Доход с телеграм-канала

От 1500 подписчиков. Подключайтесь с Яндексом!

Ваш доход с телеграм-канала

С аудиторией от 1500 подписчиков. Подключайтесь!

Чистая Энергия ӏ Sof Energiya

Безуглеродная энергетика: Узбекистан и мировые новости

Статистика Избранное

Mohichehra A’zam 📚

@boqiy_darbadarr

Гео и язык канала: Узбекистан, Узбекский

Категория: Telegram

Kitoblar, she'rlar, fikrlar, hislar, musiqa, kino yana bir nimalar...

Yoqmaganlar qolmasin, ruxsat...
Izlasangiz shu yerdaman – @Mohichehraga_bot

Связанные каналы | Похожие каналы

Гео и язык канала

Узбекистан, Узбекский

Категория

Telegram

Статистика

Избранное

Фильтр публикаций

Скрывать удаленные

Скрывать репосты

Mohichehra A’zam 📚

12 Feb, 11:55

#mutolaa

“Mehribon va rahmdil Alloh nomi bilan boshladim. Unga tavakkal qildim”–deb boshlabdi kitobni tarjimon.

Men ham Unga tavakkul ila mutolaani boshladim. Zotan har bir ishni shunday boshlamoq lozim. Hozirgi holatimda Rumiy qalbimga taskin beradigan yagona choradek ko‘rinmoqda. Ne-ne odamlarning yo‘lini oydinlatgan kitobdan men ham malham izladim.

@boqiy_darbadarr

270 0 0 20

Mohichehra A’zam 📚

12 Feb, 09:11

#nazm

Yig‘lama,
Nega yig‘laysan?
Odamlar nima deb o‘ylaydi, axir!
Ular o‘ylaydiki,
“Ayrilishar ekan-da, sho‘rliklar...”
Holbuki, bugun biz sen bilan
Uzoq muddatdan so‘ng ko‘rishdik.
Yig‘lama.

Muhammad Solih

@boqiy_darbadarr

482 0 11 24

Mohichehra A’zam 📚

10 Feb, 20:18

#hadya

Rumiyning bu asarini 3 yil avval yumshoq muqovada o‘qigandim. Tan olaman, kitobni yaxshi anglamagandim. Bugun esa yangi muqovali va to‘liq nashrdagi kitob meni yo‘qlab kelibdi. Rumiyni qayta o‘qishga ishora bu)

Sifatli nashr uchun Zabarjadmediaga, tarjima uchun Ilhom Salimovga, kitobni yuborishda bosh bo‘lgani va e’tibori uchun Kitobhousega minnatdorchilik bildiraman.

@boqiy_darbadarr

740 0 1 22

Mohichehra A’zam 📚

9 Feb, 07:38

Navoiyni seving, Navoiyni o‘qing-o‘rganing. Navoiy hamma narsa, do‘stlar.

@boqiy_darbadarr

1.2k 0 10 56

Mohichehra A’zam 📚

8 Feb, 14:37

Ajoyib kunlarning birida senga aloqaga chiqishadi va tuyg‘u to‘la maktubcha yuborishadi)

Rahmat https://t.me/mactub_uz

1.2k 0 1 37

Mohichehra A’zam 📚

7 Feb, 16:47

#nimadir

Qahramoni, qahramon bo‘lganda ham eng katta gunohkor qahramoni o‘zing bo‘lmagan hikoyani so‘zlab berish juda oson, judayam.

@boqiy_darbadarr

1.3k 0 1 30

Mohichehra A’zam 📚

4 Feb, 21:31

#taqriz

📌 Shayx Muhammad Sodiq Muhammad Yusuf. Yaxshilik va silayi rahm.(2-juz)

Kitobning ikkinchi qismi silayi rahm ya’ni qarindoshlar bilan munosabatni yaxshilash haqidagi hadisi shariflar bilan boshlanadi. Aytiladiki, musulmon inson kofir va zulmkor qarindoshiga ham yaxshilik qilishda bardavom bo‘lishi, qarindoshlik haqqini ado etishi lozim. Kimki qarindoshlik rishtalarini uzar ekan, Alloh undan rahmatini uzadi. Qolaversa, inson qarindosh urug‘larini surishtirib, nasl-nasabini yaxshi bilib olishi kerakligi alohida ta’kidlanadi.

