Otabek Bekmirzayev

Mafkura

98 yil oldin, tarixiy va madaniy markazimiz bo'lgan Registon maydonida minglab ayollar "hujum" harakati tufayli paranjisini tashlashgan edi, shu kunning o'zida 10 000 ayol paranjisini tashlagan.
Keyingi 3 oyda bu son 95 000 ga yetib borgan. Hattoki harakatda "jadid"lar ham aktiv ro'l ijro etishgan.

Paranjisini tashlagan 2 500+ ayollar o'ldirilgan, aksar qismlari ota-onasi tomonidan oq qilingan, eri taloq qilgan, ajablanarli holatlardan biri esa paranjisini tashlamagan ayollar tomonidan yuz o'girilgan.

Kommunizm bu harakatlarni bizga ayollarning ta'limi, erkinligi, huquqlari deya turli xil vajlar ko'rsatishgan. Vaholanki, ularning asl maqsadi arzon ishchi kuchi bo'lganligi hozirgi kunga kelib namoyon bo'ladi.

Kommunizm uzoooooq yillar davomida bizga o'z mafkurasini singdirib kelgan, dinni qoralashgan, dindorlarni osishgan, badarg'a qilishgan, Stalinni ko'klarga ko'tarishgan.
Manbalar: Daryo, Wikipedia, Gefter, hkw

Harakatning natijasi hozirgi kunda aksar qizlar hijobga kirishida ota-onasi tomonidan tazyiq va zo'ravonliklarga sabab bo'lmoqda.
Sovetlarning mafkurasidan xalos bo'lishimizga esa bir necha 10 yilliklar, balkim 100 yilliklar kerak bo'ladi.

@bekhmirzayev_blog

Maslahatlar

Muhim masalalarda tanlash qiyinchiligini barchamiz boshimizdan o’tkazganmiz.
Tanlov bu bizda ikkinchi yoxud boshqa yo'l(lar) borligi demakdir.

Odatda ikkinchi variantni bizga insonlar tavsiya qilishadi, chunki o'zimiz izlab topgan yangi yo'lni tanlashimiz shubhasiz aniq, lekin tavsiya qilingan yo'lgina bizni ikkilantirib qo'yadi:

Deylik men abituriyentman va Milliyga topshirishni uzoq vaqtdan beri o'ylab yuraman. Dasturchi akam esa menga TATUga topshirishni va uning ba'zi yaxshi jihatlarini maslahat berdi.
Mana endi menda ikkilanish paydo bo'ladi, qo'rquv paydo bo'ladi.

Tanlash qiyinchiligini ko'rgan inson sifatida, qanday qilib bunday ko'rgilikni boshqa birodarimizga ham ravo ko'rmaslikka harakat qilsak bo'ladi:

Maslahat bermasligimiz bizning qilgan eng yaxshi ishimiz bo'ladi!

Bir insonni qiziqishlaridan yiroqlashtirmaslik uchun ham, o'zi ko'rgan yo'lni buzmaslik uchun ham maslahat bermasligimiz kerak, agar 1 000 ga yaqin kitob o'qimagan, ko'plab hayotiy tajribalarni ko'rmagan, tanqidiy -tahliliy fikrlashimiz ustida ishlamagan va yana umuman maslahat berish darajasiga chiqmagan bo'lsak!

@bekhmirzayev_blog

Kitob do'konida:

🧍‍♂️: Tafsiri hilol bormi?
Sotuvchi 🧔: Ha aka bor, 750 ming so'm
🧍‍♂️:😳😵 ....
🧍‍♂️: aka, oddiyrog'i bormi? 😶‍🌫️

Bugun kitob do'konlariga qaysidir yigitlarni ilk bor kiradigan kuni va kitoblarni arzon narxlarini qidiradigan kuni.

