Mening hikoyalarim 🙂

Man Makkada nikohim o'qilishini niyat qilardim, umraga borganimda sovchi chiqti kutilmagan taklif bo'lgani uchun tayinli javob aytmay qaytgandim. Endi esa u inson menga ma'qul biroq na men borolaman, na u kelishga imkoni bor... G'alati ahvoldaman .... negadir doim menda Xudodan boshqasi yordam berolmaydigan sinovlar keladi ☺️

Bilasanmi, atrofimda menga uzatilgan qo'llar ko'p, shunchaki meni xursan qilish uchungina, lekin men senga uzataman senga .... afsuski uzatmaganim yaxshi edi deyman...

Tan olishim kerak, geografiyani qayta o'rganyapman va o'rganib borgim keladigan manzillarim ko'payib bormoqda ☺️, endi man bilan birga sayohat qilishga tayyor, yaxshi hamroh uchrashini kutvomman 😁, albatta ikkalamizani harajatimiza uni bo'ynida 😌!

Alloh qanchalar Buyuk va Mexribon! Alloh har doim qalb yaramni bitishi uchun ish bilan ovora qilib qo'yadi meni 😊. Hozirda ham shunday, men suzayotgan oqimdan tashqari oqimda suzmoqdaman, soat millari o'tib bormoqda kuzning so'nggi oyi ham o'z o'rnini qishga bo'shatish uchun tarddudlanmoqda... Mening esa bularga e'tibor bergulik holim yo'q, karyeram bilan ovoraman! Har doimgidey karyeram omadliyu, shaxsiy hayotim suv quygandek jim jit... Ba'zan chuqur o'yga tolaman, atrofimda na shaxsiy hayotda, na bir ishda omadi chopmagan insonlarni ko'rib shukr qilaman va yashashda davom etishim kerak deya yana o'zimni olg'a yurishga majburlayman! Ichimda ba'zan kimlardir menga qarab kuch oladi, yana kimlarga namunaman, yana kimlardir havas qiladiku deya taskin beraman 🙂! Hammaga aytadigan bir gapim bor: "Bosh omon bo'lsa, do'ppi topiladi", o'zimga ham shu gapni aytib kulib qo'yaman!

Men bugun vanihoyat uni qo'yib yubordim, xohlaganim uchunmas, boshqa choram yo'qligi uchun. Uning o'z hayot yo'li bor, men unga halal bermayotgandim, balki uning ilhom manbai edim. Lekin o'zim unga kundan kun bog'lanib qolib, o'zim baxtli bo'lmay qolgandim. U uchun esa men yashirilgan xazina edim, na meni o'ziniki qila olar, na meni tashlab keta olardi. Biroq oramizdagi eng katta farq, u yolg'iz emas atrofida yaqinlari ko'p, mening esa yo'qotadigan yaqinimning o'zi yo'q edi. Menda faqat U bor edi, lekin meniki emas...
Bir vaqtlar qanchalar baxt bergan bo'lsam, endi shunchalar balki kuchliroq azob berayotgan edim, u esa o'sha azob bilan yashashga ko'nikib yashamoqchi ham edi. Afsuski, oramizdagi arosat eshigini yopish kerak, yopilmagan eshikdan umid uzilmay davom etaverardik...
Bir lahzada uni butunlay yo'qotishimni angladimu, mayli mendan uzoqda, kim bilan bo'lsa ham, hayot bo'lishini baxtli yashashini, yashashini istadim! Meniki bo'lmasa ham u yashashi kerak, men bilan bo'lmasa ham u yashashi kerak!
Oramizdagi eshikni yopdim, u uchun ham yopildi!
Endi shunchaki yashashda davom etmoqlik kerak... Har kunimni baxt sanab, shukrona bilan shunchaki yashashimiz kerak!
Uni Allohga amonat topshiraman va Jannatlarda birga bo'lish nasib etar degan umid bor!

