Bushro.uz | Rasmiy kanal

✅Бугун, 21 февраль куни Баҳрайн қироллиги Манама шаҳрида Мусулмон донишмандлар кенгашининг навбатдаги йиғилиши бўлиб ўтди. Унда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари иштирок этдилар.

📝 Йиғилишда мусулмон уммати иттифоқлигини таъминлаш борасидаги мулоқот ва ҳамкорлик қилиш билан боғлиқ масалалар ҳам муҳокама қилинди. Жумладан, мусулмонлар ўртасида адоват ва тортишувни ислоҳ қилиш учун диндор, илмли, зиёли қатлам билан оммавий ахборот воситалари ўртасида ҳамкорлик қилиш муҳим эканига урғу берилди.

Кенгаш аъзолари томонидан Қуръони каримдаги “Албатта, сизнинг бу умматингиз ягона умматдир. Мен эса, Роббингизман. Бас, Менгагина тақво қилинг” (Мўминун, 52) ва «Албатта, мўминлар биродардирлар...» (Ҳужурот, 10) ояти карималари мазмун-моҳиятини бутун умматга етказишга алоҳида эътибор қаратилди. Мўътабар уламолар, мазҳаб имомлари бошлаган йўлни давом эттириш, аёлларнинг оила ва жамиятдаги ролини ошириш орқали аҳил-иноқликни мустаҳкамлаш, уларнинг фарзандлар тарбиясидаги ўрнини кучайтириш, ёшларга замонавий билимлар бериш, ёш авлод ташаббусларини қўллаб-қувватлаш каби масалалар ҳам кун тартибида бўлди.

💬 Шунингдек, ҳадиси шарифларда келтирилганидек, бирдамликда барака борлиги, уммат бирлашган пайтларда ҳар соҳада тараққиёт бўлгани, ислом олимлари дунёга устозлик қилгани, қачонки, уммат ихтилоф, тафриқа ва кераксиз низоларга берилганида мусибатлар ёғилгани муқояса қилинди. Зеро, Ислом дини бутун инсониятни эзгулик ва тинчликка, ҳаётда асл инсоний фазилатларни қарор топтиришга даъват этади.

🗣Мусохон домла жума намозидан олдин мўмин-мусулмонларга муҳим вазифаларимиздан бири - интернетдан тўғри мақсадда фойдаланиш ва ёмон мақсадда фойдаланаётган инсонларга, айниқса, ёш авлодга тўғри йўл кўрсатиш, зарарли оқибатлардан огоҳлантиришдир.

Динимиз таълимотларига уйғун ҳолда Интернетдан фойдаланиш одоблари:
> Ниятни яхши қилиш
> Вақт-ғанимат, умр ўлчовли эканини эслаш
> Мулоқотларда одоб-ахлоққа риоя этиш
> Ёлғон хабар, Сурат, аудио ва видеоларни тарқатмаслик
> Фитна чиқармаслик ва бунга олиб борадиган маълумотларни тарқатмаслик тўғрисида йиғилган жамоатга ҳаётий мисоллар билан кенг кўламда тушунтириб бердилар.