Ichki ishlar vaziri rahbarligida tashkil etilgan respublika ishchi guruhi a‘zolari G‘uzorda uchrashuv o‘tkazdi
O‘zbekiston Respublikasi Prezidentining
2025-yil 3-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida”gi
PQ-1-sonli qarorining ijrosini taʼminlash maqsadida Ichki ishlar vaziri general-leytenant Po‘lat Bobojonov boshchiligidagi ishchi guruh Qashqadaryo viloyatida o‘z faoliyatini olib bormoqda.
Jumladan, bugun mazkur ishchi guruh a‘zolari Ichki ishlar vazirining o‘rinbosari Bekmurod Abdullayev, viloyat prokurorining o‘rinbosari Sherali Ashurovlar G‘uzor tumanida bo‘lib, tuman hokimi Bekzod Suyunov boshchiligidagi sektor rahbarlari bilan birgalikda tuman hokimligi faollar zalida hamkor davlat organlari va tashkilotlar masʼullari va qizil toifadagi “mahalla yettiligi” vakillari ishtirokida yig‘ilish o‘tkazildi.
Yig‘ilishda mazkur qarorning mazmun mohiyatini ijro organlarining barcha bo‘g‘inlariga yetkazish, interfaol metodlardan foydalangan holda uning samaradorligini oshirish masalasiga eʼtibor qaratildi. Qaror talablaridan kelib chiqib, viloyatning har bir tuman va mahallalariga ichki ishlar organlari, prokuratura, Milliy gvardiya, hokimiyat hamda aloqador tashkilotlarning masʼullari biriktirildi.
O‘tgan yilda jinoyat sodir etilgan har bir mahallada kriminogen vaziyatni barqarorlashtirish hamda jinoyatlarni barvaqt profilaktika qilishning mahallalar kesimida choraklik manzilli chora-tadbirlarini belgilagan holda mahalla-tuman-viloyat darajasida uning ijrosi uchun bevosita masʼul rahbarlarni biriktirish va aniq sohaviy javobgarlikni yuklash, ilmiy-amaliy yondashuvlar asosida joylarga chiqqan holda maqsadli o‘rganishlarni o‘tkazish orqali huquqbuzarliklarga sabab bo‘layotgan asl omillarni aniqlash va barham berish bo‘yicha tashkiliy-huquqiy choralarni ko‘rish, mahallalarda yoshlar, ayollar va ishsizlar tomonidan, shuningdek, oila-turmush munosabatlari doirasida sodir etiladigan jinoyatlarning oldini olishda “mahalla yettiligi” har bir vakilining aniq masʼuliyati belgilandi.
Kelgusida huquqbuzarliklarning barvaqt oldini olishning samarali tizimini shakllantirish maqsadida “E-ijtimoiy profilaktika”, “E-maʼmuriy ish” axborot tizimlarini amaliyotga keng jalb etish bo‘yicha topshiriqlar berildi.
Kanalga ulanish 👉
@guzorpress