Bir kun, hech kutilmaganda hayolingga ham kelmagan bir tasodif bilan kimdir hayotingga kirib keladiki hayratda qolasan. U bir vaqtning o'zida ham kutilmagan, ham kutilgan ne'mat!
Yillar davomida duolaringda so'ragan, ba'zan xatto Alloh senga shunday go'zal ne'mat berishiga ishonmay qoladigan duoing birdan ijobotini topib qarshingdan chiqqanini anglab es- hushingdan ayrilasan!
U olov bo'lib kirib keladi, sovuqda qolgan muzlay boshlagan qalbingni muzlardan eritib o'zining tafti ila yana ilitadi.
Yana ko'ngling bahordek ochiladi, yana nafis iforli gullar bilan burkangan go'zal maskanga aylanadi!
Uni darrov tanimasliging mumkindir ammo, albatta yuraging senga tanitadi, anglatadi! U olov bo'lib yonishni boshlaydi, harchand urinma u olovni na o'chira olasan, na bir qarshilik qilolasan...
Ming bir hayrat, ming bir savollar ila unga yuzlanarkansan, uni ham o'zingdek bir hayratda, o'zingdek olovda ekanligini ko'rib, taqdiringga taslim bo'lasan.
U o'sha, Alloh qalbingga niyat qilib solgan, uning siyratini tanitib qo'yib, faqat uni izlashga, uni o'ylashga majburlagan. Boshqalardan topolmay charchaganingda, O'ziga yolvorib nahot, adashuvdaman deya ko'z yosh to'kkaningda, hattoki oddiy odamlardek yashashingga yo'l bermagan qalbingdagi bu his sabab atrofingdagi qalbsiz va yoki qalbini eshtishdan mosuvolarning nadomatlariyu, g'iybatu- bo'xtonlariga uchraganingda senga yana tasalli bergan duoing va yoki taqdiring!

Sinovlar ketma ket kelganda, yolg'iz qolgandek, yengiladigandek tuyilishni boshlaganda, men bormanku deya Allohning madadi, himoyasi va mo'jizasi kelsa qanday Baxt! Alloh shu hisni his etishimiz uchun ham sinovlar yuborsa kerak )))
Har bir kunimga Alhamdulillah!

Qancha vaqtlar o'tib men yana o'zligimga qalbimga nazar solishga muvaffaq bo'ldim, uning ila dardlashdim, uni yana eshita oldim. Yillar bo'ronida dunyoning ishlari bilan ovvora bo'libmanu Alloh meni nega yaratgani asl maqsadimdan chalg'ib ketibman... Ammo behad mexribon Robbim aslo zoye qilmadi. Meni yana o'zi tomonga borishim uchun yo'llar paydo qildi. Vulqon og'ziga bordim, tuxmatlar bo'ronida qoldim, xasadning olovli hujumidan omon qoldim, do'stning xiyonati, xiylagarning aldovida chuv tushdim... Lekin Alhamdulillah, Alloh zoye qilmadi, Yunus alayhissalomni baliqning qornidan qanday qutqargani bo'lsa meni ham shunday qutqardi, sharmanda qilmoqchi bo'lganlar o'zlarining chohlariga o'zlari tushdilar, Alloh yana aziz qildi. Alhamdulillah

Men shu duoni doim sajdada o'qishga harakat qilaman: Аллахумма магфирли вали волидайна, вали джамии муъминина вал муъминот, муслимина вал муслимот,
бирахматика ё ар-хамар-рохимим. Balki shunga barcha musulmonlar taniydi degandir tushimdagi nonvoy! Lekin bu duoni savobini sanog'ini bilmasligimni bilaman 🙂

Bugun ajoyib tush ko'ribman, unda sen ham bor eding, o'z uyimizda. Ammo men kalitimni yo'qotib qo'ydim, uni topish umidida arosatga boribman, kiraverishda nonvoy non yopgancha menga kulib salomlar aytar, shunaqangi mexr ila so'rashardiki, men hayratda edim. Aytishicha meni hamma musulmonlar tanir ekan, men hazilga olib yo'limda davom etardim. Kimlardir yer shudgorlar, yana kimlardir yong'oq terardi, ularga bir qop yong'oq buyurtma qildim juda yengillik bilan maydonga kirib bordim, o'ng tamondagi buloqdan suv ichdim. Va birdan butun qalbim rohat tuydi, sakinat borlig'imni qsmrab oldi... Qayta tug'ilgandek bo'ldim, bu boshqacha tasvirlashga ojizman, negadir uyerdan ketgim kelmay qoldi... Bir payt rahmatli otamga ko'zim tushdi, yonlarida yana kimdir bor, qizg'in suhbat qurdik, lekin men bu oraliqdan o'tishim kerak edi u yerda yashil bog'lar va sharsharalarga ko'zim tushdi, yurishga chog'langan zahotim uyg'onib kettim.... Xullas tushimning ta'birini qilolmadim, lekin Allohdan faqat yaxshi gumondaman!

