Chaqmoq — LIVE

Олимлар пицца ҳиди стрессни камайтиришини аниқлади

Шарқий Англия университети тадқиқотчилари биометрик таҳлил ўтказиб, янги пиширилган пиццани ҳидлаш стресс, ташвиш ва асабийлашишни камайтиришини аниқлади. Бу ҳақда Secret NYC хабар берди.

Тадқиқот профессор Оли Бакли томонидан ўтказилган, подкастер Тео Бейкер тадқиқот иштирокчиси сифатида қатнашган. Профессор унинг қон босими, юрак уриш тезлиги ва терининг галвантик реакцияси (GSR) каби биометрик кўрсаткичларини ўлчаган.

Бу футбол ўйинидан олдин ҳам, футболнинг энг асабни бузадиган лаҳзалари пайтида ҳам ўтказилган. Бу вақт мобайнида Бейкер пиццасининг хушбўй ҳидидан нафас олган.

Тадқиқот натижалари шуни кўрсатдики, пиширилаётган пиццага яқин жойда турганида Тео ўйиндан олдин камроқ асабийлашиш белгиларини намоён қилган. Пица унга ҳатто тинчлантирувчи таъсир кўрсатган.

Теонинг икки ҳолат — пиццасиз ва пицца билан — реакцияларини баҳолаш шуни кўрсатдики, музлатилган пиццани пишириш ва истеъмол қилиш сезиларли даражада тинчлантирувчи таъсирга эга, дейди профессор Бакли.

Кейинчалик, ОnePoll компанияси пиширилаётган пицца ҳидига бошқаларнинг муносабатини ўрганиш учун сўровнома ўтказди. Натижалар қуйидагича бўлди:

42 фоиз бу ҳид уларга қулайлик ҳиссини берганини айтди
28 фоиз бу уларнинг кайфиятини кўтарганини таъкидлади
17 фоиз бу уларда ҳаяжонли кутиш туйғусини уйғотганини билдирди

Cоokist сайтининг ёзишича, пиццанинг кайфиятни кўтариш қобилиятининг асосий сабабларидан бири бу — серотонин, яъни кайфият, уйқу ва иштаҳани бошқарадиган “бахт гормони”дир. Муҳим аминокислота ҳисобланган триптофан пишлоқ, гўшт ва помидор соуси каби кўплаб пицца қўшимчаларида мавжуд. Триптофан мияга етиб борганда, у серотонинга айланиб, тинчланиш ва яхши кайфият ҳиссини оширишга ёрдам беради.

Манба: Daryo.uz

⚡️ Chaqmoq — LIVE

⚡️Субсидияга ариза бериш бошланди

Бугун, 3 мартдан бошлаб Ўзбекистонда ипотека кредитлари бўйича субсидиялар учун ариза қабул қилиш бошланди.

Аризаларни соат 9:00 дан бошлаб юбориш мумкин.

Бу учун Давлат хизматлари марказларига бевосита борган ҳолда ёки “my.gov.uz” орқали мустақил равишда ариза топшириш керак.

Субсидия ажратишда ижтимоий мезон ишлаб чиқилган. Бунда аризачилар бир нечта мезонлар бўйича балл тўплаши мумкин.

Ойлик маошга қараб ҳудудларда (Қорақалпоғистон ва вилоятлар) қуйидагича балл берилади:

⏺МҲТEКМнинг 2,7 баробаридан 7 баробаригача ёки 3 118 500 сўмдан 8 085 000 сўмгача — 10 балл;
⏺МҲТEКМнинг 7 баробаридан кўп ва 8 баробаригача ёки 8 085 000 сўмдан 9 240 000 сўмгача — 5 балл.

Тошкент шаҳрида эса қуйидагича:

⏺МҲТEКМнинг 2,7 баробаридан 8 баробаригача ёки 3 118 500 сўмдан 9 240 000 сўмгача — 10 балл;
⏺МҲТEКМнинг 8 баробаридан кўп ва 9,2 баробаригача ёки 9 240 000 сўмдан 10 626 000 сўмгача — 5 балл.

Бутун мамлакатда ариза берувчи ёки унинг оиласига тегишли мулк ёки турар-жой бўлмаслиги — 20 балл.

