Буюклар ҳикмати

Шундай инсонлар борки, сен уларга дардингни айтсанг, улар умид ва орзу қилиш ҳақида гап очадилар. Биз мана шу каби инсонларга муҳтожмиз.

©️ Шайх Юсуф Хаттор Муҳаммад (Facebook саҳифаларидан).

https://t.me/buyuklarhikmati

#таваҳҳум

Даҳшатли издиҳом

Бир тасавуур қилиб кўринг, чақириқдан сўнг бутун халоиқ даҳшатга тушган ҳолда қўзғала бошладилар.
Бир тасаввур қилиб кўринг, сиз ҳам мана шу тиқилинч ичида яланғоч, хор бўлиб кетган, қўрқув ва даҳшат ичра ёлғиз ва ғам-ташвишга ботган ҳолда юриб келмоқдасиз. Барча ўзининг гуноҳларини ўйлаб, қўрқувдан сукут сақламоқдалар.
Ушубу тиқилинчда фақат юриб келаётган инсонларнинг қадам товушлар ва ҳисоб китобга чақирувчининг овозигина эшитилади. Халоиқ мана шу овоз томон судралиб кетмоқдалар, сизҳам барча қатори қилган амалларингизнинг ҳисобини бериш учун овоз томон юриб борасиз. Сиз бу дунёда қилган амалларингизни ўйлаб, ғам-ғуссага ботган бўласиз. Бандалар савол-жавоб учун еғиладиган жойга етиб келганингдизда инс-у жин барчаси яланғоч ва бечора ҳолда еғилиб турганларига гувоҳ бўласиз. Дунё подшоҳларидан мулклари олиб қўйилган, уларҳам барча қатори бир аҳволда турганларини кўрасиз. Улар ер юзида бандаларга тинмай ўз ҳукмларини ва зулмларини ўтказганлари сабабли ўша куни энг хор ва бечора ҳолатда турган бўладилар.

Ҳорис Муҳосибийнинг "Бир тасаввур қилиб кўринг..." китобидан.

https://t.me/buyuklarhikmati

#таваҳҳум

Ҳузури олийга чақириқ

Бир тасаввур қилиб кўринг, сиз чақириқ овозини эшитдингиз. Бу овозни эшитган вақтингиз, сиз буюк подшоҳнинг ҳузурига чиқишингиз лозимлигини англаб етасиз. Бу нидонинг қўрқинчидан юрагингизни титроқ қоплайди, сочингиз оқариб кетади. Зеро, бу чақириқ Зул-жалол вал-икром* бўлган зотнинг ҳузурига чақириқдир.
Сиз бу овозни эшитиб палагингиз учган, ўзингизни қўяр жой тополмаган бир вақтингизда, қабрингиздан бошдан оёққача чанг бўлган ҳолатда чиқиб келасиз. Қабрдан чиқар экансиз, чақириқ келган томон тикилиб донг қотиб қоласиз. Халоиқҳам сиз билан бир вақтда, анчадан буён чириб ётган қабрларидан усти бошлари тўзиб кетган ҳолда чиқиб келадилар.

*Шараф ва камол эгаси

Ҳорис Муҳосибийнинг “Бир тасаввур қилиб кўринг…” китобидан.

htt rel='nofollow'>ps://t.me/buyuklarhikmati

#Таваҳҳум

Жаннат ва жаҳаннамни кўриш

Бир тасаввур қилиб кўринг, Аллоҳ таоло сизга сал олдин бўлиб ўтган савол-жавобда сабот ва муваффақият берди. Икка фаришта сизга табассум ила боқмоқдалар ва қабрнинг икки тарафини тепиб кенг қилиб юбордилар. Уларнинг бу тепишлари оқибатида қабрингиздан жаҳаннам кўриниб турадиган туйник очилиб қолди. Сиз у туйникдан қараганингизда жаҳаннам алангаланиб, ловуллаганини кўрасиз. Фаришталар сизга: “Эй банда, Аллоҳ сени мана шу азобдан сақлаб қолди”, дейдилар. Сиз қутулиб қолган азобга ҳар назар солганингизда Аллоҳ сизга берган иймон неъматини ўйлаб қалбингиз сурурга тўлиб тошади. Эндиликда сиз бу дунё имтиҳонидан ўтиб бўлдингиз.
Бир тасаввур қилиб кўринг, фаришталар қабрингизни кенгайтириш учун ҳар икки тарафига тепганларида қабрингиздан жаннат томон бир туйник очилади. Сиз жаннатда тайёрланиб қўйилган ноз-неъматларга назар солиб турган вақтингизда, Мункар ва Накир: “Эй банда, Аллоҳ сен учун нима тайёрлаб қўйганини кўрдингми?! Бу сенинг борар охирги манзилинг”, дейдилар. Бу гапни эшитганингизда, жаннатдаги нарсаларни кўриб кўзингизга ишонмаган ва булар барчаси сиз учун тайёрлаб қўйилганини ҳамда тез кунда мана шу жойга боришингизни билган вақтингиздаги хурсандчилигингизни ва енгил нафас олишингизни бир тасаввур қилиб кўринг.
Агар ҳолат аксинча бўлсачи? Юқорида бўлган ҳолатларнинг аксини бир тасаввур қилиб кўринг. Қабрингиздан жаннат сари очилган туйникдан назар солар экансиз икки фаришта сизга: “Сен нимадан маҳрум бўлганингни кўрдинми?!”, дейдилар. Жаҳаннам томон кўз ташлаганингизда эса: “Бу азоб-уқубатларнинг барчаси сен учун тайёрлаб қўйилган!”, дейдилар.
Бу қандай даҳшат ҳолат. Биз қабримизда оқибатимиз қандай бўлишини ва ушбу икки ҳолатдан қай бирига тушишимизни билмаслигимизнинг ўзи биз учун бир умрлик ғам-ташвиш бўлишга кифоя қилмайдими?! Ўлимдан сўнг яна бир ўлим йўқ, фақат қабрда чириш бор. Бу дунёдаги барча алоқалар узилади, баданларимиз чириб, суякларимиз йўқ бўлиб кетади, лекин ғам ташвиш руҳимизни асло тарк этмайди. Зеро, руҳимиз олдинда Раббнинг ҳузурига чиқиш борлигини аниқ билган ва кутиб турган бўлади. Ушбу "учрашувда" банда Аллоҳ таоло томонидан бериладиган ё савоб-ажр ва мукофотларни қабул қилиб, бахтлилардан бўлади, ёки У зотнинг ғазабига қолиб, азоб-уқубтлар ичида ҳалок бўлиб кетади. Сиз бу буюк "учрашувни" кутиб ётган вақтингизда сизнинг жаннат ёки жаҳаннамдаги манзилингиз кўрсатиб қўйилган бўлади.

Ҳорис Муҳосибийнинг "Бир тасаввур қилиб кўринг..." китобидан.

https://t.me/buyuklarhikmati