АВТОКРАТИЯ (ЯККА ХОКИМЛИК) КЕТСИН✅

Ўзбекистонда жакмиятнинг аста-секинлик билан бўлсада, ўйғонаётганини кузатиш мароқли. Ўзбекистон, чорак аср давомида – ҳудди планетамизда йўқолиб қолган жамиятга ўхшарди. Бу жамиятдаги одамлар нималар ҳақиду ўйлаши, нималарга интилиши, уларни муаммолари-ю, ютуқлари нималар эканлиги ҳеч кимга маълум эмасди. Лекин, ҳали 35 миллионлик Ўзбекистон ўз салоҳиятига яраша мақомга, салобатга ва фаолликка эришгунча, жуда кўп вақт борга ўхшайди. Жамият тафаккурида авторитар фикрлаш жуда кучли.
*
Жамият давлатга ишонмайди ва қурқади, давлат ҳам жамиятга ишонмайди ва уни фаоллашувига хавотир билан қарайди. Ҳокимият алмашгач, мана шу қўрқув ва ишончсизлик занжири узилмади. Давлат вегетариан бўлишни дунёга эълон қилди. Бу қанчалик қийин бўлмасин, “вегетарианлик йўлидан қайтмаймиз” деб доим таъкидлаб келмоқда. Лекин, вилка ва пичоқларини ташлаб юбормади, дастурхон остига олиб қўйди. Ўша сиртларида кизил ранг қотиб, ювилса ҳам тоза бўлмаган пичоқ ва вилканинг учлари дастурхон остидан чиқиб турибди.
*
Ҳукумат “ўзгараман” дейиши замирида, жамият билан янги консенсус – янги ижтимоий-сиёсий келишув тузиши назарда тутиларди. Лекин, ташқаридан қараганда, ҳукумат иккиланаётгандек. Агар ҳукумат Конституциянинг ҳокимият мандатлари борасидаги асосий талабни инкор қилиш ниятида бўлмаса, ижтимоий-сиёсий фаолликни секинлатишга зарурат йўқ эди. Ўзбекистонда ижтимоий-сиёсий тафаккур ўта кучли инқирозда, сиёсий тафаккур маргинал бир аҳволда. Уни ривожланиши учун жуда кучли рефлекция, анча эркин жараёнлар керак бўлади. Жараёнлар муаммоларни англашга, янги қарор ва воситаларни излашга тақозо қилади.
*
Тарихан, бизда фақат кичик нарсаларни деб катта тақдирлар қурбон қилиниб келинди. Примитив талқиндаги ҳокимият комфорти деб, катта ислоҳотлар ва катта мақсадлар бой берилди. Аслида, катта мақсадларга иккиланмасдан ҳаракат қилинса, балки, айнан ўша ҳокимиятни ўзи жамиятнинг ишончида ва эътирофида бўлиши мумкин эди. Лекин, негадир тарих такрорланаверади: примитив талқиндаги комфорт ва назорат, тарихий хотира ва чексиз ишончдан, реал ўзгаришлар ва миллатни катта кучга айланишидан тўсиб қолаверади. https://www.facebook.com/rabbimov.kamoliddin

Kalimulloh Mas'ud
3s ·
#Яқин_ўтмиш_устозлар
Дўстмуҳаммад Бодарий домла роҳматуллоҳи алайҳ бир куни бозорда юрсалар олдиларига бир лўли аёл келиб:
– Ҳов ота! Манга қаранг, бир фол кўриб қўйинг, тақдирингизда нима борлигини айтайин, озгина атасангиз бўлди, – деб ҳеч ҳоли жонларига қўймабди.
Шунда домла:
– Хўп, сен айтганча бўлсин, сўраган пулингни бераман, битта савол бераман, жавоб берсанг бўлди, – дебдилар.
– Сўранг, бобо, дарров айтиб бераман, – дебди лўли аёл.
Домла эса:
– Менинг исмим ва отамнинг исми ким? – дея сўрадилар.
– Э, шуям савол бўлдими? Билмайман, – дебди лўли хотин.
– Отамнинг исми, менинг исмимни билишга қодир эмас экансану, ғайбни қаердан билардинг? Нафсингни ўйлаб, охиратингни куйдирмагин, Худодан қўрқ! – деб насиҳат қилибдилар.
©️ Телеграмдан кўчирилди

