АГРОМАРКАЗ ЯЙПАН

​​Иссикхонада Булгор калампири йетиштириш.

Булғор қалампири очиқ майдонларда ҳам иссиқхоналарда ҳам яхши ўсади. Шунинг учун уни эртанги сабзавотлар қаторида етиштириш мумкин. Булғор
қалампирини иссиқхоналарда махсус иситгичларсиз ҳам бемалол етиштириш мумкин. Бунинг учун иссиқхона 2 қават плёнка билан ёпилади. Бу иш
феврал ойининг охирларига тўғри келади.
Иссиқхоналарга экиш учун булғор қалампири кўчатларини январь ойидан бошлаб, юқори ҳарорат ҳосил қилинадиган махсус иссиқхоналарга экилади.
Бу ерда улар керакли ҳарорат ва парвариш билан тайёрланиб, феврал охирларида бошқа жойларга ўтқазилади. Бунда кўчатлар махсус селофан идишлар
(стакан)ларда ўстирилади.
Булғор қалампири кўчатлари орасини 30-35 см дан қилиб, қатор ораларини еса, 60-70 см дан қилиб экилади. Фақат қуёш нури орқали иситиладиган
иссиқхоналарда кўчатлар феврал ойида ва март ойининг илк кунларида экилганда иссиқхона ичига қўшимча яна бир қават селофан плёнка ёпилиши
керак. Чунки бу даврда ҳаво ҳарорати совуқ бўлиб, тунда тушадиган қировлар натижасида кўчатларни совуқ уриши мумкин.
Кўчатларни экишдан олдин иссиқхона тупроғи яхшилаб ўғитланади ва юмшатилиб, ишланади. Бунда ерга аммофос, фосфор, озроқ миқдорда калий
ўғитларини солиш мумкин. Маҳаллий ўғитларнинг эса яхши чиритилганларинигина солиш мумкин. Янгиларини солиш мумкин эмас, чунки ҳаво
ҳарорати кўтарилиши билан, ҳали чириб улгурмаган гўнглар чиришни бошлайди ва тупроқни қиздиради ва натижада ўсимлик илдизини қиздириб,
куйдиради. Бунинг оқибатида эндигина мевага кирган ниҳоллар қуриб қолади.
Янги экилган кўчатларга ҳар куни сув қўйиб турилади. Чунки қиш пайтида эгатлаб суғормаган маъқул. Шунда иссиқхона тупроғи қуруқ бўлиб, қуёшнинг ёруғида тезда исиб
кетади ва кўчатлар бемалол ўса олади.
Кўчатлар ерга яхши ўрнашиб олгандан сўнг, ерни ўғитлаш ва суғориш мумкин. Ўғитни кўчатга жуда яқин ҳам, жуда узоқ ҳам солмаслик керак. Шу билан
бирга ўғит эгатнинг суғориладиган томонига солиниши шарт. Чунки кўчатлар ҳали кичкина бўлганлиги учун, эгатнинг бир томонига экилган бўлади ва
кейинчалик чопиқ қилиш жараёнида эгат ўртасига олинади. Агар бу даврда ўғитни эгатнинг қуруқ томонига солиб қўйилса ва намлик яхши етиб
бормаганда ёш ниҳоллар қуриб қолиши мумкин. Ёки эндигина шоналаган кўчатларнинг шоналари қуриб тўкилиб кетиши мумкин. Бу жараён ўғитни
ҳаддан ортиқ миқдорда кўп солинганда ҳам юз беради. Бу билан дастлабки олинадиган ҳосиллар нобуд бўлади.
Ўсув даврида ўсимликка ҳар галги суғоришда озроқ-озроқдан селитра, сулфат аммония каби ўғитлардан солиш мумкин. Маҳаллий ўғитларни эса шарбат
усулида суғориш билан қўшиб амалга ошириш мумкин.
Булғор қалампири ҳар 5-7 кунда суғориб турилади. Суғоришдан кейин тупроқ етилиши билан чопиқ қилиниб, бегона ўтлардан тозалаб турилади. Булғор
қалампирлари оқариб, ялтираши билан териб олинади. Ҳосилнинг дастлабкилари кўчат экилгандан 40-45 кун ўтиб етилади, кейингилари эса тезроқ 20-25
кун давомида етилади. 

