Aloqa - LIVE

👤17-fevral kuni AloqaBank va AloqaVentures tashabbusi bilan tashkil etilgan Startup Garage loyihasi Jizzaxda o‘z faoliyatini boshladi! Bu zamonaviy maydon tadbirkorlar va startaplar uchun qulay muhit, innovatsion g‘oyalarni qo‘llab-quvvatlash va biznes rivoji uchun mustahkam platforma bo‘lib xizmat qiladi.

😃Startup Garage – bu faqatgina startaplar uchun o’qish maydoni emas, balki orzularni reallikka aylantirishga ilhom beradigan maskan. Bu yerda yangi loyihalar va samarali hamkorlikka ham guvoh bo’lishingiz mumkin.

🫥 Eslatib o'tamiz, mazkur loyiha AloqaBank Jizzax HKXKM binosida joylashgan. Manzil: 130100, Jizzax viloyati, Jizzax shahri, Sharof Rashidov koʻchasi, 6-uy

🌐 Aloqa LIVE

☎️ Hurmatli AloqaBank mijozlari, agar siz o‘z nomingizga rasmiylashtirilgan bank kartalari haqida xabar olgan bo‘lsangiz va ularning orasida sizga tegishli bo‘lmagan yoki tanish bo‘lmagan karta raqamlari mavjud bo‘lsa, iltimos, ushbu masalani hal qilish uchun AloqaBankning Sizga eng yaqin ofislariga murojaat qiling.

❗️Murojaat qilganingizda, iltimos, shaxsingizni tasdiqlovchi hujjatni o‘zingiz bilan olib kelishingiz so’raladi.

👤 AloqaBank xizmat ko‘rsatish manzillari bilan quyidagi havola orqali tanishishingiz mumkin:
https://aloqabank.uz/uz/branches

⁉️Nima sababdan bank mijozlariga bunaqa xabarlar kelmoqda?

➡️Sizga tegishli bo‘lmagan raqam: Masalan, bir vaqtlar “A” shaxs maʼlum bir telefon raqamidan foydalangan va uni bank kartasining SMS-xabarnomasi uchun ishlatgan. Keyinchalik, u bu raqamdan foydalanishni to‘xtatgan va u aloqa operatori tomonidan “B” shaxsga qayta sotilgan. Endi, bank eski raqam orqali ogohlantirish yuborganida, yangi foydalanuvchi buni oladi.

➡️Markaziy bankning yangi tartibi: Markaziy bank joriy qilgan vaqtinchalik tartibga ko‘ra, 12 oydan beri faol bo‘lmagan kartalarni bloklashdan oldin banklar mijozlarga ogohlantirish uchun SMS yubormoqda. Shuningdek, banklar mijozlariga qaysi bankda nechta kartasi borligi haqida maʼlumot berish uchun ham xabar yubormoqda.

🚩 Bunday xabarlar odamlarning xavfsizligini taʼminlash, foydalanilmayotgan kartalar bo‘yicha ogohlantirish va bank kartalariga oid maʼlumotlarni aniqlash uchun yuborilmoqda.

📞Agar sizga bunday SMS kelsa va sizda bu bankdan karta mavjud bo‘lmasa, xavotirga tushmang va holatni aniqlash uchun bankka murojaat qiling. Bank shunda, sizga ulangan karta SMS-xabarnomasini o‘chiradi.

🌐 Aloqa LIVE

🖊Joriy yilning 14-fevral kuni AloqaBank boshlang‘ich kasaba uyushmasi tashkilotining hisobot-saylov konferensiyasi o‘tkazildi. Konferensiyada O‘zbekiston axborot texnologiyalari va ommaviy kommunikatsiya sohasidagi xodimlar kasaba uyushmasi Respublika kengashi rahbariyati boshchiligida bo’lib o’tdi.

👨‍👩‍👦Konferensiya davomida kasaba uyushmasi qo‘mitasi raisining hisobotlari va taftish komissiyasining faoliyat hisobotlari tinglandi, so‘ngra ularni keng muhokama qilish amalga oshirildi.

✔️Muhokamalar yakunida boshlang‘ich kasaba uyushmasi qo‘mitasi raisi va uning tarkibi, shuningdek, taftish komissiyasi tarkibi, uyushmasi organlariga vakil va delegatlar saylandi.

🌐 Aloqa LIVE

🚀Startapingizni rivojlantirish bo‘yicha savollaringiz bormi? Yoki Startap Garage qanday imkoniyatlar yaratishini bilmoqchimisiz? Unda jonli efirimizni o’tkazib yubormang!

🔰 Sana: 15.02.2025
⏰ Vaqt: 20:00
📍 Joynli efir manzili: http://instagram.com/aloqabank.uz

👤"AloqaVentures" va Startup Garage mutaxassislari sizni qiziqtirgan barcha savollarga javob beradi!

🌐 Aloqa LIVE

👤Innovatsiyalar sari yo‘l: G‘oyalarga hayot beramiz!

AloqaBank tomonidan "Yoshlar biznes inkubatori" tashkil qilinib, unda yoshlar o‘z g‘oyalarini startapga aylantirish imkoniyatiga ega bo‘ladilar. Bu dastur doirasida loyihalar 6 oy dan 3 yilgacha qo‘llab-quvvatlanadi va tayyor biznes yoki korxona darajasiga olib chiqiladi.