#Oyga_qara
Yana halovatimni yo'qotdim, yana oromimni o'g'irlab, hayollarimni to'zitib, butun ongu - shuurimni egallab kirib kelding! Qachon sendan qutilaman?...
Yo qayt va bir umrga qol, yo ket va oxirgacha tinch qo'y! Hayotimni ostun - ustun qilib ketganingdan beri haliyam bir maromga qaytgani yo'q...

ОРЗУ деразаларини очинг...
УМИД ёғдуларини чорланг...
Руҳингиз янгидан туғилсин!
Бошланаётган кунингиз хайрли бўлсин!

Ҳаётимиз Атиргулга ўхшайди... Унда кувонтирадиган чирой ҳам, санчиб, жонимизни оғритадиган тиконлари ҳам бор...

АССАЛОМУ АЛАЙКУМ..
Тонг муборак бўлсин..!!

Ҳаётимиз гоҳ ширин, гоҳ аччиқ кўриниш берар экан, бу биз учун синов тариқасида юборилаётганини унутмайлик, оғир ва нордон чиғириқларни сабру ирода, қаноат билан идрок қилишликни юракка муҳрлайлик.

Яхши ва ёрқин кунлар ҳадясидан кўзимиз «тиниб» кетмасдан Аллоҳга шукроналикда бўлайлик...

Зеро, ҳар бир юборилаётган тақдир туҳфаларининг ажри бордир..

Сизларга Аллоҳнинг гўзал кунларини, ҳайру~барокатини, силаи~рахмини, бир~биримиз орамизда адолат хукм суришини, меҳр~оқибат йўқолмаслиги, Ота~оналар хизматида бўлиб, фарзандлар камолини кўриб юришликни, энг асосийси Аллоҳ барчамизга соғлик~саломатлик ато этишини ва дунёдаги барча яҳшиликларни сизларга тилаймиз. Инсофу диёнат, меҳру оқибат йўқолмасин Азизлар!!
Хайрли Кун!! 😊😊😊😊😊😊😊

@aisha_eva_kanali

Яқин ўтмишда бўлиб ўтган ҳаммасидан ўзгача бир учрашув ҳақида...

