Maqolalar | Azizbek Zubaydullayev

@Azizbek_Zubaydullayev

Гео и язык канала: Узбекистан, Узбекский

Категория: Блоги

Islomiy-shaxsiy rivojlanish trenerligi bo’yicha xalqaro sertifikatga ega trener - Azizbek Zubaydullayevning maqolalari toʻplami
Boshidan diqqat bilan oʻqib chiqishni qattiq tavsiya qilaman)
Murojaat: @Azizbek_murojaatbot

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Maqolalar | Azizbek Zubaydullayev

1 Nov, 06:47

Yaxshi koʻrgan maqsading tomon hatto mashaqqat ham rohatga aylanadi

268 0 2 2

Maqolalar | Azizbek Zubaydullayev

31 Oct, 17:00

Yaxshi koʻrgan maqsading tomon - doim yomon koʻrgan vazifalaring chiqaveradi

402 0 3 3

Maqolalar | Azizbek Zubaydullayev

31 Oct, 16:33

Kunlarim bekor oʻtardi.

O'sha paytlarda men uchun - hissiyotlar qanday kelsa o'shanday his qilinishi kerak edi. Dangasalik kelsa, dangasalik qilinar, ko'ngilxushlik xohlansa - ko'ngilxushlik qilinar edi.

Menga majburiy berilgan vazifalar bo'lmasa, qolgan butun kunlarim bekor o'tardi: shanba-yakshanbalar, yoz kunlari deyarli butunlay bekorchilikda o'tar edi. Xullas - mustaqil iroda deyarli shakllanmagan edi

So'ng esa, ayni shu yo'nalishdagi kitoblarni o'qish orqali 3 ta muhim koʻnikmalarni shakllantirdim: shijoat beruvchi katta maqsadga ega bo'lish, kunni foydali vazifalar rejasi bilan to'ldirish, bajarish vaqti kelganda intizom qila olish

O'shandan so'ng kunlarim mazmunga to'lib ketdi, men uchun endi bo'sh va band kunning farqi qolmadi, barcha kunlarim go'zal Oliy maqsadim tomon mazmunli bir qadamga aylandi

Lekin, bir muammo ham bor edi: kunlarim faqat moddiyat tashvishi bilan o'tayotgandek, ruhiyatimni, qalbdagi halovatni butunlay unutgandek his qilardim. Bu esa - bir yangi bilim turini o'rganishimga majbur qildi

O'sha nimaligi qiziqmi?

428 0 2

Maqolalar | Azizbek Zubaydullayev

31 Oct, 16:33

Yoʻlimni yoʻqotib qoʻygan edim

Tahminan 7 yil oldin juda yomon holatga tushib qolgan edim: maqsadlarim chalkashib ketgan, nima qilishimni bilmay qolgan, hayotim mazmunini yo'qotib qo'ygan edim. Hech narsa qilgim kelmay qolgan edi. Deyarli butun yilim tushkunlik, maqsadsizlik, shijoatsizlik bilan o'tgan edi.

Keyin esa, axiyri bu holatdan chiqishga qaror qildim. O'zimni rivojlantirish uchun bilimlar o'rganishni boshladim: Shaxsiy rivojlanishdagi ko'plab kitoblarni o'qiy boshladim.

Shaxsiy rivojlanish kitoblari - moliyaviy va karyera maqsadlarimni qurib olishimga, islomiy shaxsiy rivojlanish esa - hayotim mazmunini topib olishimga yordam berdi

Barchasi o'shandan keyin bo'lib ketdi... IELTS, ishlashni boshlash, mustaqil daromadga ega bo'lish, madrasa, online loyihalar, xalqaro trenerlik...

Uning 2-bosqichi ham qiziqmi?

363 0 1 3

Maqolalar | Azizbek Zubaydullayev

31 Oct, 15:49

Mingdan bir qismini ko'ryapsiz

Ijtimoiy tarmoqlarda ko'zim tushadi: Eng chiroyli joylarda, eng mazali ovqalar iste'mol qilayotganini ko'rsatishadi.

Har kim eng yaxshi holatini ko'rsatishga harakat qiladi. Aslida, ko'rsatayotgan hayotini har kuni yashamaydi.

Haqiqiy hayotini yashirishadi. Bir lahzalik jarayonni ilib olib, xuddi o'zini hayoti shudek qilib ko'rsatishadi.

Ko'rganlar solishtiradi. Shu insonga mazza. Hayoti go'zal. Biz ham qachon shunday yasharkanmiz

Yo'q. Siz uning hayotini mingdan bir qismini ko'ryapsiz xolos. Va eng yaxshi qismini.

Muammolari, qiyinchiliklari, hatto yig'lagan vaziyatlari bor. U voqeani orqasida ko'plab boshqa voqealari bor.

