🌤BAHOR
Hushbo‘y yalpiz xidlarin tarab,
Uyalgan bir kelindek qarab,
Kiraymi deb, ko‘nglimdan so‘rab,
Ostonamda turibdi bahor.
Jilva qilar kamalak rangi,
O‘zgachadir ko‘klamning tongi,
Baxt quchoqlab yangidan-yangi,
Ostonamda turibdi bahor.
Bodom gullar, sochiga qo‘nib,
Qadam qo‘ysa boychechak unib,
Qishning so‘ngi kuniga ko‘nib,
Ostonamda turibdi bahor.
Qish ham tugar buguni bilan,
Qancha qol deb aytsang ham o‘lan,
Yashil rangli tuguni bilan,
Ostonamda turibdi bahor.
Eslatgancha bir go‘zal yorni,
Yuragida muxabbat borni,
Mehri bilan eritib qorni,
Ostonamda turibdi bahor.
Qo‘llarida jaranglab sozi,
Jo‘r bo‘ladi, qushlar ovozi,
Ooo bunchalar go‘zaldir nozi,
Ostonamda turibdi bahor.
Tilim loldir, aytolmay tilak,
Quyushqondan chiqqudek yurak,
Bir nimadan bergandek darak,
Ostonamda turibdi bahor.
Boshga gulli ro‘mollar o‘rab,
Iymangan bir kelindek qarab,
Kiraymi deb, ko‘nglimdan so‘rab,
Ostonamda turibdi bahor.
✍️
Kamronbek Ismoilov.
@bilagon_bolajon