Андижон вилояти ҳокимлиги матбуот хизмати

Иқтисодий тадқиқотлар ва ислоҳотлар маркази томонидан Ўзбекистонда тўй тадбирларини ташкил этишни баҳолашга бағишланган тадқиқот олиб борилмоқда.

Мазкур тадқиқотнинг вазифаларидан бири аҳолининг тўйлардаги меҳмонлар сонига бўлган муносабатини аниқлаш орқали ташкилотчиларга тадбирларни яхшироқ режалаштиришга ёрдам бериш.

Аҳолининг бу борадаги фикрлари ва кутилмалари бўйича маълумотларни таҳлил қилиш тўйларни ташкил этишдаги ҳозирги трендларни аниқлашга ёрдам беради.

⏱️ Сўров 5 дақиқа вақтингизни олади.

Мазкур сўровномада иштирокингизни қадрлаймиз ва олдиндан миннатдорчилик билдирамиз.

👉 Сўровни ўтказиш учун rel='nofollow'>ҳавола

Facebook | YouTube | Web-site
Instagram | Telegram

#live

Айни дамда вилоят ҳокимлигининг мажлислар залида Андижон фарзанди Заҳириддин Муҳаммад Бобур таваллудининг 542 йиллиги муносабати билан Халқаро илмий-амалий конференция бўлиб ўтмоқда.

Facebook | YouTube | Web-site
Instagram | Telegram

Бобурномадан:

"Жанубий тарафидаги қасабалар бир
Андижондурким, васатта воқе бўлубтур, Фарғона вилоятининг пойтахтидур. Ошлиғи вофир, меваси фаровон, қовун ва
узуми яхши бўлур. Қовун маҳалида полиз бошида қовун сотмоқ расм эмас. Андижоннинг ношпотисидан яхшироқ
ношпоти бўлмас. Мовароуннаҳрда Самарқанд ва Кеш қўрғонидин сўнгра мундин улуғроқ қўрғон йўқтур. Уч
дарвозаси бор. Арки жануб тарафида воқе бўлубтур. Тўққуз тарнов сув кирар. Бу ажабтурким, бир ердин ҳам чиқмас.
Қалъанинг гирдо-гирди хандақнинг тош ёни сангрезалик шоҳроҳ тушубтур. Қалъанинг гирдо-гирди тамом маҳаллоттур.
Бу маҳалла била қалъаға фосила ушбу хандақ ёқасидоғи шоҳруҳтур. Ови қуши доғи кўп бўлур, қирғовули беҳад
семиз бўлур. Аидоқ ривоят қилдиларким, бир қирғовулни ускунасини тўрт киши еб тугата олмайдур. Эли туркдур. Шаҳр
ва бозорисида турки билмас киши йўқтур. Элининг лафзи қалам била росттур.
Ани учунким, Мир Алишер Навоийнинг мусаннафоти бовужудким Ҳирийда нашъу намо тонибтур, бу тил биладур.
Элининг орасида ҳусн хейли бордур. Юсуф Хожаким мусиқида машҳурдур. Андижонийдур. Ҳавосининг уфунати бор.
Кузлар эл безгак кўп бўлур."

Андижон, "Бобурнома”даги таърифга кўра сунъий интеллект тасвири.

Facebook | YouTube | Web-site
Instagram | Telegram

Ватан ишқини қалбига жо этган Бобур

14 февраль – Заҳириддин Муҳаммад Бобур таваллуд топган кун

Бобур 1483 йили 14 февралда Андижон шаҳрида, Фарғона улусининг ҳокими Умаршайх Мирзо ва асли чингизийлардан бўлган малика Қутлуғ Нигор Хоним оиласида дунёга келади. «Бобур» сўзи форсий тилидан «бабр», яъни «барс»,«йўлбарс» деган маънони билдиради. Бобурнинг отаси Умаршайх Мирзо Соҳибқирон Амир Темур авлодидан. Амир Темурнинг учинчи ўғли Мироншоҳ Мирзонинг эвараси бўлган. Бобурнинг онаси Қутлуғ Нигор-Хоним мўғул хонларидан бири Юнусхоннинг қизи бўлган.

Ҳар бир халқнинг тарихий ва маданий-миллий қиёфасини белгилайдиган буюк шахслари, олимлари, йирик адиб ва шоирлари бўлади.

Заҳириддин Муҳаммад Бобур эса ўзбек мумтоз адабиётининг йирик вакили, буюк шоир, тарихчи, истеъдодли саркарда, Ҳиндистонда 332 йил ҳукм сурган Бобурийлар сулоласининг асосчиси сифатида бутун дунёга маълум ва машҳур дилбар шахсдир.