Ko'rsatuvchilar: Noshukurlik, hasad kelib chiqishiga sabab bo'lmang. Oyda bir duch kelgan lazzatli taomlaringiz-u, mashhur insonlar bilan uchrashuvlaringizni har kunlik odat kabi ko'rsatmang.

Kunlik odatingiz shunday bo'lganida, bu siz uchun normal bo'lib, ko'rsatishdan zavq olmas edingiz.

Kuzatuvchilar: Ularni ideal deb o'ylamang. Aytganimdek, bir parchasi va eng qarmoqqa ilnadiganini, bezagan holda ko'rsatishadi, xolos.

@Sarvar_Nazarboyev

392 0 2 2

Maqolalar | Azizbek Zubaydullayev

29 Oct, 10:14

Rizo

Bizni qayga uchirar-o
Goʻzal taqdir shamollari
Qayga eltsang boʻldim rizo
Xush kelibsan, Alloh taqdiri

Sinov kelsa etmay isyon
Sokindirmiz, kelsa boʻron
Chunki qalbda bordir iymon
Xush kelibsan, Alloh taqdiri

Rizo ekan iymon sharti
Taqdirida koʻp hikmati
Sabr qilgin, bor jannati
Xush kelibsan, Alloh taqdiri

Neki bersa rahmat boʻlar
Hatto sinov neʼmat boʻlar
Izlaganga qurbat boʻlar
Xush kelibsan, Alloh taqdiri

Rohat muhim sanamasmiz
Qiynalsak ham xafamasmiz
Baxtni nafsga bogʻlamasmiz
Xush kelibsan, Alloh taqdiri

Biror istak qistamasmen
Xohishdan baxt izlamasmen
Ne bersang ham roziman men
Xush kelibsan, Alloh taqdiri

Yaxshi yomon ajratmasmiz
Oʻzimizga tanlamasmiz
Istagidan ayromasmiz
Xush kelibsan, Alloh taqdiri

Ne tanlasang, xayr bordir
Allohimdan eʼtibordir
Bizda ne naf ixtiyordir
Xush kelibsan, Alloh taqdiri

Lek taqdirga toʻnkamasmiz
Gunohlar-u nuqsonimiz
Harakatdan toʻxtamasmiz
Xush kelibsan, Alloh taqdiri

Ey Allohim istagim Sen
Rozi boʻlgin baxtliman men
Qolganiga qiziqmasmen
Xush kelibsan, Alloh taqdiri

1-qism | 2-qism
@Azizbek_Zubaydullayev

573 0 6 4

Maqolalar | Azizbek Zubaydullayev

29 Oct, 06:46

📱Elektron kitob oʻqish

Hayotingizni mazmunli qiladigan eng muhim odatlardan biri - doimiy ravishda kitob oʻqishdir. Kitob oʻqish sizni shijoatli, yuqori maqsadli va bilimli qiladi

Buni shakllantirishning eng yaxshi yoʻllaridan biri - doim yoningizda boʻladigan telefonda elektron kitob oʻqishni odat qilishdir

Uning uchun eng yaxshi dasturlarni aytay

🔵Hilol ebook - dinimizdagi deyarli barcha oʻzbekcha mashhur kitoblar jamlangan dastur

🔵Moon Reader - Pdflarni telefon ekraningizda oʻqishga qulay qiluvchi moʻjizaviy dastur

🔵Tafsiri hilol - Tafsiri hilol kitobining elektron shakli

🔵Readera - Rasmdan skaner qilingan kitoblarni tez va qulay oʻqish uchun

💎Muhim koʻnikmalar 2-qism
@Azizbek_Zubaydullayev

626 0 8 4

Maqolalar | Azizbek Zubaydullayev

28 Oct, 18:26

Baʼzida asl orzuimizni unutib qoʻyamiz. Uni qayta eslash - juda katta shijoat beradi

720 0 3 1

Maqolalar | Azizbek Zubaydullayev

27 Oct, 07:08

❤️‍🔥Shijoat beruvchi maqsad

Hayotingizda eng muhim koʻnikmalardan biri - shijoat beruvchi va katta maqsadga ega boʻlishdir

U boʻlmasa, kuningiz, umuman - hayotingiz samarasiz, hafsalasiz va mazmunsiz oʻtadi

💚U bilan esa, uygʻonish uchun sabab topasiz, kun boʻyi unga intilib ham, vaqt oʻtganini sezmaysiz, hayotingiz mazmunli va barakali boʻladi

U shunday boʻlishi uchun

• Oʻzingiz tomoningizdan tashabbus bilan qoʻyilgan

• Erishsangiz, hayotingizga juda katta natija olib keladigan

• Erishish qiyin, lekin siz ishonadigan

• Aniq, oʻlchovli, vaqt bilan chegaralangan boʻlishi kerak.

