Саидафзал Абдуллаев ️

"Bu yilgi "Hokim Kubogi" musobaqasida 20 taga yaqin futbol klublari qatnashishi kutilmoqda"

Barchangizga maʼlum, har yili qishki tanaffuslar vaqtida Fargʻonada "Hokim Kubogi" xalqaro futbol musobaqasi oʻtkazib kelinadi.
Bir necha yillardan buyon tashkillab kelinayotgani bois ushbu musobaqa vodiyda yaxshi anʼanaga aylanib ulgurgan.

- Nosir aka, "Fargʻona viloyati Hokimi Kubogi" musobaqasi qaysi sanalarda oʻtkazilishi rejalashtirilmoqda?
- Bu yilgi "Fargʻona viloyati Hokimi Kubogi" musobaqasini yanada koʻtarinki ruhda tashkil etishni maqsad qilganmiz. Turnir 3 fevralda boshlanadi va 12 fevral kunigacha davom etadi. Ayni shu sanalar davomida Fargʻonada katta futbol muhiti hukmron boʻladi.
- Kuzatib kelamiz, "Hokim Kubogi" musobaqasida butun Respublikamiz boʻylab futbol klublari muntazam qatnashib kelishadi. Shuningdek, ushbu musobaqada xorij klublarining ishtiroki yaxshi anʼanaga aylangan. Bu yilgi musobaqada ham atrofdan va xorijdan kelib qatnashadigan klublar bormi?
- Toʻgʻri aytdingiz, bu yilgi "Hokim Kubogi" musobaqasida vodiy jamoalaridan tashqari Respublikamizning turli xududlaridan Birinchi liga hamda U-19 U-21 futbol klublari qatnashishi musobaqa Nizomida koʻrsatib oʻtilgan. Jumladan, bu yilgi musobaqada ham turli xududlardan takliflar kelib tushayapti. Masalan,Surxandaryodan, Jizzaxdan ham kelib qatnashmoqchi boʻlishayapti. Endi xorij klublariga kelsak, hozirda qoʻshni Qirgʻiziston, Tojikiston davlatlaridan futbol klublarining kelib qatnashish istagini bildirganlar.
- Musobaqa doirasidagi oʻyinlar Fargʻona viloyati futbol akademiyasi maydonida va Margʻilon shahridagi "Atlaschi" oʻyingohida va Toshloq tumanidagi "Amur Temir" stadionlarida boʻlib oʻtishi rejalashtirilmoqda.

Farg‘ona futbol assotsiatsiyasi matbuot xizmati.