“Қандай миллат бўлдик?! Оддий туман ҳокими ўринбосари ҳам кутубхона ё бошқа маърифат ўчоғини тезда бузиб ташлаб, ўрнига мебель цехи қуришга изн бера олади! Аммо ҳатто катта шаҳар ва вилоят ҳокимияти ҳам ўн нафар ижодкор чақириб, ўзича битта халқаро фестиваль ўтказа олмайди... Ситилар қуряпмиз, бироқ суратда кўриб турганингиздек, катта шоиримиз Чустий домланинг сўлим Ғова қишлоғидаги ҳовлисиниям ташландиқ жойдек ташлаб қўямиз. Чуст туманида ўзи учта катта улуғ аждодимиз бўлса, бири Сўфизода, яна бири Чустий домла! На уйлари, на музейлари бор, на адабий мерослари билан танишиш имкони!” деб ёзди таржимон ва шоир Аъзамжон Обидов.

Xabar.uz нашри эса ҳокимнинг муваққат уйи қисқа муддатда битказилганига эътибор қаратди.

“Қизиқ, биргина кам таъминланган оила 500 минг сўм ажратилиши учун ойлаб кутиши керак, биргина ер олиб тадбиркорлик қилиш учун 30 дан ошиқ ҳужжат йиғиш асаббузарлиги бор, бир хонали уйингизни ремонт қилишингиз учун камида бир ой вақтингиз кетади, пул топсангиз, уста топмайсиз, уста топсангиз, пул топмайсиз. Аммо раҳбар учун пул ҳам, уста ҳам, ер ҳам, вақт ҳам чикора экан. Бу ихчамгина, аммо дачалардек ҳашамдор кўринишдаги ҳовлида яшаган ҳоким халққа янада яқин бўла оладими ё яна ўша гап – танаси бошқа дард билмас, деб ёзғириб юраверамизми?” дея мутасаддиларни саволга тутди Xabar.uz нашри. https://www.ozodlik.org/a/ozoddayjest-05-03-21-1/31134666.html

OzodDayjest: Ортиқхўжаевга гап тегмаслиги учун “Tashkent city”да рўй берган жиноят босди-босди қилинмоқда
42 дақиқа аввал
Озодлик

Ўртоқлашинг

Принт қилиш

Cолиқ қўмитасининг “обналчи”ларга қарши ҳаракати қизил гвардиячилар ҳужумига ўхшатилди. Тартиб посбонлари “Tashkent city”да рўй берган жиноятни яширишга уринмоқда. Наманганда вилоят ҳокимига муваққат уй қурилган жамоатчилик томонидан турлича талқин қилиняпти. Жорий ҳафта ўзбек матбуоти шу каби воқеалар ҳақида хабар берди.

__________________________________________________________

Юлий Юсупов: Солиқ қўмитаси соғлом фикр ва қонунлар устидан кулмоқда

Иқтисодий таҳлилчи Юлий Юсупов Давлат солиқ қўмитасининг “обналчи”ларга қарши курашини танқидий баҳолади (www.kun.uz, 1 март)

“Солиқлар тўланиши лозим, ноқонуний битимларга қарши курашиш шарт. Лекин бу ишлар қонуний тарзда амалга оширилиши керак. Солиқ қўмитасининг сўнгги ойдаги ҳаракатлари эса, фикримча, соғлом фикр ва қонунни мазах қилиш, бу “аввал жангни бошлаб олайлик, уёғини кейин кўрамиз” принципи билан бизнес ва бозор иқтисодиётига чинакам “қизил гвардиячилар ҳужуми”нинг ўзгинаси”, деган Ю. Юсупов.

Солиқ қўмитаси “риск-таҳлил” натижасида 396 та корхонадан иборат (кейинчалик 525 тагача кенгайтирилган) “Шубҳали контрагентлар реестри”ни тузган эди. Қўмита талабига мувофиқ, “реестр”га тушган компаниялар ҚҚС зачётини тўғрилаш билан жазоланади ва улар қонунбузарлик қилмаганини исботлаши керак.

Юлий Юсуповга кўра, cолиқ қўмитаси бу билан бутун жаҳонда эътироф этилган айбсизлик презумпциясини бузмоқда. Зеро, фирмалар суд қароридан кейингина қонунбузар, дея тан олиниши мумкин.

