Mimetik nazariyasiKo'pchilik telegram premium sotib olishni boshladi, sizda ham xohish paydo bo'ldi. Agar atrofingizdagilar bu ishni qilmayotganda balki qiziqish ham paydo bo'lmasdi.
Odamlar har doim ham aslida nima xohlashini bilmaydi. Shuning uchun ham yo'nalish topish maqsadida atrofidagilarni kuzatadi.
iPhone ishlatadigan odamlardan nimaga aynan iPhone desangiz aksariyati o'zi ham bilmaydi. Atrofingizdagilarda borligi uchun, iPhone eng yaxshi tanlov.
Xohishlar va maqsadlar yuqumli bo'ladi. Xohishlarni nazorat qiling, atrofingizda kimlar bo'lishini nazorat qiling. Sizning xohishlaringiz odamlarning xohishlariga aylanishni boshlaydi.
FOMO (Fear of missing out) - “nimanidir o‘tkazib yuborish qo‘rquvi”Bu zamonaviy psixologik kechinma, ya'ni texnologiya va internet ommalashuvidan keyin kelib chiqqan odamlarda kuzatilayotgan holat. Mimetik xohishga yaqin tushuncha bo'lsada bir xil emas.
“Nimanidir o‘tkazib yuborish qo‘rquvi” bilan yashaydigan odamlar, eng so'nggi voqea va yangiliklarni o'tkazib yubormaslik, qolib ketmaslik uchun ijtimoiy tarmoqni tez-tez tekshirib turishga moyil bo'lib qolishadi.
Bu qaysidir ma'noda motivatsiya olishga yaxshi bo'lishi mumkin, lekin o'zini ko'p solishtirish natijasida ruhiy holatga yomon ta'sir ko'rsatmay qolmaydi. Ijtimoiy tarmoqni kuzatasiz, hayotining eng zo'r davrini yashayotgan odamlarni ko'rasiz va "o‘tkazib yuborish qo‘rquvi" sizda stress keltirib chiqaradi.
@things_simple
