🕊 al_muslim1n

Аллоҳ таолонинг дуоларни ижобат қилишига далиллар:

(60) وَقَالَ رَبُّكُمُ ٱدْعُونِىٓ أَسْتَجِبْ لَكُمْ
1. “Роббингиз: Менга дуо қилинг, сизга ижобат қилурман... деди” (Ғофир сураси, 60-оят).

(186) وَإِذَا سَأَلَكَ عِبَادِى عَنِّى فَإِنِّى قَرِيبٌ أُجِيبُ دَعْوَةَ ٱلدَّاعِ إِذَا دَعَانِ

2. “Қачон бандаларим сендан Мен ҳақимда сўрасалар, бас, албатта, Мен яқиндирман. Дуо қилувчи Менга дуо қилганда, дуосини ижобат қилурман” (Бақара сураси, 186-оят).

(60) إِنَّ ٱلَّذِينَ يَسْتَكْبِرُونَ عَنْ عِبَادَتِى سَيَدْخُلُونَ جَهَنَّمَ دَاخِرِينَ
3. “Албатта, Менинг ибодатимдан кибр қилганлар жаҳаннамга хору зор ҳолларида кирурлар” (Ғофир сураси, 60-оят).

Абу Ҳурайра розияллоҳу анҳудан ривоят қилинади:
“Расулуллоҳ соллаллоҳу алайҳи васаллам:
“Ҳар кеча Роббимиз таборака таоло туннинг охирги учдан бири қолганда дунё осмонига тушади ва: “Ким Менга дуо қилади, Мен унга ижобат қилсам, ким Мендан сўрайди, Мен унга ато қилсам, ким Менга истиғфор айтади, мен уни мағфират қилсам”, дедилар”.
Бешовлари ривоят қилишган.

Ушбу ҳадисда Расулуллоҳ соллаллоҳу алайҳи васаллам дуо қилувчи билан сўровчининг, ижобат билан атонинг орасини фарқламоқдалар.
Иккинчидан, дуо ижобат қилиш сўралган нарсани беришдан кўра кенг ва умумийдир.

“Руҳий тарбия” китобидан