Ajr Islom🌙

40 КУН ЧИРОҚ ЁҚИШ ҲУКМИ

@Shayx_Muxlislari САВОЛ:

Ассалому алайкум! Отам хаётдан куз юмганларида катталар отам яшаган хонанинг чироғини 40 ёқиб қўйиш кераклигини айтишяпти. Бу бидат ва исроф эмасми?

ЖАВОБ:

- Ва алайкум ассалом! Исрофдан бошқа нима бўлиши мумкин. Исрофнинг каттаси ҳам кичига ҳам ози ҳам кўпи ҳам ҳаромдир. Валлоҳу аълам!

«Зикр аҳлидан сўранг» ҳайъати

ТЕЛЕФОНДАГИ ҚУРЪОННИ ТАҲОРАТСИЗ ЎҚИШ

@Shayx_Muxlislari САВОЛ:

Ассалому алайкум! Биламизки таҳоратсиз Қуръонни ўқиш-ушлаш мумкин эмас. Баъзи жавобларда Қуръони карим суралари ҳам келади, бунда қандай йўл тутиш керак?

ЖАВОБ:

- Ва алайкум ассалом! Қуръонни таҳоратсиз ушлаш жоиз эмас. Уни таҳоратсиз ўқишда ҳеч қандай зарар йўқ. Валлоҳу аълам!

«Зикр аҳлидан сўранг» ҳайъати

БЎЛАЖАК ФАРЗАНДИНГИЗНИНГ ҚОРИ БЎЛИШИНИ ИСТАЙСИЗМИ?

#Албатта_ўқинг

Бунинг йўли сиз ўйлаганчалик қийин эмас. Озгина диққат-эътибор қаратсангиз, қарабсизки, фарзандингиз Аллоҳнинг каломи бўлмиш Қуръони каримни тез ва осон ёд олишга эришади. Бу иш тажрибадан ўтган ва ўз самарасини берган.
Яқинда бир киши билан гаплашиб қолдим. Икки нафар фарзанди бўлиб, ҳар иккиси ҳам 7 ёшида Қуръони каримни мукаммал ёд олибди. Тўғриси ажабландим. Ундан бунинг услубини сўраганимда, шундай жавоб эшитдим:
“Янги уйланган вақтимда турмуш ўртоғим фақат намоз ўқир аммо араб алифболаридан мутлақо бехабар эди. Унга аста-секин Қуръони каримни ўқишни ўргата бошладим. 3-4 ой деганда Қуръони каримни ўзи мустақил ўқийдиган бўлди. Биринчи фарзандимиз туғилгунга қадар Қуръонга меҳр қўйди, туну кун тиловат этарди. Бирор юмуш билан машғул бўлган пайтларида ҳам имкон қадар кассета ёки дисклардан тиловат эшитишни канда қилмасди.
Тўйимизга бир йил тўлар-тўлмас Аллоҳ бизга ўғил фарзанд ато этди. Аёлим эса Қуръон тиловатида бардавом эди. Қуръон тиловати билан бешикни тебратарди, чақалоқни эмизарди...
Бир куни ажойиб воқеа рўй берди. Хуфтон намозидан кейин Мулк сурасини тиловат қилиш чоғида қайсидир оятда адашиб кетдим. Шунда уйнинг бурчагида ўйнаб ўтирган, эндигина 3 ёшга кирган ўғлим мен чалғиган оятни тузатиб қўйди. Бир муддат ўзимни йўқотиб қўйдим. Карахт аҳволда эдим. Кўзимдан тирқираб ёш чиқиб кетди. Ҳали тўлиқ гапиришга ҳам улгурмаган ўғлим Мулк сурасида менга луқма берганди. Қувончим ичимга сиғмасдан уни қаттиқ бағримга босдим. Аёлим иккимиз бошқа кичик сураларни бирма-бир ўқисак, ўғлим биз билан бирга лаблари пичирлаб давом этарди.
Шу кундан бошлаб кучимизга куч қўшилди. Олдингиданда кўпроқ Қуръонга меҳр қўйдик. Бир йил ўтиб қизчамиз туғилди. У ҳам худди акасининг йўлини тутди...
Ана шунақа. Аллоҳ бизни икки нафар фарзанд неъмати билан сийлади. Ҳар иккиси 7 ёшида Қуръони каримни мукаммал ёд олишга муваффақ бўлишди. Ҳозирда араб тилини ўрганишмоқда.
Агар бошқа фарзандларим ҳам бўлганида эди, иншааллоҳ, уларни ҳам қори қилишга астойдил бел боғлаган бўлардим”.

ЖИНСИЙ ЯҚИНЛИК ҚИЛИНСА, ЛЕКИН УРУҒ ТЎКИЛМАСА ҒУСЛ ҚИЛИНАДИМИ?

@Shayx_Muxlislari САВОЛ:

Ассалому алайкум! Агар эркак аёли билан алоқада бўлсаю, маний аёлини жинсий азосига тушмаса, аёлнинг ғусл қилиши вожиб бўладими?

