Booklovercouple 📚

​​Lev Tolstoy – Hojimurod

Kavkazlik mard va jasur jangchi hikoyasi

Lev Tolstoyning ba’zi asarlari – Sergiy ota, Iqrornoma – falsafiy va diniy mavzular bilan to‘yingan bo‘lib, ularning asl ma’nosini tushunish biroz murakkab bo‘lishi mumkin. Ayniqsa, Dostoyevskiydan farqli o‘laroq, Tolstoy o‘z qissalarida diniy falsafaga chuqurroq sho‘ng‘igan. Shunga qaramay, bu ikki buyuk yozuvchi doimo yonma-yon solishtiriladi. Hatto Tolstoyning o‘zi ham Dostoyevskiyni undan zo‘rroq yozuvchi deb tan olgan.

Tolstoy va Kavkaz

Lev Tolstoy 1851–1853-yillarda Kavkazda harbiy xizmat qilgan. Yosh ofitser sifatida u Rossiya imperiyasining Kavkazdagi urushlarida qatnashgan, shu yerdagi hayotni o‘z ko‘zi bilan ko‘rgan. Bu tajriba uning ijodiga katta ta’sir o‘tkazgan va keyinchalik Kavkaz asiri, Nabati hamda Hojimurod kabi asarlarida aks etgan. Tolstoy Hojimurod qissasining boshida bu hikoyani hayotiy voqealarga asoslangan holda yozganini ta’kidlaydi.

Qissaning mohiyati

Hojimurod – ozodlik yo‘lida kurashgan mard va jasur jangchi (musulmon Kavkaz xalqi vakili) haqidagi qissa. Hojimurod dastlab Kavkaz tarixining muhim shaxslaridan biri bo‘lgan Shomil bilan birga Rossiya imperiyasiga qarshi kurash olib boradi. Biroq, oralarida kelishmovchilik yuzaga kelib, Hojimurod Kavkazdan chiqib ketishga majbur bo‘ladi.

Shomil esa Hojimurodning oilasini asir olib, uni tanlov oldida qoldiradi:
Ruslarga taslim bo‘lib, o‘z yurtiga qarshi jang qilish,
Shomilga bo‘ysunib, oilasini ozod qilish.

Biroq, Hojimurod bu shartlarga ishonmaydi va Rossiyadan yordam so‘rashga qaror qiladi. Rossiya imperiyasi uni qabul qiladi, ammo byurokratik tartiblar va shubhalar tufayli unga yordam berishni paysalga soladi. Aslida esa imperiya Hojimurodga umuman ishonmagan, balki undan siyosiy vosita sifatida foydalanmoqchi bo‘lgan.

Hojimurod esa vaqtni boy bera olmasligini, oilasi xavf ostida qolganini tushunadi va Rossiya yeridan qochishga urinadi. Biroq, u yo‘lda qo‘lga tushib, fojiali tarzda o‘ldiriladi.

Bu qissa Tolstoyning eng so'ngi asarlaridan biri bo‘lib, inson qismati, Kavkaz halqining ozodlik yo'lida kurashi, mustamlakachilik zulmi va jasoratning fojiali natijalarini ochib beradi. Hojimurod nafaqat tarixiy voqelikka asoslangan hikoya, balki insoniyatning azaliy muammolari – erkinlik, xiyonat, va’dabozlik va g‘urur haqida falsafiy mulohazalar hamdir.

Kavkaz halqlari orasiga Dog'istonliklar ham kiradi. Ularning mard va Islom diniga kuchli e'tiqodda bo'lishliklari tarixdan boshlangan.
Tarixiy voqealarni o'qish ham albatta judayam qiziq. Hojimurod qissasini o'qish jarayonida, musulmon kavkazliklar tarixi to'grisida bilib olishingiz mumkin. Tolstoy hayoti va ijodini chuqur o'rganaman deganlar ham, uning Kavkazdagi harbiy hayoti to'grisida bilish uchun bu qissani mutoola qilishlari kerak.

