AkhrorPro Blogi

Hamma narsamiz manfaat uchunmi?

Manfaat o'zi nima? Nima uchun kerak? Qayerda ishlatamiz?

Qisqaroq aytganda manfaat - bu kim yoki nimadandir keladigan foyda. Biz uni har qayerda/joyda ishlatamiz. U bizga doim kerak!

Bizning har qaysi ishimiz, amalimiz natijasida manfaat keladi yoki beramiz.

Ikkiyuzlamachilik, tilyog'lamalik orqali keladigan manfaatlarni bilamiz albatta. Ammo, qilayotgan yaxshiliklarimiz manfaat uchun emas deb qaraymiz. Afsuski, har bir ishimizda manfaatlar mavjud.

Ibodat qilamiz, bizni yaratgan zotning roziligini olish uchun, bu manfaat.

Ehson qilamiz, gunohlarimiz kechirilishi va savobimiz ko'payishi uchun, bu manfaat.

Tuyg'ularimizni izhor qilamiz, umr yo'ldosh topish yoki biroz muddat vaqt o'tkazish uchun, bu manfaat. (Qo'pol yozgim kelmadi.)

Biror hayvonni erkalaymiz, unga mehr berish yoki o'zimiz zavq his qilish uchun, bu manfaat.

Blog yuritamiz, boshqalarga o'z tajribamiz foyda berishi, o'zimiz esa tanilishimiz uchun, bu ham manfaat.

Bunday misollar juda ko'p, har bir ishimiz manfaatlardan iborat. Shunchaki biz ularga manfaat deb qaramaymiz holos.

Kanalda kamnamoman, yetarlicha foydali ish qilolmayapman, yangi bilimlar ololmayapman. Harakatdaman. Natijasini kutyapman. Foydali bo'lishga harakat qilyapman.

O'zimizni aldamaylik, pora nomini hadyaga o'zgartirsak ham u poraligicha qoladi. Huddi shu kabi, manfaat so'zini yaxshilik so'ziga alishtirsak ham, u manfaatligicha qoladi.

Farqi shundaki, biz manfaatlarni to'g'ri yo'ldan topishimiz va to'g'ri yo'lga sarflashimiz mumkin. SHunday ekan foydali bo'lishga harakat qiling.

*Bandaman, men ham xato qilaman, (imlolarda, jumlalarda, fikrlarda bo'lgan) xatolarimni izohda yozib ketishingiz mumkin!

Men bilan qolganingiz uchun rahmat 💚

Hamon shu manzildaman: 👉 @akhrorpro_blogi

Qo'polroq o'xshatish, ammo, ma'noli gap.

So'lak yig'ilib qolsa yerga yokida pastga tupurish qulayroq, u o'sha yerda qoladi.

Lekin yuqoriga tupurish ancha xavfli, qaytib kelib ko'zga (o'zimizning tanamizga) ham tushib qolishi mumkin.

Atrofdagilarga qarang, kim ehtiyotini qilib tupurishmoqda ekan.

*Kech bo'lsada, Mustaqillik ayyomi hamda Kuzning avvali muborak bo'lsin aziz yurtdoshlar.

@akhrorpro_blogi | @pro_vibes

Har kim ham oynaga qaray olmaydi...

So'nggi vaqtlarni o'zim haqimda, qilayotgan ishlarim va yurgan yo'llarim haqida fikr yuritish uchun ancha vaqt paydo bo'lmoqda.

Vaqt paydo bo'lishiga sabab, o'zimni imkon qadar zararli odatlarimdan chetlatyapman. Ijtimoiy tarmoqlar, keraksiz suhbatlardan.

Tabiiyki anchagina vaqt ortib qoladi, bunday jarayon davomiy bo'lsa.

Ortib qolgan vaqtni nimadur ishlar/vazifalar bilan band qilinmasa insonda zerikish paydo bo'ladi.

Zerikish natijasida inson turli xildagi fikrlar bilan band bo'ladi.

Bu holatda esa zerikish yaxshi narsa.

Zerikishdan unumli foydalanib yangi g'oyalar haqida yokida foydali ishlar haqida yaxshigina fikrlab olish mumkin.

Yokida inson shu vaqtda o'z ishlari, yurayotgan yo'llari, ketayotgan manzili haqida, umuman olganda o'zi haqida fikr yuritishi mumkin.