Қолаверса, Бобур фақиҳ, тилшунос, санъатшунос, этнограф, ҳайвонот ва набобат оламининг билимдони сифатида ҳам ўз давридаёқ ном қозонган.

Facebook | YouTube | Web-site
Instagram | Telegram

Баҳорда 9 миллион 578 минг тупдан зиёд кўчат ва бута қаламчаси экилади

Президентимиз ташаббуси билан юртимизда амалга оширилаётган “Яшил макон” умуммиллий лойиҳаси доирасида Андижон вилоятида кўчат экиш, яшил ҳудудларни барпо этиш борасида кенг кўламли ишлар олиб борилмоқда.

Жорий йилда Андижонда “Яшил макон” умуммиллий лойиҳаси ҳамда қатор фармон, қарорлар ижроси асосидаги кўкаламзорлаштириш ишлари доирасида жами 15 миллион 358 минг туп дарахт кўчати ва бута қаламчалари экилиши режалаштирилган бўлиб, шундан 9 миллион 578 минг тупи баҳор мавсумида ўтказилиши кўзда тутилган.

Атроф-муҳитга таъсир хавфи юқори бўлган 166 та саноат корхонаси томонидан 400 минг туп ҳамда 10 та чиқинди полигони атрофига 35 минг 800 туп манзарали дарахт кўчати экилиб “Яшил белбоғ”лар яратилади.

Экилган кўчатларни парвариш қилиш, суғориш мақсадида 26 километр узунликдаги суғориш тармоғи тортилиб, 16 та ер ости сув қудуғи ишга туширилади.

Батафсил

Facebook | YouTube | Web-site
Instagram | Telegram

Андижон вилоятининг доимий аҳолиси 3 млн 461 мингдан ошди

Андижон вилоятида 2025 йил 1 январь ҳолатига доимий аҳоли сони 3 461,0 минг кишини ташкил этиб, 2024 йил йил бошига нисбатан 66,6 минг кишига ёки 2,0 % га кўпайди.

Жумладан, шаҳар аҳолиси сони 1 806,8 минг кишини (жами аҳоли сонидаги улуши 52,2 %), қишлоқ аҳолиси сони 1 654,2 минг киши (47,8 %)ни ташкил этди.

Шундан:
Эркаклар 1 753,3 минг киши (50,7%)
Аёллар 1 707,7 минг киши (49,3%).

Facebook | YouTube | Web-site
Instagram | Telegram

Қарор ва ижро

Ногиронлиги бўлган шахсларга қулай ва тўсиқларсиз муҳит яратилмоқда

Бугун вилоят ҳокимлигида ногиронлиги бўлган шахсларга қулай ва тўсиқларсиз муҳит яратиш масаласига бағишланган йиғилиш бўлиб ўтди.

Унда вилоят ҳокимининг ўринбосари Иброҳимжон Ҳолматов, Ижтимоий ҳимоя миллий агентлиги ҳузуридаги ижтимоий инспекция бошлиғининг биринчи ўринбосари Баҳодир Нишонов ҳамда қурилиш соҳасига алоқадор мутасадди ташкилот раҳбарлари қатнашди. Йиғилиш давомида "Ногиронлиги бўлган шахсларга жамоат обектларида қулай ва тўсиқларсиз ҳаракатланиш учун шароит яратиш" универсал лойиҳасининг тақдимоти ўтказилди.

Тақдимот доирасида ногиронлиги бўлган шахсларнинг эркин ҳаракатланишида ижтимоий объектлардан фойдаланишга бўлган ҳуқуқлари ҳамда уларнинг йўл инфратузилмалари, жамоат транспорт воситаларида ҳаракатланишида тўсиқларсиз муҳит яратиш чора-тадбирлари муҳокама қилинди.

Жумладан, йирик аҳоли пунктларининг асосий автомобиль йўлларидаги пиёдалар йўлакчаларида ногиронлиги бўлган шахслар учун зарур шароитларни яратиш, қулай пандуслар барпо этиш, кўзи ожиз ва заиф кўрувчи шахслар учун овозли светофорлар ўрнатиб, сариқ рангли йўлакчалар ташкил этиш ва тўсиқсиз муҳит яратишнинг самарали йўлларини айтиб ўтдилар.

Маълумот учун:
Бугунги кунда Андижон шаҳридаги 54 та чорраҳага жами 34 та овозли светофорлар жойлаштирилган. Шунингдек, кўзи ожиз ва заиф кўрувчи шахслар учун пиёдалар йўлида сариқ рангли йўлакчалар ташкил этишга эътибор кучайтирилмоқда.

Facebook | YouTube | Web-site
Instagram | Telegram