зўравонлик яъни, қурол сифатида фойдаланилиши мумкин бўлган ашёларни ишлатиб, бирга яшовчи эрига нисбатан хаёт учун хавфли бўлган қасддан баданга оғир шикаст етказишда ифодаланган қилмишлари билан Ўзбекистон Республикаси Жиноят Кодексининг тегишли  бандида назарда тутилган жиноятни содир этган.
Хўш,  аёлни тутгун йўлини тўғри деб ўйлайсизми. Балки баъзилар ўзини химоя қилгандир, ёки эри ичиб келавериб жонига теккандир ва хокозо важларни айтиб аёлни оқламоқчи бўлар. Лекин нима бўлганда хам ҳалқимизнинг "Эри хотиннинг уруши, дока рўмолнинг қуриши" деган мақолни бежиз айтилмаган. Фуқаро Ф.Ф.Х қўни-қўшнисини, махалла фуқаролар йиғинидагиларни ёки тегишли идоралар масъулларни ёрдамга чақириши мумкин эдику. Ахир унинг аёл деган номи бор. Аёл деганда гўзаллик, нафосат, нозик хилқат кўз олдимизга келади, пичоқ кўтарган жиноятчи эмас.


С.А.Абдурашидов,
Чиноз туман ИИБ ҳузуридаги 
Тергов бўлими терговчиси,
катта лейтенант

@chinozhayoti

Чинозлик бувижонлар йиғилишиди

Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси Республика бошқаруви ва жойлардаги "Нуроний" жамғармалари қошида "Бувижонлар мактаби" ташкил этилган. Чиноз тумани "Нуроний" жамғармаси биносида чинозлик бувижонлар навбатдаги йиғилишини ўтказди. Бувижонлар мактаби раҳбари Хабиба Шерова йиғилишни олиб борди. Сўз жамғарма раиси Мирсоат Мирсодиқовга берилди.
-Президентимиз Ўзбекистон фахрийларини ижтимоий қўллаб-қувватлаш «Нуроний» жамғармасининг фаолиятини янада такомиллаштириш, шунингдек кекса ёшдаги фуқароларни давлат томонидан қўллаб-қувватлаш, уларнинг мамлакат ижтимоий-сиёсий ҳаётида тўла ҳуқуқли иштирок этиши учун зарур шарт-шароитлар яратиш, катта авлоднинг жамият, оилалар ва маҳаллаларда тинчлик ва осойишталикни таъминлаш, шунингдек ёш авлодни халқимизнинг кўп асрлик анъаналарини ҳурмат қилиш руҳида тарбиялаш ишидаги ролини ошириш учун нуронийларга жуда катта эътибор қаратмоқда. Шундай экан биз ҳам ўз навбатида бу ғамҳўрликка жавобан ёлғиз қариялар холидан хабар олиш, ногиронлиги бор кексаларга яқиндан кўмак бериш билан биргаликда фарзанд тарбияси айниқса, қизларимизни турмушга тайёрлашга ҳам катта эътибор қаратмоғимиз лозим. Бу борада сиз азиз бувижонларга суянамиз.
Сарбозор маҳалласининг «Бувижонлар мактаби» раҳбари Сурайё Ахмедова сўзга чиқиб, бугунги кунда туманимиз нуронийлари томонидан амалга оширилаётган ишлари ютуқ ва муаммолари ҳақида гапириб ўтди.
Йиғилишда Ўзбекистон Республикаси Вазирлар Маҳкамасининг
2019 йил 27 сентябрдаги “Кекса авлод вакилларининг жамиятдаги ўрни ва ижтимоий фаоллигини янада ошириш чора-тадбирлари тўғрисида”ги 816-сон қарори билан ҳар йили октябр ойининг биринчи хафтаси “Кексалар хафталиги” этиб белгиланганлиги ва шу муносабат билан "Кексалар ҳафталиги" маҳаллаларда қандай ўтганлиги ҳам тахлил қилинди.
2020-йил 28-майдаги “Кексаларни давлат томонидан қўллаб-қувватлаш тизимини янада такомиллаштиришнинг қўшимча чора-тадбирлари тўгрисида”ги 340-сон қарори билан ҳар йили ноябрь ойи “Кексалар учун туризм ойлиги” деб эълон қилиниб, ҳудудларда кенг кўламли тадбирлар ташкил этилмоқда. Маҳаллаларда фаолият олиб бораётган бувижонларга "Кексалар учун туризм ойлиги"ни юқори савияда ўтказиш билан боғлиқ топшириқлар берилди.

