Angren shahar hokimligi Axborot xizmati

Республика микёсида ўтказилаётган "Долзарб 50 кун" махсус профилактик тадбири Ангренда ҳам изчил давом этмоқда.

Тадбир доирасида Ангрен шаҳар Пробация гуруҳи томонидан "Тун" рейди ташкил қилинди.

Унда пробация ҳисобида туриб, озодликни чеклаш жазосини  ўтаётган маҳкумларнинг хонадонларидаги аҳвол ва уларнинг тунги вақтдаги ҳаракати ўрганилди.

Шаҳар ИИБ Пробация гуруҳи масъуллари уйма-уй юриб, уларнинг яшаш шароитларини кўздан кечирдилар ва тунги соатларда ўз хонадонини тарк этмасликлари, такрорий жиноят ва ҳуқуқбузарлик ҳолатини келтириб чиқармасликлари тушунтирилди.

📲 Bizni kuzatib boring:👇
Sayt I Telegram I Facebook I Youtub

Ангрен шаҳар 18-умумий ўрта таълим мактабида "Хавфсиз ҳудуд - Долзарб 50 кунлик" махсус профилактика тадбири ўқувчиларнинг ота-оналари ўртасида ҳам ўтказилди.

Унда вояга етмаганлар ўртасида ҳуқуқбузарлик ҳолатлари содир этилишининг олдини олишда ота-онанинг ўрни хусусида фикр билдирилди.

Шаҳарда ҳар бир мактабда ҳуқуқбузарликлар профилактикаси олиб борилаётгани, мақсад ўқувчиларнинг қонунга зид ҳаракатларга қарши курашиш ва соғлом турмуш тарзини шакллантиришдан иборатлиги ҳақида сўз юритилди.

Тадбирда шаҳар ИИБ бошлиғи А. Мирходжаев сўзга чиқди ва ота-оналарни қизиқтирган саволларига жавоб берди.

Хабар берганимиздек, шу кунларда Ангрен шаҳрида "Хавфсиз ҳудуд - Долзарб 50 кунлик" профилактика тадбири ўтказилмоқда.

Бугун кун давомида Ангрен шаҳар ҳокимлиги, Ички ишлар бошқармаси, Прокуратура, Миллий гвардия ҳамда Мактабгача ва мактаб таълими бўлими ҳамкорлигида шаҳримиздаги 5-, 6-, 7-, 8-, 12-, 14-, 18-, 20-, 21-, 22-мактабларнинг юқори синф ўқувчилари ҳамда уларнинг ота-оналари билан учрашувлар ташкил қилинди.

Унда содир этилиши мумкин бўлган жиноятларнинг ва йўл-транспорт ҳодисаларининг барвақт олдини олиш мақсадида тарғибот ишлари олиб борилди.

Тарғибот давомида вояга етмаганлар ва ёшлар ўртасида содир этилган йўл-транспорт ҳодисалари, ўғирлик жиноятлари, пиротехника воситаларидан фойдаланиш қоидалари, психотроп моддалар истеъмол қилишининг олдини олиш ҳамда ижтимоий тармоқлар орқали турли норасмий диний маълумотларни тарқатмасликлари бўйича тушунтириш ишлари олиб борилди.

Тадбирда ўқувчилар ва ота-оналарни қизиқтирган саволларига жавоб берилди.

Sayt I Telegram I Facebook I Youtub

Ангрен шаҳрида "Яшил макон" лойиҳасини самарали ташкил  этиш ҳамда томорқа ер майдонини даромад манбаи сифатида мақсадли фойдаланиш бўйича жойларда секторлар раҳбарлари ва бир қатор масъуллар томонидан тушунтириш ишлари олиб борилаяпти.

Бугун шаҳар  прокурори  Аллаёр  Хайриддинов,  шаҳар ИИБ бошлиғи Азимжон Мирходжаевлар "Ғафур Ғулом",  "Ҳаккарман-Янги Жигаристон" маҳаллаларида бўлдилар ва шу ернинг ўзида аҳоли билан учрашдилар.

Учрашувда маҳаллада кузги кўчат экиш ишларини бошлаш, томорқа еридан самарали фойдаланиш ҳамда ҳудудда мавжуд ноқонуний қурилмалар ва уларга барҳам бериш юзасидан тушунтирдилар.

📲 Bizni kuzatib boring:👇
Sayt I Telegram I Facebook I Youtub

Барча жойларда бўлгани сингари Ангрен шаҳрида ҳам "Хавфсиз ҳудуд – Долзарб 50 кунлик" махсус профилактик тадбири бўлиб ўтаяпти.

Шу кунларда мазкур тмдбир лойиҳаси доирасида Ангрен шаҳрида жиноятчилик ва ҳуқуқбузарликларнинг барвақт олдини олиш ҳамда криминоген вазият барқарорлигини таъминлашга қаратилган тарғибот тадбирлари ўтказилмоқда.

Ангрен шаҳар ИИБ, Мактабгача ва мактаб таълими бўлими ҳамкорлигида профилактика тадбирлари ташкил этилди.

Хусусан, 18-умумий ўрта таълим мактаби ўқувчилари ўртасида тарғибот тадбирида шаҳар ИИБ бошлиғи А.Мирходжаев вояга етмаганлар ўртасида ҳуқуқбузарликлар ва унинг оқибати, айниқса, гиёҳвандликка қарши курашиш, "Давомат", "Тиғ" каби рейдларнинг самарадорлигини ошириш, хусусида фикр билдирди. Шунингдек, ёшларнинг бўш вақтини мазмунли ташкил этиш тўғрисида сўз юритди.

📲 Bizni kuzatib boring:👇
Sayt I Telegram I Facebook I Youtub