“Sadaqa”– Alloh taolo uchun qilinadigan ixtiyoriy va zakot bo‘lgan narsadir. Zakot bo‘lgan sadaqa oshkora, ixtiyoriy sadaqa esa maxfiy bo‘lishi zarur. Mo‘min-musulmonning sadaqasiga eng haqli insonlar kambag‘al va faqirlardir. Sadaqa qilish kishida mol dunyoga hirs qo‘yish, kibrlanib ketish kabi illatlarni yo‘qotadi. Bergan sadaqasi kishining gunohlarini yuvib, qiyomat kuni hamma o‘t-olov ichra qovurilyotganda egasiga soya soladi. Odatda biz sadaqa sifatida o‘zimizga keraksiz yoki eski, biron kam-ko‘sti bor molimizni berishga o‘rganganmiz. Sadaqa deganda ham asosan salbiy ma’noni tushunamiz. Kitobda sadaqa iymondan ekanligi uqtirilgani holda eng aziz molimizni sadaqa qilishimiz kerakligi aytiladi.

Biz o‘zbeklarga ota-bobolarimiz qadimdan qo‘shnilar bilan aloqani mustahkamlashni uqtirib kelishgan. Bugunga kelib, afsuski, bu an’ana borgan sari yo‘qolib boryapti. Islom bu borada ham shu qadar ko‘p va xo‘b gapiradiki, beixtiyor qo‘shningiz bilan munosabatlaringizni ichdan tahlil qila boshlaysiz.

Kitobda qolaversa yetimning haqqini yegan kimsa olovni yegan kabi bo‘lishi, qiyomatda uning a’zolaridan olov gurkirab turishi haqida so‘z boradi. Shu joyida Xorazmdagi mehribonlik uyida zo‘rlagan qizlarni eslamaslikning iloji yo‘q.

Kitobdagi ba’zi hadislar hadeb qaytarilgandek tuyulishi mumkin. Ammo bundan masalaning muhimligini ta’kidlash uchun foydalanilgan. Shayximizning kitoblari mening tavsiyamga muhtoj emas. Shunday bo‘lsa ham kitobni mutlaqo o‘qing deyman.(Birinchi juz haqida bu yerda)

✍ Mohichehra A’zam

@boqiy_darbadarr

2k 0 6 20

Mohichehra A’zam 📚

3 Feb, 17:31

Репост из: dilm

Aslida, qiyin emas. Tanishasan, turmush qurasan, baxtli bo'lasan. Biz oshirib yubordik.

1.6k 0 13 49

Mohichehra A’zam 📚

31 Jan, 20:43

#nimadir

Insonlar, seving, seviling. Yechim shu.

Kim nima desa desinki, hayot sevgi bilan munavvar!

@boqiy_darbadarr

2.1k 1 11 37

Mohichehra A’zam 📚

28 Jan, 19:18

#nazm

O‘sha — meni hech kim sog‘inmagan shom
Avto bekatida hayrona turdim.
Boshimni ko‘tarib boqdim bir zamon.
Qarshimda bir yigit, bir qizni ko‘rdim,

Yigitning paltosi... Yo‘q, yodimda yo‘q...
Aniq, ko‘m-ko‘k edi qizning paltosi.
Bellarini quchgan belbog‘i ham ko‘k.
Hatto ko‘m-ko‘k edi to‘rtta tugmasi...

Yigitning ko‘zlari... Eslay olmayman...
Oshkor jaranglatib pinhon o‘yini,
Qizning ko‘zlarida yoqardi gulxan.
Erkalik va ishqning ma’sum quyuni…

Yigitning yuzida bilmayman, nima...
Ammo qizning yuzi qarshimda ayon:
Uni ko‘mgan edi gulgun shafaqqa
Muhabbat — eng moviy pokiza osmon...

Qor bo‘lsa yog‘ardi, qizning boshidan
Kumush tangalarni ayamay sochib,
Shamol titar edi — ko‘zi, qoshiga
Manglayiga tushgan bir tutam sochin.

Yigit... Yigit bilan qancha ishim bor!
Ammo qiz yigitni shunday suyardi.
Ki, goh termulardi hazin, beozor,
Goho qo‘llarini ushlab qo‘yardi.

