"CHINOZ HAYOTI" / rasmiy kanali

XALQ DEPUTATLARI CHINOZ TUMANI KENGASHI RAISINING FARMOYISHI

2025-yil 3-fevral

Yettinchi chaqiriq Xalq deputatlari Chinoz tumani Kengashining yettinchi sessiyasini chaqirish to‘g‘risida

O‘zbekiston Respublikasi “Mahalliy Davlat hokimiyati to‘g‘risida”gi Qonunining 17-moddasiga asosan:

1. Yettinchi chaqiriq Xalq deputatlari Chinoz tuman Kengashining yettinchi sessiyasi 2025-yil 10-fevral kuni soat 11-00 da ZOOM platformasi orqali masofaviy (onlayn) tarzida chaqirilsin.

2. Sessiya kun tartibiga quyidagi masalalar kiritilsin:

- Chinoz tuman mahalliy byudjetining 2024-yil yakuni bo‘yicha ijrosi, mahalliy byudjet xarajatlari va daromadlari yoyilmasiga kiritilgan o‘zgartirishlar to‘g‘risida;

- boshqa masalalar.

3. Ushbu farmoyishning bajarilishini nazorat qilish Xalq deputatlari Chinoz tumani Kengashi kotibiyati mudiri A.Baxramov zimmasiga yuklatilsin.

Kengash raisi         Sh.Salixov

@chinoz_hayoti_gazetasi

POSBONLAR

Sizda orom qayda,
Sizda tin qayda.
Siz to’yib uxlagan bitta tun qayda.
El-yurt oromini asragan zotlar,
El mehri asrasin Sizni har joyda!..

Sizni uchrataman tog’da, dalada,
Xizmatda hamisha, qorda, jalada.
Sizga sabot bersin, Sizga kuch bersin,
Buyuk zotlar ruhi shunday pallada.

Har kun oftob bilan sog’ ko’rishib yuz,
Uydan omon chiqib, omon qaytingiz.
Rizqi ulug’ bo’lsin, ko’ksi ulug’ bo’lsin,
Xonadoningizu mamlakatingiz.

Yo’llar ravon bo’lsin, yo’llar oq bo’lsin,
Bahor maysalari ko’kchiroq bo’lsin.
Burchga sadoqatli ey fidoyilar,
Pokligingiz sizga ko’zmunchoq bo’lsin!..

Sizda orom qayda,Sizda tin qayda.
Siz to’yib uxlagan bitta tun qayda.
El-yurt oromini asragan zotlar,
El mehri asrasin Sizni har joyda.

©Muhammad Yusuf

@chinoz_hayoti_gazetasi

XALQ DEPUTATLARI CHINOZ TUMANI KENGASHI RAISINING FARMOYISHI

2025-yil 13-yanvar

Yettinchi chaqiriq Xalq deputatlari Chinoz tumani Kengashining beshinchi sessiyasini chaqirish to‘g‘risida

O‘zbekiston Respublikasi “Mahalliy Davlat hokimiyati to‘g‘risida”gi Qonunining 17-moddasiga asosan:

1. Yettinchi chaqiriq Xalq deputatlari Chinoz tumani Kengashining beshinchi sessiyasi 2025-yil 20-yanvar kuni soat 15-00 da tuman hokimligi katta majlislar zaliga chaqirilsin.

2. Sessiya kun tartibiga quyidagi masalalar kiritilsin:
- Chinoz tumani maʼmuriy-hududiy chegarasini belgilash boʻyicha amalga oshirilgan ishlarining yakuniy natijalarini tasdiqlash toʻgʻrisida;

- Chinoz tumanini kompleks ijtimoiy-iqtisodiy rivojlantirish bo‘yicha sektorlar faoliyatini yanada takomillashtirishga doir qo‘shimcha chora-tadbirlar to‘g‘risida;

- O‘zbekiston Respublikasi Prezidentining Toshkent viloyati Chinoz tumanidagi Xalq qabulxonasi mudirining Chinoz tumanidagi sektorlar, davlat organlari va boshqa tashkilotlarning 2024-yil yakuni bo‘yicha jismoniy va yuridik shaxslarning murojaatlari bilan ishlash holati haqidagi axboroti to‘g‘risida;

- Chinoz tumani prokurorining 2024-yildagi faoliyati to‘g‘risidagi axboroti haqida;

- Chinoz tumani Ichki ishlar bo‘limi boshlig‘ining huquqbuzarliklarni oldini olish va ularning profilaktikasi holati to‘g‘risida, shuningdek jamoat xavfsizligi to‘g‘risida 2024-yil yakuni bo‘yicha amalga oshirilgan ishlar to‘g‘risidagi hisoboti haqida;

- Chinoz tumanida yoshlar muammolarini o‘rganish, ularni hal etishga ko‘maklashish, yosh avlodning iste’dodi va qobiliyatini rivojlantirish uchun qo‘shimcha shart-sharoitlar yaratish choralarini ko‘rishga qaratilgan ishlar to‘g‘risida Yoshlar ishlari agentligi tuman bo‘limi boshlig‘ining hisoboti haqida;

- Xalq deputatlari Chinoz tumani Kengashi, doimiy komissiyalari hamda Kengash kotibiyatining 2025-yilga mo‘ljallangan ish rejalarini ko‘rib chiqish va tasdiqlash to‘g‘risida;

- boshqa masalalar.

3. Xalq deputatlari tuman Kengashi kotibiyati mudiri A.Baxramov va tuman hokimligi Tashkiliy-kadrlar guruhi rahbari S.Bolabekov:
sessiyada ishtirok etish uchun xalq deputatlari tuman Kengashi deputatlari, tuman sektor rahbarlari, tuman hokimining tegishli o‘rinbosarlari, tegishli idora va bo‘linma rahbarlari hamda ommaviy axborot vositalari vakillarini taklif etsinlar hamda belgilangan vaqtda va tartibda ishtirok etishlarini ta’minlasinlar.

4. Ushbu farmoyishning bajarilishini nazorat qilishni o‘z zimmamda qoldiraman.

Kengashi raisi Sh.Salixov

@chinoz_hayoti_gazetasi