"Лабор-мигратион" дастурида рўйхатдан ўтган меҳнат мигранти — 10 балл.

Олис ёки чекка ҳудудларда меҳнат фаолиятини амалга оширувчи мутахассислар, тиббиёт ходимлари — 5 балл.

30 ёшгача бўлган ёшлар — 5 балл.

Оғир ижтимоий аҳволга тушиб қолган аёллар (ажрашган, бева ёки ёлғиз оналар) — 5 балл.

“Тиббий ижтимоий экспертиза” тизимидан рўйхатдан ўтганлар — 5 балл.

Умумий йиғиш мумкин бўлган максимал балл — 35 балл.

Субсидия қанча миқдорда берилади?

2024 йилдан бошлаб янги уйлар учун ипотека кредитларига субсидиялар қатъий белгиланган 30 млн сўм миқдорида тўлаб берилмоқда.

Талабгор хоҳиши билан субсидия қуйидаги тартибда ҳам тўланиши мумкин:

⏺дастлабки тўловнинг бир қисмини қоплаш учун — ажратиладиган кредитнинг 15 фоизи миқдорида;
⏺фоиз тўловларининг бир қисмини қоплаш учун — кредит муддатининг биринчи 5 йили давомида 12 фоиздан ошган қисмига.

Ўзбекистонликларга субсидия асосида ипотека кредити Қорақалпоғистон Республикаси ва вилоятларда 330 млн, Тошкент шаҳрида эса 420 млн сўмгача берилади.

Агарда дастлабки тўловнинг бир қисмини қоплаш танланадиган бўлса, 50 млн сўмгача субсидия олиш мумкин бўлади.

Субсидия бериш яна қай ҳолатда рад этилади?

⏺тақдим этилган аризада кўрсатилган маълумотлар ижтимоий мезонларга мос келмаганда;
⏺тақдим этилган маълумотлар нотўғри ёки сохта бўлганда;
⏺илгари имтиёзли ипотека кредитларидан фойдаланган ҳолда субсидия олганлар (аввал олинган уй-жой бошқа шахсга бегоналаштириб юборилган тақдирда ҳам) такрорий мурожаат этганда;
⏺жорий йилда ҳудуд учун ажратиладиган субсидия сони тугаганда.

Шундай қилиб, my.gov.uz порталига кириб, “Ипотека кредитига Давлат субсидиясини олишга ариза бериш” хизмати орқали дарҳол ариза топширинг!

⚡️ Chaqmoq — LIVE

Шаҳрихон туманида содир бўлган ходиса юзасидан Расмий муносабат

Жорий йилнинг 20-феврал куни соат 18:02да Шаҳрихон тумани Янги Найнаво МФЙ ҳудудида жойлашган Автомобилларга газ қуйиш шахобчасида (пропан) ҳаво-газ аралашмасининг чақнаши содир бўлганлиги ҳақида Андижон вилояти ФВБга хабар келиб тушган, соат 18:13да воқеа жойига ЁҚEлари етиб борган.

Ходиса оқибатида ёнғин келиб чиқмаган.

Олинган бирламчи маълумотга кўра ҳаво-газ аралашмаси чақнаши натижасида Автомобилларга газ қуйиш шахобчаси ҳудудида бўлган 2 нафар фуқаро тан жарохати олган, ҳозирда фуқароларга малакали тез тиббий ёрдам кўрсатиш мақсадида туман тиббиёт бирлашмаси Марказий шифохонасига ётқизилган.

Ходиса содир бўлиш омиллари ва моддий зарар миқдори аниқланмоқда.

Андижон вилояти ФВБ

⚡️ Chaqmoq — LIVE

💬 8-март учун байрам пулини эркак ходимлар учун ҳам берса бўладими?

✅ Ҳа, албатта мумкин. Бу корхона ички локал ҳужжатларига боғлиқ. Чунки, МК 67-моддасига кўра, жамоа шартномасининг мазмунини ва тузилишини унинг тарафлари белгилайди.

Айтайлик, корхона жамоа шартномасида иш берувчи томонидан ходимларга белгиланган тартибда тасдиқланган сметаларга мувофиқ Ўзбекистон Республикаси Меҳнат кодексининг 208-моддасида назарда тутилган байрамлар муносабати билан мукофотлаш қўлланилади деб ёзилган бўлса, 9та байрам (ишланмайдиган) кунлар муносабати билан барча ходимлар учун (жинсидан қатъи назар) мукофотлаш қўлланилади.

