Bukhara Tourism_Official

⚡️Rossiyaning “Пятый канал”telekanalining  “Знанин сила” ko‘rsatuvi Buxoro haqida ko‘rsatuv tayyorlamoqda

O‘zbekiston Respublikasining turizm salohiyatini Rossiya Federatsiyasida keng targ‘ib qilish maqsadida “Пятый канал” telekanalining “Знанин сила” ko‘rsatuvi ijodkorlaridan iborat delegatsiyaning joriy yilning 23-25-fevral kunlari Buxoro viloyatiga tashrifi amalga oshirildi.

Tashrif davomida ijodiy guruh vakillari shaharning sayyohlik salohiyati to‘g‘risidagi ko‘rsatuv  tayyorlash maqsadida “Ark” qo‘rg‘oni, “Poyi Kalon” majmuasi,savdo toqlari,  Ismoil Somoniy maqbarasi hamda Chashmai Ayub kabi qator madaniy meros obyektlari, qolaversa, hunarmandchilik markazlariga tashrif buyurishdi.

So‘ng, teledastur ijodkorlari “The Plov” osh markaziga tashrif buyurib,   oʻzbek milliy taomi — osh tayyorlash jarayonini suratga olishdi.

Shuningdek, xorijiy mehmonlarga viloyatimizda turizm sohasida amalga oshirilgan islohotlar hamda sayyohlar uchun yaratilgan keng imkoniyatlar haqida batafsil ma’lumotlar berildi.

Ma’lumot uchun, ushbu loyiha Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi ko'magida amalga oshirilmoqda.

Telegram | Facebook | Instagram

#seminar
#turizm

O‘zbekiston Respublikasi Prezidentining 2025-yil 17-yanvardagi “2025-yilda aholi bandligini ta’minlash va kambag‘allikni qisqartirish chora-tadbirlari to‘g‘risida”gi PQ-12-son qarorining 11-ilovasida “Turizm salohiyati yuqori bo‘lgan mahallalarda yangi turizm xizmatlarini yo‘lga qo‘yish orqali kambag‘al oilalar a’zolari daromadlarini oshirish Dasturi” da belgilangan tegishli vazifalar ijrosini ta'minlash maqsadida, Buxoro viloyati turizm boshqarmasi, Buxoro davlat universitetining professor o'qituvchilari hamda Kogon tuman hokimligi bilan hamkorlikda Kogon tumani “Choloki” MFYda istiqomat qiladigan tadbirkorlik faoliyatini boshlamoqchi bo'lganlar va daromadi kam aholi uchun o‘quv-seminar tashkil etildi.

Turizm va xizmat ko'rsatish sohalariga bag'ishlangan mazkur seminarda aholini turizm sohasiga jalb qilish orqali ularning daromadlarni sezilarli darajada oshirish, tadbirkorlik faoliyatini yo'lga qo'yish hamda yoshlar va tadbirkorlar uchun yaratilayotgan imkoniyatlar bo'yicha tegishli tavsiyalar berildi.

Shuningdek, seminar yakunida ishtirokchilarga tegishli sertifikatlar topshirildi.

Telegram | Facebook | Instagram

⚡️BUXORODA O‘ZBEKISTON-INDONEZIYA TURISTIK FORUMI O‘TKAZILDI

Bugun, 25-feval kuni Buxoro shahrida O‘zbekistonning Indoneziyadagi elchixonasi tashabbusi va Buxoro viloyati hokimligi, viloyat turizm boshqarmasi hamkorligida O‘zbekiston-Indoneziya forumi tashkil etildi.

Tadbirda Indoneziyaning yirik turistik kompaniya rahbarlari, jurnalist va blogerlari, shuningdek, viloyatimizdagi turizm sohasidagi tadbirkorlik subyektlari, soha vakillari ishtirok etdi.

Tadbirni ochib berish uchun so‘zga chiqqan Buxoro viloyati hokimi o‘rinbosari Botirjon Shaxriyorov mehmonlarni qadimiy va navqiron Buxoro shahriga tashrifi bilan qutladi. U o'z nutqida  Buxoro viloyatida turizm yo'nalishida amalga oshirilayotgan islohotlar, islom me'morchiligi, buyuk allomalar, muqaddas qadamjolar,  Buxoro viloyatining o‘ziga xos madaniyati, urf-odat va an'analari haqida so'zlab berdi.

Tadbirda Buxoro viloyatining  turizm salohiyati hamda sayyohlik jozibadorligini aks ettiruvchi taqdimot o'tkazildi.

O‘z o‘rnida indoneziyalik mehmonlar nafaqat turizm balki madaniyat, kinematografiya va media sohalarida Buxoro bilan hamkorlik qilishga katta qiziqish bildirdi.                                                                                                                    Shuningdek, forum doirasida “B2B”  formatida 20dan ortiq uchrashuvlar tashkil etilib, Buxoro va Indoneziya o‘rtasida sayyohlar oqimining almashinuvi bo‘yicha qator hamkorlik memorandumlari imzolandi.

Tadbir yakunida forum ishtirokchilariga Buxoro viloyatining turizm salohiyatini namoyon etuvchi tarqatma materiallari tarqatildi.

Telegram | Facebook | Instagram