ЖАВОБ:

- Ва алайкум ассалом! Хатна қилинган жойи аёлнинг қинига кириши билан иккисига ҳам ғусл вожиб  бўлади. Айни шу савол бўлганида Оиша онамиз “Мен билан Расулуллоҳ соллаллоҳу алайҳи васалламдан шу иш содир бўлиб, иккимиз ҳам ғусл қилдик” деб жавоб берганлар. Шундан сўнг ҳазрати Умар розияллоҳу анҳу маний тўкилмаса ҳам ғусл вожиб бўлишлигига фатво чиқарганлар ва бунга ҳамма саҳоблар эргашганлар. Валлоҳу аълам!

«Зикр аҳлидан сўранг» ҳайъати

ҚУЛОҚ ЯХШИ ЭШИТМАСА

@Shayx_Muxlislari САВОЛ:

Ассалому алайкум! Ёшим 22 да. Турмушга чиқмаганман. Қулоғим яхши эшитмайди. Туғма. Талаффузим жудаям хунук. Намоз ўқийман. Аллоҳдан шифоимни сўрайман. Уйимга совчилар келишмайди. Кўпчилик дилимни оғритади. “Нимага эшитмайсиз, нега унақасиз?”, дейишади. Азон эшитмайман. Азонни эшитишимни хоҳлайман.

ЖАВОБ:

- Ва алайкум ассалом! 

عَنْ جَابِرٍ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: يَوَدُّ أَهْلُ الْعَافِيَةِ يَوْمَ الْقِيَامَةِ حِينَ يُعْطَى أَهْلُ الْبَلَاءِ الثَّوَابَ لَوْ أَنَّ جُلُودَهُمْ كَانَتْ قُرِضَتْ فِي الدُّنْيَا بِالْمَقَارِيضِ. رَوَى التِّرْمِذِيُّ هَذِهِ السَّبْعَةَ  

Жобир розияллоҳу анҳудан ривоят қилинади:
«Набий соллаллоҳу алайҳи васаллам:
«Қиёмат куни аҳли балоларга савоб берилган пайтда аҳли офиятлар дунёда терилари қайчи билан қийилган бўлишини орзу қиладилар», дедилар».
Ушбу ҳадисни Термизий ривоят қилган.

Шарҳ: Бу дунёда ўзига етган балоларни Аллоҳ таолонинг ҳукмидан деб билиб, уларга сабр қилган мўмин бандага бериладиган савобларга бу дунёда бало-офатлардан узоқда бўлиб ўтганлар ҳавас қилар эканлар. Шунинг учун Аллоҳ таолонинг иродаси ила етган балоларга сабр қилиб, Аллоҳ таолодан савоб умидида бўлиш лозим. Ушбу ҳадиси шарифда бу дунёда бало-офатларга учраган мўмин банда учун катта тасалли бор.
Шу билан бирга, алоҳида таъкидлаш лозимки, мўмин банда савоби кўп бўлар экан, деб, ўзини ўзи балога уриши ёки ўзига ўзи бало етишини тилаши мутлақо мумкин эмас. ("Ҳадис ва Ҳаёт" китобидан). Валлоҳу аълам!

«Зикр аҳлидан сўранг» ҳайъати

АЁЛНИНГ ТОПГАН ПУЛИ ЭРИНИКИМИ?

@Shayx_Muxlislari САВОЛ:

Ассалому алайкум! Ўқитувчи бўлиб ишлайман. Турмуш ўртоғим пластик картани олволадида, фақатгина йўл пулини беради. Тушлик ва кундалик чиқим (сир эмаски бизда йиғди йиғдилар кўп) ларга умуман бермайди. “Мен ишлашга рухсат берганим учун ҳар бир тийининг меники” дейди. 4 йил контакт тўлаб ўқитган бева онамга ҳам 2 дона нон олиб боришимга кўнмайди. 4 йилдирки битта пайпоқ ҳам олиб бермаган ўз маошидан. Ўзим ялиниб нақд пул чиққанида олволаман. Қийналиб кетдим, 1,5 млн топиб туриб, муҳтожликдан. Нима қилай? Бу ҳолатга бирор шаръий ҳукм борми? Имкон қадар кўп марта эълон қилинсинки, диний саводи саёз мулла акалар хотинга қулдай қараши камайсин. Андижонда бундай ҳолат табиий, яна қолмишига хотин ёки бола касал бўлса, отасиникида даволаниб келиши шарт!

ЖАВОБ:

- Ва алайкум ассалом! Аёлнинг топган пулидан бир тийнида ҳам эрнинг ҳаққи йўқ. Қандай қилиб олишни имконини қилсангиз олишга ҳаққингиз бор. Болани даволаш отанинг зиммасидан фарздир. Валлоҳу аълам!

«Зикр аҳлидан сўранг» ҳайъати