ASR SAXOVAT

#Тақвим 08.02.2025 шанба
Бомдод кириш вақти 06:19
қуёш       07:39
пешин   12:54
аср         16:18
шом       18:02
Хуфтон 19:17

Намозни ўз вақтида муҳофаза қилувчиларга жаннат бўлсин!

🌆 Намозни кириш вақти Пастдаргом тумани вақти билан

🌸 Саловотнинг бешта фойдаси:

1. Саловот саловот айтувчини поклайди.

2. Саловот банда ўлмасидан унга жаннат башорати берилишига сабабчи бўлади.

3. Саловот банданинг қиёмат кунининг дахшатларидан нажот топишига сабабчи бўлади.

4. Саловот банда унутган нарсасини қайтадан эсга олишига сабабчи бўлади.

5. Набий саллоллоҳу алайҳи васалламга салот ва салом йўллаганга у зот жавоб қайтарадилар.

«اللَّهُــمَّ صَلِّ وَسَـــلِّمْ على نَبِيِّنَـــا مُحمَّد».

«Аллоҳумма, солли ва саллим ъала набийина Муҳаммад».

💚 @asrsaxovat

#Тақвим 06.02.2025 пайшанба
Бомдод кириш вақти 06:21
қуёш      07:41
пешин   12:54
аср         16:16
шом       18:00
Хуфтон 19:15

Намозни ўз вақтида муҳофаза қилувчиларга жаннат бўлсин!

🌆 Намозни кириш вақти Пастдаргом тумани вақти билан

Шифокор ҳузурига безовталикдан шикоят қилган хаста келди. Бажариши зарур бир дунё юмуши борлигини, лекин улгуролмаётгани, ишлар эса кутиб турмаслигини куюниб айтди. Шифокор сўради:
- Бу ишларни бошқа биров қилолмайдими ёки биронтаси ёрдам берса-чи?
- Йўқ, уларни фақат ўзим уддалай оламан. Бошқасининг эплашига кўзим етмайди.
- Сизга бир рецепт бераман, - деди шифокор. - Унга тўлиқ амал қилсангиз, даво топасиз.
Бемор рецептни ўқиб, ҳайрон қолди. Унда ҳар куни икки соат сайр қилиш ва ҳафтада ярим кунни қабристонда ўтказиш тавсия этилган эди.
- Сайрни-ку тушундим, лекин қабристон нега керак? - сўради шифокордан.
- Қабристонга бориб, мозорларга боқинг. У ер ўзини ҳаммадан керакли билган одамлар билан тўла. Сиз ҳам қабрга киргач, фақат менгина қодирман, деб ўйлаган ишларингизни бошқалар давом эттиришига амин бўласиз...

«Қалбга таскин битиклар» китобидан.

Келдилар... Кетдилар...Кетамиз...
💚 @asrsaxovat

#Тақвим 04.02.2025 сешанба
Бомдод кириш вақти 06:23
қуёш      07:43
пешин   12:54
аср         16:14
шом       17:57
Хуфтон 19:13

Намозни ўз вақтида муҳофаза қилувчиларга жаннат бўлсин!

🌆 Намозни кириш вақти Пастдаргом тумани вақти билан

Анас ибн Молик розияллоҳу анҳу шундай ривоят қилади: Севимли Пайғамбаримиз соллаллоҳу алайҳи васаллам: “Садақа Раббимнинг ғазабини сўндиради ва ёмон ўлимни бартараф қилади”, дея марҳамат қиладилар. (Термизий ривояти).

#Тақвим 01.02.2025 шанба
Бомдод кириш вақти 06:25
қуёш      07:42
пешин   12:53
аср         16:10
шом       17:53
Хуфтон 19:09

Намозни ўз вақтида муҳофаза қилувчиларга жаннат бўлсин!

🌆 Намозни кириш вақти Пастдаргом тумани вақти билан

обуна булинг
✅ @asrsaxovat

ЯРИМ КУН – БЕШ ЮЗ ЙИЛ

Масжидда муҳожирлар зикр, тасбеҳ айтиб, Қуръон тиловат қилишарди. Қалблар Аллоҳни эслаш билан ҳузурланарди. Расулуллоҳ соллаллоҳу алайҳи васаллам келиб қолдилар. Уларнинг олдида турган эдилар, Қуръон ўқиётган киши тўхтаб қолди. Уларга салом бериб: «Умматимдан бирга бўлишим керак бўлган кишиларни чиқариб қўйган Зотга ҳамд бўлсин»*, дедилар. Расулуллоҳ соллаллоҳу алайҳи васаллам уларнинг орасида ўтириб, қўллари билан ишора қилиб: «Ҳалқа бўлинглар!» дедилар.
Бир-бирларига юзланиб ўтиришди. Шунда Пайғамбар алайҳиссалом: «Эй муҳожирларнинг камбағаллари! Қиёмат куни мукаммал даражадаги нур сизларга берилади. Жаннатга бойлардан ярим кун олдин кирасизлар. Ўшандаги ярим кун бугунги беш юз йилга тенгдир», дедилар.

