Кеча Тошкент шаҳрида “Ахборотдан фойдаланиш, институционал жавобгарлик ва оммавий ахборот воситалари компетенциясини кучайтириш орқали Ўзбекистон ҳукумати ва фуқароларининг имкониятларини кенгайтириш” дастурининг иккинчи Бошқарув қўмитаси йиғилиши бўлиб ўтди.

Тадбирда ЮНЕСКО, АОКА, Швейцария элчихонаси, Судьялар Олий мактаби, Ҳуқуқни муҳофаза қилиш академияси, Ички ишлар вазирлиги академияси вакиллари, маҳаллий ҳамда халқаро экспертлар иштирок этди.

Йиғилиш доирасида лойиҳа бўйича амалга оширилган ишлар таҳлил этилиб, келгусидаги режалар муҳокама қилинди.

Шунингдек, экспертлар томонидан Медиа ва ахборот саводхонлиги бўйича тадқиқотлар ҳамда ЮНЕСКОнинг Интернет универсаллик индикаторлари бўйича баҳолаш натижалари тақдим этилди.

Тадбирда ҳуқуқни муҳофаза қилиш ва суд тизими мутахассислари билан савол-жавоблар, дастурни амалга оширишнинг келгуси босқичларида юзага келиши мумкин бўлган муаммолар ва уларнинг ечимларини аниқлашга қаратилган очиқ муҳокамалар ташкил этилди.

Telegram |WhatsApp| Youtube | Facebook | Instagram | Медиабанк | Сайт