Arroziy.uz

Moʻmin baxtsiz boʻlmas

Ibn Abbos roziyallohu anhu va Abul Oliya aytadilar: “Insonlarga ulardan boʻlgan paygʻambarlar, rasullar yuborildi va kitoblar nozil qilindi. Hidoyatga ergashgan kishilar dunyoda xor boʻlmaydi, oxiratda azoblanmaydi. Allohning amrini inkor etgan (yaʼni Alloh taoloning amrini unutib, undan boshqasini toʻgʻri deb bilgan) kimsalar uchun dunyoda xotirjamlik yoʻq. Ular xohlaganidek kiyinib, koʻngli tusagan narsasini yeb-ichib, istagan makonda yashab, zohiran huzur-halovat topsa ham qalbi doim xavotirda, shak-gumonda boʻladi, hadiksiraganidan taraddudlanadi. Mana shu tang turmushdir”.

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

Vafodor doʻst–sizni jannatlarda qidiradigan doʻstdir!
Paygambarimiz (s.a.v) dedilar: “Jannat ahli jannatga kirishlari bilan oʻz yaqinlarini qidiradilar. Dunyoda yaxshi kunlarda birga boʻlganlarini izlaydilar. Topolmasalar, Allohdan shafoat qilishini soʻraydilar:
– Ey Robbimiz, bizning doʻstlarimiz bor edi. Biz birga namoz oʻqirdik, roʻza tutardik. Ularni koʻrmayapmiz?! – deydilar.
Alloh subhana va taolo:
– Boringlar, qalbida zarra qadar iymoni boʻlganlarni doʻzaxdan chiqaringlar! – deydi”.

Hasan Basriy rohimahulloh: “Doʻstlaringiz orasida moʻminlarni koʻpaytiringlar. Ular qiyomatda shafoat qiladilar”, –deganlar.
Vafodor doʻst – sizni Jannatlarda qidiradigan doʻstdir!

Ibn Javziy rohimahulloh: “Agar jannatda meni orangizdan topolmasangiz, aytinglarki:”Ey Robbimiz, falon bandang doʻstimiz edi. Bizga Seni eslatardi“, –denglar!” dedilar-da, koʻz yoshlarini tiya olmadilar...
Men Sizlardan shuni iltimos qilamanki, jannatda meni topolmasangiz, bir marotaba boʻlsa-da, Allohni sizga eslatgan boʻlsam, men haqimda Robbimdan soʻrang va duolaringizda bir bora boʻlsa ham, meni eslab qoʻying!

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

Namozga chiqish uchun kiyimlari ham yoʻq edi

Paygʻambarimizning oldilariga bir yigit kelib: “Onam sizdan shu, shu narsalarni soʻrayapti”, – dedi. Rasululloh unga: “Bugun bizda hech narsa yoʻq edi”, – deb javob berdilar. Haligi yigit: “Onam sizga menga oʻz kiyimingizni kiydirishingizni ham aytyapti”, – dedi. Shunda Nabiy sollallohu alayhi vasallam kiyimlarini yechdilar va unga berdilar. Hech narsalari qolmay uyda oʻtirdilar. Namoz vaqti kirgach, egnilarida kiyimlari boʻlmagani bois masjidga chiqolmadilar. U zot koʻrimaganlari uchun musulmonlar hayron boʻlishib, hollaridan xabar olishdi. Vaziyatni bilib lol qoldilar. Umar roziyallohu anhu u zotga: “Alloh taolo sizga shuni amr qildimi?!” – dedi. Shunda Alloh taoloning oyati nozil boʻldi: “(Baxillik qilib) qoʻlingizni boʻyningizga bogʻlab ham olmang. (Isrofgarchilik qilish bilan) uni butunlay yoyib ham yubormang! Aks holda, malomat va mahrumlikda oʻtirib qolursiz”” (Isro surasi, 29-oyat).

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

TOSH BOSADIGAN TASBEH

Juvayriyya onamiz tasbeh aytishni yaxshi koʻrardi. Bir kuni Rasuli akram sollallohu alayhi vasallam uni nonushta payti tasbeh aytayotgan holida kordilar. Kunning yarmida kelib qarasalar, u hali ham zikr bilan mashgʻul boʻlib oʻtirgan ekan. Shunda Paygʻambarimiz sollallohu alayhi vasallam unga: ““Hali ham oʻtiribsanmi?” – deganlarida, Juvayriyya roziyallohu anho: “Ha”, – deb javob berdi. Nabiyyi muhtaram alayhissalom unga taʼlim berib bunday dedilar: “Senga oʻzing aytgan barcha tasbehlaring bilan oʻlchansa ham ogʻir keladigan kalimalarni oʻrgataymi? Uch marta “Maxluqotlar adadicha Subhanalloh”, uch marta “Arshning vaznicha Subhanalloh”, uch marta “Allohni rozi qiladigan Subhanalloh”, uch marta “Allohning kalimalari siyohicha Subhanalloh”, – deb aytgin”.

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram