Buxoro yoshlari | Расмий канал

Тўғри жавоб: одамлар ўргимчакни кузатиб, арқонни яратган

https://t.me/by_gazetasi_chat
🔺@by_gazetasi

Osiyodan jahongacha: talabalarning yutuqlari

Sport – bu nafaqat sog’likning garovi, balki insonning aqlini teranlashtiruvchi, iroda va qat’iyatni shakllantiruvchi hayot maktabidir. Bugungi kunda sport hayotimizning ajralmas qismiga aylanib bormoqda. Bu sohada ham juda ko’p yutuqlarga erishib, vatanimiz bayrog’ini baralla ko’tarayotgan jamiyat a’zolarining soni ortib bormoqda. Ko’plab ota-onalar farzandlarini yoshlik chog’idayoq sport to’garaklariga berib, ularni sabrli, qat’iyatli va matonatli bo’lishga, hamda eng muhimi, sog’liklarini o’ylab, tanasini chiniqtirishni oliy maqsadga aylantirmoqda. Talabalar ham bu holatdan mustasno emas. Xuddi shunday, Buxoro davlat universiteti talabalari ham o’zlarining yuksak natijalari bilan universitet sha’nini munosib himoya qilib kelmoqdalar.
2023-yil 17-26-yanvar kunlari Tailandning Bangkok shahrida o’tkazilgan boks sporti bo’yicha 22 yoshlilar o’rtasida bo’lib o’tgan Osiyo chempionatida universitetimizning 3 nafar talabasi – Sabina Boboqulova, Bekzod Hamidov, Ziyoda Yarashevalar faxrli o’rinlarni egallashdi. Shuningdek, 2023-yil 26-28-yanvar kunlari Navoiy viloyatida dzyudo bo’yicha “Universiada-2022” sport musobaqalari final bosqichida BuxDU talabalari 1-o’rinni qo’lga kiritishdi. Musobaqada ular 3 ta oltin, 2 ta kumush va 2 ta bronza medallarini qo’shib qo’yishdi. Bu talabalar darslardan tashqari bo’sh vaqtlarini samarali o’tkazish mobaynida o’zlarining sog’liklariga foyda keltirib, universitetimizning nomini ham yuqoriga ko’tarishmoqda.
Shunday talabadan biri – BuxDU Filologiya fakulteti Jurnalistika yo’nalishi 4-kurs talabasi Hamdamova Kamola. U universitet va fakultetimizning faol va iqtidorli talabasi sanaladi. 2022-yil 11-13-oktabr kunlari Toshkent shahrida o’tkazilgan para yengil atletika bo’yicha xalqaro musobaqada 400 metr masofaga yugurish bahslarida 1-o’rinni egallagan. Shuningdek, 2024-yil 6-8-mayda Angren shahrida kattalar o’rtasida o’tkazilgan “O’zbekiston chempionati”da faxrli 1-o’rinni egallagan.
BuxDUda sport-sog’lomlashtirish ishlariga katta e’tibor qaratilgan. Talabalar uchun futbol maydoni, sport zallari, qo’l to’pi, voleybol, basketbol maydonchalari va yugurish yo’lakchalari mavjud. Bu imkoniyatlardan foydalangan holda talabalar ham yuqori marralarni egallashmoqda.
Xulosa qilib aytganda, sport nafaqat sog’lom turmush tarzining garovi, balki insoniyatni birlashtiruvchi omillardan biridir. U insonni o’ziga bo’lgan ishonchni oshiradi, irodasini chiniqtiradi va g’alabaga bo’lgan ishonch va qat’iyatni mustahkamlaydi. Shunday ekan, sportni tark etmasligimiz va hayotimizni sog’lom tarzda davom ettirishimiz maqsadga muvofiqdir.

Malika Xomidjonova,
Buxoro davlat universiteti Jurnalistika yo’nalishi 4-bosqich talabasi