@booklovercouple

https://youtu.be/9NCF6-wSHE4?si=T-Rpoa0eV-hdisux

Dostoyevskiyning "Telba" asari atrofida juda ko‘p badiiy tahlillar o’tkazilgan, ko‘plab ko‘rsatuvlar suratga olingan. Madaniyat va Ma’rifat kanalidagi "Birgalikda o‘qiymiz " ko‘rsatuvi ayniqsa mazza qilib tomosha qiladigan. Unda o‘zimizning adabiyotshunos professorlar "Telba" asarini juda chuqur tahlil qilishgan.

Albatta, havaskor book bloger bilan haqiqiy adabiyotshunoslarning tahlili o‘rtasida katta farq bor. Bu ko‘rsatuvni ko‘rib, asarning siz ilg‘amagan jihatlarini adabiyotshunoslar nigohi bilan anglash imkoniga ega bo‘lasiz.

Highly recommend🎥qilaman, ko'rmaganlar uchun.

@booklovercouple

​​Nur borki, soya bor – O‘tkir Hoshimov

#book_review

Bahor boshlansa, O‘tkir Hoshimov bilan boshlansin. Tabiatni tasvirlash kerak bo‘lsa, O‘tkir Hoshimov tasvirlasin.

XX asrning ikkinchi yarmidagi hayotni bizga sof va sodda tilda yetkazib bergan adib O‘tkir Hoshimovdir. “Yaxshi kitob bir umr yashaydi”, degan edi u. Uning asarlari ham o‘zbek adabiyoti tarixida bir umrlik bo‘lib qoladi. Biz va bizdan keyingi avlod Hoshimov asarlarini mutolaa qilishi shart. Chunki ular faqat bir inson hayoti haqida emas, balki butun bir xalq taqdiri haqida so‘zlaydi.

Qissa haqida

“Nur borki, soya bor” qissasi yosh jurnalist Sherzodning hayoti orqali insoniylik, vijdon, adolat, mehr-oqibat va sevgi tushunchalarini o‘ziga xos badiiy uslubda ochib beradi. Asar mustaqillikka yaqin qolgan yillarda, XX asrning ikkinchi yarmidagi hayotni tasvirlaydi. U insonlar orasidagi yorug‘lik va zulmat, yaxshilik va yomonlik, haqiqat va yolg‘on doimo yonma-yon yurishini ko‘rsatadi.

Syujet haqida

Sherzod miyya zo‘riqishi tufayli kasalxonaga tushib qoladi. U bilan bir palataga katta Univermag direktori Sayfi Soqiyevich joylashtiriladi. Sayfi Soqiyevich – poraxo‘r, ochko‘z, hamma narsani pul bilan hal qilish mumkin deb hisoblaydigan odam. Aynan shu palatada boshlangan mojaro keyinchalik butun asarning asosiy ziddiyatiga aylanadi.

Sherzod kasalxonadan chiqqach, jurnalistik faoliyatida o‘z qishlog‘idan kelgan shikoyatlarga ham e’tibor bera boshlaydi. Masalan, to‘rtinchi sinf o‘quvchilari dalaga majburan olib chiqilayotgani haqidagi shikoyat. Sherzod bu masalani hal qilib, yosh avlod dalada ishlash emas, balki kelajakda texnika yaratishi kerakligini isbotlaydi.

Bu kabi shikoyatlar orqasidan nihoyat, Sayfi Soqiyevich Univermagi ustidan ham ayollar shikoyat qilishadi. Sherzod jurnalistik izlanishlari orqali Sayfi Soqiyevichning barcha poraxo‘rlik va qallobliklarini fosh qilishda katta ro'l o'ynaydi. Sayfi Soqiyevich va unga o'xshash amaldor do'stlari birin - ketin uni tashlab ketishadi. Ana shu paytda Sayfi Soqiyevich mol - dunyo uchungina unga do'st bo'lgan insonlarni anglaydi. Pul bilan esa hech qachon asl tuyg'ularni sotib ololmasligini, shuncha boyligi bo'lsada hozir ular faqat quruq qog'ozdan boshqa hech narsaga yaramasligini anglab yetadi.