Yigitlarga sovg'a uchun yaxshi maslahatlar qoldiraman:
Imkon qadar qimmatroq kitoblar - to'plamlik kitoblar olaveringlar
Mablag' muammo bo'lsa bitta yaxshi kitob olinglar, uni esa chiroylik qog'ozga o'rab beringlar
Gul har qanday sovg'aga ikkinchi taom bo'la oladi
Kitobning yonida shokolad ham yaxshi turadi
Handmade(qo'l mehnati) narsalarga ham e'tibor qaratsangiz yomon bo'lmaydi

Qimmat narsa olishingiz shart emas, esda qolarlik bo'lsin, sodda qilib aytganda mehr anqib tursin.

Qizlar, rahmat aytishingiz shart emas, aka-ukalaringizga ulashib qanday sovg'a olmoqchi ekanligingizni bildirib qo'ysangiz bo'ladi :)

@bekhmirzayev_blog

Bilish va bajarish

Erta turish kerak
Intizomli bo’lish kerak
Namozda hushu bo’lishi kerak
…

Insonlar odatda nima qilish kerak ekanligini bilishadi.

Bizga qanday qilib bajarish bo’yicha maslahatlar kerak.

Atom odatlar, so’nggi 20 yillikning eng yaxshi sotilgan kitoblaridan biri, chunki kitobda bizga nima qilishni o’rgatmaydi, qanday qilishni o'rgatadi!

@bekhmirzayev_blog

Shivirlaydigan radio!

Oldinlari radiolar bo'lar edi, musiqa tinglar edik.

Sevimli musiqamiz orasiga esa shivirlagan ovozlar kelib qo'shilardi, asablarimiz buzilardi.

Buni esa sevimli hayotimizga boshqa insonlarning muammosi kelib bizni baxtsiz qilishga o'xshaydi.

Shunday lahzalar bo'ladiki boshqa insonlarning muammosini o'zimizga olishimiz kerak bo'lmaydi.

Prinsiplarni shakllantirmas ekanmiz barchaga yordam bergimiz kelib o'z hayotimizdan qolib ketamiz.

Yo'q deyishni o'rganishimiz kerak.

Shunday ekan, qiladiganlarimiz va qilmaydiganlarimizni aniqlaylik!

@bekhmirzayev_blog

Yordam bermang!

Ishxonamizda yoshlari katta inson borlar, tayoqqa suyanib yuradilar. Barcha joyga o'zlari og'ir-bosiqlik bilan hassasiga tayanib borib keladilar.

Ilk bor ko'rganimda yordam berishmayotganidan jahlim chiqdi. Bordim, yordam taklif qildim, qo'llaridan ushladim.

Birinchi qilgan ishi meni qaytarish bo'ldi, keyin zinadan o'zi chiqdi.

Tushundimki, men va mening do'stlarim amakiga yordam berib yashashganida, hozir zinaga chiqish u-yoqda tursin hassadan ham foydalana olmasdilar.

Ja'fari sodiq Abu Hanifadan so'ragan:
- Sizningcha oqil kim?
- Oqil shundayki, ikki yaxshilik va ikki yomonlikning orasidan yaxshirog'ini va yomonrog'ini ajrata oladi.

@bekhmirzayev_blog

1- yanvardan o‘zgarmoqchi bo’lganlar diqqatiga:

O‘zgarishni ertadan yoki bugundan ham boshlasa bo‘ladi.

Buning uchun Sezar belgilab bergan yil boshini kutish shart emas.

Baribir kutaman deganlar uchun eslatma:

Aynan kutuvchilarning o‘zgarishlari odatda yil oxirigacha ham yetib bormaydi.

@azizrakhimov_blog | @bekhmirzayev_blog

2024 yil o’rganganlarim

Noto’g’ri boshlashdi, avtoulov haydashda birinchilardan bo’lib kamar qadashni o’rgatishmadi. Endi esa ulovdan tushayotib eslayapman: boshlash yetarli emas, to’g’ri boshlashga ham e’tiborli bo’lish kerak.