"Aloqa Ventures" venchur fondi tomonidan istiqbolli startap loyihalariga 50 mingdan 1 million AQSh dollarigacha sarmoya kiritilib, ularga mahsulot va xizmatlarini ichki hamda xalqaro bozorlarda sotish, biznes hamkor topish va qo‘shimcha investitsiyalar jalb qilishda ko‘mak beriladi.

Biznes inkubator nafaqat startaplarni rivojlantirishga ko‘maklashadi, balki ularning uzoq muddatli muvaffaqiyatga erishishi uchun kerakli bilim va tajribani ham beradi. Dastur doirasida yosh tadbirkorlar biznes-reja tuzish, marketing strategiyalarini ishlab chiqish va moliyaviy boshqaruv bo‘yicha treninglarda ishtirok etadilar.

🌐 Aloqa LIVE

👤 AloqaBank, yoshlar tayanchi — “Yoshlar banki”

AloqaBank yoshlarga moliyaviy ko’mak beruvchi va ularning tashabbuslarini qo’llab-quvatluvchi muhim institut sifatida shakllanmoqda. Yosh tadbirkorlar hamda startapchilar g'oyalarini rivojlantirish maqsadida davlat tomonidan moliyaviy ko‘mak ajratilishi belgilandi. Ushbu mablag‘lar turli yo‘nalishlardagi loyihalarni moliyalashtirishga yo‘naltiriladi.

Alohida e'tibor o’zini o’zi band qilgan yoshlarga qaratiladi. Ular ishlab chiqarish, qishloq xo’jaligi, xizmat ko'rsatish, fan, san’at va sport yo’nalishlarida o’z loyihalarini amalga oshirish uchun 7 yil muddatga 100 million so’mgacha imtiyozli mikroqarz olishi mumkin.

Bundan tashqari, tadbirkorlik subyektlari bo’lgan va kamida 20 nafar yoshni ish bilan ta’minlagan, kichik korxona yoki o’quv markazi tashkil qilgan yoshlarga 5 milliard so’mgacha imtiyozli kredit ajratiladi. Ushbu mablag’lar 7 yil muddatga taqdim etilib, biznesni rivojlantirish uchun muhim moliyaviy yordam sifatida xizmat qiladi.

Bank tomonidan ajratiladigan kreditlarning kamida 30 foizi ayollar tadbirkorligini qo’llab-quvvatlashga yo’naltiriladi. Shu orqali yosh tadbirkor ayollarning iqtisodiyotdagi o’rni mustahkamlanadi.

Mazkur tashabbus AloqaBankni nafaqat an'anaviy bank muassasasi sifatida, balki yoshlarning ishonchli biznes sherigiga aylantirishga xizmat qiladi.

🌐 Aloqa LIVE

⚡️ ESG dasturi bo‘yicha uchrashuv

👤 AloqaBank va Osiyo Taraqqiyot Banki (ATB) bilan imzolangan texnik yordam (TA) shartnomasi doirasida uchrashuv bo‘lib o‘tdi. Uchrashuv davomida loyihani amalga oshirishning asosiy bosqichlari, jumladan, tahliliy ishlarni boshlash va takliflarni tayyorlash sanalari belgilandi. Ushbu hamkorlik bank sektorida ilg‘or ESG standartlarini joriy etish va barqaror rivojlanishni ta’minlashga qaratilgan.

💠ESG dasturining asosiy yo‘nalishlari:

1. Joriy ESG amaliyotlarini tahlil qilish – barqaror moliyalashtirish sohasidagi mavjud amaliyotlarni o‘rganish;
2. Ma’lumotlarni tadqiq qilish va tahlil qilish – birlamchi va ikkilamchi; manbalardan olingan ma’lumotlarni yig‘ish va tahlil qilish;
3. ESG va yashil moliyalashtirish bo‘yicha treninglar – bank xodimlari uchun maxsus treninglar tashkil etish;
4. Taraqqiyot bo‘yicha manfaatdor tomonlar bilan maslahatlashuvlar – ESG mavzulari bo‘yicha fikr-mulohazalarni yig‘ish;
5. IFRS S1/S2 standartlariga muvofiqlikni baholash – xalqaro hisobot standartlariga muvofiqlikni aniqlash;
6. Hisobot vositalarini ishlab chiqish – ESG bo‘yicha hisobot jarayonlarini takomillashtirish;
7. ESG strategiyasini shakllantirish – barqaror rivojlanish bo‘yicha ustuvor yo‘nalishlarni belgilash;
8. Dunyo tajribalarini o‘rganish – xalqaro ilg‘or amaliyotlarni tahlil qilish va mahalliy sharoitga moslashtirish;
9. ESG standartlaridagi bo‘shliqlarni aniqlash – nomuvofiqliklarni tahlil qilish va ularni bartaraf etish yo‘llarini topish;
10. Ichki ESG hisobotini ishlab chiqish – tavsiyalar va xulosalarni o‘z ichiga olgan hujjat tayyorlash.

✍️ Ushbu yo‘nalishlar ESG tamoyillarini joriy etish va barqaror moliyalashtirishni takomillashtirishning muhim jihatlarini o‘z ichiga oladi.

🌐 Aloqa LIVE