@agromir_yaypan

​​Агромарказимизда ЭРОН давлатида ишлаб чикарилган аналоги Овипрон болган препаратлар мавжуд.
Сарф расходи 15лт/тоннасига .
Препарат нархи 70000 сум/лт . хисобланади.

@agromir_yaypan

​​Дарахтларга ёғли аралашма сепиш сабаблари ва уни таъсири:
1. Димиқтириш нафас олиш йўлларини беркитади. Тухумлар, хашоратлар ва каналар.
2. Захар мой ҳашаротларнинг ички модда алмашинуви жараёнини бузади ва уларни нобуд қилади.
3. Агар унга инсектицид қўшилса – унинг таъсир кучи кенгаяди ва ортади.
Ёғли аралашма қайси ҳашаротларга қарши мой сепилади?
Калкондорлар(шитовка),кизил олма канаси,унсимон курт,шафтоли постлок бити.
Овипрон сепиш вакти ва коидаси.
1. Ҳарорат фақат +4 C дан юқори бўлганда сепинг. Агар ҳаво совуқ бўлса, мой ва сув тез бир-биридан ажралиб кетади. Агар тиним даври охирида сепаётган бўлсангиз, очилган куртаклар учи ва гуллар зарарланишидан эҳтиёт бўлинг, ҳарорат 0 C дан пасайиб кетмаслиги шарт.

2. Намлик миқдори (RH%) 60% дан кам бўлмаслиги шарт, бу мойни тез парланиб кетишига ёрдам беради. Агар дарахтлар хўл ёки ҳаво ёмғирли бўлса ҳам аралашма сепишни тўхтатинг. Чунки мой парланиб кетмайди ва дарахтларга зарар етади.

3. Шамол бўлганда ҳам сепманг. Дарахтлар қаторининг бир тарафи қуригандан сўнг иккинчи тарафига пуркаманг! (мой миқдори кўпайиб кетади).
@agromir_yaypan

​​Симқуртлар ва уларга қарши кураш чоралари

Ушбу зараркунанда қирсилдоқ қўнғиз личинкаси ҳисобланади. Республикамиз шароитида 4-5 йилда бир авлод бериб ривожланади.
Симқуртлар кўпроқ зич физикавий хусусиятга эга оғир тупроқларда учрайди ва улар турли хил органик қолдиқлар билан картошка ва бошқа кўп сабзавотлар илдизларини айниқса кўчатлик даврида, кейинчалик поясини ост томонидан кемириб, қириб зарарлайди, ўсимликларнинг поялари сарғаяди, ўсишдан тўхтайди ва қуриб қолади ҳамда ҳосилдорлик кескин камаяди. Бу зараркунандалар иссиқхоналарда ҳам кўп учрайди. Бодринг, помидор, қулупнай, ширин ва аччиқ қалампир сингари сабзавотларга зиён етказади.

Кураш чоралари:
Дорихонамиз томонидан симқуртларга қарши юқори сифатли, таъсир этувчиси таркибида Сиперметрин,Делтаметрин,Хлорприфос бор химикатлар тавсия қилинган. Самараси кафолатланган.

@agromir_yaypan

​​​​Пиез йетиштириш.
📌Экиш учун тавсия этиладиган навлар: маҳаллий шароитда яратилган эртапишар Сумбула, Оқ дур, ўртапишар Банко,спаниш.