Ishsizlikdan qiynaldim, yolg’on gapirishga majbur bo’ldim, ma’suliyatsizlik qildim, Rustam Tursunovga shogird tushdim: ustoz - tajribalari orqali to'g'ri yo'l ko'rsatadi, barchamizga ustoz kerak.

Kutuvim 0 edi, amaliyotdan keyin ish topa olmaslikka ruhan tayyor edim, kutganimdanda yomonrog'i sodir bo'ldi, kutuvlarni 0 ga emas minusga tushirishni boshladim, endi 0 ham men uchun natija va baxt: kutuvlarni past qilish va eng yuqori kutuvga ham tayyor bo'lish kerak.

Yaxshi joyda ishlayotgan edim, boshqa joydan taklif keldi, ikki yaxshi tanlov orasida qiynaldim, ustozim dars sifatida ma'suliyatli qarorni o'zimga qoldirdi, yo'nalishimdagi kitoblarning "Ishdan ketish" mavzularini o'rgandim, o'rgatishdi, kitoblardan yechim topdim: ustozning topshiriqlariga kitoblardan yechim topilar ekan.

@bekhmirzayev_blog

Rivojlanishda yon atrofingizdagi ilmli insonlar bilan qilingan raqobat muhim tamoyillardan hisoblanadi, lekin raqobatdanda yaxshiroq narsa bu muhitdir.

Insonni shakllanishida yaxshi muhitning ta’siri katta.

Ustozimi Aziz Rahimov “Paralell muhit” nomli club tashkillabdilar, clubga qo’shilish esa bir necha kunda yopilar ekan.

@parallelmuhit_bot
Oylik to’lov 67 ming so’m

Yana bir, doim yaxshi kontent qiluvchi va kontentlarni pulga sotuvchi ustozimizning ham clublari bor. Ko’pchiligimiz tanigan Abdusattor akaning “Maqsad” clubi haqida gap ketyapti.
Bu clubni ham tavsiya qilaman.

@Maqsad30bot
Oylik to’lovlik, 88 ming so’mdan.


Endi esa qimmatrog’i haqida aytib o’taman, boshqa bir ustozimiz, manajer, tadbirkor, yaxshigina tajribaga ega Abdulloh ustoz menejerlar uchun kurs qilgan ekan, sohangiz shu bo’lsa o’qishingiz ma’qullanadi.

https://telegra.ph/Samarali-boshqaruv-kursi-12-08


Clublarga tezroq qo’shilinglar, pul yig’ib kursni sotib olinglar, postni o’chirib yuboraman!

Siz aybdor emassiz.

Tonggi soat 9 lar, maktabdaman, qo'riqlash xizmatidagi akaning oldida ishimni qilayotgan edim, ular bilan yaxshi munosabatda edik. Tasodifan so'kib qoldi, tortishib ketdik, Bir necha kun oldin ular qilgan xato ishni "yopdi-yopdi" qilgan edim, bunday munosabat qilgani mening ham bir necha kun davomida to'plab yurgan agressiyamni oshirib yubordi.
Doimgi kulib yurish yo'q, 1-2 soatlarcha oldimdan chiqqan barchaga achchiq qildim, qo'pol gapirdim hattoki direktor bilan tortishdim.

Xizmatdagi aka kechki smenaga qoldi va ertaman-da boshqa bir hurmati baland inson bilan tortishib qolgani ammo hurmati yuzasidan jim turganini, barcha jahlni esa o'sha paytda noto'g'ri vaziyat tufayli menga chiqib ketganini tushuntirdi, uzr so'radi, akani to'g'ri tushundim. Men esa 1-2 soatlik odamlarni eslay olmayman, uzr ham so'ray olmadim.

Agressiyani to'plab boshqa bir insonga chiqarib yuborish odatda munosabatlarga kuchli ta'sir qilar ekan(tadqiqotda aytishdi).
Bu ishimdan hozir biroz xijolatdaman.

