#Хотира
⁉️
Ўзбекча ёзилган энг машҳур шеърни биласизми?
📝
Бу шеър 1965 йили Тошкентда ёзилган. Ҳали сиёҳи қуримай туриб адабий давралардан халқ оғзига кўчган. Гузарларда, чойхоналарда, гап-гаштакларда, тўйхоналарда шу шеър айтилган. Шоир шеърни ўзи қайси даврада ўқиса, томошабин, бутун зал унга қўшилиб баравар ўқиган.Ўзбек адабиётидаги бирорта шеър машҳурлик бобида бу асарга тенг келмайди. Тасаввур қилинг, 1965 йил, собиқ совет тузуми қудрат чўққисига чиққан кезлар, Қашқадарёнинг Некўз қишлоғидан чиққан 20 яшар йигитча одамларнинг қалбини ағдар-тўнтар қилиб ташлади, совет пропагандасини чиқитга чиқарди, миллий ғурурни уйғотиб юборди!
📌 1991 йил августигача ҳали бор эди. Мустақилликкача ҳали вақт бор эди. Бироқ, 60, 70, 80-йилларнинг йигит-қизлари ўзаро гурунгларда, суҳбатларда, хиёбонлар кезиб, аста пичирлар эдилар
: "Мен нечун севаман, Ўзбекистонни?". Ана кейин мустақиллик воқеъ бўлди.
Буюк асарлар тарихни яратади, мутлақо янги даврни етаклаб келади. Буюк асарлар келажакдан келган яхши хабарга ўхшайди.
🎞
Видео: Шавкат Мирзиёев ташаббуси билан суратга олинган "Абдулла Орипов" бадиий фильмидан парча.Yoshlar kundaligi