Toshkentday shaharda, balki dunyoda
Yagona — hammadan go‘zal edi qiz.
Chiqmasa ham telba orzum ro‘yobga,
Bo‘zlab qarshisiga cho‘kkim keldi tiz!

Yigit... Ammo nega seni o‘ylayman,
Hozir ham havasdan muzlaydi etim...
Men qorli bekatda vayron turgan shom,
Sen mendan — hammadan baxtiyor eding.

Usmon Azim

@boqiy_darbadarr

2k 0 17 30

Mohichehra A’zam 📚

28 Jan, 08:04

Репост из: Shohsanam's blog

Oʻz qadrini qaytarishga boʻlgan soʻngi urinish - Lev Tolstoy “Anna Karenina”

Bu roman – inson ehtiroslari, axloqiy tanlovlari va ijtimoiy qoidalar o‘rtasidagi ziddiyatlar haqidagi chuqur mulohazadir. Uning har bir sahifasi shunday haqqoniylik bilan yozilganki, o‘quvchi go‘yo qahramonlarning yonida yashayotgandek his qiladi.

Anna Karenina obrazida Tolstoy nafaqat ayolning erkinlik uchun kurashini, balki insonning o‘z-o‘ziga qarshi ichki kurashini ham tasvirlaydi. Annaning qiyofasi – bu go‘zallik va zaiflikning, kuch va ojizlikning bir butunligi. Yuksak aql va olijanob qalbning bir tanada birlashuvi fojiadir, degan jumla Anna uchun aytilgandek goʻyo. U sevgi va ehtiros izlaydi, ammo bu ehtirosning qiymati uning butun hayotini vayron qiladi. Anna erkinlikka intiladi, ammo u o‘zi yashayotgan jamiyatning cheklovlari va qoidalariga mahkum ekanligini oxir-oqibat anglaydi. Uning fojiaviy o‘limi – bu faqat bir ayolning fojiasi emas, balki ijtimoiy me’yorlarning inson qalbiga qilgan zo‘ravonligining ramzidir. Annaning harakati – bu individualizmning o‘sha davr jamiyatidagi qotib qolgan qonunlarga qarshi isyoni. Ammo bu isyon muvaffaqiyatsizlikka mahkum: u na erkinlikka, na baxtga erisha oladi. Uning o‘zini poyezd ostiga tashlashi – bu hayotdan qochish emas, balki insoniy qadr-qimmatni qaytarib olishga bo‘lgan so‘nggi urinishi.

Asar o‘z davrining jamiyatiga achchiq tanqid bilan qaraydi. Erkak va ayolning jamiyatdagi mavqei orasidagi notenglik shunchalik aniqlik bilan ochilgan: erkaklar sevgi va ehtirosda erkinlikka ega bo‘lib, xatolari kechiriladi, ayollarning kichik “gunohi” esa butun jamiyat tomonidan qoralab tashlanadi.

Vronskiy o‘z ehtiroslariga bo‘ysunib, sevgini shiddat bilan qabul qiladi, ammo Annaga bo‘lgan sevgisining mas’uliyatini oxirigacha ko‘tara olmaydi. Uning g‘urur va o‘ziga ishonchsizligi uni sevgan insonidan uzoqlashtiradi. Bu sevgi oxir-oqibat ikki tomonlama mag‘lubiyatga aylanadi: Anna hayotini yo‘qotadi, Vronskiy esa o‘z ruhiy tinchligini abadiy boy beradi.

Konstantin Levinning izlanishlari esa asarning boshqa falsafiy qirrasi sifatida gavdalanadi. Levin obrazida Tolstoy insonning hayot mazmuni va mohiyatni anglashga bo‘lgan intilishini ochib beradi. Levinning ichki kurashlari, uning tabiat va inson mehnatiga bo‘lgan ehtiyojini o‘qish o‘quvchini majburiy tanlovlar haqida chuqur o‘ylashga undaydi. Levin va Kiti o‘rtasidagi munosabatlar Annaning sevgisiga qarama-qarshi bo‘lib, baxtni oddiylik va sadoqatda topish mumkinligini ko‘rsatadi. Ammo bu baxt ham mukammal emas, chunki Levinning falsafiy izlanishlari davom etaveradi.