Qissada keltirilgan Sherzodning chin do'sti Rustam obrazi ham judayam qiziqarli. U do'sti huddi Sherzoddek adolat va halol yashash uchun kurashadi.

Muhabbat tasviri

Sevgini ta’riflash kerak bo‘lsa, O‘tkir Hoshimov ta’riflasin. Uning barcha asarlarida muhabbat – pok va samimiy tuyg‘u. Bu qissada Sherzodning Zuhra bilan uchrashuvi va ular orasidagi munosabat ham sof muhabbatning namunasi sifatida tasvirlanadi. Lekin bu muhabbat haqida ko‘proq bilish uchun asarni o‘zingiz mutolaa qilganingiz ma’qul.

Nur borki, soya bor – insoniylik va adolat haqidagi asar. Unda jamiyatdagi illatlar va vijdonli insonning ichki kurashi ko‘rsatilgan. O‘tkir Hoshimovning o‘ziga xos badiiy uslubi asarga yanada chuqur ma’no va ta’sir kuchi bag‘ishlaydi.

@booklovercouple

​​Ramazon oyini unumli o‘tkazish uchun nimalar qilish mumkin? 🌙✨

Ramazon – faqat nafsni tiyish emas, balki ma’naviy va shaxsiy o‘sish uchun eng yaxshi imkoniyat. Ushbu muqaddas oyda quyidagi foydali ishlarni bajarib, vaqtni unumli o‘tkazish mumkin:

📖 Ilm olish va kitob o‘qish – Qur’on tafsiri, diniy, tarixiy va shaxsiy rivojlanish kitoblarini o‘qish.
🕌 Ibodatga e’tibor berish – Farz namozlar bilan birga, taroveh, tahajjud va nafl namozlarni ham o‘qish.
🤲 Duo va zikr qilish – Allohga yaqinlashish, istig‘for aytish va qalbni poklash.
❤️ Yaxshilik qilish – Muhtojlarga yordam berish, xayriya qilish, boshqalarga mehr ko‘rsatish.
⏳ Vaqtni to‘g‘ri boshqarish – Foydali ishlar rejasini tuzib, Ramazonda yaxshi odatlar shakllantirish.
📚 Yangi ko‘nikmalar o‘rganish – Til o‘rganish, ijod qilish yoki foydali kasbga oid bilimlarni oshirish.
💪 Jismoniy va ruhiy sog‘liqni mustahkamlash – To‘g‘ri ovqatlanish, yengil mashqlar va tafakkur qilish.

Ramazon – bu o‘zimizni yangi bosqichga olib chiqish uchun ajoyib imkoniyat!

@booklovercouple

​​Fevral oyi sarhisobi:

Oy boshida aytib o‘tganimizday, ushbu oyni deyarli to‘liq milliy adabiyotimizga bag‘ishladik. Marhamat, o‘qigan kitoblarimiz ro‘yxati bilan tanishing:

1. Qiz talashgan o‘smirlar - Xudoyberdi To‘xtaboyev (taqriz)

2. Bonu - Iqbol Mirzo (taqriz)

3. Dunyoning ishlari - O‘tkir Hoshimov (taqriz)

4. So‘ngi o‘q - Tohir Malik (taqriz)

5. Ikki karra ikki – besh - O‘tkir Hoshimov (taqriz)

6. Chernobil tavallosi - Svetlana Aleksiyevich (taqriz)

7. Diqqat - Kel Nyuport (taqriz)

8. Tushda kechgan umrlar - O‘tkir Hoshimov (taqriz)

9. Qimorboz - Fyodor Dostoyevskiy (taqriz)

10. Odam bo‘lish qiyin - O‘lmas Umarbekov (taqriz)

11. Momaqaymoq - Rey Bredberi (taqriz)

12. Yulduzlar mangu yonadi - Tog‘ay Murod (taqriz)

Challenge uchun o‘qilgan kitoblar:

13. Mahorat - Robert Grin (taqriz)
14. Yuqumlilik - Yona Berger (taqriz)

Va bulardan tashqari, juda ko‘p qisqa hikoyalar ham o‘qidik.