Huddiki oynada o'z aksini ko'rib turgani kabi.

Afsuski bu holatni ko'pchilik xushlamaydi, o'ziga e'tibor qilgisi kelmaydi.

Boshqa insonlar va ularning ishlari haqida gapirish oson va o'rni kelsa mazmunli ish.

Ammo o'ziga qarata aytilgan fikrlar/feedbacklarni har kim ham qabul qila olmaydi.

Bu juda qiyin jarayon ekan.

Shuning uchun ham "har kim ham oynaga qaray olmaydi".

*Oynaga yaxshilab qarang, o'zingizga e'tibor qiling. Siz faqatgina o'zingizga keraklisiz.

Hozircha shu yerdaman: @akhrorpro_blogi

Tirilish davomli bo'lmoqda...

Bugun Instagramsiz 9-kunim.

Miyyam anchagina yaxshi dam olyapti. Endi yaxshi odat shakllantirish uchun energiyam ortib qolmoqda.

Shu oraliqda yangi kitob o'qishni boshladim. (Beparvolikning nozik san'ati)

Bugun esa yil boshidan beri boshlamoqchi bo'lgan ishimni boshladim. (Bardavom bo'lsin)

Sportga qaytdim, aniqrog'i endi boshladim 😁.

Sportni deb soat 5 da turishni ham boshladim.

Boshlagan bu odatimni davomiy qilishlik uchun kamida bir oylik plan qildim.

Bu haqida endi qisqacha har kuni yozib boraman @pro_vibes kanalimda.

O'zi bu narsani nega bu yerda yozdim.?

Sababi oddiy, ko'pchilikka bu haqida aytish orqali bu ishni bardavom qilish uchun o'zimda majburiyat hissi paydo bo'ladi va shu uchun ham qilaman.

Albattaki bu o'zim uchun to'laqonli foydali ish hisoblanadi, har holda sport foydali mashg'ulot.

Chellenj qilmoqchi bo'lganlar bo'lsa qabul qilaman 😁

O'zingizni ehtiyot qiling, kuningiz xayrli bo'lsin.

Hali ham shu manzildaman: @akhrorpro_blogi

Biroz tirilmoqdaman.

Oxirgi vaqtlarda eng qimmat resursimni shunchaki tekinga bervorayotgan edim.

Kun davomida soatlab reels/shorts ko'raman, kunim shu alfozda o'tib borardi.

Eng ko'p energiyam, diqqatim hamda vaqtim shu telefonda o'tardi va achinarlisi hech qanday manfaatli ilm ololmasdim garchi foydali videolar chiqsa ham.

Sababi foydali video 1 daqiqalik (agar borsa shunga ham, bo'lmasa juda qisqa) va keyingi videoga surib yuborish oson va short video taqdim etadigan plastformalarning asosiy quroli ham shu aslida.

Bu holatda ijtimoiy tarmoqlardan manfaat olish qiyin albatta.

Muammo aniq, yechim esa oddiy. Shunchaki bu dasturlardan foydalanmaslik eng yaxshi taktika hozircha.

Hozircha youtube platformasida qisqa videolarni kam miqdorda ko'rib boraman. Lekin Youtubedan ancha foydali videolar tomosha qilganim uchun ham dasturni o'chirmadim.

Chunki odatda youtube dasturida shortlarni uzoq vaqt ko'rmayman, va ko'rayotgan darajamni kamaytirib borishga, o'zimni nazorat qilishga harakat qilyapman. Huddiki nafs bilan kurashayotgandek.

Lekin agarda bu ham to'sqinlik qilib qolsa albatta dasturni o'chiraman va kerakli videolarni kompyuter orqali ko'rishni boshlayman.

Bu esa yanada foydali bo'ladi albatta.

Boshdan o'tgan tabib deganlaridek, sizga aytar tavsiyam;

Agarda sizda ham ijtimoiy tarmoq dasturlari halaqit berish holatlari ko'p bo'lsa, dasturni vaqtinchaga bo'lsa ham o'chirib turing. O'zingizga kelgunga qadar.

O'zingizni ehtiyot qiling hamda kanalimda birga qoling.

