Бидъат аҳлига раддия

🥰 Ҳайит одоблари

✨Имом Молик раҳимаҳуллоҳ:

قال الإمام مالك رحمه الله:
"سمعت أهل العلم يستحبون الطيب والزينة في كل عيد".

"المغني" للبن قدامة، 2/274.

«Илм аҳлини ҳар бир ҳайитда хушбўйланишни ва (чиройли, тоза кийимлар кийиб) зийнатланишни ёқтирганларини эшитдим», деди.

🪶Ибн Қудома «Муғний», 2/274.

•┈┈┈•✿~❁~✿•┈┈┈•

✨Ҳофиз Ибн Ҳажар раҳимаҳуллоҳ:

قال الحافظ ابن حجر رحمه الله:
"اظهار السرور في الأعياد من شعار الدين".

فتح الباري، 2/443.

«Ҳайитларда хурсандчилик, сурурни кўрсатиш – диннинг шиорларидандир», деди.

🪶«Фатҳул Борий», 2/443.

💁‍♀️Обуна бўлиш учун қуйидаги манзилни зиёрат қилинг ва баҳам кўринг:
📝 Telegram
🎞 YouTube
📝 Facebook
🗂 Дарслар жамланмаси

۩•┈•┈•❁✿❁•┈•┈•۩

😘🥰🥰 Ҳайит суннатлари

Ҳадис ва асарда келишича, ҳайит билан табриклаш ҳайит куни бўлади. Табрик ҳайитдан олдин бўлишини ман қилувчи бирон далил йўқ. Агар бирор киши эртароқ табрикламоқчи бўлса, ҳайит кечаси табрикласа бўлади. Бироқ, ҳайит куни эрталаб табриклаш афзал.

•┈┈┈•✿~❁~✿•┈┈┈•

Ҳайит табриги гўзал маъноли қай сийғада бўлса ҳам бўлаверади. Ҳадисда табрик сийғаси собит бўлмаган. Энг саҳиҳи саҳобалар бир-бирларига айтган табрик: «Тақоббалаллоҳу минна ва минка» (Аллоҳ биздан ва сиздан қабул қилсин).
Имом Аҳмад бунинг санадини яхши деган.

•┈┈┈•✿~❁~✿•┈┈┈•

Ҳайит куни айтиладиган такбирнинг энг саҳиҳ сийғаси Абдурраззоқ Салмон Форсийдан ривоят қилган: «Аллоҳу акбар, Аллоҳу акбар, Аллоҳу акбар кабиро», сийғаси бўлиб, унинг санади саҳиҳдир.

•┈┈┈•✿~❁~✿•┈┈┈•

Ҳайит намозидан олдин ҳам кейин ҳам икки ракаат намоз ўқиш машруъ эмас, фақат таҳиятул масжид намози бундан мустасно. Саҳиҳайнда келишича, Набий соллаллоҳу алайҳи ва саллам ҳайит намозидан кейин ҳеч қандай намоз ўқимасдилар. У зот соллаллоҳу алайҳи ва саллам ва баъзи саҳобаларнинг ҳайтдан кейин намоз ўқишгани ҳақида келган ҳадис саҳиҳ эмас. 

•┈┈┈•✿~❁~✿•┈┈┈•

Ҳайит учун ғусл қилиш, энг яхши кийимларни кийиш, хушбўйланиш, такбир айтиш, Ийдул фитр намозидан олдин тоқ сонли хурмо ейиш, пиёда бориш, аҳли оиласини намозга олиб бориш ва бошқа йўлдан қайтиш суннатдир.

•┈┈┈•✿~❁~✿•┈┈┈•

Ҳайит намозига борган кишидан жума намозининг фарзлиги соқит бўлади ва уни пешин қилиб ўқийди. Фақат имомдан соқит бўлмайди, у ҳозир бўлганларга жума намозини ўқиб беради. Набий соллаллоҳу алайҳи ва салламдан ворид бўлган ҳамда Умар, Усмон ва омма саҳобалардан келган далилларга кўра бу фикр саҳиҳдир.