✔️Agar hali shunday maqsadingiz boʻlmasa, buni "Qadam ba qadam" "Har kim har kim boʻla oladi" kitoblaridan, "Orzu safari" 3 qismli darslarimdan oʻrganishingiz mumkin
Muhim koʻnikmalar 1-qism
@Azizbek_Zubaydullayev

940 0 10

Maqolalar | Azizbek Zubaydullayev

26 Oct, 11:38

Yigit bola uchun qiz bolaning hatto kiyimiga tikilib qarash ham shahvatini keltiradi.

Undan ham tiyilish kerak

874 0 3

Maqolalar | Azizbek Zubaydullayev

26 Oct, 04:07

Faqat, shartim - har bir bandni shoshmasdan, tafakkur bilan oʻqing.
Har biriga katta maʼno kiritishga harakat qildim

Va, fikringiz qiziq)

954 0 0

Maqolalar | Azizbek Zubaydullayev

26 Oct, 04:07

Musibat tuhfasi
yoxud "Haqiqiy baxt"

Qarimasmiz, lekin koʻrdik
Umrda koʻp baxt-u, kemtik
Lek yoshlikda koʻp gʻoʻr edik
Ichda boʻm-boʻsh, porlab tashqida

Rohatni baxt sanar edik
Lazzat koʻrsak quvnar edik
Lekin bilmay yashar edik
Qalb oʻlarkan, nafsning zavqida

Sinov kelsa tezda aynib
Darrov isyon etar edik
Taqdir inkor etar edlk
Baxtni koʻrmay, Uning rizqida

Lekin bir kun keldi azob
Barcha yoqdan qisdi girdob
Nafsim qaqshab, mazmun izlab
Qalb ochildi, azob joʻshqida

Soʻng tushundim, nafsim - bekor
Lazzatlaru, oʻyin bekor
Haqiqiy baxt - yagona Yor
Unga iffat, qurbat koʻshkida

Endi pastqam istamasmiz
Sayoz lazzat koʻzlamasmiz
Baxtni nafsdan izlamasmiz...
Baxt - Allohdir, Uning ishqida...
@Azizbek_Zubaydullayev

1.1k 2 11 8

Maqolalar | Azizbek Zubaydullayev

25 Oct, 18:09

Musibatlar meni avvalgidan koʻra qanchalik kuchli insonga aylantirganini tasavvur ham qila olmasangiz kerak

Baʼzi orzularimga yetisha olmaganimdan, yengillikka chiqishdan oldin oʻta azobli hayotda yashaganimdan xursandman

Barchasi uchun alhamdulillah

924 0 4 2

Maqolalar | Azizbek Zubaydullayev

25 Oct, 16:08

Juda kamdan-kam odamlar bilan 5 minutdan ziyod gaplasha olaman: maqsadi kichiklar va qalbidagi maʼnaviyatni kuchaytirishni xohlamaydiganlar bilan suhbatimiz faqat hol-ahvol soʻrashish boʻladi. Yengil mavzularda suhbat qila olmayman

Shunday xislatli insonlar bilan esa, soatlab gaplashsam ham gapim tugamaydi.

Boʻlajak juftim ham shunday boʻlib chiqadi degan umiddaman

1k 0 5 4

Maqolalar | Azizbek Zubaydullayev

25 Oct, 13:41

Kimlardir omadni kutadi. Kimlardir esa omad kelishini majburlaydi

@Azizbek_Zubaydullayev

993 0 3 1

Maqolalar | Azizbek Zubaydullayev

23 Oct, 20:50

14 kunlik chellenj hisoboti va xulosalari (1-qism)

Awaken the giant within - 280 bet (+ 4kun faqat o'qiganimni Notionga ko'chirdim)
Yoz, qisqartir - 180 bet
Jami - 440 bet

Chet tilida film ko'rish (Arab tilida)
Yunus Emro - 7ta qism 45 minutdan - 305 minut
Etik kiygan mushuk 2 - 95 minut
Jami 400 minut

Sport - 13 kun✅ Home Workout dasturidan

Xulosalar:
💙Avval faqat 1 pomidor o'qirdim. Men juda band hayotda yashayman: madrasa o'qishi va vazifalari, online ishim, o'z ustimda qo'shimcha shug'ullanish'https://t.me/AzizbekZubaydullayev/6370b' rel='nofo/bllow'>.
Lekin inson xohlasa, yana ham vaqt topa olar ekan. 2ta pomidor(1 soat)ga ham chiqara olar ekan.