Экспертнинг таъкидлашича, ДСҚ барча “шубҳали контрагентлар”ни ёппасига “обналчилар” деб атаган, улар билан ишлаган 10 мингта компанияни далил-исботсиз жиноятда айблаган. Минглаб фирмаларнинг ҳисоб-рақами музлатилиб, 915 миллиард сўм маблағ ечиб олиниши ақл бовар қилмас ҳолатдир.

Юсуповга кўра, солиқ қўмитаси нақадар оғир бўлмасин, ўз хатосини рўй-рост тан олиб, бизнес вакилларидан кечирим сўраши, ноқонуний ечиб олинган пулларни қайтариши ва келгусида хуфёна пул айланмасига қарши қонуний усуллар билан курашиши керак.

ИИБ ходимлари “Tashkent city”да рўй берган жиноятни яширишга уриняпти

Жорий йил 16 февраль куни кечки соат 22:30 да “Tashkent city” ҳудудида шу ерда ишловчи И. Ф. исмли фуқарога бир неча шахс томонидан ўта оғир тан жароҳати етказилган. Бу ҳақда Телеграмдаги Platforma.uz канали хабар берди.

22 ёшли И. Ф. ҳудуддаги ахлат қутисига чиқинди ташлайди. Ҳудудга масъул тозаловчилар эса ўта ёвузлик билан И. Ф. ни дўппослайди, оғир зарбалардан у ҳушидан кетади. Шунга қарамай, уни тепишда давом этишади.

17 февраль эрта тонгда И. Ф.нинг ота-онаси оғир аҳволдаги фарзандини шифохонага олиб боради. МРТ текширувида йигитнинг учта жойи – пешонаси, қовоғи, бурни сингани, ўнг оёғини босолмай, юра олмаётгани аниқланади. Бемор зудлик билан операция қилинади. Аммо ички ишлар масъуллари “Tashkent city” обрўсини туширмаслик учун ҳолатни тезроқ ёпди-ёпди қилишга уринмоқда. Ҳолбуки, йигитнинг калтакланиши “Tashkent city” ҳудудидаги камераларга муҳрланган.

“Нима сабабдан жиноят содир қилган(лар) қонуний жазосини олмаяпти? Ваҳоланки, бу ҳолат Жиноят кодексининг 104-моддасига тегишли. Ички ишлар ходимлари нима сабабдан иш берувчининг фаолияти юзасидан хизмат текширувини ўтказмади? Ваҳоланки, Меҳнат кодексининг 189, 190, 191, 196, 221 ва 222-моддалари тўлиқ бузилган”, деб ёзган Platforma.uz канали.

Наманганда ҳоким ўзига янги уй қурди, атоқли шоирнинг ҳовлиси эса хароб аҳволда

Наманган шаҳрининг Бунёдкор маҳалласида вилоят ҳокими учун барча қулайликларга эга бир неча минг долларлик контейнер – муваққат уй тикланди. Марҳум шоир Чустийнинг Чуст туманидаги ҳовлиси эса хароб аҳволда қолмоқда (“Рост24”, 2 март). Бу икки манзара жамоатчилик томонидан турлича талқин қилиняпти.

Қорақалпоғистондаги бир хонадонда 5 киши ис газидан заҳарланиб вафот этди
2020 йилда ис газидан 106 киши вафот этган.
2020 йилда ис газидан 106 киши вафот этган.

Қорақалпоғистон Бош прокуратурасининг билдиришича, Тўрткўл туманидаги “Янгиобод” маҳалла фуқаролар йиғинида 6 март куни 11:30ларда бир оиланинг 4 аъзоси ва ушбу хонадонга меҳмонга келган бир киши ис газидан заҳарланиб вафот этди.

“Фуқаро И.У.,(эркак) ва унинг қизлари Р.С.,(2003 й.т.), Р.А.,(2010 й.т.) ва ўғли Р.М.,(2005 й.т.) ҳамда ушбу хонадонга меҳмонга келган А.Ш., хонадонда ўрнатилан иситиш печидан сизиб чиққан ис газидан заҳарланиб, вафот этган”-дейилади расмий хабарда.