Tolstoy o‘z asarida sevgi va ehtirosning ikki xil tusini tasvirlaydi. Bir tomondan, ehtirosli sevgi halokatli kuchga ega. Anna va Vronskiyning hikoyasi shuni ochiq ko‘rsatadi. Ikkinchi tomondan, ma’naviy uyg‘unlikka asoslangan sevgi insonning hayotini boyitishi va ma’noga to‘ldirishi mumkin. Levin va Kiti o‘rtasidagi munosabatlar bu fikrga misol bo‘lib xizmat qiladi. Biroq Tolstoy buni absolyut haqiqat sifatida ko‘rsatmaydi, balki sevgi va hayotning ko‘p qirrali ekanligini ta’kidlaydi.

Asar syujeti nafaqat qahramonlarning shaxsiy fojialari, balki jamiyatning asosiy muammolari haqida ham fikr yuritishga undaydi. Tolstoy inson erkinligining chegaralarini, axloqiy tanlovlarning murakkabligini va ijtimoiy qadriyatlarning inson hayotiga ta’sirini o‘rganadi.

Bu nafaqat sevgi haqidagi hikoya, balki insoniyatning umidsiz izlanishlari, tanlovlarning halokatli oqibatlari va jamiyatning rad etuvi haqida yozilgan og‘ir darsdir. Bu asar nafaqat o‘qiladi, balki o‘ylashga, his qilishga va baholashga majbur qiladi. Anna bilan birga tushkunlikka tushasiz, Levin bilan birga hayotning ma’nosini izlaysiz va oxirida hayotning achchiq, ammo haqiqatga to‘la ma’nosini his qilasiz.

P.s¹: Jamiyat Vronskiylarga toʻlib yotibdi, erkaklarning katta qismi munosabatlar va sevgining maʼsuliyatini oxirigacha koʻtarolmaydi. Natijada Annalarimiz soni ortib boradi.

P.s²: shu kitobni oʻqisam, kinosini koʻrsam, yakunida Annaga qoʻshilib oʻlgim keladi.

1.7k 0 11 20

Mohichehra A’zam 📚

26 Jan, 20:19

#taqriz

📌 Erkin A’zam. Bayramdan boshqa kunlar

Bu asar shu yaqin zamonimizda yashagan, bir orzusi osmonda uchish bo‘lgan-u, ammo taqdirmi kajraftor, turmushmi bemaza bo‘lib yerda qolib ketgan avtobus haydovchisi Bakir ismli siz-u bizdek oddiy bir yigit haqida. Toshkentning har bir bekatida Bakirning alohida xotiralar bor. Asar davomida ular bilan tanishib boraverasiz.

Erkin A’zamning qahramonlari “Anoyining jaydari olmasi”ni aytasizmi, “Pakananing oshiq ko‘nglini”mi yoki “Otoyining tug‘ilgan yili”nimi farqsiz– hammasi nihoyatda oddiy, dilingizga yaqin, shu bilan birga ko‘ngli ne bir ajib, ne bir g‘aroyib-u ne bir keng bo‘lgan, g‘ururi osmon, andishali odamlar. Qolaversa, Erkin A’zam ijtimoiy hayot fonida falsafiy qarashlarini ham sodda tarzda aytib ketishga usta.

Bizning qahramonimiz Bakir ham shu xil odamlardan. Taqdirni qarangki, yigitlik ishqibozligi bilanmi, yo azbaroyi muhabbatdanmi baland dorga osildi va kutilmaganda dorning o‘zi pastga tushib, Bakirning boshiga baxt qushi qo‘ngandek bo‘ldi. Qo‘ndi-yu, o‘zi istagan kuyni chala boshladi. Ammo bunday yashashning ham chegarasi bor. Zotan qushimiz har gapida andishasizlik bilan ta’kidlaydigandek "Ha, nima qipti?” bilan umr kechirib bo‘larmidi.