Тақдир насиб бўлиб, тўйдан олдин бўлажак келин-куёвни учраштиришмоқчи бўлишди... Икки ёш гаплашиб, кўришиб, келишиб олишсин, дейишди. Куёв кичик холаси билан келиннинг уйига ташриф буюрди. Келин тараф эса катта амма билан меҳмонларни хуш келибсизлар, дея кутиб олишди. Икки томон йигит ва қизни дарвоза яқинидаги кичик меҳмонхонада бемалол гаплашиб олинглар деб, ёлғиз қолдиришмоқчи бўлдилар. Бунга олима келин ҳам, олим куёв ҳам бир овоздан қарши чиқдилар. Никоҳдан олдин, яъни номаҳрамлар хилватда ёлғиз қолиши мумкин эмас эмиш.
Кичик холага юзланишди:
– Ёшлар билан сиз бирга ўтиринг бўлмаса.
– Тўғрисини айтсам, менда хижолатпазлик жуда кучли. Ёшларни ҳам уялтириб қўймай, — деб узр айтгандай бўлди кичик амма.
Ахийри катта амма ёшларга шерик бўлишга рози бўлди. Куёв қисқа ва лўнда қилиб дилдаги гапларини айта бошлади... Келин эса ҳар бир гапга диққат билан қулоқ солиб турарди.
– Энг муҳим гапларим шулар эди. Қолганларини айтмасам ҳам сиздек ўқиган қизнинг ўзи билади, деб ўйлайман, — деди бўлажак куёв.
– Қизим, бирор гапинг бўлса хижолат бўлмай сен ҳам айтавер, — деди амма суҳбатга аралашиб.
– Ҳа, албатта, кўнгилингиздаги гапларни тўйдан олдин билишни хоҳлардим, — деди куёв ҳам.
Бироз сукутдан кейин келин гап бошлади:
– Дунё савдосида ҳам, умр савдосида ҳам ёлғон ишлатиш мутлақ ҳаромлигини ва ҳийла ишлатиш макруҳлигини эслатиб бир нарса сўрасам майлими? — деди қиз.
– Албатта, хурсанд бўламан ва илтимос қиламан, — деди куёв.
– Сизни УТРУЖЖА деб гумон қиламан, адашмаяпманми?, — деди қиз.
– Муболаға қилмайман, ўзимни мақтамайман ҳам... Авваллари утружжа эдим, ишим кўпайиб кетгани ва бошқа сабаблар билан ХУРМО бўлиб қолдим-да. Аллоҳ ислоҳ қилсин... — деб жавоб берди бўлажак куёв.
– Райҳон бўлмаганингизга шукр. Лекин мен бир умр утружжани орзу қилгандим...
– Яна утружжа бўлишга ҳаракат қиламан, ИншаАллоҳ.
– Ҳаракат эмас, ваъда берсангиз, розиман...
Зеро, эр йигитлар ваъдасига ҳам, ёрига ҳам вафо қиладилар, — деди олима қиз.
– Хўп, Аллоҳ номи ила ваъда бераман. Солиҳа аёл диннинг ярмидир, деганлари шу бўлса керак. Сизга ва сизни тарбия қилганларга катта раҳмат. Барчамиздан Аллоҳ рози бўлсин. Энди менга рухсат. Қолган гапларни никоҳдан кейин гаплашармиз. Унгача зарур гап чиқиб қолса холам орқали етказаман, ИншаАллоҳ, — дея бўлажак куёв катта аммага юзланди. 
Амма эса айтилган гапларнинг ҳаммасига ҳам тушунмай ҳайрон бўлиб ўтирарди. 
– «Утружжаси нима энди...? Куёв хурмоман, дейдими...? Анави қўшиқчи Райҳон ҳақида ҳам гаплашишдими...?» — дер эди ичида.
Куёв кетганидан кейин амма жияни олдига ошиқди.
– Вой қизим, нималар ҳақида гаплашдиларинг? Мен айрим гапларингга умуман тушунмадим?
– Сиз хавотир олманг, аммажон. Биз ўзимиз келишиб олдик, — деди олима қиз нимтабассум билан... 
– Жон қизим, тезроқ айта қолгин нималар ҳақида гаплашдиларинг?!
Абу Мусо Ашъарий розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Қуръон ўқийдиган мўмин худди утружжага ўхшайди. Унинг ҳиди ёқимли, мазаси ширин. Қуръон ўқимайдиган мўмин эса хурмо кабидир. Унинг ҳиди йўқ, аммо мазаси ширин. Қуръон ўқийдиган мунофиқ райҳон кабидир, хушбўй, аммо мазаси аччиқ. Қуръон ўқимайдиган мунофиқ эса ҳанзала сингари, ҳидсиз ва таъми аччиқдир». дедилар. (Муттафақун алайҳ). — деди қиз бироз хижолат бўлиб.
– Вой омилигим қурсин-ей, вой олима жиянимдан ўргилай, — дерди амма ўзини кулгидан тўхтатолмай. 

Аллоҳ таоло иффат талабидагиларни солиҳ-солиҳа жуфтлар ила ризқлантирсин! Амийн!

Assalomu alaykum! Barcha -barchaga Xayrli kun! Kunni tabassum ila o'tkazamiz 😊, bilaman hamma zerikkan ammo siz sog'lomsiz shuni aslo unitmang! Zerikmaslik uchun yuqoridagi 👆👆 kanallar linkiga kirib foydalanishingiz mumkin!

@aisha_eva_kanali