🩵Telefonda elektron o'qish - yo'lda va kichik tanafuslarda qog'oz kitoblardan ko'ra qulayroq ekan. Moon Readerni mo'jizaviy dizayni va qulayligidan haqiqatda maza qildim

💙 Avval charchaganda Youtube Shorts yoki Twitter kirib, vaqtni bekor ketkazar edim. Hozir esa, u ilovalar hatto begona bo'ldi. Va charchaganimda - yo arabcha multfilm yo arab tilida Yunus Emro ko'ryapman. Ham dam olaman, ham yo'l-yo'lakay til o'rganaman

🩵Sportni yanada ko'proq shug'ullanish odatimga aylandi. Va bu - ayniqsa oshqozonim sog'ligiga va uyqu sifatiga juda ijobiy ta'sir qildi. Avval - yotsam soatlab uxlolmas edim. Hozir esa, soat 23 bo'ldiki, 'tayyor" bo'laman. Va uyqudan ham to'yib turyapman alhamdulillah

⚡️Umumiy xulosa: Inson qancha vaqtdan beri oʻz ustida shug'ullanayotgan bo'lsa ham, yaxshilanish uchun har doim joy topilar ekan
@Azizbek_Zubaydullayev

1.3k 0 8 2

Maqolalar | Azizbek Zubaydullayev

23 Oct, 15:06

Uyquni tartibga solish & barvaqt uyg'onish — Azizbek Zubaydullayev

26:04

🌙Uyquni tartibga solish

🔵 Barvaqt uxlash sirlari
🔵 Uyquni sifatli qilish
🔵 Barvaqt uygʻonish

929 1 55 4

Maqolalar | Azizbek Zubaydullayev

22 Oct, 16:12

"Azob koʻrdik" deb nadomat qilganimiz yoʻq
Quldirmiz, Allohdan oʻzga bilganimiz yoʻq
Bu dunyoga rohat uchun kelganimiz yoʻq...
Rohat qoldirildi mavhum muddatga
@Azizbek_Zubaydullayev

1.1k 0 6 4

Maqolalar | Azizbek Zubaydullayev

22 Oct, 06:20

Emotsiyani oʻzgartirish usullari

• Diqqatni oʻzgartirish. Yaxshi narsaga eʼtibor qaratish

• Ishonch. Yaxshi narsaga ishonchni kuchaytiruvchi narsalarni izlash

• Savollar. Imkon izlovchi, "bunga qanday erishsam boʻladi" kabi ruhlantiruvchi savollar berish

• Jismoniy holat. Uni bukchaygan, lanj holatdan - qadni tik tutib, chuqur nafas olib, "huh" deb energetik baqirib olish

• Oʻzlik. Oʻzlikni "menda bunda qobiliyat yoʻq, men shunday tugʻilganman"dan "menda barchasida qobiliyat bor, faqat toʻgʻri harakat qilishim kerak" kabilarga oʻzgartirish

"Awaken the giant within"dan

@Azizbek_Zubaydullayev

1.2k 0 4 2

Maqolalar | Azizbek Zubaydullayev

21 Oct, 19:51

Oʻzingni majbur qilish iloji bor

Kecha juda yomon uxladim. Ertalab qayta uxlash uchun imkon yoʻq: madrasaga barvaqt chiqib ketish kerak

Darslarni boshim ogʻrib tursa-da, oʻrgandim. Keyin esa, aksiga olib, peshinda ham uxlay olmadim.

Va ustiga, ertaga 3 ta juda qattiqqoʻl ustozlarning vazifalari koʻp vaqt oladigan darslari bor.

Endi ahvolimni tasavvur qilsangiz: bosh ogʻrib turibdi, tana jon deb telefon titkilab, bekorchilik qilishni xohlaydi. Kitob esa, umuman miyaga kirmaydi, haddan tashqari qiyin koʻrinadi

Lekin...iloj yoʻq. Oʻzimni qanday boʻlsa-da, majburlash kerak. Chunki, men buni xohlayman

1. Miya dam olishi ustida biroz Yunus Emro koʻrdim. Ancha ruhiy energiya ham oldim

2. Keyin sifatli ovqat yedim.

3. Kofe ichdim

4. Va... qiyin koʻrinsa-da boshladim. Boshida juda qiyin boʻldi. Lekin biroz vaqt oʻtgach, moslasha boshladim. Va hatto tezligim ham oshib ketdi

5. Tahminan 3 soat shu darslarni qildim

6. Yoʻlda ham yarim soat vazifa qildim. Va yarim soat kitob oʻqidim

7. Hozirgina kunlik sport vazifamni bajardim

Va hali 1 soatlik online darsim bor va yana yarim soat kitob oʻqishim kerak

Xullas, inson kuchli xohlasa, oʻzini majbur qila olar ekan.
@AzizbekZubaydullayev

1.1k 0 6 1

Показано 20 последних публикаций.

3 103

подписчиков

Статистика канала

Язык сайта

Магия и Таро

Не от лукавого

Зарабатывайте на рекламе

Maqolalar | Azizbek Zubaydullayev

Гео и язык канала

Категория

3 103

Популярное в канале