Ушбу ҳолат юзасидан Тўрткўл туман прокуратураси томонидан Ўзбекистон Республикасининг ЖКнинг 259-моддаси 2-қисми “а, б” бандлари билан жиноят иши қўзғатилди.

Мазкур жиноят ишининг тергови Қорақалпоғистон Республикаси прокуратураси томонидан назоратга олинган.

22 февралда Ўзбекистон Бош прокуратураси 20 февраль куни Хоразм вилоятининг Шовот туманидаги Шовот маҳалласида жойлашган “Ортиқ ота” чойхонасида бир оиланинг беш аъзоси ис газидан заҳарлангани, ойиланинг икки аъзоси вофеа жойида ўлгани ҳақида билдирган.

12 январь куни Самарқанд вилоятининг Каттақўрғон туманидаги Қозоқовул қишлоғида бир оиланинг беш нафар аъзоси ис газидан заҳарлангани ва оиланинг уч фарзанди заҳарланиш оқибатида вафот этгани хабар қилинганди.

Расмий маълумотларга қараганда, 2020 йилда рўй берган 56 та ис газидан заҳарланиш ва 106 та чақнаш ҳолати оқибатида 106 нафар фуқаро вафот этган, 190 нафари заҳарланган ва куйиш тан жароҳати олган. https://www.ozodlik.org/a/%D2%9B%D0%BE%D1%80%D0%B0%D2%9B%D0%B0%D0%BB%D0%BF%D0%BE%D2%93%D0%B8%D1%81%D1%82%D0%BE%D0%BD%D0%B4%D0%B0%D0%B3%D0%B8-%D0%B1%D0%B8%D1%80-%D1%85%D0%BE%D0%BD%D0%B0%D0%B4%D0%BE%D0%BD%D0%B4%D0%B0-5-%D0%BA%D0%B8%D1%88%D0%B8-%D0%B8%D1%81-%D0%B3%D0%B0%D0%B7%D0%B8%D0%B4%D0%B0%D0%BD-%D0%B7%D0%B0%D2%B3%D0%B0%D1%80%D0%BB%D0%B0%D0%BD%D0%B8%D0%B1-%D0%B2%D0%B0%D1%84%D0%BE%D1%82-%D1%8D%D1%82%D0%B4%D0%B8/31137893.html

Zikrulloxon Muxammadxon Ug'li
4s ·
“МАҲАЛЛАБАЙ” иш
Эшик тақиллаб қолди.
– Ким бу?
– Ички ишларданман. Маҳаллабай ишлаб юрибмиз. Қанақа муаммонгиз бор?
– Газ, свет, сув, иш... йўқ!
– Кечирасиз бу бизнинг ваколатга кирмайди...
Эшик тақиллаб қолди.
– Ким бу?
– Солиқданман. Маҳаллабай ишлаб юрибмиз. Қанақа муаммонгиз бор?
– Газ, свет, сув, иш... йўқ!
– Кечирасиз бу бизнинг ваколатга кирмайди...
Эшик тақиллаб қолди.
– Ким бу?
– Молияданман. Маҳаллабай ишлаб юрибмиз. Қанақа муаммонгиз бор?
– Газ, свет, сув, иш... йўқ!
– Кечирасиз бу бизнинг ваколатга кирмайди...
Эшик тақиллаб қолди.
– Ким бу?
– МИБданман. Маҳаллабай ишлаб юрибмиз. Қанақа муаммонгиз бор?
– Газ, свет, сув, иш... йўқ!
– Кечирасиз бу бизнинг ваколатга кирмайди...
.
.
.
Эшик тақиллаб қолди.
– Ким бу?
– Соғлиқни сақлашданман. Маҳаллабай ишлаб юрибмиз. Қанақа муаммонгиз бор?
– Тур-е, падарингга лаънатлар! Бирортанг муаммомни ҳал қилиб бермасаларинг, нима қиласанлар уйма-уй изғиб. Ундан кўра идорангда ўз ишингни қилиб юрсаларинг бўлмайдими!?...
P.S.: Жаноб каттаконлар, муаммоларни ўрганиш учун уйма-уй юриш шарт эмас. Ҳар куни ижтимоий тармоқларда муаммолар кўтарилиб ётибди. Шуларни ҳал қилсаларингиз ҳам кифоя! https://www.facebook.com/zikrulloxon.ergashev