📌Уруғ танлаш. Экиладиган уруғи тоза, юқори унувчан,
касалликлардан ҳоли, бутун, вазндор бўлиши зарур. Уруғлар бошқа
ўсимликлар уруғлари ва аралашмаларидан тозаланади.
📌Ер тайёрлаш. Уруғ сепиладиган майдонлар ўтмишдош экин
қолдиқлари ва бегона ўтлардан сифатли қилиб тозаланади. Тупроқ
20–25 см чуқурликда юмшатилади, йирик кесаклар майдалангач,
яхшилаб текисланади ва суғориш эгатлари олинади.
📌Экиш муддати. Пиёз уч муддатда – эрта баҳорги, ёзги-кузги ва
тўқсонбости қилиб экилади. Баҳорги муддатда пиёз уруғи жанубий
вилоятларда 5–25 январь, марказий минтақада жойлашган
вилоятларда 20 февраль–10 март, шимолий минтақаларда 5–25 март,
тўқсонбости муддатда марказий минтақада жойлашган вилоятларда
15 ноябрь–15 декабрь ва шимолий минтақаларда 1 ноябрь–1
декабрда, ёзги-кузги муддатда шимолий минтақаларда 15 август–1
сентябрь, бошқа вилоятларда 15 август–10 сентябрда экилади. Пиёз
уруғи 10 сотих майдонга баҳорги муддатда 1,2–1,5 кг, ёзги-кузги ва
тўқсонбости муддатда 2 кг. гача сарфланади. Ернинг нишабига қараб
қатор ораларини 70–90 см. дан олиб тўрт қаторли усулда экилади.
Уруғлар ерга 1,5–2 см чуқурликка кўмилади. Уруғлар сепилгандан
кейин хаскаш билан тупроққа аралаштирилади.

📌Парваришлаш. Пиёзни баҳорда экиш учун жўяклар кузда олиб
қўйилади. Ёзги-кузги ва тўқсонбости муддатларда пиёз ўртаги, ёзги
сабзавот, картошка ҳамда ғалладан кейин экилади. Пиёз икки-уч
марта - дастлаб ўсимликларнинг бўйи 6–8 см. га етганда, иккинчи
марта боғлаб чиқариладиган товар ҳолига келганда ўтоқ ва ягана
қилинади. Қатор оралари 15–16 см чуқурликда юмшатилиб бегонаўтлар йўқотилади.

📌Ўғитлаш. Пиёз патак илдизли сабзавот бўлиб, илдиз тизими асосан
тупроқнинг устки қисмига яқин жойлашган. Шунинг учун у ернинг
устки қисмида асосий озиқа элементларни кўп бўлишини талаб
қилади. Бўз тупроқларда ҳар 10 сотихга ўртача 30 кг азот, 22 кг
фосфор ва 9 кг калий бериш керак. Ўтлоқи, ўтлоқи-ботқоқ
тупроқларда эса 25 кг азот, 20 кг фосфор ва 8 кг калий беришни
тақозо этади. Шўрланган, тупроқ бонитети паст бўлган ўтлоқи
тақир, тақир тупроқларда пиёз етиштирилганда 32 кг азот, 22 кг
фосфор ва 10 кг калий бериш керак.
📌Суғориш. Ниҳоллар униб чиқаётган ва пиёз боши шаклланаётган
даврда экиннинг сувга талаби айниқса ошади. Фақат вегетация
даврининг охирида ва пиёз бошлари етилган пайтдагина
ўсимликнинг сувга бўлган талаби бир оз камаяди. Сизот суви чуқур
жойлашган бўз тупроқли ерларда кўкламнинг охири ёзнинг
бошларида пиёз ҳар 7–10 кунда суғорилади. Пиёзбошининг ўсиши
тўхтагандан кейин экин 12–14 кун оралатиб икки марта суғорилади
ва йиғиб-териб олишга бир ой қолганда суғориш тўхтатилади. Сизот
суви яқин бўлган жойларда пиёзни вегетация даврида 7–9 марта
суғориш керак.
📌Ҳосилни йиғиштириш. Пиёз поялари ётиб қолганда пиёз бошлари
етилган деб ҳисобланади. Пиёз бошлари ковлаб ёки пояси билан
бирга суғуриб олинади.
@agromir_yaypan