Изоҳ: *Бу ҳадис билан Каҳф сурасининг 28-оятига ишора қилинган: «Сиз ўзингизни эртаю кеч Парвардигорлари «юзи»ни истаб, Унга илтижо қиладиган зотлар билан бирга сабр қилишга унданг! Дунё ҳаёти зийнатини деб кўзларингиз улардан четланмасин! Шунингдек, қалбини Биз зикримиздан ғофил қилиб қўйган, ҳавойи нафсига эргашган ва қилар иши исрофгарчилик бўлган кимсаларга итоат этманг!».

“Расулуллоҳ соллаллоҳу алайҳи васалламнинг ҳаётларидан 101 қисса” китобидан.

Донишмандлардан бири айтди: “Ҳаво-ю ҳавасни инкор эт, чунки у ақлга ғолиб бўлса, кишининг яхшиликларини ёмонликка ўзгартиради, кейин ҳалимлик кек-адоватга, ибодат риёга, сахийлик исрофга, иқтисод бахилликка айланади”.

Изоҳ. Мол-дунёга ҳирс ва дунёнинг орзу-ҳаваси инсонга то сўнгги нафасигача ҳамроҳ бўлиши ҳикматларда айтилган. Ҳаво-ю ҳавас – дунёга муҳаббат инсонга ҳамроҳ бўлиши мумкин, лекин у ақлнинг ўрнини эгалласа, ҳаракатлар тескари натижа бера бошлайди. Ақл ҳалол билан ҳаромни ажратади, ихлос, инсоф, иймон билан ҳукм юритади, солиҳ аждодларимиздан келаётган анъанага қатъий риоя этади.

Ҳаракатларини дунёга муҳаббат бошқараётган кишида эса бу қадриятлар ўз қийматини йўқотади. Энди унга ҳалол билан ҳаромнинг фарқи йўқ, моли кўпайса бўлди. Гуноҳ билан савобнинг фарқи йўқ, одамлар уни бошига кўтарса бўлди. Қачонлардир атрофидагиларни эшитиб, дардига шерик бўлишдек феъллар билан юмшаган қалб энди тошга айланиб қолгани учун ҳеч кимни тингламайди, дунёдан бошқани англамайди, ҳалимликнинг ўрнини кек, гина-кудурат эгаллайди. Дунё орзусида холис амаллар риёга айланади, очлар қолиб, тўқларга саховат қилади. Мол-дунёни исроф қилмаслик баҳонасида шу даражада иқтисод қиладики, бахиллик чегарасига ўтиб кетади.

Дунёнинг фитнакор, алдамчилигини қарангки, унга сал қайишсангиз, ақл-у ҳушни тамоман олиб қўяди, сўнг бир зумда савоблар хирмони совурилиб, гуноҳларга айланади.

Шеър:
Ақлнинг офати ҳою ҳавасдир,
Буни билмаганлар дунёга мастдир.
Кимнингки ақли устун ҳавосидан
Нажот топган ул инсон ҳақпарастдир.

Изоҳ. Ҳар нарсанинг бир офати бор. Сичқоннинг офати – мушук, ўтнинг офати – сув, сўзнинг офати – ёлғон. Яъни, мушук келган жойда сичқон турмайди, ўтни сув ўчиради, сўзга ёлғон аралашса, энди у сўз эмас. Худди шунингдек, ким ақлини йўқотмоқчи бўлса, дунёни яхши кўрсин, мол-дунё учун жонини тиксин. Ана шунда унинг ўзига, атрофдагиларга муносабатини кузатиб, нима бу ақлдан озганми, деб ўйлайсиз. Агар шу кетишда кетса, унинг ҳалокати яқин: дунё уни миниб, турли томонга ҳайдайди, шўрлик оғзидан кўпик сочиб, бир ўнгга, бир сўлга маънисиз чопади...
Аксинча, дунёни эшак қилиб миниб олганлар бир текис ва хотиржам аниқ манзил сари боради.

“Унвонул баён”дан.

ФАРЗАНДИНГИЗГА КЕЧИРИМ СЎРАШНИ ҲАМ ЎРГАТИНГ

Фарзандингиз кўчада ўйнаб юриб, бирорта бола ёки киши билан низо чиқарган бўлса, аввал айб кимда эканлигини яхшилаб текширинг. Агар айб фарзандингизда бўлса, унга меҳр билан «Ўғлим, сен хатоинг учун кечирим сўрашинг керак, шунда Аллоҳ таолонинг наздида бу хатоинг кечирилиб, У Зотнинг ҳузурига пок ҳолатда борасан», деб насиҳат қилинг. Кечирим сўраш – мард кишиларнинг фазилати эканлигини айтинг, токи кечирим сўрашдан уялмасин, «ғурурим йўл қўймайди» деб, кибрланмасин.
Худди шунингдек, фарзандга қилган хатолари учун Аллоҳ таолодан ҳам кечирим сўрашни ўргатинг, истиғфор дуоларини ўргатинг, токи бола барча яхши ва ёмон ишларини кузатиб борувчи, аммо гуноҳларни мағфират қилувчи ўта меҳрибон Зот борлигини ҳис этсин.

“Насиҳатлар гулдастаси”дан.