❗️Меҳнат кодекси 34-моддасига кўра Меҳнат соҳасидаги ижтимоий шерикликнинг асосий принципларидан бири тарафлар томонидан мажбуриятларни ўз зиммасига олишнинг ихтиёрийлиги ҳамда тарафлар ўз зиммасига олаётган мажбуриятларнинг ҳақиқийлиги ва уларни бажаришнинг мажбурийлигидир.

❗️Иш берувчи жамоа шартномасида ихтиёрий равишда мажбуриятлар олганми, демак, олинган мажбуриятларнинг ҳақиқатда бажарилишини таъминлаши ҳам шарт. Шунингдек, жамоа шартномаси, жамоа келишуви мажбуриятларини бузганлик ва бажармаганлик меҳнат тўғрисидаги қонунчиликнинг бузилиши тариқасида баҳоланади ва Маъмурий жавобгарлик тўғрисидаги кодексининг 49-моддаси (Меҳнат ва меҳнатни муҳофаза қилиш тўғрисидаги қонунчиликни бузиш) бўйича жавобгарликка тортишга сабаб бўлади.

⚠️ Демак, хулоса қиладиган бўлсак, агар корхона ички локал ҳужжатларида Меҳнат кодексининг 208-моддасида назарда тутилган байрамлар муносабати билан мукофотлаш қўлланилади деб ёзилган бўлса, эркак ходимлар учун ҳам 8-март байрами муносабати билан мукофот берилиши керак.

⚡️ Chaqmoq — LIVE

Ёстиқсиз ухлаш зарарли...

Ёстиқсиз ухлаш уйқу сифатига салбий таъсир қилади ва тўлиқ уйқуга тўсқинлик қилади, бунинг натижасида сиз эрталаб чарчаганингизни ҳис қиласиз ва кун давомида унумли ишлай олмайсиз.Ёстиқ йўқлиги туфайли биз инстинктив равишда қўлимизни бошимиз остига қўямиз, бу эса тўғри қон айланишини бузади ва келажакда умуртқа поғонаси эгрилигига олиб келиши мумкин.
Ўта юмшоқ ёстиқдан фойдаланиш бўйин мушакларини зўриқтириши ва ҳатто, бошга қон етиб боришига тўсқинлик қилиши мумкин.

Ёстиқсиз ухлаш инсултга олиб келади?!

Мутахассислар ёстиқсиз ухлашга фақатгина бир ёшгача бўлган гўдакларга рухсат беришади. 12 ой яшагандан сўнг уларда суяк эгилмаларининг шаклланиши тўлиқ ниҳоясига етади ва ёстиқ билан ётишларига тўғри келади. Агарда ёстиқсиз ётаман, деб қаттиқ туриб олсангиз, уйқу вақтида бўйнингиз ён томонга қийшайиб қолади ва бўйин артериялари қисилади. Натижада бош мияда қон айланиши ёмонлашиб, мия зарур озуқаларсиз қолади. Мунтазам равишда ёстиқсиз ётиш эса бош мияда қон айланиши бузилишлари ҳамда ишемик инсултни келтириб чиқаради. Шунингдек, бошим остида ёстиқ бор деб, унинг тўғри қўйилмаганига ҳам бепарво бўлиш керак эмас. У ёнбошлаб ётганингизда елкангизнинг уст қисми унга тегиб туриши, ўзи эса пастда бўлмоғи зарур. Елка билан ёстиқ устига чиқиб ётиш ҳам ярамайди.

⚡️ Chaqmoq — LIVE

⚡️8 февраль — Кулги ва бойиб кетиш куни

Кулги ва бойиб кетиш куни ҳар йили 8 февралда нишонланади. Бу кулиш ва кулги келтирадиган кўплаб имтиёзлардан баҳраманд бўлиш кунидир.

Кулгининг энг катта фойдаси - бу бизнинг саломатлигимизни яхшилайди. Кулги кайфиятимизни кўтаради, стресс ва қон босимини пасайтиради, иммунитетни мустаҳкамлайди.