Batamom ikki xil muhitning odamlari bo‘lgan bu juftlikning sovuq oshdek turmushi misolida o‘tgan asrning 80-yillaridagi ijtimoiy muhit, fikriy va qadriyatlar tomonlama odamlarning bo‘linishlari ochib berilgan. Bir guruh hali o‘zbekligini, tilini, vijdonini unutmagan bo‘lsa, ikkinchi guruh esa “yallama yorim”dan boshqani bilmaydigan, turfa xil tillar aralashmasidan o'zgacha lison yasab olgan, o‘zini haddan tashqari zamonaviy va madaniyatli hisoblaydigan-u, or-nomusni yamlamay yutganlar guruhi. Bu davr o‘zining Safuradek xor bo‘lgan, sirti yaltiroq ichi qaltiroq ayollarini, Barnodek suvilonlarini, Chinnibekdek tovlamachilarini, Bargidadek muloyim supurgilarini-yu Basiradek hayosizlarini yetishtirdi.

“Bayramdan boshqa kunlar”ni, umuman, Erkin A’zamning asarlarini mutlaqo o‘qing va ko‘ngil mulkingizni boyiting, kitobxon. Aytgancha, kitob sifati va tahrir yaxshi ekan.

✍ Mohichehra A’zam

@boqiy_darbadarr

1.3k 0 9 23

Mohichehra A’zam 📚

25 Jan, 18:58

Axloq va or-nomus haqida gap ketganda faqat ayollar haqida gapirganlarning hammasi axloqsiz va nomussizdir!

© Frida Kahlo

@boqiy_darbadarr

1.4k 0 12 43

Mohichehra A’zam 📚

21 Jan, 13:42

#nimadir

Shunday odamlar bo‘ladi: kishiga azob beradigan darajada samimiy, sodda. Ularning yonida o‘zingning naqadar kir ekanligingni sezganing sabab ham azoblasan kishi...

***

Anna Karenina sindromi bor narsa. Bu sindromni o‘zida sezgan ayol sevmasin, sevilsin faqat. Shunda hayoti yaxshiroq kechadi. Bunday ayolning muhabbati oxir-oqibat baribir fojiaga aylanadi va o‘zini yakson qiladi.

@boqiy_darbadarr

2.3k 0 11 37

Mohichehra A’zam 📚

19 Jan, 18:32

#taqriz

📌 Shayx Muhammad Sodiq Muhammad Yusuf. Yaxshilik va silayi rahm. (1-juz)

Ushbu kitob Husayn ibn Hasan Marvaziy rahmatullohi alayhining “Kitobul birri vas-sila”(Yaxshilik va silayi rahm) kitobining Shayximiz tomonidan qilingan ta‘lifidir.

Kitobni tushunmoq uchun eng avvalo “birr” va “sila” so‘zining ma’nolarini bilib olish lozim. Arab tilida “birr“ sodiqlik, toat, bog‘lash, isloh qilish, odamlarga keng miqyosda yaxshilik qilish degan ma’no anglatadi. Birrning bundan tashqari ham ko‘plab ma’nolari bor va o‘quvchiga yengillik bo‘lishi uchun kitobda bu so‘z “yaxshilik” ma’nosini ifodalashi aytiladi.

Xo‘sh, yaxshilik nima? Biz o‘z-o‘zimizcha yaxshilik qilyapman deb o‘ylayotgan ishlar aslida islomdagi yaxshilikka mosmi? Alloh taolo “Baqara” surasining 177-oyatida yaxshilikka quyidagicha ta’rif beradi:

• Iymon keltirish (Allohga, oxirat kuniga, farishtalarga, Kitobga, Nabiylarga iymon keltirish);

• Mol-dunyosidan nafaqa qilish (Yaqin qarindoshlariga, yetimlarga, miskinlarga, yo‘qsil yo‘lchiga, tilanchilarga va qul ozod qilishga);

• Namozni to‘kis ado etish;

• Zakot berish;

• Ahdiga vafo qilish;

• Yo‘qchilik, qiyinchilik va shiddat vaqtida sabr qilish.

Kitobda yuqoridagilardan tashqari ham yaxshilikning turlari, sifatlari oyat va hadislar bilan go‘zal bir tarzda anglatilgan va odamlar o‘zlari o‘ylab chiqargan narsalar yaxshilik bo‘la olmasligi alohida e’tirof etilgan.

“Sila” esa qo‘shish, bog‘lash, jamlash, payvandlash ma’nolariga ega. Ulamolar istilohida esa asosan silayi rahm, ya’ni qarindoshlarga va yaqin kishilarga yaxshilik qilishga “sila“ deyiladi.