Odatda, muammo paydo bo'ldimi vaqtida aytar edim, kimningdir so'zi, xatti-harakati yoqmasa ham o'ziga aytadigan darajada betgachoparlik qilardim, va bu odatim bilan men ichimda agressiya saqlamas edim. Bu odat esa mening baxtlilik darajamga ulkan ta'sir qilayotgan edi. Sizlarga ham foydalanishni tavsiya qilaman.


Tanganing boshqa qismi: biror inson sizga jahl qilishida doim ham sizning aybingiz bo'lmasligi mumkin, insonmiz, barchamiz xato qilamiz, u insonni ham to'g'ri tushunishimiz va doim ham ranjimaslikni o'rganishimiz lozim.

@bekhmirzayev_blog | Anonim

Tanlovlar

Oyiga 2mln oylik olasiz, ishingizni yoqtirasiz, umuman olganda hozir qilayotgan ishlaringiz 1 yil oldin tasavvur qilib bo'lmas edi.
Telegramga kirdingiz, yangi vakansiya, oylik yuqori, ishdagi o'rganish ham ko'proq, do'stlaringizga yaqinroq, networkingbop manzil, umuman olganda ideal.
Bir necha kun uxlatmaydi.

Kichik hayotiy tajribalardan angladimki, inson faqat tanlovlardan iborat ekan. Bizning qadarimiz aniq, ammo bizga noma'lum, bu esa har bir tanlovning murakkabligini anglatadi.

Qazo va qadar hamda insondagi tanlov haqida shunday tushuntirishgan edi.
Oldingizda 5 ta qishloq bor, qaysi biriga kirish tanlovingiz, u yerda sodir bo'ladigan ishlar esa qadaringizdir, degandilar.

Tanlovlar:
Har qanday rejalaringizni buza oladi
Maqsadlaringizni soniyasiga o'zgartira oladi
Kutuvlaringizni sindira oladi
…

Sizning tanlovingiz boshqa insonning hayotini yaratishi, vayron qilishi, rivojlantirishi mumkin.
Tanlovlarga jiddiy munosabat bildirmaslik esa mas'ulyatsizlikdir.

@bekhmirzayev_blog | Anonim

Zukkolar va landavurlar

Kitobda bir ma'lumot berilgan edi: IQ test insonning IQ sini o'lchaydi, hayotda osonroq yashash esa bu testga bog'liq emas!

Hamda bir tadqiqot haqida aytilgan edi: maktabda 2 turdagi(IQ darajasi yuqori-"aqlli", IQ darajasi past-"aqlli bo'lmagan") bolalarga topshiriq berilgan edi. Topshiriq: sizga sochiq berilgan undan qanday qilib foydalanish mumkin?
1-turdagilarning javobi:
1. Yuz-qo'lni artish mumkin

2-turdagilarning javobi:
1. Yuz qo'lni artish
2. Yoqib, isinish
3. Partaning oyog’iga tirgak qilish
....

Tadqiqotdan o'rganishimiz mumkin bo'lgan narsa: har bir narsaning boshqa tomonlari mavjud, har bir buyum yoki jarayondan turli xil insonlar uchun turli xil maqsadlar mavjud. Qisqa qilib aytsa hayot yagona qarashlardan iborat emas.

Maktab - kimgadir qamoqxona, boshqa biriga o'z imkoniyatlarini aniqlash markazi.
Universitet - kimgadir diplom beradi, boshqa biriga kuchli ustozlar va yaxshi networking berishi mumkin.
Oylikli ish - kimnidir qul qiladi, boshqa inson o'z ishidan rohatlanib insonlarga foyda beradi.
....

Jarayon qanday bo'lishi ahamiyatsiz, siz jarayonga qaysi nazardan qarashingiz muhim!

Doimo zukko bo'ling, landavurlardek yomon tomonlarga boqmang!