С.Ахмедова,
журналист.
@chinozhayoti

Жиноятни жиловлаш керак

ЎЗГАНИНГ МУЛКИНИ ЎҒИРЛАШ - БУ ЖИНОЯТ

Фурқат (исм шарифлар ўзгартирилган) ижтимоий фойдали меҳнат билан шуғулланмасдан, енгил пул топиш йўлини танлайди. У энг осони ўғрилик қилиш, уни хеч ким сезмайди, дея хомхаёл қилади. Гувохи бўлганингиздек ўғирлик жиноятини содир этганликда айбланмоқда.
Фурқат ўзганинг мол-мулкини яширин равишда талон-торож қилиш ва шу йўл билан моддий бойлик орттириш мақсадида 2024 йил 06 август куни соат таҳминан 19-00 ларда Чиноз тумани Деҳқон бозори яқинидаги А. Х. Хга тегишли савдо дўконига ғайриқонуний равишда кириб у ердаги дўкон растасида турган Халим исмли фуқарога тегишли, нарҳи
200.000 сўмлик эркаклар чарм хамёни ҳамда унинг ичида 2.500.000 сўм пул маблағлари, нархи 80 (80*12594.85=1,007,588 сўм) АҚШ доллари бўлган эркаклар атири, нархи 60.000 сўмлик қулоқчин, хайдовчилик гувоҳномаси, пластик карточка ҳамда 350.000 сўмлик Айфон русумли уяли алоқа телефонининг электр қувватлагичларини ўғирлаб ҳодиса жойидан яширинган.
Бировнинг халол топган мол-мулкини дақиқалар ичида ўзлаштириб яна хеч нарса бўлмагандек бемалол юриш учун инсонда тошдан юрак бўлиши керак эмасми.
Қасддан содир этган жиноий ҳаракатлари билан ўғирлик, яъни, ўзганинг мол-мулкини яширин равишда талон-торож қилиш, уй-жой, омборхона ёки бошқа хонага ғайриқонуний равишда кириб содир этишда ҳамда ҳужжатлар, штамплар, мухрлар, бланкаларни эгаллаш, нобуд қилиш ва уларни яшириш яъни идентификацияловчи бошқа мухим шахсий ҳужжатларга нисбатан содир этишда ифодаланган қилмишлари билан Ўзбекистон Республикаси ЖКнинг 169-моддаси 2-қисми “г” банди ва 227-моддаси 2-қисми “а” бандида кўрсатилган жиноятларни содир этган.
Нахотки жиноят кўчасини танлаган "қахрамонимиз" бу йўлнинг охири войлигини тушуниши учун жуда катта ақл керак деб ўйласа. Энди панжара ортида ўтириб танасига яхшилаб ўйлаб кўрадиган, бу хатони қайтармасликка ахд қиладиган бўлди.
С.,АБДУРАШИДОВ,
Чиноз тумани ИИБ ҳузуридаги
Тергов бўлими терговчиси, капитан
@chinozhayoti

Акам ҳаёт бўлганларида бугун 75 ёшга тўлардила. Бундоқ ўйлаб қарасам  акам ҳақида ҳеч нарса ёзмапман,  Қандай сингил бўлдимки,  қўлимга қалам олиб  ёзишни ўрганган пайтларим,  университетда ўқиб юрган кезларим ёки газетада ишлаб юрган чоғларимда ҳам  "менинг акам  акаларнинг энг зўри" демапман.
Жудаям мехрибон бироқ бу мехрни оғизда эмас,  амалда кўрсатган  акамнинг содда ва самимийликларини бирор марта ўзларига қарата мақтамапман.
Сира ёдимдан чиқмайди.  Мактабда 5 синфларда ўқиб юрардим. У пайтлари 1 май байрамида парад бўларди. Хамма мактабу ишхоналар, ташкилотдаги ёшу қари параддан ўтарди. Кўчалар одамга тўлиб кетарди. Қуёшнинг  тандирдек қиздирган иссиғидан кўпчиликнинг маззаси қочарди, баъзи нимжонлар хушиданам кетиб қолган пайтлари бўлган. Қисқаси параддан ўтмай шайтонлик қилиб кўчамиз бошига етганимизда секингина уй томонга қараб қочдим. Табиийки уйимизда ҳеч ким йўқ,  ҳамма байрамга кетган. Бироқ кимнингдир ғўнғиллаган товуши эшитилди. Секин ховлига қарасам  Миржалол акам бир нотаниш қизчага нималарнидир тушунтираётган эдилар. Бироз пойлаб турдим,  бу қиз ким,  бизникида нима қиляпти, дея роса бошим қотди. Сўнгра шартта ичкарига кирдим. Мени кўриб акам хурсанд бўлиб кетдила. Кейин билсам,  мен қатори бу қиз қайсидир қишлоқ мактабидан келган экан,  парадда  қорни оғриб,  маззаси бўлмапти,  рухсат сўраса ўқитувчиси "чида, хозир парад тугасин,  кейин кетасан",  деб рухсат бермапти,  қиз шўрлик шошганидан дарвоза очиқ бўлгани учун бизникига қараб югурибди, бироқ  улгурмапти.
Уйда акам  буни сезиб қолиб, дархол унга тоза усти бош, яна керакли нарсаларни уйдан топиб бериб,  ўзлари катта ховлимизга ўтиб кетибдила. Дарвозадан  киришим билан акам дархол изох бердила,
"Қиз бола бўлса шундай байрам кунларида шу ахволда юрадими,  унга рахмим келди. Ёрдам бердим" 
Шу воқеани сира сира ёдимдан чиқаролмиман.
Акам жуда оқ кўнгил,  қплби тоза, мехрибон инсон бўлган эканла. Мехриларини бегоналардан ҳам аямаганла. Биз 5 нафар сингилларини,  2 нафар укаларини  кўтариб катта қилганла. Бола бўлиб тузукроқ ҳам ўйнамаганла. Бош фарзанд бўлганлари учун доим уй юмушларию,  бола боқиш билан вақтлари ўтган.
Эй, Оллох мани акам акаларнинг энг яхшиси эди,  уларни жойларини жаннатдан қил,  бу дунёда кўрмаган рохатларини у дунёда кўрсат. Мехрибон эгам акамнинг чин дунёларини обод айла,  жаннатларда юз кўришмоқликни насибу рўз айла.

@chinozhayoti