Manzilimiz o'zgarmadi: @akhrorpro_blogi

Inson ham, vaziyat ham o'zgaradi!

Insoniyatki, turli qarashlar sohib(a)laridir. Ular o'zlari o'rgangan, ishongan narsalari, olgan ilmlari orqali doim biror qaysidur fikrda bo'ladilar.

Doim kimdur/nimadur ular uchun noto'g'ri yo'lda bo'ladi yokida qadriyatlariga to'g'ri kelmaydi.

Meningcha bu normal holat. Insoniyat borki hamma adashib, xato qilgan. Bundan hech kim mustasno emas.

Hamma o'z yo'lini to'g'ri deb biladi. Qachonki shu yo'l oxirigacha borgunlariga qadar.

Shu yo'l orasida ham insonlar juda ko'plab xatolar qilishadi. O'zlari nihoyasiga yetkazishmagan ilmlarini boshqalarga ulashgisi keladi va aynan shu joyida eng ko'p xatolarga yo'l qo'yishadi.

Ba'zilar esa shu qilgan xatosini to'g'rilashga harakat qilishadi, o'rgatgan ilmlari noto'g'ri bo'lsa uzr so'rab bo'lsa ham tushuntirishga urunishadi.

Va ba'zilar esa aksincha, odamlardan andisha qilib, xatosini tan olmaydi ham.

Hullas, bunday xatolar juda ko'p. Bunday xatolarni qilayotgan insonlar ham.

Xulosa shuki, agar siz biror inson bilan oxirgi suhbatingizdan keyin fikrlaringiz to'g'ri kelmay qolsa, ikkingiz ham noto'g'ri yo'ldasiz degani emas. Shunchaki har kim yangi ilmlarni olguncha bir yo'lda bo'lishi mumkin. O'zingizdan boshqalarning ham fikrlarini neytral qabul qiling. Hammamizki insonlarmiz. Bir birimizni avvalo inson/odam ekanligimiz uchun hurmat qilaylik.

P/S: Anchadan beri ko'rinmay qoldim. Yangi ilmlar olishga harakatdaman. Kanalga ulashuvli tayinli biror ilm ololmaganim uchun hozircha sukutdaman.

Manzilimiz shu yer: @akhrorpro_blogi

Eid Mubarak! 💚✨

@akhrorpro_blogi

Oynaga qaradim!

Boshqalarga har so’zi ma’noli, o’ylab gapiradigan bola, o’ziga kelganda mantiqsiz gapiradigan,

O’zgalarga yetarlicha keraklicha aqllilik qilib, o’ziga kelganda shu aqlini ishlatmaydigan,

Puli yo’q vaqtida keraklicha siqilib, puli bor paytda isrof qilib ishlatadigan,

Motivatsiyani zo’r eshitib ruhlanib, boshqalarga ham zo’r motiv beradigan, ammo, lekin, va biroq o’zi uchun shu motivdan zarracha ishlatmaydigan,

Tanishlariga pozitiv bo’lishni o’rgatib, o’zi negadur doim negativ yuradigan,

O’zgalar kayfiyatini ko’tarib, yolg’iz qolganda doim siqilib qoladigan,

Odamlar oldida eksrovert bo’lib, o’zi qolsa introvert bo’lib oladigan,

Tanishlariga “harakat qilib, o’z ustida ishlab yaxshiroq natijaga erishishi kerakligi”ni aytib, o’zi hech qanday harakat qilmaydigan,

Biror ishi o’xshab qolsa, “men harakat qildimda” deb faxrlanib, o’xshamay qolgan ishi vaqtida “hammasi yaratgan egamdanda endi” deb bahona qivoradigan

Hullas sanasa kamchiligi hech tugamaydigan, ammo, odamlarga benuqsondek ko’rinadigan odamni ko’rdim.

Qo’rqib kettim!

Sen oynada nimani ko’rding? Ehtiyot bo’l sen ham qo’rqib ketma.

*Ushbu post ba’zi tanishlarim menga oyna bo’lgan holatlaridan kelib chiqib yozildi.

Bahorning ilk kuni muborak bo’lsin! Ushbu fasl ham xayrli o’tsin.

Tanishlarga postni ulashib kanalga taklif etaverasizlar! Chetdan kuzatmasdan o’zingiz ham obuna bo’lavering!!!