@bekhmirzayev_blog | Anonim

Qizlarning muvaffaqiyati

21-asrning odatiy yutuqlarga erishgan, kelajagi uchun harakat qilayotgan qiz deganda, deyarli barchaning hayoliga yuqori IELTS natijasiga ega, universitetga grantga kirgan, boshqa bir sohada ishlaydigan qiz siymosi yaraladi.

Ko’plab insonlar eskicha deydigan 18 yoshlik qiz haqida aytib bermoqchiman.

4 ta tilda suhbatlasha olgan(O’zbek, Rus, Ingliz, Arab), Arab tilini mukammal bilgan. E’tiborli tomoni tillarni o’rganish uchun o’quv markazlaridan emas online qo’llanma va darsliklardan foydalangan.

Maktabni qizil diplomga bitirib, universitetga grantga kirgan.

Tikuvchilik hamda pazandachalikdan ham intizom bilan masofadan o’rgangan, o’z mahallasida qo’shnilari uchun pardalar tikib sotgan.

Diniy ilmini ota-onasi yoshlikdan berib borgan, xulqiga Qur’on singan, Qoriya edilar.

Shunchasidan yana vaqt ajratib arab tilida bitilgan kuchli kitoblardan 4 donasini tarjima ham qilganlar.
Nashr qilinsa va bizgacha yetib kelsa sotuvini ham yo’lga qo’yamiz.

Bundayin vaqtida barakasi bo’lgan muslima opa/singlimiz orqa miya saratonidan olamdan o’tdi. Ularning haqlariga duo qilib qo’yaylik.

@bekhmirzayev_blog

Havaskorman

Men havaskor futbolchiman. Futbol haqida o'zimga kerakli narsalarni bilaman, ammo maydon uzunligi, uning kengligi, koptok vazni haqida bilimlari yo'q.

Men havaskor haydovchiman. Manzilimga yetib bora olaman, ammo qoidalarni to'liq bilmayman, avtomobilimda baland musiqa eshitib insonlar oldidan o'tib ketaman.

Havaskor va professionalning farqi texnik qonun-qoidalarini bilish darajasida farqlanadi.
Istalgan soha, jarayon yoki amallarni qarasangiz chiroyli ko'rinishi mumkin, lekin bu chiroyli harakat texnik jihatdan to'g'rimi? insonlarga yoqish uchun qilinmadimi? degan savollarni berishingiz kerak.

Uzoq muddatli harakatlar, ularni ajratishning eng yaxshi usulidir.
Sizga yaxshi gapirgan haydovchi qizilda o’tishi mumkin, yangi biznes boshlagan 1 yilda bankrotga uchrashi mumkin, hijobda yuribdi ammo amallari musulmonniki bo’lmasligi mumkin…

Havaskorlikda qilingan amallarning katta qismi inson nafsi o’laroq qilinadi.
Ilm shuning uchun kerak, nafsga uchmasdan qoidasiga amal qilishga!

@bekhmirzayev_blog

Erta uyg'onish formulasi

Menga o'xshagan dangasa, tanbal hamda ishyoqmaslar uchun mo'ljallangan usul bo'lib bizdan ko'p narsa talab etilmaydi.

1. Shubhasiz, erta uxlash. 10 dan oldin.
2. Erta tongga mas'ulyatli vazifa yuklash. Tavsiya: pullik narsa bo'lsin(kurslar), uning qiymati esa ko'zga ko'ringudek bo'lsin.
3. Ekran vaqtini kamaytirish, to'liq kunlik nazarda tutildi.
4. Yotishdan oldin suv iching, faqat iching!

Bu yerda yashirin texnika yo'q, shunchaki uxlab qolsangiz moddiy tomonlama zararga kirasiz. Boshida biroz qiynashi tabiiy holat.

Ishoning, bu usulni 1 hafta qo'llasangiz sizga budilnik shart emas.

Fikr-mulohazalar uchun | Anonim
@bekhmirzayev_blog