Муаллиф: Шайх Абдулазиз Тарифий
Таржимон: Абу Довуд Юсуф

💁‍♀️Обуна бўлиш учун қуйидаги манзилни зиёрат қилинг ва баҳам кўринг:
📝 Telegram
🎞 YouTube
📝 Facebook
🗂 Дарслар жамланмаси

۩•┈•┈•❁✿❁•┈•┈•۩

ОХИРАТ СЕЗОНИ БОШЛАНДИ

Ишбилармон савдогар савдо-сотиқ учун сезонни пойлайди. Сезонгача дам олиб, сезон бошланиши билан ишга киришади. Бир сўмлик нарсаси ўн сўмдан сотиладиган кун ухламасдан, мижжа қоқмасдан савдо қилиб, роса пул топади, «соққа»ни босади.

Худди шунга ўхшаш ишбилармон тақводор киши ҳам охират сезонини пойлайди. Охират сезони келиши билан енг шимариб астойдил Аллоҳ билан савдо қилади. Пул қудрати синиб, «соққа» иш бермайдиган Кун учун савобни кўпайтиради.

ҚИЁМАТДА ФАҚАТ САВОБ ВА ЯНА САВОБ ФОЙДА БЕРАДИ.

ҲОЗИР БИР НЕЧА ДАҚИҚАЛАРДАН СЎНГ ОХИРАТ СЕЗОНИ БОШЛАНАДИ!

ЛАЙЛАТУЛ ҚАДР УМИД ЭТИЛГАН РАМАЗОННИНГ ОХИРГИ ЎН КУНЛИГИ КИРИБ КЕЛАДИ.

БУ ОХИРАТИНИ ЎЙЛАГАН АҚЛЛИ ИНСОН УЧУН ЭНГ КАТТА СЕЗОН, ЭНГ ФОЙДАЛИ МАВСУМ!

Бу мавсумда бир кеча минг ойдан яхшироқдир.

﴿لَيْلَةُ الْقَدْرِ خَيْرٌ مِّنْ أَلْفِ شَهْرٍ﴾

«Қадр кечаси минг ойдан яхшироқдир!» дейди Аллоҳ.

Эътибор беринг, бир кеча минг кечага тенг, дейилмаяпти, йўқ! Балки бир кеча минг ойдан яхшироқ, афзалроқ, дейилмоқда.

Бозор тили билан айтганда, бир сўмлик нарсангиз минг сўмдан кўпроққа сотилади. Бир сўмлик нарса мингга тенг эмас, мингдан кўпроққа сотилади. Агар харидор қўли очиқ бўлса, минг эмас, икки мингни санаб беради, балким нақ уч минг, тўрт минг санаб бериши мумкин.

Худди шунга ўхшаш ولله المثل الأعلى бу кеча харидорингиз энг сахий, энг бой зот Аллоҳдир!

Ё Раб, бизларни шу баракотли, серфайз кечага етказганинг учун ўзингга ҳисобсиз шукур.

Илоҳо, бу саноқли кунлар ва тунлардан тўғри фойдаланишни бизга ҳам насиб эт...

Бу кечада бажариладиган асосий ибодатлар:

1. Хуфтон намози, таровеҳ ва тунги қиём.

2. Қуръон ўқиш.

3. Зикр.

4. Дуо, илтижо.

5. Истиғфор.

6. Масжидда эътикоф ўтириш. Истаганлар ўн кун, истаганлар бир кун эътикоф ўтириши мумкин. Бир неча соатга эътикофни ният қилиб, масжидда ўтирса бўлаверади, дейди олимлар.

7. Инсонлар қалбига қувонч улашиш.

Қўлингиздан келса, ҳар кеча шароитингизга қараб садақа беринг.

Жамоат билан намоз ўқиб бўлгандан кейин ўзингиз қўлингизга Мусҳафни олиб, яна намоз ўқийверинг.

«Тунги намоз икки ракаат, икки ракаатдан» дейилган ҳадисга биноан тундан тонггача икки ракаатдан намоз ўқисангиз бўлаверади.

اللهم أعنا على ذكرك و شكرك و حسن عبادتك

Жалол Иброҳим.