Ha, fevral oyidan ko‘nglimiz to‘ldi! Milliy adabiyotimizning durdona asarlarini albatta o‘qishimiz kerak. Hali davom etamiz!

Sizlar tomoningizdan eng ko‘p ko‘rilgan va ulashilgan post mana shu bo‘ldi.

Bundan tashqari, davramizni yanada kengaytiraylik deb, bir oy davomida challenge va tanlovlar o‘tkazdik. Bu challenge davomida har kuni biz bilan tengma-teng kitob o‘qiganlar uchun alohida tashakkur bildiramiz.

Shunday qilib, fevral oyidagi o‘zimiz uchun barakali va foydali bo‘lgan mutoolalarimiz shulardan iborat bo‘ldi. Agar biroz bo‘lsa ham sahifamiz sizlarga foydali bo‘lgan bo‘lsa, cheksiz tarzda hursandmiz. Ilm ulashish — bu katta savob.

Ertadan Muqaddas Ramazon 🌙 oyi boshlanadi. Mart oyida rejamiz ko‘proq ilmiy va muqaddas Islom dinimiz haqidagi kitoblarni o‘qimoqchimiz. Demak, bu oyda ham yana birgalikda rivojlanish uchun doimo tayyor bo‘lgan sizlarning sevimli sahifangiz: 📚

@booklovercouple

​​“Yulduzlar mangu yonadi” – Tog‘ay Murod

Qarang, qanday o‘ziga xos yo‘nalishlarda ijod qilgan yozuvchilarimiz bor! Albatta, nasib qilsa, har birining ijodi haqida alohida postlar tayyorlaymiz.

Tog‘ay Murodning Otamdan qolgan dalalar asarini bu kitobdan oldin o‘qib tugatdim. Lekin hali unga taqriz yozishga qo‘l urmadim. Avval muallifning boshqa asarlarini ham o‘qib chiqishga qaror qildim.

“Yulduzlar mangu yonadi” – bu asar har birimizning musaffo osmonda yonib turgan yulduzimiz borligini, u so‘nmagani uchun biz ham bardavom ekanimizni eslatadi. Kitobda asl o‘zbek xalqining urf-odatlari, qadriyatlari aks etgan. Qissa ikki kurashchi do‘st haqida bo‘lib, ishq olovi ularni bir qizni talashish natijasida uzoq yillarga dushman qilib qo‘yadi. Ammo haqiqiy do‘stlik mangu bo‘lgani uchun qissa oxirida ular yana yarashishadi.

Asar nihoyatda qiziqarli va jozibali uslubda yozilgan. Milliy kurashimiz haqida men bilmagan ko‘p narsalarni shu qissa orqali o‘rgandim. To‘g‘risini aytsam, kurash sportimiz borligini aynan shu qissa menga yana bir bor eslatdi. Xalqimiz tarixida kurash eng asosiy sport turi bo‘lgan. Kitobda bir-biridan go‘zal urf-odatlarimiz, qadriyatlarimiz tasvirlangan. Asarda do‘stlik nimaligini, mangulik qanday bo‘lishini his qilasiz.

Men uchun eng kulminatsion nuqta esa Rayis buvaning qilgan zino ishi va oddiy xalq uni qanday jazolagani bo‘ldi. Bu qismni diqqat bilan o‘qing! O‘sha paytda qanday or-nomusli erkaklarimiz bo‘lgan…

Bag‘rikeng, mehribon, or-nomusli o‘zbek xalqimizning qadriyatlari, asl qiyofasi shu asarda yaqqol namoyon bo‘lgan.

Albatta o'qib chiqing!!! 📚

@booklovercouple