@akhrorpro_blogi

Menga ishonma, ko’ringanim kabi emasman!

Hashamatli joylardan videostory qo’yaman, aslida o’zim oddiy kvartirada ijarada yashayman!

Insta Storyda restoranda o’tirgandim, aslida esa perashkaxonada edim!

Taniqli insonlar bilan huddi yaqindek rasmlarga tushib, ijtimoiy tarmoqlarga joylaganman, aslida ular bilan bor yog’i bir marotaba zo’rg’a ko’risha oldim!

Tarmoqlarda Ota-onamga juda mehribonman, aslida esa ular uchun zarracha bir ish qilolganim yo'q!

Odamlarga juda yaxshi muomala qilaman, aslida o'zim uchun ikkiyuzlamachidekman!

Birovlarni muammolariga jon deb yordam qilaman, aslida o'zimga e'tibor qila olmayman!

Boshqalarga juda yaxshi motivatsiya beraman, instizom haqida gapirib beraman, maqsadlar qo'yish haqida maslahatlar beraman, lekin o'zim birortasiga amal qilmayman!

Men shunday odamman, ko'ringanim kabi bo'lolmay(ap)man!

Lekin senga bir maslahat:

"Ko'ringaning kabi bo'l, yoki asling kabi ko'rin.!"

Garchi kech bo'lsada, Yangi yilda ushbu sahifam orqali yana qayta ko'rishganimdan hursandman.

Kanalimga obuna bo'lib, shunaqa tanishlarga yuborib qo'y, ular ham o'zlarini ko'rsinlar!

@akhrorpro_blogi

Senda hech narsa qoldira olmadim!
Yil sarhisobi va yilning so’nggi posti.

Ushbu yil men uchun kattagina dars sifatida esda qolarli yil bo’ldi.

Jumladan bu yilda men:
- Moddiy va ma’naviy erkinlikka erishdim
- Yangi kasb egasi bo’ldim
- Yangi va yaqin do’stlar, tanishlar orttirdim
- Kerakli ko’plab foydali ilmlarga ega bo’ldim
- Kengroq dunyoqarash, yaxshiroq fikrlay ola boshladim
- Yangi ustozlar topdim
- Qolaversa yangi maqsadlar, rejalar va shu kabi yana bir qator faktorlarga ega bo’ldim.

Lekin eng muhimi men ushbu yilda hayotim davomida sevishim kerak bo’lgan insonlarni topdim. Ularga bo’lgan sevgimni qayta kashf eta oldim.

Va shu qatorda afsuslar bo’lsinki, ushbu yilda o’zimdan iz qoldira olmadim. Foydali ishlar qila olmadim. O’zimga yaqinlarimga foydali bo’ladigan amallar qila olmadim.

Mayli hech qisi yo’q. Hechdan ko’ra kech deganlaridek, kelgusi 2024-yilda albatta chuqur iz qoldiraman va qolaversa o’zim, yaqinlarim uchun foydali ishlarni albatta amalga oshiraman.

Kelayotgan yil uchun foydali maqsadlar rejalar tuzib oldim, endi uni amalga oshira olsam albatta marra meniki.

Shunday ekan azizlar, kirib kelayotgan yangi “2024-yil” barchimizga xayrli va barokotli kelsin.

Yaratgan egam bizlarga ushbu yilni manfaatli qilgan bo’lsin.

Yangi yilda yana habarlashguncha deb qolaman😊

@akhrorpro_blogi

8-Dekabr O’zbekiston Respublikasi Konstitutsiyasi qabul qilingan kun!

Ushbu kun bilan barchani tabriklayman.

Qonunlarimiz barchamiz uchun barobarligini ta’minlanishini va u jamiyatimizdagi har qaysi qarorlardan ustun va oliy bo’lishini tilab qolamiz!

@akhrorpro_blogi

Bugun 20-noyabr, “Jahon bolalar huquqlari” kuni.

45 kun ichida birgina davlatni o’zidan 6000 nafar bolakayning “yashash” nomli huquqini boy berdik. 😢

*U bizni kechirmaydi.

P/S: Eng kuchli va juda chuqur emotsiyalar ostida yozildi. Oson emas ekan.

Hotirjammiz hotirjam, hotirjam!

@akhrorpro_blogi