Buloqboshi tuman AKM/ Rasmiy kanal

Xristo PЕLITЕV
ESHAKLAR VA OT
Bir kuni eshaklar yaylovdan qaytishardi. Ularni eng katta eshak boshlab kelardi.
- Biz eski ahmoqlarmiz, - dedi eshaklardan biri, - yorug‘ dunyoda paydo bo‘lganimizdan beri qancha yillar o‘tibdiki, haqihqiy yetakchimizni saylaganimiz yo‘q. Haliyam qari eshakning ortidan ergashamiz.
- Ha!.. Ammo, u eng katta eshak ham-da! - E’tiroz bildirdi boshqasi.
- Lekin yorug‘ dunyoda undan ham katta eshaklar bo‘lsayam ehtimol, - dedi uchinchisi.
- Qanaqa kattasini saylamanglar, - gapga aralashdi cho‘pon, -u baribir eshakligicha qoladi.
- Nega? - taajublanishdi eshaklar.
- Negaki, uning nasli eshaklardan-da.
- Buyam to‘g‘ri, - rozi bo‘lishdi eshaklarimiz va burunlarini osiltirishdi.
Ko‘prik ustida ularga ot duch keldi.
- Salom, eshaklar, - xitob qildi u.- Qani, qochibroq turinglar, o‘tib olayin.
- Qara-ya, kekkayishini. Odatdagi otku! - darg‘azab bo‘lishdi eshaklar va ko‘prikni to‘sib olishdi.
- Biz seni, haqorat qilganing uchun, sudga beramiz, sotqin xachir.
Shunday deb eshaklar otni daryoga tashlab yuborish uchun unga tashlanishdi.
- To‘xtanglar, -qichqirdi ularga cho‘pon.
- U sizlarni xafa qilgani yo‘q. Endigina
o‘zlaringiz o‘zlaringizni eshaklar deb atagan edingiz, endi esa ot shunday atasa uni suvga tashlamoqchisizlar. Nima uchun?
Eshaklar javob topisha olmadi va otni qo‘yib yuborishdi. Ot ko‘prikni aylanib o‘tib, boshini chayqadi.
-D oimo shunday, - oh tortdi u.- Hamma eshaklar eshakliklarini bilishadi, o‘zlarini shunday deb atashadi ham. Ammo ot ularga haqiqatni aytsa, uni suvga tashlashga ham, hatto ig‘vo qilib, sudga berishga ham tayyor turishadi. Eh eshaklar, eshaklar…
Ruschadan Habib SIDDIQ tarjimasi.
Kanalga ulanish https: //t.me/habibsiddiq
Fikr-mulohazalar uchun @habib_siddiq

Христо ПЕЛИТЕВ
ЭШАКЛАР ВА ОТ
Бир куни эшаклар яйловдан қайтишарди. Уларни энг катта эшак бошлаб келарди.
- Биз эски аҳмоқлармиз, - деди эшаклардан бири, - ёруғ дунёда пайдо бўлганимиздан бери қанча йиллар ўтибдики, ҳақиҳқий етакчимизни сайлаганимиз йўқ. Ҳалиям қари эшакнинг ортидан эргашамиз.
- Ҳа!.. Аммо, у энг катта эшак ҳам-да! - Эътироз билдирди бошқаси.
- Лекин ёруғ дунёда ундан ҳам катта эшаклар бўлсаям эҳтимол, - деди учинчиси.
- Қанақа каттасини сайламанглар, - гапга аралашди чўпон, -у барибир эшаклигича қолади.
- Нега? - таажубланишди эшаклар.
- Негаки, унинг насли эшаклардан-да.
- Буям тўғри, - рози бўлишди эшакларимиз ва бурунларини осилтиришди.
Кўприк устида уларга от дуч келди.
- Салом, эшаклар, - хитоб қилди у.- Қани, қочиброқ туринглар, ўтиб олайин.
- Қара-я, кеккайишини. Одатдаги отку! - дарғазаб бўлишди эшаклар ва кўприкни тўсиб олишди.
- Биз сени, ҳақорат қилганинг учун, судга берамиз, сотқин хачир.
Шундай деб эшаклар отни дарёга ташлаб юбориш учун унга ташланишди.
- Тўхтанглар, -қичқирди уларга чўпон.
- У сизларни хафа қилгани йўқ. Эндигина ўзларингиз ўзларингизни эшаклар деб атаган эдингиз, энди эса от шундай атаса уни сувга ташламоқчисизлар. Нима учун?
Эшаклар жавоб топиша олмади ва отни қўйиб юборишди. От кўприкни айланиб ўтиб, бошини чайқади.
- Доимо шундай, - оҳ тортди у.- Ҳамма эшаклар эшакликларини билишади, ўзларини шундай деб аташади ҳам. Аммо от уларга ҳақиқатни айтса, уни сувга ташлашга ҳам, ҳатто иғво қилиб, судга беришга ҳам тайёр туришади. Эҳ эшаклар, эшаклар…
Русчадан Ҳабиб СИДДИҚ таржимаси.
Каналга уланиш https: //t.me/habibsiddiq
Фикр-мулоҳазалар учун @habib_siddiq