Kitobda bizga yaqin kishilarning va qarindoshchilikning eng birinchi bo‘g‘ini ota-ona hisoblanib, ularning farzand ustidagi haqlari biz o‘ylagandan nihoyatda ko‘p ekanligi, bu haqni ota-onani qul holatida topib olib ozod qilsagina uzish mumkinligi, boshqa hech bir vaziyatda ularning haqlarini ado etib bo‘lmasligi, ota-ona kofir bo‘lganda ham farzanddagi haqlari o‘sha-o‘sha bo‘lishi aytiladi. (Amina Shenliko‘g‘lining qaysidir kitobida ota-onasi Islomda emasligi uchun ularga butun zahrini sochib, do‘zaxidan olib do‘zaxiga solgan qiz obrazi bormidi?!) Undan tashqari farzandning ham ota-onada alohida haqlari(chiroyli ism berish, go‘zal odobli qilib tarbiyalash, nafaqasidan bo‘yin tovlamaslik, balog‘atga yetganda uylantirish/uzatish) bo‘lib, ularni ado etishga chaqiriladi.

Kitob juda ko‘plab e’tiborsiz qoldiradigan narsalarimizni sodda tarzda tushuntirib, go‘yo chaynab og‘zimizga solib qo‘yadi. Uni yutib, amalimiz bilan mustahkamlash esa o‘zimizda qoladi.

Mutolaadan charchamang, kitobxon!

✍ Mohichehra A’zam

@boqiy_darbadarr

2.2k 0 11 25

Mohichehra A’zam 📚

15 Jan, 18:18

#nimadir

Masalan, insonni birgina yaxshi so‘z bilan xursand qilish mumkin. Hatto, o‘limdan saqlab qolish mumkin. Lekin o‘sha so‘zni aytmaslik haqiqiy razillik.

@boqiy_darbadarr

2.5k 0 4 46

Mohichehra A’zam 📚

13 Jan, 19:44

G‘urbat

Shu qadar achchiq
Ki ne bo‘lsa ichimda.
Bari menga begona,
Bari boshqa bichimda.

Eriyman bora-bora,
Har umidga alvido,
G‘urbat o‘zligimni-da
Bitirgandir ichimda!

Na orzum, na amalim,
Yaralangan bir qo‘lim,
Men g‘urbatda emasman,
G‘urbat mening ichimda!

“Turk she’riyati antologiyasi“. Kamoliddin Kamu

@boqiy_darbadarr

2.6k 0 10 22

Mohichehra A’zam 📚

12 Jan, 19:37

Pirnashrdan yana sovg'alar keldi.

Avval ham Erkin A’zamning “Gonoluluga elchi“ va Rizvon Oqlonning “Uzoq tuzoqlar” kitoblarini yuborishgandi)

Nashriyot ishlariga omad tilab qolamiz.

@boqiy_darbadarr

2.3k 0 3 25

Mohichehra A’zam 📚

11 Jan, 17:11

#nimadir

Xudoning dargohi keng. Bizning miyamizdagi Xudo tushunchasi tor.

@boqiy_darbadarr

1.9k 0 7 18 34

Mohichehra A’zam 📚

10 Jan, 22:46

Sardor Rahimxon — Yo Rab (OST - Janob hech kim / Мистер Х) 2009… — Central Asia

#music

Harchand mohi qurbon kelodur,
Har dam qilurman jonimni qurbon...

@boqiy_darbadarr

2k 0 18 1 10

Показано 20 последних публикаций.

2 339

подписчиков

Статистика канала

Популярное в канале

G‘urbat Shu qadar achchiq Ki ne bo‘lsa ichimda. Bari menga begona, Bari boshqa bichimda. Eriyma...

#nimadir Masalan, insonni birgina yaxshi so‘z bilan xursand qilish mumkin. Hatto, o‘limdan saqla...

Pirnashrdan yana sovg'alar keldi. Avval ham Erkin A’zamning “Gonoluluga elchi“ va Rizvon Oqlonn...

#nimadir Shunday odamlar bo‘ladi: kishiga azob beradigan darajada samimiy, sodda. Ularning yonid...

#taqriz 📌 Shayx Muhammad Sodiq Muhammad Yusuf. Yaxshilik va silayi rahm. (1-juz) Ushbu kitob H...