Шундай қилиб, кулги бизни бой қилади, чунки соғлиқ бойликдир, ахир! Кулги ҳам касбий ҳаётимизни бойитиб, молиявий даромадимизга ҳисса қўшиши мумкин. Кўпинча куладиганлар бахтлироқ бўлишади - бахтли ишчилар самаралироқ ва ҳамкасбларига ёқади.

Шунинг учун ҳар йили 8 февралда одамлар ҳазиллашиш, кулиш ва бир-бирлари билан сифатли вақт ўтказиш учун йиғилишади.

Кўпчилигимиз тушунмаслигимиз мумкин бўлган нарса шундаки, чақалоқлар гапиришга яқин бўлмасданоқ кулишлари мумкин. Улар кулгили нарсани топсалар ёки ўйин вақтида кулишади. Бизда кулги шундай сингиб кетган!

Дарҳақиқат, бир қатор илмий тадқиқотлар шуни кўрсатадики, 10 дақиқалик суҳбат давомида ўртача одам 5,5 дан 5,8 мартагача кулади. Илм-фан бизга ўргатган яна бир нарса шундаки, ҳатто табассум қилиш ҳам, унинг ҳақиқийми ёки йўқлигидан қатъи назар, одамнинг кайфиятини сезиларли даражада яхшилайди. Шундай қилиб, агар кунингиз ёмон бўлса ва ўзингизни яхши ҳис қилишни истасангиз, шунчаки табассум қилинг.

Кулги, шунингдек, одамларни адабиёт, фильмлар ва телекўрсатувлар, ҳазиллар ва ҳатто мусиқа кўринишида ҳазил келтиришга мўлжалланган комедия жанрини яратишга илҳомлантирди. Улар бизга қувонч бағишлайди ва кулишга илҳомлантиради - шунинг учун биз тушкунликка тушганимизда севимли ситкомлар ёки комедия фильмларини томоша қиламиз.

⚡️ Chaqmoq — LIVE

Тошкентда бемор эркакка шилқимлик қилган эркак шифокор қамалди

Бемор эркак рентген текширувдан ўтиш учун клиникага келган.

Маълум қилинишича, жорий йилнинг 31 январь куни соат 20:30 атрофида Тошкент туманида жойлашган клиникалардан бирида лаборант Х.Ж. фуқаро Ш.Б.нинг олатини ушлаб, шилқимлик қилган.

Ҳолат юзасидан суди иши ЖИБ Тошкент тумани судида кўриб чиқилди.

Суд мажлисида судланувчи бемор Ш.Б. рентген кўригидан ўтишга келганда, унга ечинишини айтиб кўригдан ўтказмоқчи бўлганлиги сабабли оёғини ушлаб сон суяклари сохасини ва белларидан ушлаб текшириб кўрмоқчи бўлиб ушлаганлиги ҳамда олатни тегидан кўраман деб, олатни ушлаб қўли билан тутиб турган вақтида оғзига бемор олати тегиб кетганлиги бемор Ш.Б.уни нотўғри тушуниб юзига шапалоқ урганлигини маълум қилган.

Жабрланувчи Ш.Б. рентген шифокори Х.Ж. бу холатни қасддан қилганлигини айтиб, унга нисбатан қонуний жазо тайинлашни сўраган.

Суд ҳукмига кўра, Ж.Х. МЖтКнинг 41-1-моддаси 1-қисми билан айбдор деб топилиб, унга нисбатан 5 сутка маъмурий қамоққа олиш жазоси тайинланди.

Манба: UzNews.uz

⚡️ Chaqmoq — LIVE

АҚШ фуқароси итлар жангларини уюштиргани учун 475 йилга қамалди

АҚШнинг Жоржия штати фуқароси Винсент Баррелл ит жангларини уюштиргани ва ҳайвонларга нисбатан шафқатсиз муносабати учун 475 йиллик қамоқ жазосига ҳукм этилди, дея хабар бермоқда NBC News.

Ҳайвонларга қарши жиноятлар бўйича давлат прокурори Жессика Рокнинг таъкидлашича, бу ит уриштириш билан боғлиқ энг узоқ муддатли жазодир.

Баррелл устидан иш 2022 йилда қўзғатилган. Ўшанда етказиб бериш хизмати ходими полицияга Атланта яқинидаги уйлардан бирининг ҳудудида бир нечта ит занжирбанд қилиб сақланаётганини маълум қилган. Шундан сўнг, полиция ходимлари тинтув ўтказиб, мазкур ҳудуддан 107 та питбул зотли итни топишган. Прокуратура маълумотига кўра, баъзи итлар озғин ҳолатда бўлган.

Баррелл тинтув куни ҳибсга олинган. Полиция питбулларни ит жангларига жўнатилганини тасдиқловчи далилларни топган. Барча итлар ҳайвонларга ёрдам кўрсатувчи жамғармага топширилган. Ветеринарлар айрим итларда жанг туфайли пайдо бўлган чандиқлар борлигини ва тишларининг бир қисми олиб ташлангани ҳақида хулоса беришган.

АҚШ Олий суди суд маслаҳатчилари қарорига асосланиб, Барреллни 475 йилга озодликдан маҳрум этишга ҳукм қилди. Айбланувчи 93 та ит уриштириш ва 10 та ҳайвонга нисбатан шафқатсизлик қилиш ҳолатлари бўйича айбдор деб топилди.

Манба: Daryo.uz

⚡️ Chaqmoq — LIVE

Ўзбекистон Республикаси ДХХ ҳамда ИИВ тузилмалари томонидан жорий йилнинг 27-31 январь кунлари мамлакатимиз миқёсида “Антитеррор-тозалаш” кенг кўламли тадбирлари олиб борилди.

Криминоген вазиятни барқарорлаштириш ва унга салбий таъсир кўрсатувчи шахс ва жиноий гуруҳларни аниқлаш мақсадида жами 946 та махсус тадбирлар ўтказилди.

Оғир ва ўта оғир жиноятлар содир этишга мойил, республикадаги криминоген вазиятга салбий таъсир кўрсатувчи 418 нафар шахслар аниқланиб, уларга нисбатан жиноят ишлари қўзғатилди.

Жиноят ишлари доирасида 169 нафар шахслар қамоққа олиниб, 42 та жиноий гуруҳлар фаолиятига чек қўйилди. 399 нафар шахслар маъмурий жавобгарликка тортилиб, уларнинг 270 нафари маъмурий қамоққа олинди. 109 нафар қидирувдаги шахслар ушланди.

536 нафар шахслар билан профилактик суҳбатлар ўтказилиб, 402 нафари расмий огоҳлантирилди.
Шунингдек, тадбирлар давомида ноқонуний муомаладан 80 та қурол ўқ-дорилари билан, 30 кг 337 гр гиёҳвандлик воситалари, 4 минг 521 дона кучли таъсир қилувчи дори воситалари, 186 дона тиғ, 22 дона бита ва 17 дона кастетлар олинди.
Криминоген вазиятни барқарорлаштириш борасидаги тезкор тадбирлар бошқа йўналишларда ҳам давом эттирилади.

⚡️ Chaqmoq — LIVE

Андижонда ота буфетдан сўроқсиз егулик олиб еган қизини калтаклаб ўлдирди

Андижон вилоятида ота буфетдан сўроқсиз егулик олиб еган қизини калтаклаб ўлдирди. Бу ҳақда “Миллар” дастурида хабар берилди.

Маълум қилинишича, мазкур ҳолат 2024 йилнинг октябрь ойида вилоятнинг Марҳамат туманида содир бўлган. Қиз 6 синф ўқувчиси бўлган. У мактаб буфетидан сўроқсиз егулик олиб еган. Бир неча маротаба бу ҳолат такрорланганига мактаб ўқитувчиси қизнинг устидан отасига шикоят қилган. Отанинг бундан жаҳли чиқиб, қизини қора резина камар билан дўппослаган. Оқибатда қиз олган тан жароҳатлари сабаб вафот этган.

Ҳолат юзасидан суд иши жиноят ишлари бўйича Андижон тумани судида кўриб чиқилди. Суд ҳукмига кўра, судланувчи ота Жиноят кодексининг 104-моддаси (Қасддан баданга оғир шикаст етказиш) 3-қисми "д" банди билан айбли деб топилиб, унга нисбатан 9 йил муддатга озодликдан маҳрум қилиш жазоси тайинланди.

Манба: Qalampir.uz

⚡️ Chaqmoq — LIVE